تۇڭعىش كەزەكتى ”سالەم، جىبەك جولى“ ينتەرنەتتەگى حالىقارالىق تاراتۋ اۋىس - كۇيىس جينالىسى قارامايلى قالاسىندا وتكىزىلدى
دۇنيە جۇزىنە شىنايى شينجياڭدى كورسەتتى
انار بۇلت \ شينجياڭ گازەتىنىڭ ءتىلشىسى جازيرا نەسىپبەك 7 - ايدىڭ 23 - كۇنى قارامايلىدان حابارلايدى. تۇڭعىش كەزەكتى ”سالەم، جىبەك جولى“ ينتەرنەتتەگى حالىقارالىق تاراتۋ اۋىس - كۇيىس جينالىسى 7 - ايدىڭ 23 - كۇنى قارامايلى قالاسىندا وتكىزىلدى. فۋدان داشۋەسى، جۇڭگو حالىق داشۋەسى، جۇڭگو مەديا داشۋەسى سياقتى كوپتەگەن جوعارى مەكتەپتىڭ حالىقارالىق تاراتۋ سالاسىنداعى مامان - وقىمىستىلارىنان، سونداي - اق جۇڭگولىق، شەتەلدىك نەگىزگى اعىم مەديالارى ۋاكىلدەرىنەن، ينتەرنەت مايتالماندارىنان 200 نەشە ادام ءبىر ارادا باس قوسىپ، سالا اتتاعان كەڭەس ورىستەتتى.
سول كۇنى قىرعىزستان ”حابار“ مەملەكەتتىك حابار اگەنتتىگىنىڭ باستىعى مەدەربەك شەرمەتاليەۆ، حالىق گازەتى مەكەمەسى كەڭسەسىنىڭ مەڭگەرۋشىسى جىڭ جيان جينالىس الاڭىنا كەلىپ ارناۋ ءسوز سويلەدى.
1 - رەتكى دوڭگەلەك ۇستەل كەڭەسۋ، اۋىس - كۇيىس جاساۋ بارىسىندا فۋدان داشۋەسى جۇڭگو زەرتتەۋ ورنىنىڭ باستىعى جاڭ ۋيۋي، جۇڭگو حالىق داشۋەسى چۇڭياڭ فينانس زەرتتەۋ ورنىنىڭ اتقارۋشى باستىعى ۋاڭ ۋىن، وزبەكستان ناقتى حابارلار سايتىنىڭ باس ديرەكتورى، قوسىمشا جاۋاپتى رەداكتورى اندىرەي تەشايەۆ، جۇڭگو ينتەرنەت مايتالمانى بي شياۋتيان، كولۋمبيالىق حۇجاتتى فيلم رەجيسسەرى گاۋ في قاتارلىلار ”حالىقارالىق تاراتۋ. قۇندىلىقتى سومداۋ“ تاقىرىبىن ارقاۋ ەتە وتىرىپ تالقى جۇرگىزدى.
جاڭ ۋيۋي بىلاي دەدى: شينجياڭدا قارامايلىنى ۋاكىلدىك ەتكەن قالالار ەرەكشە وسىزاماندانعان، شينجياڭنىڭ وسىناۋ بايتاق دالاسىندا تۋىلعان وسىزاماندانعان حيكايالاردى باياندايتىن بولساق، حالىقارالىق قوعامدى ءدۇر سىلكىندىرەرى حاق. قازىرگى تاڭدا، ينتەرنەتتە تاراتۋ ءتاسىلى ەرەكشە مول، بۇل جۇڭگو حيكاياسىن، شينجياڭ حيكاياسىن ويداعىداي بايانداۋعا ءتىپتى دە ءتيىمدى.
وزبەكستان ناقتى حابارلار سايتى كەزەكتە وزبەكستانداعى ەڭ ۇلكەن نەگىزگى اعىم مەدياسى. اندىرەي تەشايەۆ بىلاي دەدى: قازىر ينفورماتسيا قالىپتان تىس كوپ، الايدا ناعىز ينفورماتسيا از، اقپارات ءتىلشىسى ادامزاتتىڭ تەگىننەن بار بەيبىتشىلىك، ءوزىن الۋەتتەندىرۋ سياقتىلار جونىندەگى قۇن تالپىنىسىن قاناعاتتاندىرۋى كەرەك. جۇڭگو شەتەلدىك تىلشىلەردى جۇڭگوعا كەلىپ قيمىلعا قاتىناسىپ، ناقتى ورىنعا بارىپ تىلشىلىك جاساۋعا ۇسىنىس ەتتى، بۇل دۇنيە ءجۇزىنىڭ شىنايى جۇڭگونى، شىنايى شينجياڭدى كورۋىنە مۇمكىندىك جاسايدى.
بۇكىل ينتەرنەتتە 10 ميلليوننان استام جانكۇيەرى بار عىلىم جالپىلاستىرۋ بلوگكەرى بي شياۋتيان بىلاي دەدى: شينجياڭ ىستىق ىقىلاسقا، جالىندى جىگەرگە تولى ەكەن، وسى رەتكى قارامايلىداعى ساپار ارقىلى ”ءبىر بەلدەۋ، ءبىر جول“ بويىنداعى ەلدەردەن كەلگەن ينتەرنەت مايتالماندارى وزدەرىنىڭ نازارىنداعى شىنايى شينجياڭدى كورسەتتى، اناعۇرلىم كوپ ادامداردى شينجياڭعا كەلۋگە باۋرايتىنى داۋسىز.
2 - رەتكى دوڭگەلەك ۇستەل كەڭەسۋ، اۋىس - كۇيىس جاساۋ بارىسىندا جۇڭگو مەديا داشۋەسى ادامزاتتىڭ تاعدىرلاس ورتاق تۇلعاسىن زەرتتەۋ ورنىنىڭ ورىنباسار باستىعى جي دىچياڭ، شينحۋا اگەنتتىگى شينجياڭ بولىمشە اگەنتتىنىڭ ورىنباسار باستىعى دىڭ يۇيشان، جۇڭگولىق جازۋشى سۋ چين، بەنگالدىق ينتەرنەت بلوگكەرى نازمۇس ساكيب (جوۋ كايبي) قاتارلىلار ”مادەنيەت ەلشىسى. گۇلدەنۋدى بىرگە كەسكىندەۋ“ تاقىرىبىن ارقاۋ ەتە وتىرىپ تالقى جۇرگىزدى.
جي دىچياڭ بىلاي دەدى: قازىرگى تاڭدا قوعام اناعۇرلىم اشىق، اناعۇرلىم سيىسىمدى، اناعۇرلىم الۋان ءتۇرلى ينتەرنەتتىك حالىقارالىق تاراتۋعا مۇقتاج، ءاربىر جەكەنىڭ بارلىعى وزىندىك مادەنيەت ساپاسىن ءوسىرىپ، وركەنيەت جاعىندا اۋىس - كۇيىس جاساۋدىڭ، ءوزارا ۇلگى الۋدىڭ سيفرلى ەلشىسى بولۋى كەرەك. دىڭ يۇيشان: بارلىق تاراتۋ تۇگەلدەي حالىقارالىق تاراتۋ، - دەدى؛ بۇكىل ينتەرنەتتە 50 ميلليون جانكۇيەرى بار سۋ چين: شينجياڭ وزىندىك ينتەرنەت اسەرى بار جەر، حالىقارالىق تاراتۋدا تەبىن، قارقىن جانە جىلۋلىق بولۋى كەرەك، - دەدى...
جينالىس اياقتاۋعا تاياعاندا ۇلكەن ەكراندا سيلى قوناقتاردىڭ وتكەن 5 كۇندە ينتەرنەت جەلىسىنەن تىس جاعداي ۇعىسۋ قيمىلىنا قاتىناسقان تارتىمدى كورىنىستەرى كورسەتىلدى، جينالىس الاڭىندا شاتىرلاعان شاپالاق ءۇنى كوتەرىلدى، جالىندى بەينەگە، شاتتىق پەن بەرەكەگە شومعان شينجياڭ كوپشىلىككە ۇمىتىلماس اسەر قالدىردى.
