گازەتىمىزدىڭ شولۋشىسى
عىلىم - تەحنيكا − مەملەكەتتىڭ قۇدىرەتتەنۋىنىڭ، كوركەيۋىنىڭ نەگىزى، جاڭالىق اشۋ − ۇلتتىڭ العا باسۋىنىڭ جانى. 7 - ايدىڭ 25 - كۇنى بۇكىل شينجياڭداعى عىلىم - تەحنيكا سالاسى مىناداي ءبىر سالتاناتتى ءىستى قارسى الدى: اۆتونوميالى رايوننىڭ عىلىم - تەحنيكادا جاڭالىق اشۋ جينالىسى سالتاناتپەن اشىلدى. جينالىس باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، 2022 - جىلعى اۆتونوميالى رايوننىڭ عىلىم - تەحنيكا سيلىعىنا يە بولعان مەكەمە - ورىندار مەن جەكەلەردى ماداقتاپ - سيلاپ، بىلتىردان بەرگى عىلىم - تەحنيكادا جاڭالىق اشۋ قىزمەتىن قورىتىندىلاپ، كەلەسى قادامداعى ءتۇيىندى مىندەتتەردى اقىلداسىپ ورنالاستىردى، بۇل جاڭا داۋىردەگى جاڭا جورىقتا جاسامپاز شينجياڭ قۇرىلىسىندا اناعۇرلىم زور قادام تاستاۋدى ىلگەرىلەتۋدە ماڭىزدى مانگە يە.
پارتيا 20 - قۇرىلتايىنىڭ بايانداماسىندا بىلاي دەپ اتاپ كورسەتىلدى: ”وقۋ - اعارتۋ، عىلىم - تەحنيكا، دارىندىلار − جاپپاي سوتسياليستىك وسىزاماندانعان مەملەكەت قۇرۋدىڭ نەگىزدىك سيپاتتى، ستراتەگيالىق سيپاتتى تىرەگى“. ”عىلىم - تەحنيكادا جاڭالىق اشۋدىڭ 26 تارماعىن“ جاساپ شىعارىپ، حۋايروۋ تاجىريبەحاناسى شينجياڭ بازاسى، اقسۋ ارال مەملەكەتتىك جوعارى، جاڭا تەحنيكالىق رايونى قاتارلىلاردى قۇرۋدىڭ بەكىتۋدەن ءوتۋىن ىلگەرىلەتىپ، 10 ميلليارد يۋان دارىندىلاردى دامىتۋ قورىن توپتاپ، قۇرىپ، ءتۇيىندى سالالارداعى ادام كۇشى بايلىعىن اشۋعا قولداۋ كورسەتتى... بىلتىردان بەرى شينجياڭ جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، جاسامپاز شينجياڭ قۇرىلىسىن جاپپاي تەزدەتتى، جوعارى، جاڭا تەحنيكالىق كاسىپورىنداردىڭ سانى مەن ارتۋ مولشەرى، تەحنيكالىق توقتامداردىڭ كەلىسۋ ساۋدا سوماسى سياقتى شەشۋشى كورسەتكىشتەر تاريحتاعى جاڭا رەكوردتى جاراتىپ، عىلىم - تەحنيكادا جاڭالىق اشۋداعى كوپ ءتۇرلى ءتۇيىندى قىزمەتتەردىڭ باستاماسى ءساتتى باستالدى.
ناتيجە مىنانى تولىق ءتۇسىندىردى: شينجياڭنىڭ عىلىم - تەحنيكادا جاڭالىق اشۋىنىڭ كوپتەگەن سالالاردا نەگىزى، شارت - جاعدايى بار، يدەيانى ازات ەتىپ، شىنايى يگەرىپ، ناقتى ىستەگەندە عانا ەلەۋلى ىلگەرىلەۋشىلىكتەرگە قول جەتكىزۋگە، تەبىندەي باسىپ وزۋدى جۇزەگە اسىرۋعا قارىمى قاپتال جەتەدى، بىزدە وسىنداي اسقاق جىگەر بولۋى، ونان دا ماڭىزدىسى، وسىنداي باتىلدىق پەن وجەتتىلىك بولۋى كەرەك. سونىمەن بىرگە مىنانى دا سەرگەكتىكپەن كورە ءبىلۋىمىز كەرەك: شينجياڭنىڭ وڭىرلىك جاڭالىق اشۋ جالپىلىق قۋاتى ءالى دە بۇكىل ەل بويىنشا ارتقى قاتاردا تۇر، شينجياڭنىڭ عىلىم - تەحنيكادا جاڭالىق اشا دامۋىنا تۇساۋ بولىپ وتىرعان ءىشىنارا تەرەڭ ساتىلى قايشىلىقتار مەن ماسەلەلەردى شەشۋ شۇعىل قاجەت بولىپ وتىر، ءسوز جوق، ماسەلەنى باعدار ەتۋدەن جازباي، قايشىلىق پەن جەتەرسىزدىكتەرگە بەتپە - بەت كەلىپ، قايراتتانا قۋىپ جەتىپ، شينجياڭنىڭ عىلىم - تەحنيكادا جاڭالىق اشۋ قىزمەتىندە تىڭ ناتيجە جاراتىپ، تاعى دا تىڭ ساتىعا كوتەرىلۋىن جەبەۋ كەرەك.
دامۋى نەعۇرلىم كەنجە وڭىرلەر جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدى سولعۇرلىم قاجەت ەتەدى. قازىر شينجياڭ كەلەلى ستراتەگيالىق ورايدى يگەرۋدىڭ، جوعارى ساپالى دامۋدى ىلگەرىلەتۋدىڭ شەشۋشى كەزەڭىندە تۇر، عىلىم - تەحنيكادا جاڭالىق اشۋ ارقىلى دەم بەرۋگە، جەتەكشىلىك ەتۋگە ءارقانداي كەزدەگىدەن دە مۇقتاج. ءبىز سوتسياليستىك وسىزاماندانعان قۇدىرەتتى ەل قۇرۋداعى شينجياڭنىڭ ستراتەگيالىق ورنىن تۇراقتاندىرۋدى كوزدەپ، ورتا ازياعا بەت العان جىبەك جولى ەكونوميكالىق بەلدەۋى وڭىرلىك عىلىم - تەحنيكادا جاڭالىق اشۋ ورتالىعىن كۇش سالا قۇرۋ، ستراتەگيالىق عىلىم - تەحنيكا قۋاتى قۇرىلىسىن كۇشەيتۋ، عىلىم - تەحنيكادا جاڭالىق اشۋ ارقىلى ەكونوميكانىڭ جوعارى ساپالى دامۋىنا دەم بەرۋگە تاباندى بولۋ، كاسىپورىنداردىڭ جاڭالىق اشۋ ومىرشەڭدىك كۇشى مەن دامۋ قوزعاۋشى كۇشىن قاۋلاتۋ، عىلىم - تەحنيكادا جاڭالىق اشۋ ارقىلى قوعامدى باسقارۋعا كۇش ۇستەۋدى زور كۇشپەن ىلگەرىلەتۋ، ءتۇرلى عىلىم - تەحنيكا دارىندىلارىن شينجياڭدا ەڭبەك ءسىڭىرىپ، ۇلەس قوسۋعا توپتاۋ سياقتى جاقتاردان ءتۇيىندى تۇردە كۇش سالىپ، ناقتى ارەكەت ارقىلى جاڭالىق اشۋ جۇيەسىنىڭ جالپى تۇلعالىق ونىمدىلىگىن ۇزدىكسىز جوعارىلاتىپ، عىلىم - تەحنيكادا قۇدىرەتتى ەل قۇرۋعا شينجياڭ ۇلەسىن قوسۋىمىز كەرەك.
عىلىم - تەحنيكادا جاڭالىق اشۋ جۇيەلى ينجەنەريا، ءسوز جوق، پارتيانىڭ عىلىم - تەحنيكا قىزمەتىنە جاپپاي باسشىلىعىن كۇشەيتۋ كەرەك. پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرىپ، ۇكىمەت، بازار، قوعام سياقتى ءار جاقتاعى كۇشتەردىڭ عىلىم - تەحنيكادا جاڭالىق اشۋدا جۇدىرىقتاي جۇمىلىپ، كۇش ۇيىستىرىپ، كۇش - قايراتىنىڭ تەبىندەۋىن ىلگەرىلەتۋ كەرەك. ”ءبىرىنشى قوزعاۋشى كۇش“، ”ءبىرىنشى وندىرگىش كۇش“، ”ءبىرىنشى بايلىق“ تالاپتارى بويىنشا جاۋاپكەرشىلىكتى تياناقتاندىرۋدى قاتايتىپ، جاڭالىق اشۋعا ۇسىنىلىمدى ارتتىرىپ، ءتۇزىلىس رەفورماسىن تەرەڭدەتىپ، تاماشا ەكولوگيا قالىپتاستىرىپ، قۋاتتى بىرىككەن كۇش ۇيىستىرىپ، پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك.
جاڭا ءداۋىر عىلىم - تەحنيكا ىستەرىنە جاڭا بورىش جۇكتەدى، جاڭا جورىق عىلىم - تەحنيكا قىزمەتكەرلەرىن جاڭا جاۋاپكەرشىلىك ارقالاۋعا ۇندەيدى. ءبىز نەگىزگى تاقىرىپتىق تاربيەنى ىشكەرىلەي ورىستەتۋمەن ۇشتاستىرىپ، باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن اناعۇرلىم ىشكەرىلەي ۇيرەنىپ، جەتە ءتۇسىنىپ، شىنايى يگەرىپ، عىلىم - تەحنيكا جانە ەكونوميكالىق، قوعامدىق دامۋدىڭ جەدەل ءسىڭۋ، توعىسۋ ۇلكەن بەتالىسىن يگەرىپ، يدەيانى ونان ارى ازات ەتىپ، ءورىس اشا جاڭالىق اشىپ، قيىندىقتاردى جەڭىپ، قايراتتانا العا ۇمتىلىپ، جاسامپاز شينجياڭ قۇرىلىسىن جاپپاي جەدەلدەتۋدىڭ بورىشى مەن مىندەتىن شىنايى ارقالاپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن ويداعىداي جازايىق.
