شىن يۋەيۋە مەملەكەتتىك ساياسي كەڭەستىڭ پارتيا سىرتىنداعى مۇشەلەرىنەن ۇيىمداسقان كوزدەن كەشىرۋ ۇيىرمەسىن باستاپ شينجياڭعا كەلىپ ارناۋلى تاقىرىپتىق كوزدەن كەشىرۋ ورىستەتتى
كورىكتى جۇڭگو قۇرىلىسىن ىلگەرىلەتۋگە كۇش قوسۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يانفاڭ 7 - ايدىڭ 25 - كۇنى ۇرىمجىدەن حابارلايدى. 7 - ايدىڭ 21 - كۇنىنەن 25 - كۇنىنە دەيىن، مەملەكەتتىك ساياسي كەڭەستىڭ ورىنباسار ءتوراعاسى شىن يۋەيۋە مەملەكەتتىك ساياسي كەڭەستىڭ پارتيا سىرتىنداعى مۇشەلەرىنەن ۇيىمداسقان كوزدەن كەشىرۋ ۇيىرمەسىن باستاپ شينجياڭعا كەلىپ، ”مەملەكەتتىڭ ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ كەلەلى ينجەنەرياسى“، ”شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ جانە’ ءۇش تەرىستىك‘ سياقتى ءتۇيىندى ەكولوگيالىق ينجەنەريا قۇرىلىستارىن ىلگەرىلەتۋ“ سىندى ەكى قىزمەتتى ارقاۋ ەتە وتىرىپ، ارناۋلى تاقىرىپتىق كوزدەن كەشىرۋ ورىستەتتى.
شينجياڭداعى كەزىندە كوزدەن كەشىرۋ ۇيىرمەسىندەگىلەر ىلگەرىندى - كەيىندى تۇرپان قالاسى، ىلە قازاق اۆتونوميالى وبلىسى، اقسۋ ايماعى سياقتى جەرلەرگە بارىپ، 15 قۇمايتتانۋدان ساقتانۋ، قۇمدى تىزگىندەۋ، ەكولوگيانى قورعاۋ، قالپىنا كەلتىرۋ نىسانىن كوزدەن كەشىردى؛ اڭگىمە ءماجىلىسىن اشىپ، اۆتونوميالى رايوندىق ۇكىمەت پەن قاتىستى تاراۋلاردىڭ قىزمەت جاعدايىنان بەرگەن مالىمەتىن تىڭداپ، ىقپالداسىپ اۋىس - كۇيىس جاسادى.
شىن يۋەيۋە بىلاي دەپ اتاپ كورسەتتى: پارتيا 18 - قۇرىلتايىنان بەرى شينجياڭ اناعۇرلىم جوعارى دەڭگەيمەن، اناعۇرلىم كەڭ كوز ايامەن، اناعۇرلىم زور تەبىنمەن ەكولوگيالىق وركەنيەت قۇرىلىسى قىزمەتىن جوسپارلاپ جانە ىلگەرىلەتىپ، قۇمايتتانۋدان ساقتانۋ، قۇمدى تىزگىندەۋ، ەكولوگيانى قورعاۋ، قالپىنا كەلتىرۋ ينجەنەرياسىن بەلسەنە اتقارىپ، ەكولوگيالىق ساپانىڭ جالپى تۇلعالىق جاقتان ءۇرتىس ورنىقتى جاقسارۋىن ىلگەرىلەتتى. كوزدەن كەشىرۋ ارقىلى كوپشىلىك جاڭا داۋىردەگى ەلىمىزدىڭ ەكولوگيالىق وركەنيەت قۇرىلىسىندا دۇنيەنى جالت قاراتقان وراسان زور تابىستارعا قول جەتكىزۋىنىڭ ەڭ ءتۇپ نەگىزى باس شۋجي شي جينپيڭنىڭ رول ۇستاپ، جول باستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ، اسىرەسە، شي جينپيڭنىڭ ەكولوگيالىق وركەنيەت يدەياسىنىڭ عىلمي جەتەكشىلىگىنىڭ ارقاسى ەكەنىن اناعۇرلىم تەرەڭ سەزىنىپ ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ ورىنداۋ بەكىمى اناعۇرلىم نىعايدى.
شىن يۋەيۋە بىلاي دەپ باسا دارىپتەدى: ەكولوگيالىق ورتانى قورعاۋ جونىندەگى مەملەكەتتىك ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسىن جەتەكشى ەتىپ، وزەكتى مازمۇنىن، رۋحاني ءمانىن مىقتى يگەرىپ، كورىكتى جۇڭگو قۇرىلىسىن جەدەل ىلگەرىلەتۋ كەرەك. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ناقتاپ تياناقتاندىرىپ، ەكولوگيانى قورعاۋدىڭ قىزىل سىزىعىن باتىل ساقتاپ، قۇمدى تىزگىندەۋ، سۋدى تىزگىندەۋ جانە ورماندى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن تولىق ساۋلەلەندىرىپ، نازاردى قورشاعان ورتانى قورعاۋ، ەكولوگيالىق وركەنيەت، كورىكتى جۇڭگو قۇرىلىسى بارىسىنداعى كەلەلى ماسەلەلەرگە شوعىرلاندىرىپ، تەكسەرۋ - زەرتتەۋدى مۇقيات ويداعىداي جۇرگىزىپ، ىشكەرىلەي كەڭەسىپ، ۇكىمەت ءىسىن اقىلداسىپ، دەموكراتيالىق باقىلاۋدى ۇزدىكسىز ورىستەتىپ، ورتاق تانىمدى كەڭىنەن ۇيىستىرىپ، ەلىمىزدىڭ ەكولوگيالىق وركەنيەت قۇرىلىسىن ىلگەرىلەتىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەيتىن كورىكتى جۇڭگو قۇرىلىسىنا ساياسي كەڭەستىڭ كۇشىن ارناۋ كەرەك.
مۇشەلەر مىنالاردى ۇسىنىس ەتتى: تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، قۇمايتتانۋدان ساقتانۋ، قۇمدى تىزگىندەۋ جانە ەكولوگيانى قورعاۋ، قالپىنا كەلتىرۋ قىزمەتىن ۇزدىكسىز جاقسى ىستەپ، حىشي كاريدورى − تاكلاماكان ءشولى جيەكتىك توسقاۋىل شايقاسىن بار كۇشپەن ويداعىداي جۇرگىزىپ، سولتۇستىكتەگى قۇمايتتانۋدىڭ الدىن الۋ بەلدەۋى، چيڭحاي − شيزاڭ ءۇستىرتى ەكولوگيالىق قالتقى رايونىن قورعاۋ، قالپىنا كەلتىرۋ كەلەلى ينجەنەرياسىن ويداعىداي اتقارىپ، ۇرپاقتارعا تاۋى جاسىل، سۋى تۇنىق ەكولوگيالىق كەڭىستىك قالدىرۋ كەرەك. قورعاۋدى ماڭداي الدى ورىنعا قويۋدان جازباي، جوعارى دەڭگەيدە قورعاۋ ارقىلى جوعارى ساپالى دامۋدى ىلگەرىلەتۋ؛ جۇيە كوزقاراسىنا تاباندى بولىپ، سۋدىڭ بۇلجىماس تەجەمىن العى شارت ەتىپ ەكولوگيانى قالپىنا كەلتىرۋدى ىلگەرىلەتۋ؛ ماسەلەنى باعدار ەتۋدەن، جەرگىلىكتى جاعدايعا قاراي ىستەۋدەن جازباي، ەكولوگيانى قورعاۋدىڭ، قالپىنا كەلتىرۋدىڭ جالپى تۇلعالىق دەڭگەيىن ۇزدىكسىز جوعارىلاتۋ؛ عىلىم - تەحنيكا جاعىنان تىرەك بولۋعا، سايكەسە بىرلەسىپ قيمىلداۋعا تاباندى بولىپ، ەكولوگيالىق ساپانى ۇزدىكسىز جاقسارتۋعا پارمەندى كەپىلدىك ازىرلەۋ؛ بارلىق ادام جاۋاپكەرشىلىگىن ادا ەتۋگە، بىرگە قۇرىپ، بىرگە يگىلىكتەنۋگە تاباندى بولىپ، ءار ۇلت حالقىنىڭ ەكولوگيانىڭ پايداسىنان بىرگە يگىلىكتەنۋىنە مۇمكىندىك جاساۋ كەرەك.
مەملەكەتتىك ساياسي كەڭەستىڭ تۇراقتى مۇشەلەرى پان ليگاڭ، يىن حۇڭ، ساۋ ۋيشيڭ، چىڭ حۇڭ، پۋ شىلۇڭ، مەملەكەتتىك ساياسي كەڭەستىڭ مۇشەلەرى سۇي ليجيۋان، ليۋ مەيلين، لۋ چۋانجۇڭ، جياڭ چي، مەي يۇي كوزدەن كەشىرۋگە قاتىناستى. اۆتونوميالى رايوننىڭ ورىنباسار ءتوراعاسى ءماردان مۇحيت اۆتونوميالى رايونىمىزدىڭ قاتىستى جاعدايلارىن تانىستىردى، اۆتونوميالى رايوندىق ساياسي كەڭەستىڭ ورىنباسار ءتوراعالارى جاروللا يسامدين، ازەز مۇسا قاتىستى قيمىلدارعا قاتىناستى.
