اۆتونوميالى رايوننىڭ عىلىم - تەحنيكادا جاڭالىق اشۋ جينالىسى اشىلدى
جاڭالىق اشۋ ارقىلى دامۋعا دەم بەرۋگە تاباندى بولىپ، قايرات - جىگەردى تاسقىنداتىپ، نازاردى شوعىرلاندىرا كۇش سالىپ، جاڭا داۋىردە كورىكتى شينجياڭ قۇرۋعا عىلىم - تەحنيكا كۇشىن قوسۋ كەرەك
ما شيڭرۇي ءسوز سويلەدى، ۋاڭ جىگاڭ ارناۋلى تاقىرىپتا بايانداما جاسادى، ەركىن تۇنياز باسقاردى، ءزۇمىرات وبۇل، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتىناستى
7 - ايدىڭ 25 - كۇنى شينجياڭ ۇيعۇر اۆتونوميالى رايونىنىڭ عىلىم - تەحنيكادا جاڭالىق اشۋ جينالىسى ۇرىمجىدە اشىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 25 - كۇنى ۇرىمجىدەن حابارلايدى. اۆتونوميالى رايوننىڭ عىلىم - تەحنيكادا جاڭالىق اشۋ جينالىسى 7 - ايدىڭ 25 - كۇنى ۇرىمجىدە اشىلدى، جينالىس نەگىزگى تاقىرىپتىق تاربيەنى مۇقيات ورىستەتۋ، پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن ىشكەرىلەي ۇيرەنۋ، دايەكتىلەندىرۋ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ، جاڭالىق اشۋ ارقىلى دامۋعا دەم بەرۋ ستراتەگياسىن، شينجياڭدى عىلىم - تەحنيكا ارقىلى گۇلدەندىرۋ ستراتەگياسىن، دارىندىلار قۋاتتى رايونى ستراتەگياسىن تەرەڭدەي اتقارۋ توڭىرەگىندە، تۇتاس رايوننىڭ عىلىم - تەحنيكادا جاڭالىق اشۋ ءتۇيىندى مىندەتتەرىن اقىلداسىپ، ورنالاستىرىپ، جاسامپاز شينجياڭ قۇرىلىسىندا اناعۇرلىم زور قادام تاستاۋدى ىلگەرىلەتتى. اۆتونوميالى رايوندىق پارتكومنىڭ شۋجيى ما شيڭرۇي جينالىسقا قاتىناستى ءارى ءسوز سويلەدى، عىلىم - تەحنيكا مينيسترلىگى پارتيا باسشىلىق گرۋپپاسىنىڭ شۋجيى، مينيستر ۋاڭ جىگاڭ جينالىسقا قاتىناستى ءارى ارناۋلى تاقىرىپتا بايانداما جاسادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جينالىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ جينالىسقا قاتىناستى. جۇڭگو ينجەنەريا اكادەمياسىنىڭ اكادەميگى، حۋايروۋ تاجىريبەحاناسىنىڭ مەڭگەرۋشىسى تاڭ گۋاڭفۋ، جۇڭگو ينجەنەريا اكادەمياسىنىڭ اكادەميكتەرى جوۋ گاڭ، وشۇر ءسىلام، سۇن لۇڭدى، دىڭ ميڭجياڭ، سۇن حۋانچۋان، جۇڭگو عىلىم اكادەمياسىنىڭ اكادەميكتەرى جاۋ يۇيفىن، شياۋ ۋىنجياۋ قاتارلى اكادەميكتەر، ماماندار جينالىسقا قاتىناستى.
جينالىستا ماڭدايشالىق اشۋ سالتى وتكىزىلدى، ما شيڭرۇي مەن ۋاڭ جىگاڭ اقسۋ ارال جوعارى، جاڭا تەحنيكالىق كاسىپ سالاسىن اشۋ رايونىنىڭ ماڭدايشالىعىن اشتى، لي يفي مەن تاڭ گۋاڭفۋ حۋايروۋ تاجىريبەحاناسى شينجياڭ بازاسىنىڭ ماڭدايشالىعىن اشتى.
جينالىستا 2022 - جىلعى اۆتونوميالى رايوندىق عىلىم - تەحنيكا سيلىعىنىڭ عىلىم - تەحنيكالىق جەتىستىك جانە كورنەكتى ۇلەس سيلىعىنىڭ يەگەرلەرىن سيلاۋ جونىندەگى قارار وقىلدى ءارى سيلىق يەگەرلەرىنىڭ ۋاكىلدەرىنە سيلىق تاپسىرىلدى. يۇي ۋميڭ، ۋاڭ چىڭ، ماينۇر نياز، لي فىڭسىن، يىن بو اۆتونوميالى رايوندىق عىلىم - تەحنيكا سيلىعىنىڭ كورنەكتى ۇلەس سيلىعىنا يە بولدى. ”جەر شارىنىڭ جىلىنۋى جاعدايىنداعى ورتا ازياداعى قۋاڭ وڭىرلەردىڭ سۋ - ەكولوگيالىق جۇيە وزگەرىسى جانە جاۋاپ قايتارۋ مەحانيزمى“ قاتارلى 3 جەتىستىك اۆتونوميالى رايوندىق جاراتىلىستىق عىلىم سيلىعىنىڭ 1 - دارەجەلى سيلىعىن يەلەدى، ”ماي مەن سۋدى ايىرۋ ماتەريالى مەن تەحنيكاسىن شوعىرلى اسەرلەستىرۋ“ جەتىستىگى اۆتونوميالى رايوندىق تەحنيكالىق تاپقىرلىق سيلىعىنىڭ 1 - دارەجەلى سيلىعىن يەلەدى، ”قوي تۇقىمىن مولەكۋلالىق جەتىلدىرۋ تەحنيكاسى جانە تۇقىمدىق زات جاسامپازدىعى“ قاتارلى 32 جەتىستىك اۆتونوميالى رايوندىق عىلىم - تەحنيكا العاباسارلىعى سيلىعىنىڭ 1 - دارەجەلى سيلىعىن يەلەدى.
ما شيڭرۇي بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم - تەحنيكادا جاڭالىق اشۋدى مەملەكەتتىڭ دامۋ جالپى جاعدايىنىڭ وزەكتى ورنىنا قويۋعا تاباندى بولىپ، باس شۋجي شي جينپيڭ ءبىر قىدىرۋ ماڭىزدى بايىمداۋ جاريالاپ، ەلىمىز عىلىم - تەحنيكا ىستەرىنىڭ تاريحي جەتىستىككە قول جەتكىزۋىنە، تاريحي وزگەرىس تۋىلۋىنا جەتەكشىلىك ەتتى. ءبىز باس شۋجيدىڭ ماڭىزدى بايىمداۋلارىن جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىندا شىنايى كۇش سالىپ، ناقتى كۇش سالىپ، جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى ۇزدىكسىز كۇشەيتىپ، شينجياڭنىڭ عىلىم - تەحنيكادا جاڭالىق اشۋ ىستەرىنىڭ جاڭا جاعدايىن قۇلشىنا اشۋىمىز كەرەك. بىلتىردان بەرى تۇتاس رايوننىڭ جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، كوپ ءتۇرلى ءتۇيىندى قىزمەتتىڭ ءساتتى باستالىپ، ماڭىزدى ىلگەرىلەۋشىلىككە قول جەتكىزۋى شينجياڭنىڭ عىلىم - تەحنيكادا جاڭالىق اشۋىنىڭ تىڭ ىلگەرىلەۋشىلىككە قول جەتكىزۋگە، تەبىندەي باسىپ وزۋدى جۇزەگە اسىرۋعا قابىلەتتى ەكەندىگىن، وسىنداي ۇلى مۇرات، اسقاق ارمان، باتىلدىق، جۇرەكتىلىك بولۋ كەرەك ەكەندىگىن تولىق دالەلدەدى. قازىر شينجياڭ دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى رەتتەۋدىڭ، ارتۋ قوزعاۋشى كۇشىن جاڭالاۋدىڭ شەشۋشى كەزەڭىندە تۇر، عىلىم - تەحنيكادا جاڭالىق اشۋ ارقىلى دەم بەرۋدىڭ جەتەكشىلىگىن ءارقانداي كەزدەگىدەن دە اناعۇرلىم قاجەت ەتەدى. ماسەلەنى باعدار ەتۋگە تاباندى بولىپ، قايشىلىقتارعا، ولىقىلىقتارعا تۋرا قاراپ، قايرات - جىگەردى، سەنىمدى تاسقىنداتىپ، شينجياڭنىڭ عىلىم - تەحنيكادا جاڭالىق اشۋ قىزمەتىندە ورىن تەۋىپ وتىرعان تەرەڭ ساتىلى قايشىلىقتار مەن ماسەلەلەردى ويداعىداي شەشۋگە بەل بۋىپ، جاسامپاز شينجياڭ قۇرىلىسىن جاپپاي جەدەلدەتۋىمىز كەرەك.
ما شيڭرۇي بىلاي دەپ باسا دارىپتەدى: شينجياڭنىڭ دامۋ ستراتەگيالىق ورنىن كوزدەي وتىرىپ، تاپتىرماس ورايدى مىقتى يگەرىپ، نازاردى ءتۇيىندى سالالارعا شوعىرلاندىرىپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋدىڭ نەگىزدىك، ستراتەگيالىق تىرەكتىك رولىن اناعۇرلىم ويداعىداي ساۋلەلەندىرۋ كەرەك. ورتا ازياعا باعىتتالعان جىبەك جولى ەكونوميكالىق بەلدەۋىنىڭ وڭىرلىك عىلىم - تەحنيكادا جاڭالىق اشۋ ورتالىعىن كۇش سالا قالىپتاستىرىپ، ”ەكى رايون“ قۇرىلىسىن جەتەكشى ەتىپ، ”ءتورت جاق سەلبەستىگىن“ تەرەڭدەتىپ، كەلەلى عىلىم - تەحنيكالىق ۇلگى كورسەتۋ ينجەنەريالارىن اتقارىپ، توڭىرەكتەگى ەلدەرمەن عىلىم - تەحنيكالىق سەلبەستىكتى كۇشەيتىپ، جىبەك جولى ەكونوميكالىق بەلدەۋى وزەكتى رايونىنىڭ وڭىرلىك جاڭالىق اشۋ جۇيەسىنىڭ قابىلەت دەڭگەيىن جوعارىلاتۋ كەرەك. ستراتەگيالىق عىلىم - تەحنيكا كۇشى قۇرىلىسىن كۇشەيتىپ، ەرەكشە، باسىمدىققا يە سالالاردى ارقاۋ ەتىپ، مەملەكەت دارەجەلى عىلىم - تەحنيكالىق جاڭالىق اشۋ تۇعىرلارىن جەتىلدىرۋ قۇرىلىسىندا تىڭ ناتيجەگە قول جەتكىزۋدى ىلگەرىلەتىپ، جوعارى مەكتەپتەر مەن عىلمي زەرتتەۋ مەكەمە - ورىندارىنىڭ جاڭالىق اشۋ قابىلەتىن جوعارىلاتىپ، تەحنيكالىق عىلىمدار مەكتەپتەرىنىڭ قۇرىلىسىنداعى ولقىلىقتاردى تولىقتاپ، كۇشتى شوعىرلاندىرا وتىرىپ كەلەلى عىلىم - تەحنيكالىق ماسەلەلەردى شەشۋ كەرەك. عىلىم - تەحنيكادا جاڭالىق اشۋ ارقىلى ەكونوميكانىڭ جوعارى ساپالى دامۋىنا دەم بەرىپ، نازاردى ”8 ءىرى كاسىپ سالاسى شوعىرى“ قۇرىلىسىنا شوعىرلاندىرىپ، جاڭالىق اشۋ تىزبەگىنىڭ كاسىپ سالاسى تىزبەگىمەن تەرەڭدەي توعىسۋىن ىلگەرىلەتىپ، شەشۋشى تەحنيكالاردان قامال الۋدى جەدەلدەتىپ، تەحنيكا كوشىرۋگە قىزمەت وتەۋ جۇيەسىن ساپالىلاندىرىپ، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن جوعارىلاتۋ كەرەك. كاسىپورىنداردىڭ جاڭالىق اشۋ ومىرشەڭدىك كۇشىن، دامۋ قوزعاۋشى كۇشىن تاسقىنداتىپ، كاسىپورىندارعا ءتيىمدى ءتۇرلى جاڭالىق اشۋ ساياساتتارىنىڭ تياناقتانۋىن ىلگەرىلەتىپ، ءتۇرلى جاڭالىق اشۋ فاكتورلارىنىڭ كاسىپورىندارعا شوعىرلانۋىن جەبەپ، كاسىپورىنداردى زەرتتەۋ - اشۋعا ۇسىنىلىمدى ارتتىرۋعا جەتەكتەپ، جوعارى، جاڭا تەحنيكالىق كاسىپورىنداردى ەسەلەپ مولايتۋ ارەكەتىن ىشكەرىلەي اتقارىپ، عىلىم - تەحنيكالىق كاسىپورىندار شوعىرىن جەتىلدىرۋ، زورايتۋ كەرەك. عىلىم - تەحنيكادا جاڭالىق اشۋدىڭ قوعامدىق باسقارۋعا قۋات ۇستەۋىن ىلگەرىلەتىپ، سيفرلى ۇكىمەت قۇرىلىسىن جەدەلدەتىپ، لاڭكەستىككە قارسى تۇرىپ، ورنىقتىلىقتى قورعاۋ، ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، نەگىزگى ساتىنى باسقارۋ سياقتى ءتۇيىندى سالالاردى، كەلەلى سۇرانىستى ارقاۋ ەتىپ، تەحنيكالىق زەرتتەپ اشۋدى، قولدانۋدى ورىستەتىپ، قوعامدىق باسقارۋ ونىمدىلىگىن ۇزدىكسىز جوعارىلاتۋ كەرەك. شىن مانىندە تاماشا ورتا قالىپتاستىرىپ، ەڭبەككە قۇرمەت ەتۋگە، بىلىمگە قۇرمەت ەتۋگە، دارىندىلارعا قۇرمەت ەتۋگە، جاسامپازدىققا قۇرمەت ەتۋگە تاباندى بولىپ، اۆتونوميالى رايوننىڭ دارىندىلاردى دامىتۋ قورىنان ويداعىداي پايدالانىپ، شۇعىل قاجەتتى، تاپشى، جوعارى دەڭگەيلى دارىندىلاردان ءبىر توبىن جەتىلدىرىپ جانە ەنگىزىپ، يگىلىك سياقتى ءار جاقتان قامتاماسىز ەتۋدى كۇشەيتىپ، ءتۇرلى عىلىم - تەحنيكا دارىندىلارىن شينجياڭعا ۇلەس قوسىپ، ەڭبەك سىڭىرۋگە شوعىرلاندىرۋ كەرەك. ءار دارەجەلى پارتكومدار، ۇكىمەتتەر عىلىم - تەحنيكادا جاڭالىق اشۋدى اناعۇرلىم ماڭىزدى ورىنعا قويىپ، اۆتونوميالى رايوننىڭ ءار جىلعى 2 ميلليارد يۋاندىق قازىنا، عىلىم - تەحنيكا قاراجاتىنان ويداعىداي پايدالانىپ، تۇتاس قوعامدى عىلمي زەرتتەۋگە ۇسىنىلىم تەبىنىن ارتتىرۋعا جەتەكتەپ، عىلىم - تەحنيكا ءتۇزىلىسى رەفورماسىن ۇزدىكسىز تەرەڭدەتىپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ عىلىم - تەحنيكادا جاڭالىق اشۋ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن ىلگەرىلەتۋ كەرەك.
ۋاڭ جىگاڭ نازاريالىق لوگيكا، تاريحي لوگيكا، رەال لوگيكا، كەرى اينالدىرۋ لوگيكاسى، بىرتىندەي وزگەرۋ لوگيكاسى سىندى 5 جاقتان باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىنىڭ تەرەڭ ءمانىن ءتۇسىندىرىپ، جاڭا داۋىردەن بەرگى ەلىمىزدىڭ عىلىم - تەحنيكادا جاڭالىق اشۋدا قول جەتكىزگەن تاريحي تابىستارىن، تۋىلعان تاريحي وزگەرىستەردى قورىتىندىلاپ، پارتيا 20 - قۇرىلتايىنان بەرگى عىلىم - تەحنيكا قىزمەتىندەگى ەڭ جاڭا ىلگەرىلەۋشىلىكتەردى، سونداي - اق پارتيا ورتالىق كوميتەتىنىڭ جوعارى دەڭگەيلى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جۇزەگە اسىرۋ جونىندەگى ورنالاستىرۋلارى مەن تالاپتارىن تانىستىردى، عىلىم - تەحنيكا مينيسترلىگىنىڭ شينجياڭنىڭ عىلىم - تەحنيكادا جاڭالىق اشۋىنا ۇزدىكسىز زور كۇشپەن قولداۋ كورسەتىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن بىرگە ويداعىداي تياناقتاندىرىپ، عىلىم - تەحنيكادا قۋاتتى ەل قۇرۋدى جەدەلدەتۋگە ۇلەس قوساتىندىعىن ءبىلدىردى.
شينجياڭ جينفىڭ عىلىم - تەحنيكا جارنا شەكتى سەرىكتەستىگىنىڭ القا باستىعى ۋ گاڭ، اۆتونوميالى رايوندىق حالىق شيپاحاناسىنىڭ اعا شيپاگەرى ماينۇر نياز، جۇڭگو مۇنايى باتىس بولىك بۇرعىلاۋ - بارلاۋ ينجەنەرياسى شەكتى سەرىكتەستىگىنىڭ ورىنباسار باس ديرەكتورى ليۋ حۇڭتاۋ جەكە - جەكە اۆتونوميالى رايوندىق عىلىم - تەحنيكا سيلىعىنا يە بولعان ورىنداردىڭ، اۆتونوميالى رايوندىق عىلىم - تەحنيكا سيلىعى كورنەكتى ۇلەس سيلىعى يەگەرلەرىنىڭ، جاس عىلىم - تەحنيكا قىزمەتكەرلەرىنىڭ اتىنان ءسوز سويلەدى.
عىلىم - تەحنيكا مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر ۋ چاۋحۇي، عىلىم - تەحنيكا مينيسترلىگىنىڭ قاتىستى تاراۋلارىنداعى جاۋاپتى جولداستار؛ چىن ۋيجۇن، ءيۇسۇپجان مامەت، ەلزات احىمەتجان، مۇقيات جارمۇقامەت، شۋە بين، ۋاڭ گاڭ، قايسار ابدۇكەرىم، حا زىڭيوۋ، دۋ حۇڭيان، رايونعا (ورتالىق) توتە قاراستى قاتىستى ورىندارداعى جاۋاپتى جولداستار، اۆتونوميالى رايوندىق حالىق قۇرىلتايىنىڭ، ساياسي كەڭەستىڭ قاتىستى قىزمەت كوميتەتتەرىندەگى جاۋاپتى جولداستار، قاتىستى ماماندار، وقىمىستىلار جانە عىلمي زەرتتەۋ ورىندارى، مەملەكەتتىك ءتۇيىندى تاجىريبەحانا سياقتى عىلىم - تەحنيكادا جاڭالىق اشۋ قۇرىلىمدارى مەن ورىندارىنداعى جاۋاپتى جولداستار نەگىزگى جينالىس الاڭىندا جينالىسقا قاتىناستى. جينالىس تەلەۆيزور - تەلەفون ءماجىلىسى فورماسىندا اشىلدى، ءارقايسى ايماق، وبلىس، قالالار، اۋدان، قالا، رايوندار، بيڭتۋان ورگاندارى جانە ءارقايسى شى، قالالار، تۋان - الاڭدار بولىمشە جينالىس الاڭىن ورنالاستىردى.
