”ءتورت جاق سەلبەستىگى“ قىزمەتىن ىلگەرىلەتۋ ءماجىلىسى ۇرىمجىدە اشىلدى
دامۋعا جاڭالىق اشۋ ارقىلى دەم بەرۋگە تاباندى بولىپ، عىلىم - تەحنيكادا جاڭالىق اشۋ سەلبەستىگىن تەرەڭدەتىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا جەتەكشىلىك ەتۋدە اناعۇرلىم زور قادام تاستاۋ كەرەك
ما شيڭرۇي، ۋاڭ جىگاڭ، حوۋ جيانگو، چين ۋيجۇڭ ءسوز سويلەدى
ەركىن تۇنياز، لي يفي، جاڭ چۇنلين، حى جۇڭيوۋ قاتىناستى
شينجياڭ ۇيعۇر اۆتونوميالى رايونى، عىلىم - تەحنيكا مينيسترلىگى، جۇڭگو عىلىم اكادەمياسى، شىنجىن قالاسىنىڭ ”ءتورت جاق سەلبەستىگى“ قىزمەتىن ىلگەرىلەتۋ ءماجىلىسى 7 - ايدىڭ 22 - كۇنى ۇرىمجىدە اشىلدى.
□ انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 22 - كۇنى ۇرىمجىدەن حابارلايدى. شينجياڭ ۇيعۇر اۆتونوميالى رايونى، عىلىم - تەحنيكا مينيسترلىگى، جۇڭگو عىلىم اكادەمياسى، شىنجىن قالاسىنىڭ ”ءتورت جاق سەلبەستىگى“ قىزمەتىن ىلگەرىلەتۋ ءماجىلىسى 7 - ايدىڭ 22 - كۇنى ۇرىمجىدە اشىلدى، ءماجىلىس باس شۋجي شي جينپيڭنىڭ، پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى ارقاۋ ەتىپ، دامۋعا جاڭالىق اشۋ ارقىلى دەم بەرۋ ستراتەگياسىن، شينجياڭدى عىلىم - تەحنيكا ارقىلى گۇلدەندىرۋ ستراتەگياسىن جانە دارىندىلاردا قۋاتتى رايون ستراتەگياسىن ىشكەرىلەي اتقارىپ، جاڭا كەزەكتى ”ءتورت جاق سەلبەستىگىن“ بىرگە اقىلداسىپ جوسپارلاپ، شينجياڭنىڭ عىلىم - تەحنيكادا جاڭالىق اشۋىن قول ۇستاسا ىلگەرىلەتىپ، ولقىلىقتاردى، ءالسىز تۇستاردى جەدەل تولىقتاپ، عىلىم - تەحنيكانىڭ تىرەكتىك قۋاتىن جوعارىلاتىپ، ەكونوميكانىڭ، قوعامنىڭ جوعارى ساپالى دامۋىنا جەتەكشىلىك ەتۋدە اناعۇرلىم زور قادام تاستاپ، جاڭا دامۋ ارناسىنا قىزمەت وتەۋ جانە ونىمەن توعىسۋ بارىسىندا اناعۇرلىم زور ىسكەرلىك كورسەتۋدى العا قويدى.
اۆتونوميالى رايوندىق پارتكومنىڭ شۋجيى ما شيڭرۇي، عىلىم - تەحنيكا مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ جىگاڭ، جۇڭگو عىلىم اكادەمياسىنىڭ باستىعى، پارتيا باسشىلىق گرۋپپاسىنىڭ شۋجيى حوۋ جيانگو، شىنجىن قالالىق پارتكومنىڭ ورىنباسار شۋجيى، قالا باستىعى چين ۋيجۇڭ ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى. عىلىم - تەحنيكا مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر ۋ چاۋحۇي ءماجىلىستى باسقاردى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان عىلىم - تەحنيكا مينيسترلىگىنىڭ، جۇڭگو عىلىم اكادەمياسىنىڭ، شىنجىن قالاسىنىڭ ۇزاق ۋاقىتتان بەرى شينجياڭنىڭ عىلىم - تەحنيكا ىستەرىنىڭ دامۋىنا كوڭىل ءبولىپ، قولداۋ كورسەتىپ كەلگەندىگىنە العىس ايتتى. ول بىلاي دەدى: ”ءتورت جاق سەلبەستىگى“ ورىستەتىلگەننەن بەرى ءبىز قىزمەت مەحانيزمىن ۇزدىكسىز كەمەلدەندىرىپ، ناقتى سەلبەستىكتى تەرەڭدەتىپ، ساپالى بايلىق توپتاپ، شينجياڭدا ”ەكى رايوندى“ بىرگە ورنالاستىراتىن، بىرگە ىلگەرىلەتەتىن جاڭالىق اشا دامۋ ارناسىن قالىپتاستىرۋدى كۇش بىرىكتىرە ىلگەرىلەتتىك. باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، عىلىم - تەحنيكادا ەسىك اشا سەلبەسە دامۋدى جەدەلدەتىپ، جوعارى ساپامەن ”ءتورت جاق سەلبەستىگىن“ ۇزدىكسىز ىلگەرىلەتۋ كەرەك. شينجياڭعا باعىتتامالى كومەكتەسۋ سياقتى مەملەكەتتىڭ ەرەكشە قولداۋ ساياساتىنان ويداعىداي پايدالانىپ، جاڭالىق اشۋ بايلىعىنىڭ جوعارى ونىمدىلىكپەن شوعىرلانۋىن، ءوڭىر اتتاپ بىرلەسىپ قيمىلداۋىن جەبەپ، عىلىم - تەحنيكادا جاڭالىق اشۋ نەگىزىن بەكەمدەپ، جاڭالىق اشۋدىڭ، جاسامپازدىقتىڭ ومىرشەڭدىك كۇشىن قاۋلاتۋ كەرەك. ”8 ءىرى كاسىپ سالاسى شوعىرى“ قۇرىلىسىن كوزدەپ، نازاردى دامۋدىڭ كوكەي تەستى قاجەتى مەن جاڭالىق اشۋدا شۇعىل تابىسقا جەتۋدى قاجەت ەتەتىن ءتۇيىندى سالالارعا شوعىرلاندىرىپ، شەشۋشى، وزەكتى تەحنيكالاردان بىرلەسىپ قامال الىپ، عىلىم - تەحنيكا جەتىستىكتەرىن كادەگە جاراتۋ، قولدانۋ جانە كاسىپ سالالاندىرۋ دەڭگەيىن جوعارىلاتۋ كەرەك. ”ءبىر بەلدەۋ، ءبىر جول“ قۇرىلىسىمەن ىشكەرىلەي توعىسىپ، توڭىرەكتەگى ەلدەرمەن عىلىم - تەحنيكالىق سەلبەستىكتى تەرەڭدەتىپ، ورتا ازياداعى 5 ەلدى بەتكە العان جىبەك جولى ەكونوميكالىق بەلدەۋى وڭىرلىك عىلىم - تەحنيكادا جاڭالىق اشۋ ورتالىعىن قۇرۋ كەرەك. شينجياڭ عىلىم - تەحنيكادا جاڭالىق اشۋدى كورنەكتى ورىنعا قويۋعا تاباندى بولىپ، تۇعىر مەحانيزمىنەن شىن مانىندە ويداعىداي پايدالانىپ، نەگىزدىك زەرتتەۋگە ۇسىنىلىمدى ارتتىرىپ، كاسىپورىنداردىڭ جاڭالىق اشۋ قۋاتىن جوعارىلاتىپ، عىلىم - تەحنيكا دارىندىلارىن ەنگىزۋدى، باۋلۋدى كۇشەيتىپ، ”ءتورت جاق سەلبەستىگىنىڭ“ ۇزدىكسىز تەرەڭدەۋىن، ناقتىلانۋىن ىلگەرىلەتىپ، جوعارى ساپالى دامۋعا اناعۇرلىم پارمەندى عىلىم - تەحنيكالىق تىرەك ازىرلەيدى.
ۋاڭ جىگاڭ بىلاي دەپ اتاپ كورسەتتى: شينجياڭ ۇيعۇر اۆتونوميالى رايوندىق پارتكوم مەن ۇكىمەت عىلىم - تەحنيكادا جاڭالىق اشۋ قىزمەتىنە ايرىقشا ءمان بەرىپ، عىلىم - تەحنيكادا جاڭالىق اشۋدى ىلگەرىلەتۋدە تىڭ ناتيجەگە قول جەتكىزدى. سوڭعى جىلدارى ”ءتورت جاق سەلبەستىگى“ مەحانيزمى ۇزدىكسىز كەمەلدەنىپ، عىلىم - تەحنيكا سەلبەستىگىن سايكەسە ىلگەرىلەتۋ نەگىزدىك زەرتتەۋ، تەحنيكالىق زەرتتەۋ - اشۋ، ۇلگى كورسەتۋ، قولدانۋ تۇتاس تىزبەگىن، نىسانداردان قامال الۋ، تۇعىردى بىرلەسىپ قۇرۋ، بايلىقتان بىرگە يگىلىكتەنۋ، دارىندىلار اۋىس - كۇيىسى ءار جاعىن، ۇكىمەت، ءوندىرىس، وقىتۋ، زەرتتەۋ، قارجى، قىزمەت وتەۋ، قولدانۋ ءار سالاسىن قامتىپ، شينجياڭنىڭ جوعارى ساپالى دامۋىنا پارمەندى تىرەك بولدى. باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىنىڭ جانە شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، عىلىم - تەحنيكالىق سۇرانىس پەن جوعارى ساپالى قامداۋدىڭ ءونىمدى ۇشتاسۋىن جەبەپ، باسىمدىققا يە جاڭالىق اشۋ بايلىعىنىڭ شينجياڭعا شوعىرلانۋىن، جاڭالىق اشۋ فاكتورلارىنىڭ ءتارتىپتى اينالىمعا ءتۇسۋىن، جوعارى ءونىمدى سەپتەلۋىن ىلگەرىلەتۋ كەرەك. شينجياڭنىڭ ستراتەگيالىق كەن بايلىعى، جاڭا ەنەرگيا، جاڭا ماتەريال سياقتى سالالارىن ارقاۋ ەتىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ تەرەڭدەي توعىسۋىن جەبەپ، شەشۋشى، وزەكتى تەحنيكالاردان قامال الۋدى جەدەلدەتىپ، عىلىم - تەحنيكا جەتىستىكتەرىن كادەگە جاراتۋدى جانە كاسىپ سالالاندىرۋدى جوعارى دەڭگەيدە ورىستەتىپ، شينجياڭنىڭ ەرەكشە كاسىپ سالاسىنىڭ دامۋىنا جانە حالىق تۇرمىسىنىڭ جاقسارۋىنا دەم بەرۋ كەرەك. سايكەستىرۋ، بايلانىس جاساۋ قىزمەت مەحانيزمىن ۇزدىكسىز كەمەلدەندىرىپ، قىزمەت بىرىككەن كۇشىن ۇيىستىرىپ، ”ءتورت جاق سەلبەستىگىنىڭ“ تىڭ بەلەسكە كوتەرىلۋىن ىلگەرىلەتىپ، عىلىم - تەحنيكادا جاڭالىق اشۋدىڭ تىرەكتىك، جەتەكشىلىك رولىن اناعۇرلىم ويداعىداي ساۋلەلەندىرىپ، كورىكتى شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.
حوۋ جيانگو مىنالاردى ءبىلدىردى: سوڭعى جىلدارى اكادەميا مەن رايون ەكى جاق بىرگە سەلبەسىپ، كەلەلى عىلىم - تەحنيكا مىندەتىن ۇستىنە الۋعا ۇيىمداستىرۋ، ءتول جاسامپازدىقتى جانە شەشۋشى، وزەكتى تەحنيكالاردان قامال الۋدى ورىستەتۋ، جاڭالىق اشۋ دارىندىلار قوسىنى قۇرىلىسىن كۇشەيتۋ، عىلىم - تەحنيكا جەتىستىكتەرىنىڭ ويىسۋىن، كادەگە جاراۋىن جەدەلدەتۋ، ەكونوميكالىق، قوعامدىق دامۋ مەن باياندى تىنىشتىقتى جەبەۋ سياقتى جاقتاردا تاماشا ىلگەرىلەۋشىلىككە جانە جەتىستىكتەرگە قول جەتكىزدى. ”ءتورت جاق سەلبەستىگى“ قىزمەت مەحانيزمى − باس شۋجي شي جينپيڭنىڭ شينجياڭ قىزمەتى جونىندەگى جەلىلەس ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋدەگى، تياناقتاندىرۋداعى ماڭىزدى شارا، ءار جاقتىڭ ءوز باسىمدىقتارىن تولىق ساۋلەلەندىرىپ، ءبىر باعىتتا ىلگەرىلەپ، سايكەسە جاڭالىق اشىپ، اناعۇرلىم كوپ جاڭالىق اشۋ بايلىعىن شينجياڭعا شوعىرلانۋعا جەتەكتەپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم پارمەندى عىلىم - تەحنيكالىق تىرەك ازىرلەۋىن ءۇمىت ەتەمىن. جۇڭگو عىلىم اكادەمياسى جۇيەلىلەنۋ، قۇرىلىمدانۋ باسىمدىعىن جانە شينجياڭداعى قۇرىلىمدارىنىڭ عىلىم - تەحنيكا، دارىندى باسىمدىعىن تولىق ساۋلەلەندىرىپ، شينجياڭنىڭ ەكونوميكالىق، قوعامدىق دامۋ قاجەتىن كوزدەپ، جوعارى دەڭگەيلى عىلىم - تەحنيكادا جاڭالىق اشۋ تۇعىرىن ورناتۋعا قولداۋ كورسەتىپ، شەشۋشى، وزەكتى تەحنيكالاردان قامال الۋدى كۇش سالا ىلگەرىلەتىپ، عىلىم - تەحنيكا جەتىستىكتەرىن كادەگە جاراتۋدان جانە ينجەنەريالاندىرۋدان ۇلگى كورسەتۋدى ىلگەرىلەتىپ، عىلىم - تەحنيكا دارىندىلارىن جانە اقىل - پاراساتتىق قولداۋ ازىرلەپ، شينجياڭنىڭ عىلىم - تەحنيكادا جاڭالىق اشۋ ىستەرىنە جانە ەكونوميكالىق، قوعامدىق دامۋىنا بەلسەنە تىڭ قوزعاۋشى قۋات ۇستەپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جەدەل جۇزەگە اسىرۋىنا تىڭ ۇلەس قوسادى.
چين ۋيجۇڭ بىلاي دەدى: شىنجىن باس شۋجي شي جينپيڭنىڭ شينجياڭ قىزمەتى جانە باعىتتامالى كومەكتەسۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”ءتورت جاق سەلبەستىگىنىڭ“ ءتۇرلى مىندەتتەرىن كۇش سالا تياناقتاندىرىپ، شىنجىننىڭ عىلىم - تەحنيكادا جاڭالىق اشۋ جانە جوعارى، جاڭا تەحنيكالىق كاسىپ سالاسى باسىمدىعىن ساۋلەلەندىرىپ، ءوڭىر اتتاعان عىلىم - تەحنيكانى، كاسىپ سالاسىن سايكەستىرۋدى كۇشەيتىپ، جاڭالىق اشۋ تۇعىرلارىنىڭ ءتۇيىلىسۋىن كۇشەيتىپ، شەشۋشى، وزەكتى تەحنيكالاردان قامال الۋدى، عىلىم - تەحنيكا جەتىستىكتەرىنەن ۇلگى كورسەتۋدى، ونى جالپىلاستىرۋدى جانە كاسىپ سالالاندىرا قولدانۋدى قول ۇستاسا ورىستەتىپ، شىنجىننىڭ ”8 + 20“ ستراتەگيالىق جاڭادان گۇلدەنگەن كاسىپ سالاسى شوعىرى مەن بولاشاق كاسىپ سالاسىنىڭ شينجياڭنىڭ ”8 ءىرى كاسىپ سالاسى شوعىرىمەن“ سەلبەستىگىن، ىقپالداستىعىن، باسىمدىق جاعىنان ءبىرىن - ءبىرى تولىقتاۋىن ىلگەرىلەتىپ، قايتا تۋىندايتىن ەنەرگيا، جارىق ەنەرگياسىن ساقتاۋدى، تولىقتاۋدى ءبىر تۇلعالاندىرۋ، سيفرلى ەنەرگيا سياقتى سالالارداعى تەرەڭ سەلبەستىكتى ۇزدىكسىز كۇشەيتىپ، باقشا رايونىن سەلبەسىپ بىرگە قۇرۋدى جانە دارىندىلاردىڭ اۋىس - كۇيىسىن، بارىس - كەلىسىن تىڭعىلىقتى ىلگەرىلەتىپ، جىبەك جولى ەكونوميكالىق بەلدەۋى دامۋعا جاڭالىق اشۋ ارقىلى دەم بەرۋ سىناق رايونىن، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن اناعۇرلىم ويداعىداي قولداپ جانە وعان قىزمەت كورسەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە قۇلشىنىپ، جۇڭگو ۇلگىسىندەگى وسىزامانداندىرۋ قۇرىلىسىن قول ۇستاسا ىلگەرىلەتۋگە اناعۇرلىم زور ۇلەس قوسادى.
ماجىلىستە ەركىن تۇنياز، شۋە بين جەكە - جەكە اۆتونوميالى رايوننىڭ، بيڭتۋاننىڭ ”ءتورت جاق سەلبەستىگىن“ تەرەڭدەتۋ جەتىستىكتەرىن تانىستىردى ءارى عىلىم - تەحنيكادا جاڭالىق اشۋ سەلبەستىگىن اناعۇرلىم كۇشەيتىپ، شينجياڭنىڭ جوعارى ساپالى دامۋىنا اناعۇرلىم ويداعىداي تىرەك بولۋ، جەتەكشىلىك ەتۋ جونىندە ۇسىنىس قويدى.
ماجىلىستەن بۇرىن اۆتونوميالى رايوندىق حالىق ۇكىمەتى مەن جۇڭگو عىلىم اكادەمياسى ستراتەگيالىق سەلبەستىك كەلىسىمىنە قول قويدى.
جۇڭگو عىلىم اكادەمياسىنىڭ ورىنباسار باستىعى ۋاڭ كىچياڭ، اۆتونوميالى رايوننىڭ جانە بيڭتۋاننىڭ باسشىلارىنان چىن ۋيجۇن، قايسار ابدىكەرىم، حا زىڭيوۋ؛ عىلىم - تەحنيكا مينيسترلىگىنىڭ، جۇڭگو عىلىم اكادەمياسىنىڭ، شىنجىن قالاسىنىڭ قاتىستى تاراۋلارىنداعى جاۋاپتى جولداستار جانە قاتىستى كاسىپورىنداردىڭ جاۋاپتىلارى، اۆتونوميالى رايوننىڭ قاتىستى تاراۋلارىنداعى، ايماق، وبلىس، قالالارىنداعى جانە بيڭتۋاننىڭ قاتىستى شى، قالالارىنداعى جاۋاپتى جولداستار، سونداي - اق ءتۇيىندى كاسىپورىنداردىڭ ۋاكىلدەرى قاتارلىلار ماجىلىسكە قاتىناستى.
