انار بۇلت \ شينجياڭ گازەتىنىڭ ءتىلشىسى شيە حۇيبيان 7 - ايدىڭ 25 - كۇنى ۇرىمجىدەن حابارلايدى. 7 - ايدىڭ 25 - كۇنى اۆتونوميالى رايوننىڭ عىلىم - تەحنيكادا جاڭالىق اشۋ جينالىسى اشىلىپ، يۇي ۋميڭ، ۋاڭ چىڭ، ماينۇر نياز، لي فىڭسىن، يىن بو قاتارلى 5 عالىم داڭقپەن اۆتونوميالى رايوننىڭ عىلىم - تەحنيكا سيلىعىنىڭ كورنەكتى ۇلەس سيلىعىن ەنشىلەدى، 119 ءتۇرلى جەتىستىك ايىرىم - ايىرىم اۆتونوميالى رايوننىڭ جاراتىلىستىق عىلىم سيلىعىنا، تەحنيكالىق تاپقىرلىق سيلىعىنا، عىلىم - تەحنيكا العاباسارلىعى سيلىعىنا يە بولدى.
شينجياڭ جينفىڭ عىلىم - تەحنيكا جارنا شەكتى سەرىكتەستىگىنىڭ پروفەسسور دارەجەلى اعا ينجەنەرى يۇي ۋميڭ، جەل ەلەكتر سالاسىندا 32 جىل جۇمىس ىستەگەن، ول عىلمي زەرتتەۋ ۇجىمىن باستاپ ەل ىشىندە ەڭ الدىمەن وتاندىق ءىرى تۇرپاتتى جەل ەلەكتر اگراگاتتارىن ءساتتى زەرتتەپ جاساپ، كاسىپ سالاسىندا ”وتاندىق ءىرى تۇرپاتتى جەل ەلەكتر اگراگاتتارىن جاساعان تۇڭعىش ادام“ دەگەن اتى بار.
شينجياڭ اۋىل شارۋاشىلىعى عىلىم اكادەمياسىنىڭ اعا زەرتتەۋشىسى ۋاڭ چىڭ، شينجياڭ ەرەكشە جەمىس سورتى ساپا حاۋىپسىزدىگىنىڭ شەشۋشى قاتەر فاكتورىن باقىلاۋ - تەكسەرۋ، باعالاۋ جانە ساقتانۋ - تىزگىندەۋ تەحنيكالىق جۇيەسىن ورناتىپ، ”ەكى تۇڭعىش رەت“، ”ءبىر ورناتۋ“ كەلەلى سەرپىلىسىنە قول جەتكىزگەن.
اۆتونوميالى رايوندىق حالىق شيپاحاناسىنىڭ اعا شيپاگەرى ماينۇر نياز، شينجياڭنىڭ HPV جۇعىمدالۋ سالىستىرماسى تومەن، ال جاتىر موينى راگىنىڭ تۋىلۋ سالىستىرماسى جوعارى بولۋداي ەرەكشە جايتتى، وزگەشە HPV جۇعىمدالۋ قوسالقى تيبى جانە HPV شەجىرەسىن بايقاعان؛ تۇڭعىش رەت شينجياڭ ايەلدەرىنىڭ HPVمەن جۇعىمدالۋىنىڭ جوعارى جيىلىكتەگى شۇعىل وزگەرىسى جانە وزگەشە شۇعىل وزگەرىسكە يە ەكەندىگىن، دەنە كلەتكاسى گەنىنىڭ شۇعىل وزگەرىسى جاتىر مويىن راگىن تۋدىراتىن ماڭىزدى سەبەپ ەكەندىگىن بايقاعان.
شينجياڭ مەديتسينا داشۋەسىنە قاراستى جۇڭي شيپاحاناسىنىڭ اعا شيپاگەرى لي فىڭسىن، ۇجىمىنداعىلاردى باستاپ، شينجياڭ جۇڭگوشا شيپاگەرلىك ءدارى - دارمەك ىستەرىنىڭ دامۋىن ىلگەرىلەتىپ، تۇڭعىش رەت سوزىلمالى، توسىلۋ سيپاتتى وكپە اۋرۋلارىنىڭ ۇلعايۋىنىڭ ”تەز“، ”اقىرىن“ بولۋداي تۇرلىشە بەينەسى تيبىن ورتاعا قويىپ، كلينيكالىق ەمدەۋ ونىمدىلىگىن باعالاۋ كورسەتكىشىنە جاسامپازدىقپەن ەنگىزىپ، جۇڭگوشا − باتىسشا شيپاگەرلىكتى ۇشتاستىرىپ ەمدەۋ تاسىلىندە جاڭالىق اشۋدى جەبەگەن جانە ىلگەرىلەتكەن.
شينتى ەنەرگيا جارنا شەكتى سەرىكتەستىگىنىڭ اعا ينجەنەرى يىن بو، ۇجىمىنداعىلاردى باستاپ ۇزاق ۋاقىت فوتوۆولتتىق جاڭا ەنەرگيا ونىمدەرىن زەرتتەپ جاساۋعا، كرەمني نەگىزدى جاڭا ماتەريالدار ونىمدەرىن زەرتتەپ جاساۋعا جانە ەنەرگيا ۇنەمدەۋ ورتانى قورعاۋ تەحنيكاسىن پايدالانۋدى زەرتتەۋ جانە جەتىستىكتەرىن جالپىلاستىرۋعا، پايدالانۋعا كۇش ۇستەپ، كوپ ءتۇرلى تەحنيكالاردا حالىقارالىق وزىق ورەگە جەتىپ، ەل ءىشى - سىرتىنداعى كوپتەگەن تەحنيكالىق بوستىقتىڭ ورنىن تولتىرعان.
سيلىققا يە بولعان 119 ءتۇرلى جەتىستىك اۆتونوميالى رايوننىڭ جاراتىلىستىق عىلىم سيلىعىنىڭ 1 - دارەجەلى سيلىعىنان ۇشەۋىن، 2 - دارەجەلى سيلىعىنان ەكەۋىن، 3 - دارەجەلى سيلىعىنان بىرەۋىن؛ اۆتونوميالى رايوننىڭ تەحنيكالىق تاپقىرلىق سيلىعىنىڭ 1 - دارەجەلى سيلىعىنان بىرەۋىن، 2 - دارەجەلى سيلىعىنان ەكەۋىن، 3 - دارەجەلى سيلىعىنان بىرەۋىن؛ اۆتونوميالى رايوننىڭ عىلىم - تەحنيكا العاباسارلىعى سيلىعىنىڭ 1 - دارەجەلى سيلىعىنان 32سىن، 2 - دارەجەلى سيلىعىنان 44ىن، 3 - دارەجەلى سيلىعىنان 33ىن قامتيدى.
ءتىلشىنىڭ ۇعىسۋىنا قاراعاندا، سيلىققا يە بولعان 119 ءتۇرلى جەتىستىكتى رايون ءىشى - سىرتىنداعى 300دەن استام ورىن، مىڭنان استام عىلمي زەرتتەۋشى بىرگە ات سالىسىپ ورىنداعان. مۇندا كاسىپورىن باس بولىپ ورىنداعان جەتىستىك 52 ءتۇر بولىپ، ％6. 48تى يەلەگەن. كاسىپتىك سالا بويىنشا ايىرعاندا، ەمدەۋ - دەنساۋلىق ساقتاۋ تۇرىندەگىلەردىڭ يەلەگەن سالىستىرماسى ەڭ جوعارى بولىپ، جالپى 29 ءتۇرلى جەتىستىك سيلىققا يە بولىپ، ％8. 24تى يەلەگەن.
