انار بۇلت \ شينجياڭ گازەتىنىڭ ءتىلشىسى ۋاڭ نا 7 - ايدىڭ 26 - كۇنى ۇرىمجىدەن حابارلايدى. 7 - ايدىڭ 26 - كۇنى اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 4 - ءماجىلىسى ۇرىمجىدە ءبىرىنشى جالپى جيىنىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل جيىندى باسقاردى.
تۇراقتى كوميتەت قۇرامىنداعىلاردان 60 ادام جيىنعا قاتىناستى، بۇل زاڭدا بەلگىلەنگەن ادام سانىنا ۇيلەسەدى.
جيىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى 4 - ءماجىلىسىنىڭ كەڭەستىك تارتىپتەرىن ماقۇلداپ، «اۆتونوميالى رايوننىڭ جىلجىمالى ادامدارعا قىزمەت وتەۋ، باسقارۋ ەرەجەسىن (جوبا)»، «اۆتونوميالى رايوننىڭ كوللەكتيۆ كەڭەسۋ ەرەجەسىن (جوبا)»، «اۆتونوميالى رايوننىڭ ولشەمدەندىرۋ ەرەجەسىن (جوبا)» قاراۋ ناتيجەسى جونىندەگى باياندامانى تىڭدادى، «اۆتونوميالى رايوننىڭ ءوندىرىس حاۋىپسىزدىگى ەرەجەسى (وزگەرىس ەنگىزىلگەن جوبا)»، «اۆتونوميالى رايوندىق حالىق قۇرىلتايى تۇراقتى كوميتەتىنىڭ ۇكىمەت قارىز ىستەرىن تەكسەرۋدى، باقىلاۋدى كۇشەيتۋ جونىندەگى قاۋلىسى»، «اۆتونوميالى رايوننىڭ <جۇڭحۋا حالىق رەسپۋبليكاسىنىڭ سۋ زاڭىن> اتقارۋ ءادىسى (وزگەرىس ەنگىزىلگەن جوبا)» جونىندەگى تۇسىندىرمەنى تىڭدادى، اۆتونوميالى رايوندىق حالىق ۇكىمەتىنىڭ 2023 - جىلدىڭ الدىڭعى جارتىسىنداعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جونىندەگى بايانداماسىن، 2023 - جىلدىڭ الدىڭعى جارتىسىنداعى اۆتونوميالى رايوننىڭ مەجە ەسەبىنىڭ اتقارىلۋ جاعدايى جونىندەگى بايانداماسىن، 2022 - جىلعى اۆتونوميالى رايون دارەجەلى سوڭعى ەسەپ جوباسى جونىندەگى بايانداماسىن، 2022 - جىلعى اۆتونوميالى رايون دارەجەلى مەجە ەسەپتىڭ اتقارىلۋى جانە باسقا دا قازىنالىق كىرىس - شىعىستاردى قازىنالىق باقىلاۋ قىزمەتى بايانداماسىن، 2023 - جىلعى اۆتونوميالى رايون دارەجەلى مەجە ەسەپتى رەتتەۋ جوباسى (جوبا) بايانداماسىن، اۆتونوميالى رايوننىڭ قالا ۇلت قىزمەتى جاعدايى بايانداماسىن تىڭدادى، اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جول - قاتىناس حاۋىپسىزدىگى زاڭىنىڭ»، «اۆتونوميالى رايوننىڭ <جول - قاتىناس حاۋىپسىزدىگى زاڭىن> اتقارۋ ءادىسىنىڭ»، «اۋىل - قىستاقتى گۇلدەندىرۋدى جەبەۋ زاڭىنىڭ»، «اۆتونوميالى رايوننىڭ اۋىل - قىستاقتى گۇلدەندىرۋدى جەبەۋ ەرەجەسىنىڭ» اتقارىلۋ جاعدايىن تەكسەرۋ بايانداماسىن، 2023 - جىلعى تيانشان قورشاعان ورتانى قورعاۋ ساپارى زاڭنىڭ اتقارىلۋىن تەكسەرۋدى ورىستەتۋ جاعدايى جونىندەگى بايانداماسىن، «جۇڭحۋا حالىق رەسپۋبليكاسىنىڭ ءورت ءسوندىرۋ، ورتتەن ساقتانۋ زاڭىنىڭ»، «اۆتونوميالى رايوننىڭ ءورت ءسوندىرۋ، ورتتەن ساقتانۋ ەرەجەسىنىڭ» اتقارىلۋ جاعدايىن تەكسەرۋ جونىندەگى باياندامانى تىڭدادى، اۆتونوميالى رايوندىق حالىق قۇرىلتايى تۇراقتى كوميتەتى كوزدەن كەشىرۋ گرۋپپاسىنىڭ مادەني ەسكەرتكىشتەردى باسقارۋ قىزمەتى جاعدايى تۋرالى باياندامانى قاراۋ پىكىرىن رەتتەۋ، تياناقتاندىرۋ جاعدايىن قاداعالاي باقىلاۋ جونىندەگى كوزدەن كەشىرۋ بايانداماسىن، اۆتونوميالى رايوندىق حالىق قۇرىلتايى باقىلاۋ - تەكسەرۋ جانە ءادىليا كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى قاراۋعا تاپسىرعان ۋاكىلدەر العا قويعان كەڭەستىك جوبالارىن قاراۋ ناتيجەسى جونىندەگى بايانداماسىن تىڭدادى، اۆتونوميالى رايوندىق قاتىناس - تاسىمال مەڭگەرمەسىنىڭ، سۋ يگىلىگى مەڭگەرمەسىنىڭ اۆتونوميالى رايوندىق 14 - كەزەكتى حالىق قۇرىلتايى 1 - ماجىلىسىندە ۋاكىلدەردىڭ قويعان ۇسىنىس، سىن، پىكىرلەرىن ءبىتىرۋ جاعدايى جونىندەگى بايانداماسىن تىڭدادى، كادرلاردى مىندەتكە قويۋ، مىندەتىنەن قالدىرۋعا قاتىستى ىستەر جونىندەگى تۇسىندىرمەنى تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي نيڭپيڭ، توحتى ياقۇپ، مۇقيات جارمۇقامەت، ءدىلشات قىدىرقان، پيڭ شينلاي، ۋاڭ گوحى، ءمامتىمىن قادىر، باس حاتشى ءمۇتالىپ روزى جيىنعا قاتىناستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت، اۆتونوميالى رايوندىق باقىلاۋ - تەكسەرۋ كوميتەتىندەگى قاتىستى جاۋاپتىلار، اۆتونوميالى رايوندىق جوعارى حالىق سوتى مەكەمەسىنىڭ باستىعى ءدىلشات سايىم، اۆتونوميالى رايوندىق حالىق پروكۋراتۋراسىنىڭ باس پروكۋرورى گاۋ جيميڭ قاتارلىلار جيىنعا سىرتتاي قاتىناستى.
