جاڭاءشار باتىس قاقپا قىستاعى:
اۋىلداستاردىڭ تۇرمىسى بارعان سايىن شالقي تۇسەدى
□ انار بۇلت \ شينجياڭ گازەتىنىڭ تىلشىلەرى جاڭ رۇيلين، ۋي يۇڭگۇي
بايتاق دالادا قوڭىر سامال ەسىپ، ءجۇزىمنىڭ ءيىسىن اڭقىتتى. 7 - ايدىڭ 8 - كۇنى تاڭ سارىدە تۇرپان قالاسى گاۋچاڭ رايونى يار قالاشىعىنىڭ جاڭاءشار باتىس قاقپا قىستاعىندا كۇنباعىستار كۇنگە قاراي جادىراي اشىلىپ، ءجۇزىم ساباقتارى ورمەلەي وسكەن، اۋلادان اۆتوكولىكتىڭ وتالعان داۋىسى ەستىلەدى، ءتۇتىن بۋداقتاپ، قاربالاس تا ماعىنالى ءبىر كۇن باستالدى.
”2022 - جىلى 7 - ايدىڭ 14 - كۇنى باس شۋجي شي جينپيڭ جاڭاءشار باتىس قاقپا قىستاعىن كوزدەن كەشىردى. ءبىر جىلدان بەرى جاڭاءشار باتىس قاقپا قىستاعىنداعى كادرلار مەن بۇقارا تۇگەل باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، قىستاقتاعى كاسىپ سالاسىنىڭ تىڭ دامۋىن ىلگەرىلەتتى، قىستاق كەلبەتى ونان ارمان كورىكتەندى، قىستاق تۇرعىندارىنىڭ كىرىستى ارتتىرىپ بايۋ جىگەرى اناعۇرلىم تاسقىندادى، ىنتاسى اناعۇرلىم ارتتى“، - دەدى تۇرپان قالالىق تۇرعىن ءۇي جانە قالا قۇرىلىسى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى، جاڭاءشار باتىس قاقپا قىستاعى پارتيا ياچەيكاسىنىڭ ءبىرىنشى شۋجيى نيە جاۋيۇي.
باس شۋجي شي جينپيڭنىڭ جاڭاءشار باتىس قاقپا قىستاعىن كوزدەن كەشىرگەندە: كەدەيلىكتەن ارىلتۋدان قامال الۋ جەتىستىكتەرىن ويداعىداي بەكەمدەپ، كەڭەيتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، اۋىل - قىستاقتىڭ اناعۇرلىم باي، تۇرمىستىڭ اناعۇرلىم باقىتتى، اۋىل - قىستاقتىڭ اناعۇرلىم كوركەم بولۋىن ىلگەرىلەتۋ كەرەك دەپ اتاپ كورسەتكەنى نيە جاۋيۇيدىڭ انىق ەسىندە.
جاڭاءشار باتىس قاقپا قىستاعى قىزىل انار مادەنيەت الاڭىنىڭ جانىنداعى 67 مۋ جەردىڭ دارەجەسىن كوتەرىپ جاڭالاۋ جۇمىسى اياقتاۋ الدىندا تۇر. ءجۇزىم باعىنا جاڭادان كاريدورلى سورە ورناتىلىپ، سورەنىڭ ۇستىنە شام تاسپالار ءىلىنىپ، سورە استىنا سەمەنت الاڭقى جاسالدى، ءجۇزىم باعىنىڭ توڭىرەگىنە ءانجۇر، انار، كۇنباعىس سياقتى ەرەكشە وسىمدىكتەر ەگىلدى.
”دارەجەسى كوتەرىلىپ، جاڭالانعاننان كەيىن، بۇل ارا قىستاقتاعى اۋىل شارۋاشىلىق - ساياحات كاسىپ سالاسىن دامىتاتىن جەمىس - كوكونىس ءۇزۋ جانە تاماشالاۋ اۋماعى بولماق، ءجۇزىم سورەسى استىنا اۋىل شارۋاشىلىق ونىمدەرىن، قولونەر بۇيىمدارىن ساتۋ ءتۇيىنى جانە ءدامدى تاعامدار دۇكەنشەسى ورنالاستىرىلادى. كەلەسى كەلگەندەرىڭىزدە بۇل جەر ءبىر كورىنىس تۇيىنىنە اينالادى“، - دەدى تۇرپان قالالىق عىلىم - تەحنيكا مەكەمەسىنىڭ جاڭاءشار باتىس قاقپا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى راسۇل مامەت تىلشىگە.
الاڭعا تاياۋ جەردەن تۇرپان سىلۋ ميڭجۋ اۋىل شارۋاشىلىعى بيوتەحنيكا شەكتى سەرىكتەستىگى 3000 شارشى مەتر كەلەتىن مەيىز وڭدەۋ ولشەمدى زاۆود ءۇيى مەن 2000 شارشى مەترلىك بال جەمىس، جەمىس شىرىنىن جىنتىكتەي وڭدەۋ زاۆودىن سالىپ جاتىر، قۇرىلىس سالىنىپ بولايىن دەپ قالىپتى. وسى سەرىكتەستىكتىڭ جاۋاپتىسى مىنانى ءبىلدىردى: جاڭا زاۆود ءۇيى قولدانىسقا بەرىلگەننەن كەيىن، مەيىز، قاۋىن قاعى سياقتى ءتۇرلى ونىمدەردىڭ جىلدىق ءونىم قۋاتى 2 ەسەلەنىپ، 5000 توننادان اساتىن بولادى.
جاقسى ءونىم بولۋمەن قويماي، تاعى ىركىلىسسىز ساتۋ ارناسى بولۋ كەرەك. بيىل جاڭاءشار باتىس قاقپا قىستاعى شينجياڭ سىلۋ جياۋزى ەلەكتروندى ساۋدا شەكتى سەرىكتەستىگىن ىرگە تەپتىردى، ينتەرنەتتەگى تۇعىر ارقىلى قىستاقتىڭ اۋىل شارۋاشىلىق ونىمدەرى بۇكىل ەلدىڭ جەر - جەرىنە ساتىلدى. ”6 - اي قۇمىل قاۋىنى ساتىلاتىن ماۋسىم، ءبىزدىڭ تاپسىرىسىمىز ساتىپ الۋ مولشەرىنەن اسىپ كەتتى. وسى بىرنەشە كۇندە تىكە تاراتۋشى دەمالىسقا كەتىپ، تاعى دا تاپسىرىس قابىلداۋعا باتىلدىق ەتە المادىق“. وسى سەرىكتەستىكتىڭ باس ديرەكتورى جۋ يانلين بىلاي دەدى: سەلبەستىك جاساپ، بىرگە يگىلىككە كەنەلۋ ءۇشىن، سەرىكتەستىك قىستاقپەن بىرگە ەلەكتروندى ساۋدادا تىكە تاراتۋ بويىنشا جەتىلدىرۋ بازاسىن سالدى، ءبىر جىلدان بەرى ينتەرنەتتە تانىمالى تاراتۋشىدان 20 نەشە ادامدى باۋلىدى، ”ينتەرنەتتەگى تاپسىرىس كوپ، زات قاسىمىزداعى قويمادان توتە جونەلتىلەدى، قوراپتاۋ، تيەۋ - تۇسىرۋگە تۇگەل ادام قاجەت، قازىر 60 نەشە ادام تۇراقتى ىستەپ جاتىر، بارلىعى قىستاقتاعى ارتىق ەڭبەككۇشتەر“.
”بۇگىنگى تاڭدا، قىستاق بارعان سايىن جاقسى گۇلدەنىپ كەلەدى، دامۋ ورايى دا كۇن سايىن كوبەيۋدە. اۋىلعا قايتىپ جۇمىستانۋدىڭ، شارۋاشىلىق قۇرۋدىڭ بولاشاعى زور“. مەكتەپ بىتىرگەن سوڭ اۋىلعا قايتىپ، شارۋاشىلىق قۇرعان تاراتۋشى اينۇرگۇل جاپار بىلاي دەدى: سەرىكتەستىكتىڭ تىكە تاراتۋ بولمەسىنىڭ جابدىعى تولىق، ادەمى دە كەلىستى اشەكەيلەنگەن. ءارقايسى تىكە تاراتۋ ۇجىمدارى ۇنەمى باۋلۋعا قاتىناسىپ، ساپاسىن جوعارىلاتۋ ورايىنا يە بولىپ وتىرادى، تىكە تارتۋ ارقىلى زات ساتۋ كولەمى تۇرپان قالاسىنان تاڭداپ الىنعان ءار ءتۇرلى اۋىل شارۋاشىلىق ونىمدەرىن قامتيدى، ”جانكۇيەرلەر سانىنىڭ جىلدام ارتقانىن، ساتىلعان زات مولشەرىنىڭ ۇزدىكسىز مولايعانىن كورگەندە بويىمدى تابىس سەزىمى كەرنەيدى“.
اۋىل - قىستاقتىڭ اناعۇرلىم باي، تۇرمىستىڭ اناعۇرلىم باقىتتى، اۋىل - قىستاقتىڭ اناعۇرلىم كوركەم بولۋىن پارتيا مۇشەلەرىنىڭ، كادرلاردىڭ قۇلشىنىسى مەن ەڭبەگىنەن بولە قاراۋعا بولمايدى.
ءبىر جىلدان بەرى جاڭاءشار باتىس قاقپا قىستاعى پارتيا مۇشەلەرى مەن بۇقاراعا قىزمەت وتەۋ ورتالىعىنىڭ بارلىق قىزمەتكەرلەرى باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ءوز قىزمەتتەرىن جوعارى ساپامەن ويداعىداي ىستەپ، بۇقاراعا ىستىق ىقىلاسپەن قىزمەت وتەپ، ءتۇرلى ىستەردىڭ ءبىتىرىلۋ مولشەرى، بۇقارانىڭ رازى بولۋ دارەجەسى بىردەي ％100كە جەتتى.
”وسى بىرنەشە كۇندە، ءبىز 76 ادام (رەت) قابىلداپ قىزمەت وتەدىك“. جاڭاءشار باتىس قاقپا قىستاعى قىستاق تۇرعىندار كوميتەتىنىڭ ورىنباسار مەڭگەرۋشىسى ءاسانجان ءومار بىلاي دەدى: مەيلى ۇلكەن ءىس، الدە كىشكەنە ءىس بولسىن، بۇقارا جولىققان قيىنشىلىق جانە ماسەلە بولسا بولعانى، پارتيا مۇشەلەرى مەن بۇقاراعا قىزمەت وتەۋ ورتالىعى امالىن تاۋىپ شەشەدى. مۇنان تىس، وسى ورتالىق تاعى قىستاققا ەكسكۋرسياعا كەلگەن زەرتتەۋ - ۇيرەنۋ ۇيىرمەلەرىن قابىلداپ، جاڭاءشار باتىس قاقپا قىستاعىنىڭ پارتيا قۇرىلىسىنىڭ جەتەكتەۋىندە كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل - قىستاقتىڭ گۇلدەنۋىن جاپپاي ىلگەرىلەتۋ، جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت - تاربيەسىن ىشكەرىلەي ورىستەتۋ سياقتى جاقتارداعى تيپتىك تاجىريبەلەرىن تانىستىرۋعا جاۋاپتى.
”كەلەسى قادامدا، جاڭاءشار باتىس قاقپا قىستاعى پارتيا قۇرىلىسى قىزمەتى مەن القا قۇرىلىسىن ۇزدىكسىز ويداعىداي يگەرىپ، بۇقارانى ىنتىماقتاستىرىپ جانە باستاپ، اۋىل - قىستاقتىڭ گۇلدەنۋىن جاپپاي ىلگەرىلەتەدى“. نيە جاۋيۇي بىلاي دەدى: كاسىپ سالالارىن دامىتۋ جاعىندا، قىستاق جاڭا كاسىپورىنداردى ۇزدىكسىز كىرگىزىپ، ءجۇزىم كاسىپ سالاسى تىزبەگىن ۇزدىكسىز ۇزارتادى، سونىمەن بىرگە، ساياحات كاسىبى مەن سويىس كەپتەر باعىمشىلىعى كاسىبىن جەدەل دامىتىپ، قىستاق تۇرعىندارىنىڭ بەلسەنە شارۋاشىلىق قۇرۋىن، جۇمىستانۋىن ىلگەرىلەتىپ، قىستاق كوللەكتيۆىنىڭ كىرىسى مەن قىستاق تۇرعىندارىنىڭ جان باسىندىق كىرىسىن بىردەي ارتتىرۋ نىساناسىن جۇزەگە اسىرادى، ”ءبىزدىڭ نىسانامىز جاڭاءشار باتىس قاقپا قىستاعىن شينجياڭنىڭ اۋىل شارۋاشىلىعىن، اۋىل - قىستاقتى وسىزامانداندىرۋداعى ۇلگىلى قىستاق ەتىپ قۇرىپ شىعىپ، باس شۋجيدىڭ ءۇمىت ەتكەنىندەي، اۋىلداستاردىڭ تۇرمىسىن بارعان سايىن شالقىتا ءتۇسۋ“.
