اۆتونوميالى رايوننىڭ جاڭا داۋىردەگى وقۋ - اعارتۋ باعالاۋىن رەفورمالاۋ قىزمەتىن ىلگەرىلەتۋ ءماجىلىسى اشىلدى
جۇيەلى وي جۇگىرتۋگە، كەشەندى شارا قولدانۋعا تاباندى بولىپ، رەفورمانى ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 7 - ايدىڭ 23 - كۇنى ۇرىمجىدەن حابارلايدى. 7 - ايدىڭ 21 - كۇنى اۆتونوميالى رايوننىڭ جاڭا داۋىردەگى وقۋ - اعارتۋ باعالاۋىن رەفورمالاۋ قىزمەتىن ىلگەرىلەتۋ ءماجىلىسى اشىلدى. ءماجىلىس باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋمەن ۇشتاستىرىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا رايونىمىزدىڭ وقۋ - اعارتۋ باعالاۋىن رەفورمالاۋ قىزمەتىنىڭ تياناقتانىپ، ونىمدىلىك كورسەتۋىن ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: وقۋ - اعارتۋ باعالاۋى وقۋ - اعارتۋدىڭ دامۋ بەتالىسىنا سايادى، وقۋ - اعارتۋ رەفورماسى وقۋ - اعارتۋ ىستەرىنىڭ دامۋىن ىلگەرىلەتۋدەگى ءتۇبىرلى قوزعاۋشى كۇش. بۇكىل رايونىمىزدىڭ جەر - جەرى، قاتىستى تاراۋلارى، مەكتەپتەر ساياسي دەڭگەيدى شىن مانىندە جوعارىلاتىپ، جاۋاپكەرشىلىك ارقالاۋدى كۇشەيتىپ، ماسەلەنى باعدار ەتۋگە، نىسانانى باعدار ەتۋگە تاباندى بولىپ، وقۋ - اعارتۋ باعالاۋى رەفورماسىن تەرەڭدەتۋدىڭ ءىس جۇزىندىك ونىمدىلىگى ارقىلى رايونىمىز وقۋ - اعارتۋىنىڭ جوعارى ساپالى دامۋىنا دەم بەرۋ كەرەك.
ءماجىلىس مىنالاردى باسا دارىپتەدى: جۇيەلى وي جۇگىرتۋگە، كەشەندى شارا قولدانۋعا تاباندى بولىپ، رايونىمىزدىڭ وقۋ - اعارتۋ باعالاۋىن رەفورمالاۋ قىزمەتىنىڭ ءتۇرلى مىندەتتەرىنىڭ ناقتى تياناقتانۋىن كۇش سالا ىلگەرىلەتۋ كەرەك. پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتىپ، جاۋاپكەرشىلىكتى عىلمي اتقارۋدى كورنەكتىلەندىرىپ، پارتكوم ءبىر تۇتاس باسشىلىق ەتەتىن، پارتيا مەن ۇكىمەت تەڭ يگەرىپ، بىرگە باسقاراتىن، تاراۋلار ءوز جاۋاپكەرشىلىگىن ارقالايتىن وقۋ - اعارتۋ باسشىلىق ءتۇزىلىسىن اناعۇرلىم اقاۋسىزداندىرۋ، كەمەلدەندىرۋ كەرەك. ءمورال ارقىلى تاربيەلەۋگە تاباندى بولىپ، ءار دارەجەلى، ءار ءتۇرلى مەكتەپتەردى باعالاۋ قىزمەتىن جاقسارتىپ، وقىتۋ جۇرگىزۋ، مەكتەپ باسقارۋ ورەسىن جوعارىلاتۋ كەرەك. نازاردى ادام تاربيەلەۋ بورىشىنا شوعىرلاندىرىپ، وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، وقۋ - وقىتۋ ناقتى ناتيجەسىن كورنەكتىلەندىرىپ، وقىتۋشىلاردى باعالاۋ قىزمەتىن كەمەلدەندىرۋ كەرەك. جان - جاقتىلى دامۋعا ءمان بەرىپ، ءمورال، اقىل - وي، دەنە، ەستەتيكا، ەڭبەك بارىسىن باعالاۋ ءادىسىن كەمەلدەندىرىپ، ورتا مەكتەپ ەمتيحانى رەفورماسى مەن ادەتتەگى جوعارى مەكتەپ ەمتيحانى جالپىلىق رەفورماسىن ورنىقتى ىلگەرىلەتىپ، جوعارى مەكتەپتەردىڭ تولىق كۋرس جانە اسپيرانتتىق وقۋ - اعارتۋ رەفورماسىن تەرەڭدەتىپ، وقۋشىلاردى باعالاۋ قىزمەتىن كەمەلدەندىرۋ كەرەك. ارناعا ءتۇسىرۋدى، جەتەكتەۋدى كۇشەيتىپ، ادام ىستەتۋدى باعالاۋ قىزمەتىن كەمەلدەندىرىپ، رايونىمىزداعى ۇكىمەت قىزمەتكەرلەرىن قابىلداۋ، كاسىپورىن، ءىسورىندار قىزمەتكەر قابىلداۋ سياقتىلاردىڭ ءمورال مەن قابىلەتتى باعدار، قىزمەت ورنىنىڭ قاجەتىن نىسانا ەتكەن دارىندىلاردى ىستەتۋ مەحانيزمىن ورناتۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: وقۋ - اعارتۋ باعالاۋىن رەفورمالاۋ جۇيەلى ينجەنەريا، ۇيىمدىق باسشىلىقتى كۇشەيتىپ، جاۋاپكەرشىلىكتى قاتايتىپ، ناقتىلاندىرىپ، قىزمەت شارالارىن اشالاپ، ۇگىت ارقىلى جەتەكشىلىك ەتۋدى كۇشەيتىپ، قىزمەت بىرىككەن كۇشىن قالىپتاستىرىپ، وقۋ - اعارتۋ باعالاۋى رەفورماسىن ىلگەرىلەتۋگە پارمەندى كەپىلدىك ازىرلەۋ كەرەك.
ماجىلىستە سانجى حۇيزۋ اۆتونوميالى وبلىسى، قارامايلى قالاسى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، شينجياڭ داشۋەسى، لوپ اۋداندىق ورتا دارەجەلى كاسىپتىك - تەحنيكالىق مەكتەپ سياقتى 5 ورىن پىكىر اۋىستىرىپ، ءسوز سويلەدى.
