الدىڭعى جارتى جىلدا شينجياڭنىڭ ەكونوميكالىق اينالىمىندا قالپىنا كەلىپ جاقسارۋ جاعدايى جارىققا شىقتى
وڭىرلىك ءوندىرىس جالپى ءونىم قۇنى 854 ميلليارد 208 ميلليون يۋان بولدى
انار بۇلت \ شينجياڭ گازەتىنىڭ ءتىلشىسى گاۋ فىڭ 7 - ايدىڭ 26 - كۇنى ۇرىمجىدەن حابارلايدى. وڭىرلىك ءوندىرىس جالپى ءونىم قۇنىن ءبىر تۇتاس ەسەپتەۋ ناتيجەسىنە نەگىزدەلگەندە، الدىڭعى جارتى جىلدا شينجياڭنىڭ وڭىرلىك ءوندىرىس جالپى ءونىم قۇنى 854 ميلليارد 208 ميلليون يۋان بولعان، تۇراقتى باعا بويىنشا ەسەپتەگەندە، سايكەس مەزگىلدەگىدەن ％1. 5 ارتقان. بۇنى ءتىلشى اۆتونوميالى رايوندىق حالىق ۇكىمەتى اقپارات كەڭسەسىنىڭ 7 - ايدىڭ 26 - كۇنى وتكىزگەن ”شينجياڭنىڭ جوعارى ساپالى دامۋدى ىلگەرىلەتۋى“ جەلىلەس نەگىزگى تاقىرىپتىق اقپار جاريالاۋ ءماجىلىسىنىڭ اۆتونوميالى رايوننىڭ الدىڭعى جارتى جىلداعى حالىق شارۋاشىلىعى اينالىم جاعدايىن جاريالاۋ جونىندەگى 9 - رەتكى ماجىلىسىنەن ۇعىسقان.
اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى حاۋ جۇنچيڭ جاريالاۋ ماجىلىسىندە مىنالاردى ءبىلدىردى: ەكونوميكانىڭ، قوعامنىڭ ۇدايىلانعان اينالىمدى جاپپاي قالپىنا كەلتىرۋىنە، ارتۋدى ورنىقتىرۋ، جۇمىستاندىرۋدى ورنىقتىرۋ جانە مەجەنى ورنىقتىرۋ سياقتى ءبىر قىدىرۋ ساياساتتاردىڭ ءۇرتىس كۇش سالۋىنا ىلەسە، الدىڭعى جارتى جىلدا رايونىمىزدىڭ بازار سۇرانىسى ۇزدىكسىز جارىققا شىعىپ، ءوندىرۋ مەن قامداۋ ۇزدىكسىز ارتىپ، جۇمىستاندىرۋ جاعدايى ورنىقتى جوعارىلاپ، ەكونوميكالىق اينالىمىندا قالپىنا كەلىپ جاقسارۋ جاعدايى جارىققا شىقتى.
ءۇش كاسىپ سالاسى تۇگەلدەي ارتتى. الدىڭعى جارتى جىلدا اۋىل شارۋاشىلىعى ءوندىرىسى ورنىقتىلىق بارىسىندا جاقسارىپ، مال شارۋاشىلىعى ءبىرشاما تەز ارتتى، بۇكىل رايوننىڭ ەگىن، ورمان، مال، بالىق شارۋاشىلىعىنىڭ جالپى ءونىم قۇنى 123 ميلليارد 809 ميلليون يۋانعا جەتىپ، سالىستىرمالى باعا بويىنشا ەسەپتەگەندە، سايكەس مەزگىلدەگىدەن ％7. 5 ارتقان. ونەركاسىپ ءوندىرىسى ورنىقتى ارتىپ، ەنەرگيا كاسىبى ورنىقتى تىرەك بولدى، بۇكىل رايونداعى كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％2. 5 ارتىپ، ارتۋ قارقىنى بۇكىل ەلدىكىنەن 4. 1 پايىز جوعارى بولدى. قىزمەت وتەۋ كاسىبى جەدەل قالپىنا كەلىپ، قاتىناس - تاسىمال كاسىبى جەدەل ارتتى، 1 - ايدان 5 - ايعا دەيىن كولەمنەن جوعارى قىزمەت وتەۋ كاسىبى كاسىپورىندارىنىڭ تيجارات كىرىسى 151 ميلليارد 218 ميلليون يۋان بولىپ، سايكەس مەزگىلدەگىدەن ％5. 10 ارتتى، ارتۋ قارقىنى بۇكىل ەلدىكىنەن 2 پايىز جوعارى بولدى.
ەكونوميكانى ىلگەرىلەتەتىن ”ءۇش تەگەرشىكتەن“ قاراعاندا، تۇراقتى مۇلىككە قوسىلعان قارجى ءبىرشاما تەز ارتىپ، تۇتىنۋ بازارى ءۇرتىس جاندانىپ، سىرتقى ساۋدا ۇزدىكسىز جوعارى دەڭگەيدە ارتقان.
مەملەكەتتىك ساناق مەكەمەسى شينجياڭ تەكسەرۋ باس اترەتى پارتيا باسشىلىق گرۋپپاسىنىڭ مۇشەسى، ورىنباسار باس اترەت باستىعى ۋاڭ ۋي بىلاي دەدى: ماكرولىق ساياساتتىڭ كورنەكتى ونىمدىلىكپەن كۇش سالۋىنا ىلەسە، شينجياڭنىڭ حالىق تۇرمىسى ەكونوميكاسى ۇزدىكسىز ورنىقتى جوعارىلادى. بيىل بۇكىل رايوندا جازعى استىق ەگىلگەن جەر اۋدانى 18 ميلليون 163 مىڭ 800 مۋ بولىپ، سايكەس مەزگىلدەگىدەن ％6. 4 ارتتى، مەجەمەن جازعى استىقتىڭ جالپى ءونىم مولشەرى 7 ميلليون 12 مىڭ تونناعا جەتىپ، سايكەس مەزگىلدەگىدەن ％7 ارتادى؛ الدىڭعى جارتى جىلدا بۇكىل رايوننىڭ شوشقا، سيىر، قوي، قۇس ەتىنىڭ جالپى ءونىم مولشەرى 924 مىڭ 600 توننا بولىپ، سايكەس مەزگىلدەگىدەن ％1. 8 ارتتى. الدىڭعى جارتى جىلدا بۇكىل رايونداعى تۇرعىنداردىڭ جان باسىندىق قولداعى تابىسى 11 مىڭ 378 يۋان بولىپ، باعا فاكتورىن شىعارىپ تاستاعاندا، ءىس جۇزىندە ％8. 4 ارتتى؛ بۇكىل رايونداعى تۇرعىنداردىڭ تۇتىنۋ باعاسى (CPI) سايكەس مەزگىلدەگىدەن ％1 ارتىپ، زات باعاسى جالپى جاقتان باياۋ ءوسۋ كۇيىن ساقتادى.
جالپى جاقتان قاراعاندا، بۇكىل رايوننىڭ ەكونوميكالىق اينالىمىندا قالپىنا كەلىپ جاقسارۋ جاعدايى جارىققا شىعىپ، جوعارى ساپالى دامۋ تىڭعىلىقتى ىلگەرىلەتىلدى، ءبىراق، حالىقاراداعى، ەل ىشىندەگى بازار سۇرانىسىنىڭ السىرەۋىنىڭ ىقپالىنا ۇشىراعاندىقتان، ەكونوميكانىڭ ۇزدىكسىز قايتا ورلەۋىن، جاقسارۋىن ىلگەرىلەتۋگە ءالى دە كۇش سالۋعا تۋرا كەلەدى.
حاۋ جۇنچيڭ بىلاي دەدى: بۇكىل رايوندا جوعارىدان تومەنگە دەيىن اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ءماجىلىسىنىڭ ورنالاستىرۋلارىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ارتۋدى ورنىقتىرۋ ساياساتىن عىلمي، دالمە - ءدال تياناقتاندىرىپ، سۇرانىستى كۇش سالا قالپىنا كەلتىرىپ جانە كەڭەيتىپ، شارۋاشىلىق تۇلعالارىنىڭ ومىرشەڭدىگىن تاسقىنداتىپ، ەكونوميكانىڭ قايتا ورلەۋ اۋقىمىن بار كۇشپەن بەكەمدەۋ كەرەك.
