ەركىن تۇنياز ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزدى ءارى ارىز - ارمان ايتا كەلگەن بۇقارانى جۇمىس باسىندا قابىلدادى
حالىقتى وزەك ەتۋگە تاباندى بولىپ، جوعارى ساپالى دامۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 7 - ايدىڭ 23 - كۇنى قۇلجادان حابارلايدى. 7 - ايدىڭ 22 - كۇنىنەن 23 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ىلە قازاق اۆتونوميالى وبلىسىنىڭ قۇلجا قالاسىنا، قورعاس اۋدانىنا، موڭعۇلكۇرە اۋدانىنا بارىپ، كەلەلى نەگىزدىك قۇرىلعىلار قۇرىلىسى، ساياحات كاسىبىنىڭ دامۋى، سىرتقا ەسىك اشۋ سياقتىلار جونىندە تەكسەرۋ - زەرتتەۋ جۇرگىزدى ءارى ارىز - ارمان ايتا كەلگەن بۇقارانى جۇمىس باسىندا قابىلدادى. ەركىن تۇنياز بىلاي دەپ باسا دارىپتەدى: نەگىزگى تاقىرىپتىق تاربيە ورىستەتۋدى وراي ەتىپ، ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋمەن“ ۇشتاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىنا تىعىز جاناستىرىپ جوعارى ساپالى دامۋدى ىلگەرىلەتۋدە جاڭا جەتىستىككە قول جەتكىزۋ كەرەك.
ىلە وبلىستىق ارىز - ارمان مەكەمەسىنىڭ حالىق بۇقاراسى ارىز - ارمان قىزمەت وتەۋ ورتالىعىندا ەركىن تۇنياز قۇلجا قالاسى يحى جيڭيۋان. يحى ياجۇي شاعىن اۋماعىنىڭ ءۇي يەلەرى ۋاكىلدەرىن قابىلداپ، كوپشىلىكتىڭ ءۇيدى ۋاعىندا تاپسىرىپ بەرۋ، ەلەكتر، سۋ، تابيعي گاز جەتكىزۋ سياقتى جاقتارداعى تالاپ - تىلەكتەرىن بەتپە - بەت تىڭداپ، قاتىستى جاۋاپتى ورىنداردىڭ، كاسىپورىنداردىڭ تەز ارادا ءۇيدى تاپسىرىپ بەرىپ ءارى سۋ، ەلەكتر، جول، تابيعي گاز، حابارلاسۋ سياقتى نەگىزدىك قۇرىلعىلاردى كەمەلدەندىرىپ، بۇقارانىڭ زاڭدى ۇقىق - مۇددەسىن شىنايى قورعاۋىن قۋزادى. ول بىلاي دەپ باسا دارىپتەدى: باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاۋاپكەرشىلىك ارقالاۋدى كۇشەيتىپ، ماسەلەنى باعدار ەتۋگە تاباندى بولىپ، ءتۇزىلىس - مەحانيزمدى كەمەلدەندىرىپ، جاڭا داۋىردەگى ”فىڭچياۋ تاجىريبەسىن“ امالياتتا ايگىلەپ، ”پۋجياڭ تاجىريبەسىن“ ۇيرەنىپ، جالپىلاستىرىپ، نەگىزگى تاقىرىپتىق تاربيە ورىستەتۋمەن بىرلەستىرىپ، ءبىر جاعىنان، ۇيرەنۋگە، ءبىر جاعىنان، سالىستىرۋعا، ءبىر جاعىنان، قاداعالاۋعا، ءبىر جاعىنان، رەتتەۋ - تۇزەتۋگە تاباندى بولىپ، ارىز - ارمان سىندى وسى ”الدىعا كەلگەن بۇقارالىق قىزمەتتى“ دەن قويا، سۇيىسپەنشىلىكپەن، كۇش سالا ويداعىداي جاقسى ىستەۋ كەرەك.
قۇلجا اۋەجايىن كوشىرىپ سالۋ نىسانىنا تاڭدالعان جاڭا ورىندا، ەركىن تۇنياز جەر تاڭداۋ جوباسىن، ينجەنەريا جوسپارىن ەگجەي - تەگجەيلى ۇعىسىپ، نىساندى ىلگەرىلەتۋ بارىسىندا ورىن تەۋىپ وتىرعان قيىنشىلىقتار مەن ماسەلەلەردى اقىلداسىپ شەشتى. ول بىلاي دەپ باسا دارىپتەدى: قۇلجا اۋەجايىن كوشىرىپ سالۋ قىزمەتى ”ءبىر بەلدەۋ، ءبىر جول“ باستاماسىن تياناقتاندىرۋدىڭ، حالىقارالىق تاسىمال ۇلكەن ارناسىن كەمەلدەندىرۋدىڭ ماڭىزدى شاراسى. ۋاقىت كۇتىپ تۇرمايدى دەيتىن كوكەي تەستىلىك سەزىممەن الدىڭعى مەرزىمدىك قىزمەتتەردى جەدەل ىلگەرىلەتىپ، جوبانى الدىمەن اتقارۋدى، سايكەستى قۇرىلعىلاردى ىلەسە ىلگەرىلەتۋدى، دەر كەزىندە ءبىتىرۋدى ۇشتاستىرۋعا تاباندى بولىپ، فاكتور قامتاماسىزدىعىن ويداعىداي ىستەپ، جاۋاپكەرشىلىكتى ساتى بويىنشا قاتايتىپ، اۋەجايدى كوشىرىپ سالۋ نىسانىنىڭ ۋاعىندا ىلگەرىلەتىلۋىنە شىنايى كەپىلدىك ەتۋ كەرەك.
G219 جەلىسىنىڭ موڭعۇلكۇرەدەن ونسۋعا دەيىنگى تاس جول نىسانىنىڭ باستالۋ تۇيىنىندە ەركىن تۇنياز بىلاي دەپ باسا دارىپتەدى: بۇل نىسان شينجياڭنىڭ باتىس بولىگىن وڭتۇستىك، سولتۇستىك شينجياڭمەن تۇتاستىراتىن ماڭىزدى وتكەل، ىشكە، سىرتقا ەسىك اشۋدى كەڭەيتۋدە، جەلى بويى ەكونوميكاسىنىڭ دامۋىن جەبەۋدە ماڭىزدى مانگە يە. نىساننىڭ اياق الىسىن جەدەلدەتىپ، باقىلاۋ - باسقارۋدى كۇشەيتىپ، ساپا قىزىل سىزىعى مەن ءوندىرىس حاۋىپسىزدىگى تومەنگى شەگىن بەكەمدەپ، ەكولوگيالىق قورشاعان ورتانى قورعاۋعا ءمان بەرىپ، نىسان قۇرىلىسىنىڭ ورنىقتى قاداممەن اتقارىلۋىن تىڭعىلىقتى ىلگەرىلەتۋ كەرەك. مۇزارت شەكارا وتكەلىندە شەكارا وتكەلىنىڭ ەسىك اشۋ قۇرىلىسىن جەدەل ىلگەرىلەتىپ، جوعارى دەڭگەيلى سىرتقا ەسىك اشۋدى ىلگەرىلەتۋدى باسا دارىپتەدى. ەركىن تۇنياز تاعى توكەي قۇمدىعى، ءۇيسىن تاۋى ساياحاتشىلارعا قىزمەت وتەۋ ورتالىعى سياقتى جەرلەرگە كەلىپ، شينجياڭدى ساياحات ارقىلى گۇلدەندىرۋ ستراتەگياسىن ىشكەرىلەي اتقارىپ، نەگىزدىك قۇرىلعىلار قۇرىلىسىن كۇشەيتىپ، ءتۇيىندى كورىنىس وڭىرلەرىنىڭ ساپاسىن جوعارىلاتىپ، دارەجەسىن ارتتىرۋدى ىلگەرىلەتىپ، اناعۇرلىم ساپالى قىزمەت وتەۋ ارقىلى ءتىپتى دە كوپ ساياحاتشىلاردى باۋراۋدى باسا دارىپتەدى.
تەكسەرۋ - زەرتتەۋ بارىسىندا ەركىن تۇنياز بىلاي دەپ باسا دارىپتەدى: ىلەنىڭ شينجياڭنىڭ دامۋ كەلەلى جاعدايىنداعى ورنىن جانە رولىن دالمە - ءدال تاۋىپ، جان - جاقتى ەسىك اشۋ ۇستانىمىنا تاباندى بولىپ، ەسىك اشۋ تۇعىرىنىڭ ساپاسىن جوعارىلاتىپ، ەسىك اشۋ ورتاسىن ساپالىلاندىرىپ، سىرتقا باعىتتالعان ەكونوميكانىڭ دامۋ دەڭگەيىن جەدەل جوعارىلاتۋ كەرەك. ءونىمدى قارجى قوسۋدى كۇش سالا كەڭەيتىپ، قاتىناس، ەنەرگيا سياقتى كەلەلى نەگىزدىك قۇرىلعىلار قۇرىلىسىن جەدەل ىلگەرىلەتىپ، جوعارى ساپالى دامۋعا پارمەندى تىرەك ازىرلەۋ كەرەك. كاسىپ سالاسى تىزبەگىنىڭ ءالسىز بۋىندارىن كۇش سالا تولىقتاپ، كۇشەيتىپ، ”8 ءىرى كاسىپ سالاسى شوعىرىن“ كۇشتى شوعىرلاندىرا وتىرىپ تۇلعالاپ، ساياحات كاسىبى، استىق، ماي، جاسىل، ورگانيكالى جەمىس - جيدەك، كوكونىس سياقتى ەرەكشە، باسىمدىققا يە كاسىپ سالالارىن ويداعىداي يگەرىپ، وسىزاماندانعان كاسىپ سالاسى جۇيەسىن بار كۇشپەن قۇرۋ كەرەك.
ليۋ سۋشى تەكسەرۋ - زەرتتەۋدە بىرگە بولدى.
