− باس شۋجي شي جينپيڭنىڭ مەملەكەتتىك ەكولوگيالىق ورتانى قورعاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
”كورىكتى جۇڭگو قۇرۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى نىساناسى“. مەملەكەتتىك ەكولوگيالىق ورتانى قورعاۋ جينالىسىندا باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايى بيىگىنەن كورىكتى جۇڭگو قۇرىلىسىن جاپپاي ىلگەرىلەتۋدىڭ ستراتەگيالىق مىندەتى مەن كەلەلى شاراسىن جۇيەلى ورنالاستىرىپ: ”كورىكتى جۇڭگو قۇرۋدى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ كورنەكتى ورنىنا قويۋدى“ باسا دارىپتەپ، ”جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتۋدى“ تالاپ ەتتى.
تاماشا ەكولوگيالىق ورتا − ەڭ ءادىل الەۋمەتتىك ءونىم، حالىق تۇرمىسىنا ەڭ ءتيىمدى قۇت - ىرىس. جاڭا داۋىردەن بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ ەكولوگيالىق وركەنيەت يدەياسىنىڭ عىلمي جەتەكشىلىگىندە، ەكولوگيالىق وركەنيەت قۇرىلىسىندا نازاريادان امالياتقا دەيىن تۇگەلدەي تاريحي سيپاتتى، بۇرىلىس سيپاتتى، جالپى جاعدايلىق سيپاتتى وزگەرىس تۋىلدى، ۇلان - بايتاق وزەن - تاۋلار ءتىپتى دە تۇلەجىپ قۇلپىردى. سونىمەن بىرگە مىنانى دا سەرگەكتىكپەن كورە ءبىلۋىمىز كەرەك: ەلىمىزدىڭ ەكولوگيالىق ورتانى قورعاۋداعى قۇرىلىمدىق سيپاتتى، قاينار سيپاتتى، بەتالىستىق سيپاتتى قىسىم ءالى تۇبەگەيلى باسەڭدەگەن جوق، ەكولوگيالىق ورتانىڭ ورنىقتىلىق بارىسىندا جاقسارۋ نەگىزى ءالى دە بەكەم ەمەس، ەكولوگيالىق ورتانىڭ ساپاسىن حالىق جۇرتشىلىعىنىڭ تاماشا تۇرمىس تىلەگىمەن سالىستىرعاندا، كورىكتى جۇڭگو قۇرۋ نىساناسىمەن سالىستىرعاندا، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ، جاپپاي سوتسياليستىك وسىزاماندانعان مەملەكەت قۇرۋ تالاپتارىمەن سالىستىرعاندا ءالى دە ءبىرشاما زور الشاقتىق بار، ەكولوگيالىق وركەنيەت قۇرىلىسى ءالى دە قىسىم قاباتتاسقان، اۋىر مىندەت ارقالاپ العا باسقان شەشۋشى كەزەڭدە تۇر. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا، ءسوز جوق، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، حالىقتى وزەك ەتۋگە تاباندى بولىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، ستراتەگيالىق تاباندىلىقتى ساقتاپ، تاريحي ىرىقتىلىقتى كۇشەيتىپ، كورىكتى جۇڭگو قۇرىلىسىن جاپپاي ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتۋ كەرەك، وسىلاي بولعاندا عانا جۇڭحۋانىڭ بايتاق دالاسىنىڭ اسپانى قاشاندا اشىق، تاۋى قاشاندا جاسىل، سۋى قاشاندا تۇنىق بولۋىنا مۇمكىندىك جاساي الامىز.
الداعى 5 جىل − كورىكتى جۇڭگو قۇرىلىسىنىڭ ماڭىزدى مەزگىلى. ءسوز جوق، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ”مەملەكەتتىڭ زور ءىسىن“ ەستە بەرىك ساقتاپ، ەكولوگيالىق ورتانى قورعاۋ قىزمەتىن ويداعىداي ىستەۋدىڭ قۋاتتى قوزعاۋشى كۇشىن اناعۇرلىم قاۋلاتىپ، نازاردى ماسەلەگە شوعىرلاندىرىپ، قيىندىقتان تايسالماي، ”ءاردايىم قام جەپ تۇراتىن“ جاۋاپكەرشىلىك سەزىممەن، بەلسەنە جاۋاپكەرشىلىك ارقالاپ، ىسكەرلىك كورسەتەتىن جىگەرمەن ەكولوگيالىق وركەنيەت قۇرىلىسىن تىڭعىلىقتى ىلگەرىلەتىپ، كورىكتى جۇڭگونى جەدەل قۇرۋ كەرەك. ءسوز جوق، مىنانى تەرەڭ تانىپ جەتۋىمىز كەرەك: لاستانۋدان ساقتانۋ جانە ونى وڭاۋدان قامال الۋ شايقاسىن ءۇرتىس ىشكەرىلەي ويداعىداي جۇرگىزىپ، دامۋ ءتاسىلىن جاسىل، تومەن كومىر قىشقىل گازدى تيپكە قاراي ويىستىرۋدى جەدەل ىلگەرىلەتىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن كۇش سالا جوعارىلاتىپ، كومىر قىشقىل گازىن شىعارۋدى ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتىپ، كورىكتى جۇڭگو قۇرىلىسىنىڭ حاۋىپسىزدىك تومەنگى شەگىن بەرىك ساقتاپ، كورىكتى جۇڭگو قۇرىلىسىن قامتاماسىز ەتۋ جۇيەسىن اقاۋسىزداندىرىپ، قالا مەن اۋىلدىڭ قونىس ورتاسىنىڭ كورنەكتى جاقسارۋىن، كورىكتى جۇڭگو قۇرىلىسىنىڭ كورنەكتى ونىمدىلىككە قول جەتكىزۋىن ىلگەرىلەتكەندە عانا، جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولۋعا بولادى.
كورىكتى جۇڭگو قۇرىلىسىن جاپپاي ىلگەرىلەتۋدە پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرۋ، تياناقتاندىرۋ كەرەك. لاستانۋدان ساقتانۋ جانە ونى وڭاۋدان قامال الۋ شايقاسىن ۇزدىكسىز ىشكەرىلەي ويداعىداي جۇرگىزۋدە لاستانۋدى دالمە - ءدال وڭاۋعا، لاستانۋدى عىلمي وڭاۋعا، لاستانۋدى زاڭ بويىنشا وڭاۋعا تاباندى بولىپ، تەبىندى ساقتاپ، تەرەڭدىكتى ارتتىرىپ، ءورىستى كەڭەيتىپ، اشىق اسپان، تۇنىق سۋ، تازا توپىراق سىندى ءۇش ۇلكەن قورعاۋ شايقاسىن ىشكەرىلەي ىلگەرىلەتىپ، ەكولوگيالىق ورتا ساپاسىن ۇزدىكسىز جاقسارتۋ كەرەك. دامۋ ءتاسىلىن جاسىل، تومەن كومىر قىشقىل گازدى تيپكە قاراي ويىستىرۋدى جەدەل ىلگەرىلەتىپ، جاسىل، تومەن كومىر قىشقىل گازدى دامۋدى ەكولوگيالىق ورتا ماسەلەسىن شەشۋدىڭ تۇبىرىنەن وڭاۋ شاراسى ەتۋگە تاباندى بولىپ، جاسىل ءوندىرىس ءتاسىلى مەن تۇرمىس ءتاسىلىن جەدەل قالىپتاستىرىپ، جوعارى ساپالى دامۋدىڭ جاسىل ءتۇستى نەگىزىن بەكەمدەۋ كەرەك. ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن كۇش سالا جوعارىلاتۋدا ەكولوگيالىق جۇيەنى قورعاۋ تەبىنىن ارتتىرىپ، ەكولوگيانى قورعاۋدى، قالپىنا كەلتىرۋدى باقىلاۋ - باسقارۋدى شىنايى كۇشەيتىپ، تۇنىق سۋ، جاسىل تاۋدىڭ باعالى بايلىققا اينالۋ جولىن كەڭەيتىپ، ۇرپاقتارعا تاۋى جاسىل، سۋى تۇنىق ەكولوگيالىق كەڭىستىك قالدىرۋ كەرەك. كومىر قىشقىل گازىن شىعارۋدى ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتۋدە بۇكىل ەل بويىنشا ءبىر تۇتاس جوسپارلاۋ، ۇنەمشىلدىكتى الدىمەن ويلاستىرۋ، قوس دوڭگەلەكتى قوزعاۋشى كۇش ەتۋ، ءىش پەن سىرتتى ىركىلىسسىزدەندىرۋ، حاۋىپ - قاتەردەن ساقتانۋ سىندى پرينسيپكە تاباندى بولىپ، كومىر قىشقىل گازىن شىعارۋدى ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ جانە ”N+1“ ساياسات جۇيەسىن ويداعىداي تياناقتاندىرىپ، تازا، تومەن كومىر قىشقىل گازدى، حاۋىپسىز، جوعارى ءونىمدى ەنەرگيا جۇيەسىن ورناتىپ، جاڭاشا ەلەكتر قۋاتى جۇيەسىن جەدەل قالىپتاستىرىپ، مەملەكەتتىڭ مۇناي - تابيعي گاز حاۋىپسىزدىگىن قامتاماسىز ەتۋ قۋاتىن جوعارىلاتۋ كەرەك. كورىكتى جۇڭگو قۇرىلىسىنىڭ حاۋىپسىزدىك تومەنگى شەگىن بەرىك ساقتاۋدا جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، ءتۇرلى حاۋىپ - قاتەرلەر مەن سايىستارعا بەلسەنە، ءونىمدى توتەپ بەرىپ، ەكولوگيا حاۋىپسىزدىگى، يادرو جانە رادياتسيا حاۋىپسىزدىگى سياقتىلاردى شىنايى قورعاپ، ءبىز ءومىر سۇرۋدە، دامۋدا يەك سۇيەيتىن جاراتىلىستىق ورتا مەن شارت - جاعدايدىڭ حاۋىپ - قاتەرگە ۇشىراماۋىن جانە ويراندالماۋىن قامتاماسىز ەتۋ كەرەك. كورىكتى جۇڭگو قۇرىلىسىن قامتاماسىز ەتۋ جۇيەسىن اقاۋسىزداندىرۋدا ءار سالاداعى بايلىقتى ءبىر تۇتاس جوسپارلاپ، ءار جاقتىڭ كۇشىن ۇيىستىرىپ، زاڭمەن باسقارۋ قامتاماسىزدىعىن كۇشەيتىپ، ەكونوميكانى جاسىل، تومەن كومىر قىشقىل گازدى دامىتۋ ساياساتىن كەمەلدەندىرىپ، ءونىمدى بازار مەن ىسكەر ۇكىمەتتى اناعۇرلىم ويداعىداي ۇشتاستىرۋدى ىلگەرىلەتىپ، عىلىم - تەحنيكالىق تىرەكتى كۇشەيتىپ، زاڭمەن باسقارۋ، بازار، عىلىم - تەحنيكا، ساياسات ”كەشەندى شاراسىن“ ويداعىداي جۇرگىزىپ، كورىكتى جۇڭگو قۇرىلىسىنا نەگىزدىك تىرەك جانە پارمەندى قامتاماسىزدىق ازىرلەۋ كەرەك.
ورتا − حالىق تۇرمىسى، جاسىل تاۋ − كوركەمدىك، اشىق اسپان − باقىت. شىنايى يگەرگەندە عانا قامال الىپ، قيىندىقتى جەڭۋگە بولادى، تىڭعىلىقتى ىستەگەندە عانا ارمان شىندىققا اينالادى. جاڭا جورىقتا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، كورىكتى جۇڭگو قۇرىلىسىن جاپپاي ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتىپ، تاباندىلىق كورسەتىپ، بوساڭسىماي، قايراتتانا ءىس تىندىرىپ، پارتيا ورتالىق كوميتەتىنىڭ شەشىمدەرىنىڭ ناقتى تياناقتانۋىنا، ناقتى ونىمدىلىك كورسەتۋىنە شىنايى كەپىلدىك ەتسەك، ءبىز، ءسوز جوق، كورىكتى جۇڭگونىڭ اناعۇرلىم جاڭا كارتيناسىن كەسكىندەپ، اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق، ورتاسىنىڭ اناعۇرلىم كوركەم بولۋىنا مۇمكىندىك جاساي الامىز.
(شينحۋا اگەنتتىگىنىڭ 7 - ايدىڭ 21 - كۇنى بەيجيڭنەن بەرگەن حابارى)
