انار بۇلت \ شينجياڭ گازەتىنىڭ ءتىلشىسى سۇڭ ۋيگو، ەرىكتى ءتىلشى جۋ ۋي 7 - ايدىڭ 25 - كۇنى اتۇشتان حابارلايدى. 7 - ايدىڭ 25 - كۇنى 2023 - جىلعى اۆتونوميالى رايوننىڭ مادەنيەت، عىلىم - تەحنيكا، دەنساۋلىق ساقتاۋ سىندى ”ءۇشتى اۋىل - قىستاقتارعا جەتكىزۋدەن“ شوعىرلى ۇلگى كورسەتۋ قيمىلىنىڭ باستالۋ سالتى اتۇش قالاسى ازاق قالاشىعىنىڭ ازاق قىستاعىندا وتكىزىلدى.
”ءۇشتى اۋىل - قىستاقتارعا جەتكىزۋ“ قيمىلىن اۆتونوميالى رايوندىق پارتكوم ۇگىت ءبولىمى، اۆتونوميالى رايوندىق قوعامدىق عىلىمدار بىرلەستىگى باس بولىپ ۇيىمداستىرعان، قىزىلسۋ قىرعىز اۆتونوميالى وبلىستىق پارتكوم ۇگىت ءبولىمى، اتۇش قالالىق پارتكوم ۇگىت ءبولىمى، قىزىلسۋ وبلىستىق قوعامدىق عىلىمدار بىرلەستىگى مىندەتىنە الىپ وتكىزگەن.
سوڭعى جىلدارى قىزىلسۋ وبلىسىنداعى ءار دارەجەلى تاراۋلار اۋىل - قىستاققا جاناسۋ، تۇرمىسقا جاناسۋ، ءىس جۇزىندىككە جاناسۋ پرينسيبىنە تاباندى بولىپ، ”ءۇشتى اۋىل - قىستاقتارعا جەتكىزۋ“ قيمىلىن ۇزدىكسىز ىشكەرىلەي ورىستەتىپ، ءبىر توپ ادەبيەت - كوركەمونەر، اۋىل شارۋاشىلىعى تەحنيكاسى، عىلىم - تەحنيكا، ەمدەۋ - دەنساۋلىق ساقتاۋ جانە زاڭ قىزمەتكەرلەرى اۋىل - قالاشىقتارعا، قىستاقتارعا، الەۋمەتتىك اۋماقتارعا ىشكەرىلەي بارىپ، ساحنالاردى قىستاقتارعا دەيىن ورنالاستىرىپ، عىلىم - تەحنيكا مەن زاڭدى اتىز باسىنا جەتكىزىپ، ءبىلىمدى، سالاماتتىقتى جانە قۋانىش - شاتتىقتى شارۋا وتباسىلارىنا جەتكىزىپ، شارۋالاردىڭ تابىس سەزىمىن جانە باقىت سەزىمىن كۇشەيتتى. ”ءۇشتى اۋىل - قىستاقتارعا جەتكىزۋ“ قيمىلى قىزىلسۋ وبلىسىنىڭ رۋحاني وركەنيەت قۇرىلىسىنىڭ ءونىمدى دانەكەرىنە، شارۋالاردىڭ بايۋىن جەبەۋدىڭ ءونىمدى جولىنا، كادرلار مەن بۇقارانىڭ قاتىناسىن كۇشەيتۋدىڭ ماڭىزدى دانەكەرىنە اينالدى.
”ءبىز تاماشا وتباسى سالتىن، وتباسى تاعىلىمىن جالعاستىرىپ، وسكەلەڭ قاسيەتتى سومداپ، ۇلى مۇرات ورناتىپ، سوتسياليزمنىڭ تولىمدى ءىزباسارى بولۋعا قۇلشىنۋىمىز كەرەك“. 2022 - جىلعى ”مەملەكەتتىك ۇزدىك پيونەر“، 2023 - جىلعى شينجياڭنىڭ ”جاڭا داۋىردەگى جاقسى ورەنى“، قوعامدىق عىلىمدى جالپىلاستىرۋداعى كىشكەنتاي ۇگىتشى گۇلنيگار احمەت ”جۇڭحۋانىڭ تاماشا ءمورالىن جالعاستىرىپ، توراڭعى رۋحىن اسقاقتاتۋدى“ تاقىرىپ ەتە وتىرىپ كورەرمەندەرمەن وتباسى سالتى، وتباسى تاعىلىمى حيكاياسىن ورتاقتاستى.
قىزىلسۋ وبلىستىق قوعامدىق عىلىمدار بىرلەستىگىنىڭ قوعامدىق عىلىمداردى جالپىلاستىرۋ مامانى، قىزىلسۋ وبلىستىق پارتيا مەكتەبىنىڭ لەكتورى لي يانجى پارتيا 20 - قۇرىلتايىنىڭ رۋحىن ارقاۋ ەتە وتىرىپ، ميكرو ۇگىت لەكسيا جاسادى، قىزىلسۋ وبلىستىق ءان - ءبي ۇيىرمەسىنىڭ ارتيستەرى مەن قىزمەتكەرلەرى ءان - ءبي فورماسى ارقىلى كورەرمەندەردىڭ كوز مەيىرىن قاندىردى، قيمىلعا قاتىناسقان فۋنكتسيالىق تاراۋلار سول ورىندا قىزمەت وتەۋ، ءتۇسىندىرۋ، اقىل - كەڭەس بەرۋ، ماتەريال باسىپ تاراتۋ، كورمە تاقتا ۇگىتى سياقتى تاسىلدەر ارقىلى مادەنيەت، عىلىم - تەحنيكا، دەنساۋلىق ساقتاۋ بويىنشا اۋىل - قىستاقتى گۇلدەندىرۋگە كۇش ۇستەۋدى ىلگەرىلەتتى.
باستالۋ سالتىندا اۆتونوميالى رايوندىق پارتكوم ۇگىت ءبولىمى قىزىلسۋ وبلىسىنداعى 82 قىستاققا مادەنيەت، دەنە تاربيە بۇيىمدارىن تارتۋ ەتتى.
