جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 7 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 7 - ايدىڭ 24 - كۇنى ءماجىلىس اشىپ، كەزەكتەگى ەكونوميكالىق جاعدايعا تالداۋ جاسادى جانە ونى اقىلداستى، سوڭعى جارتى جىلداعى ەكونوميكالىق قىزمەتتى ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلادى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلادى، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلادى، حالىق شارۋاشىلىعى ءۇرتىس قالپىنا كەلىپ، جالپى تۇلعالىق جاقتان قايتا ورلەپ، جاقسارىپ، جوعارى ساپالى دامۋ تىڭعىلىقتى ىلگەرىلەتىلىپ، كاسىپ سالاسىنىڭ دارەجەسى ءوسىپ، قوردالانىپ نىعايا ءتۇسىپ، استىق، ەنەرگيا حاۋىپسىزدىگى ءونىمدى قامتاماسىز ەتىلىپ، قوعامدىق كەلەلى جاعدايدىڭ ورنىقتىلىعى ساقتالىپ، تۇتاس جىلدىق ەكونوميكالىق، قوعامدىق دامۋ نىساناسىن جۇزەگە اسىرۋعا تاماشا نەگىز قالاندى.
ءماجىلىس مىنالاردى اتاپ كورسەتتى: كەزەكتە ەكونوميكالىق اينالىم جاڭا قيىنشىلىققا، سىن - سايىسقا ءدوپ كەلىپ وتىر، باستىسى، ەل ءىشى سۇرانىسى جەتكىلىكسىز، ءىشىنارا كاسىپورىنداردىڭ تيجاراتى قيىنشىلىققا كەز بولدى، ءتۇيىندى سالالاردا حاۋىپ - قاتەر، كومەسكى كىناراتتار ءبىرشاما كوپ، سىرتقى ورتا كۇردەلى دە قاتاڭ. ىندەتتەن ساقتانۋ - تىزگىندەۋ ورنىقتى تۇردە جاڭا كەزەڭگە وتكەننەن كەيىنگى ەكونوميكانىڭ قالپىنا كەلۋى تولقىنشا دامىعان، بۇرالاڭى كوپ العا باسۋ بارىسى بولدى. ەلىمىز ەكونوميكاسى اسا زور دامۋ سەرپىمدىلىگىنە جانە كومەسكى كۇشكە يە، ۇزاق ۋاقىت جاقسارۋ نەگىزگى اۋقىمى وزگەرگەن جوق.
ءماجىلىس مىنالاردى باسا دارىپتەدى: سوڭعى جارتى جىلداعى ەكونوميكالىق قىزمەتتەردى ويداعىداي ىستەۋدە ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، رەفورما جاساۋدى، ەسىك اشۋدى جاپپاي تەرەڭدەتىپ، ماكرولىق ساياساتتى رەتتەۋ - مەڭگەرۋ تەبىنىن ارتتىرىپ، ىشكى سۇرانىستى ۇلعايتۋعا، سەنىمدى سەرپىلتۋگە، حاۋىپ - قاتەردەن ساقتانۋعا كۇش سالىپ، ەكونوميكالىق اينالىمدى ءۇرتىس جاقسارتۋدى، ىشكى قوزعاۋشى كۇشتى ءۇرتىس نىعايتۋدى، قوعامدىق مەجەنى ءۇرتىس جاقسارتۋدى، حاۋىپ - قاتەردى، كومەسكى كىناراتتاردى ءۇرتىس جويۋدى ۇزدىكسىز ىلگەرىلەتىپ، ەكونوميكانىڭ ساپا جاعىندا ءونىمدى جوعارىلاۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتۋ كەرەك.
ءماجىلىس مىنالاردى اتاپ كورسەتتى: ساياسات كەڭىستىگىنەن ويداعىداي پايدالانىپ، كۇش سالۋ بەتالىسىن ءدال تاۋىپ، ەكونوميكانىڭ جوعارى ساپالى دامۋىن تىڭعىلىقتى ىلگەرىلەتۋ كەرەك. ماكرولىق رەتتەۋ - مەڭگەرۋدى دالمە - ءدال، پارمەندى اتقارىپ، كەرى اينالىمدىق رەتكە سالۋدى جانە ساياساتتىق قوردى كۇشەيتۋ كەرەك. بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارىپ، سالىقتى ازايتۋ، اقىنى تومەندەتۋ ساياساتىن جالعاستىرىپ، ساپالىلاندىرىپ، كەمەلدەندىرىپ ءارى ونى ويداعىداي تياناقتاندىرىپ، جالپى مولشەر مەن قۇرىلىمدىق سيپاتتى اقشا ساياساتى قۇرالىنىڭ رولىن ساۋلەلەندىرىپ، عىلىم - تەحنيكادا جاڭالىق اشۋدى، تۇلعالىق شارۋاشىلىقتى جانە ورتا، شاعىن، ۇساق كاسىپورىنداردىڭ دامۋىن بار كۇشپەن قولداۋ كەرەك. حالىق اقشاسى سىندىرىلىمىنىڭ ۇيلەسىمدى، ءبىرقالىپتى دەڭگەيدە نەگىزىنەن ورنىقتى بولۋىن ساقتاۋ كەرەك. كاپيتال بازارىن جانداندىرىپ، قارجى قوسۋشىلاردىڭ سەنىمىن سەرپىلتۋ كەرەك.
ءماجىلىس مىنالاردى باسا دارىپتەدى: ەل ءىشى سۇرانىسىن بەلسەنە ۇلعايتىپ، تۇتىنۋدىڭ ەكونوميكالىق ارتۋدى ىلگەرىلەتۋدەگى نەگىزدىك رولىن ساۋلەلەندىرىپ، تۇرعىنداردىڭ كىرىسىن ارتتىرۋ ارقىلى تۇتىنۋدى ۇلعايتىپ، سوڭعى ۇشتاعى سۇرانىس ارقىلى ءونىمدى قامداۋدى ىلگەرى باستىرىپ، ىشكى سۇرانىستى ۇلعايتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرۋ كەرەك. اۆتوكولىك، ەلەكتروندى ونىمدەر، ءۇي جيھازدارى سياقتى جالپىلىق تۇتىنۋدى سەرپىلتىپ، دەنە تاربيە، سەيىل - سەرۋەن، مادەنيەت، ساياحات سياقتى قىزمەت وتەۋ تۇتىنۋىن ىلگەرىلەتۋ كەرەك. ۇكىمەتتىڭ قارجى قوسىپ جەتەكتەۋ رولىن اناعۇرلىم ويداعىداي ساۋلەلەندىرىپ، جەرگىلىكتى ۇكىمەتتەردىڭ ارناۋلى زايوم تاراتۋىن جانە پايدالانۋىن جەدەلدەتۋ كەرەك. حالىقتىق قارجى قوسۋدى جەبەيتىن ساياسات - شارالاردى بەلگىلەۋ، شىعارۋ كەرەك. كوپ شارانى قاتار قولدانىپ، سىرتقى ساۋدانىڭ، شەتەل قارجىسىنىڭ نەگىزگى جاعدايىن ورنىقتىرۋ كەرەك. حالىقارالىق كەزەكشى ۇشاق سانىن كوبەيتۋ، جۇڭگو − ەۆروپا كەزەكشى پويەزىنىڭ ورنىقتىلىعىن، ىركىلىسسىزدىگىن قامتاماسىز ەتۋ كەرەك.
ءماجىلىس مىنالاردى اتاپ كورسەتتى: وسىزاماندانعان كاسىپ سالاسى جۇيەسى قۇرىلىسىن بار كۇشپەن ىلگەرىلەتىپ، ستراتەگيالىق سيپاتتى جاڭادان گۇلدەنگەن كاسىپ سالاسىن جەدەل جەتىلدىرىپ، زورايتىپ، اناعۇرلىم كوپ تىرەكتى كاسىپ سالاسىن تۇلعالاۋ كەرەك. سيفرلى ەكونوميكانىڭ وزىق جاساۋ كاسىبىمەن، وسى زامانعى قىزمەت وتەۋ كاسىبىمەن تەرەڭدەي توعىسۋىن ىلگەرىلەتىپ، جاساندى زەردەنىڭ حاۋىپسىز دامۋىن جەبەۋ كەرەك. تۇعىرلىق كاسىپورىنداردىڭ جۇيەلى، اقاۋسىز، ءۇرتىس دامۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: رەفورما جاساۋدى، ەسىك اشۋدى ۇزدىكسىز تەرەڭدەتىپ، ”ەكىدەن تيتتەي دە اۋىتقىماۋعا“ تاباندى بولىپ، مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن شىنايى جوعارىلاتىپ، حالىقتىق كاسىپورىنداردىڭ دامۋ ورتاسىن شىنايى ساپالىلاندىرۋ كەرەك. الباتى اقى الۋدى، الباتى ايىپ سالۋدى، الباتى سالىق سالۋدى باتىل رەتتەپ - وڭاپ، ۇكىمەتتىڭ كاسىپورىنداردىڭ ەسەپتەگى اقشاسىن كەشىكتىرۋ ماسەلەسىن شەشۋ كەرەك. كاسىپورىندارمەن ۇدايىلانعان كەڭەسۋ، اۋىس - كۇيىس جاساۋ مەحانيزمىن ورناتىپ، اقاۋسىزداندىرىپ، كاسىپورىنداردى باتىلدىقپەن اتويلاپ، باتىلدىقپەن قارجى قوسىپ، حاۋىپ - قاتەردى باتىلدىقپەن ارقالاپ، بازاردى بەلسەنە اشۋعا شابىتتاندىرۋ كەرەك. شارت - جاعدايى بار ەركىن ساۋدا سىناق رايوندارى مەن ەركىن ساۋدا پورتتارىنىڭ حالىقارالىق جوعارى ولشەمدى ەكونوميكا - ساۋدا ەرەجەسىمەن ۇشتاسۋىنا قولداۋ كورسەتىپ، رەفورما جاساۋدى، ەسىك اشۋدى الدىمەن اتقارىپ، الدىمەن سىناق ەتۋدى ىلگەرىلەتۋ كەرەك. 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن دەن قويا ويداعىداي وتكىزۋ كەرەك.
ءماجىلىس مىنالاردى اتاپ كورسەتتى: ءتۇيىندى سالالارداعى حاۋىپ - قاتەرلەردەن شىنايى ساقتانىپ جانە ونى جويىپ، ەلىمىزدىڭ قورا - جاي بازارىندا قامداۋ - قاجەتسىنۋ قاتىناسىندا كەلەلى وزگەرىس تۋىلعان جاڭا جاعدايعا ۇيلەسىپ، قورا - جاي ساياساتىن اۋقىمعا ساي رەتتەپ، ساپالىلاندىرىپ، قالا جاعدايىنا قاراي شارا قولدانىپ، ساياساتتىق قۇرال ساندىعىنان ويداعىداي پايدالانىپ، تۇرعىنداردىڭ قاجەتتى جانە تۇرمىستى جاقسارتۋ سيپاتتى تۇرعىن ءۇي سۇرانىسىن اناعۇرلىم ويداعىداي قاناعاتتاندىرىپ، قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك. قامتاماسىزداندىرۋ سيپاتتى تۇرعىن ءۇي قۇرىلىسى مەن قامداۋدى ارتتىرىپ، قالا ىشىندەگى قىستاقتاردى جاڭالاۋ جانە ”جايشىلىقتا دا، توتەنشە جاعدايدا دا پايدالاناتىن“ الەۋمەتتىك نەگىزدىك قۇرىلعىلار قۇرىلىسىن بەلسەنە ىلگەرىلەتىپ، ءتۇرلى بوس تۇرعان قورا - جايلاردى ىسكە قوسۋ، جاڭالاۋ كەرەك. جەرگىلىكتى قارىز ىستەرى حاۋىپ - قاتەرىنەن ءونىمدى ساقتانىپ جانە ونى جويىپ، ءبىر قىدىرۋ قارىز ىستەرىن شەشۋ جوباسىن جاساۋ، اتقارۋ كەرەك. فينانستى باقىلاۋ - باسقارۋدى كۇشەيتىپ، حاۋىپ - قاتەرى جوعارى ورتا، شاعىن فينانس قۇرىلىمدارىنا رەفورما جاساپ، قاتەردەن ارىلتۋدى ورنىقتى ىلگەرىلەتۋ كەرەك.
ءماجىلىس مىنالاردى باسا دارىپتەدى: حالىق تۇرمىسىن قامتاماسىز ەتۋ تەبىنىن ارتتىرىپ، ورنىقتى جۇمىستاندىرۋدى ستراتەگيالىق دەڭگەيگە كوتەرىپ ءبىر تۇتاس ويلاستىرىپ، نەگىزگى ساتىنىڭ ”ءۇشتى قامتاماسىز ەتۋ“ تومەنگى شەگىن بەكەمدەپ، ناقتىلاندىرىپ، ورتاشا كىرىستى قاۋىمنىڭ قاتارىن مولايتۋ كەرەك. ەگىستىك جەردى قورعاۋ مەن ساپاسىن جوعارىلاتۋدى كۇشەيتىپ، كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. اۋىر، ەرەكشە اۋىر حاۋىپسىزدىك شىرعالاڭدارىنىڭ تۋىلۋىنان باتىل ساقتانىپ، ءدال جازعى قاۋىرت مەزگىلدەگى ەنەرگيامەن، ەلەكترمەن قامداۋدى قامتاماسىز ەتۋ كەرەك.
ءماجىلىس مىنالاردى اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن وراي ەتىپ، قالىڭ پارتيا مۇشەلەرىن، كادرلاردى دۇرىس ناتيجە كوزقاراسىن بەرىك ورناتۋعا، ءىس ىستەپ، ناتيجە شىعارۋ بەلسەندىلىگىن اناعۇرلىم جانداندىرۋعا تاربيەلەپ، جەتەكتەپ، جۇرەكتىلىكپەن جاۋاپكەرشىلىك ارقالاپ ىسكەرلىك كورسەتەتىن، شەبەرلىكپەن قامال الىپ، قيىندىقتى جەڭەتىن تاڭداۋلى كادرلاردىڭ سۋىرىلىپ العا شىعۋىنا، كوبىرەك ۇلەس قوسۋىنا مۇمكىندىك جاساپ، جاڭا بەينە، جاڭا ىسكەرلىك ارقىلى جوعارى ساپالى دامۋدا تىڭ تابىسقا قول جەتكىزۋدى ىلگەرىلەتۋ كەرەك.
ءماجىلىس باسقا دا ىستەردى اقىلداستى.
