ما شيڭرۇي، جاڭ ۋي ءسوز سويلەدى، ەركىن تۇنياز باسقاردى، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 26 - كۇنى ۇرىمجىدەن حابارلايدى. 7 - ايدىڭ 26 - كۇنى اۆتونوميالى رايون مەملەكەت قۇبىر تورى توبىمەن ۇرىمجىدە قىزمەت اڭگىمە ءماجىلىسىن وتكىزىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ ەنەرگيا بايلىعى حاۋىپسىزدىگىن قامتاماسىز ەتۋ جونىندەگى ورنالاستىرۋلارىن، تالاپتارىن ىشكەرىلەي دايەكتىلەندىرىپ، تياناقتاندىرىپ، بۇكىل مەملەكەتتىڭ ەنەرگيا بايلىعى ستراتەگياسىن قامتاماسىز ەتۋ بازاسىن تۇلعالاۋدى، شينجياڭ قۇبىر تورى نەگىزدىك قۇرىلعى قۇرىلىسىن جەدەلدەتۋدى، ەكونوميكانىڭ، قوعامنىڭ جوعارى ساپالى دامۋىن جەبەۋدى ارقاۋ ەتە وتىرىپ ىشكەرىلەي پىكىر اۋىستىرىپ، اۋىس - كۇيىس جاسادى. اۆتونوميالى رايوندىق پارتكومنىڭ شۋجيى ما شيڭرۇي، مەملەكەت قۇبىر تورى توبىنىڭ باسالقاسى جاڭ ۋي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان مەملەكەت قۇبىر تورى توبىنىڭ شينجياڭ قىزمەتىن بار كۇشپەن قولداعاندىعىنا العىس ايتتى. ول مىنالاردى ءبىلدىردى: مەملەكەت قۇبىر تورى توبى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، شينجياڭنىڭ ەنەرگيا بايلىعىن تاسىمالداۋ، قامداۋدى قامتاماسىز ەتۋ قىزمەتىنە بەلسەنە ات سالىسىپ، شينجياڭدى مەملەكەت ەنەرگيا بايلىعىنىڭ قۇرلىقتاعى ۇلكەن ارناسى ەتىپ تۇلعالاۋعا پارمەندى دەم بەردى. كەزەكتە، شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى مەملەكەتتىڭ ”ءۇش بازا، ءبىر ارناسىن“ بار كۇشپەن قۇرىپ، ەنەرگيا بايلىعى باسىمدىعىن كادەگە جاراتۋدى جەدەل ىلگەرىلەتىپ، ءىس جۇزىندىك ارەكەت ارقىلى مەملەكەتتىڭ ەنەرگيا حاۋىپسىزدىگىن قامتاماسىز ەتۋگە، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە قىزمەت ەتۋدە. مەملەكەت قۇبىر تورى توبىنىڭ شينجياڭمەن سەلبەستىگىن ونان ارى تەرەڭدەتىپ، شينجياڭنىڭ كومىر، مۇناي - تابيعي گاز سياقتى ءتۇيىندى ەنەرگيا بايلىعى كاسىپ سالاسىن زورايتۋىنا، كۇشەيتۋىنە بەلسەنە قولداۋ كورسەتىپ، شينجياڭدا مۇناي - تابيعي گاز قۇبىر تورى نەگىزدىك قۇرىلعىسىن قارجى قوسىپ قۇرۋ تەبىنىن ارتتىرىپ، شينجياڭنىڭ ەنەرگيا بايلىعىنىڭ جوعارى ساپالى دامۋىنا كۇش ۇستەۋىن ءۇمىت ەتەمىن. شينجياڭ الداعى جەردە مەملەكەت قۇبىر تورى توبىنىڭ شينجياڭدا دامۋىن بار كۇشپەن قولداپ، كەڭەسۋدى، ءتۇيلىسۋدى جان - جاقتى كۇشەيتىپ، قىزمەت وتەۋ قامتاماسىزدىعىن بەلسەنە ويداعىداي ىستەپ، قاتىستى قۇرىلىس نىساندارىنىڭ ءساتتى ىلگەرىلەتىلۋىنە شىنايى كەپىلدىك ەتەدى.
جاڭ ۋي مىنالاردى ءبىلدىردى: شينجياڭنىڭ كوپتەگەن بايلىق قاسيەتى مەن وڭىرلىك ورىن باسىمدىعى كورنەكتى، بۇكىل ەلدىڭ ەنەرگيا ستراتەگياسىن قامتاماسىز ەتۋ بازاسى. مەملەكەت قۇبىر تورى توبى الداعى جەردە باس شۋجي شي جينپيڭنىڭ ”ءتورت توڭكەرىس، ءبىر سەلبەستىك“ ەنەرگيا حاۋىپسىزدىگى جاڭا ستراتەگياسىن ۇزدىكسىز ىشكەرىلەي دايەكتىلەندىرىپ، پارتيا ورتالىق كوميتەتىنىڭ مەملەكەت مەنشىگىندەگى كاسىپورىندار رەفورماسىن تەرەڭدەتۋ، دارەجەسىن ءوسىرۋ ارەكەتى جونىندەگى ورنالاستىرۋلارىن، تالاپتارىن مۇقيات تياناقتاندىرىپ، ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ ستراتەگياسىن بەلسەنە امالياتتا ايگىلەپ، ”X＋1＋X“ مۇناي - تابيعي گاز بازارى جۇيەسىنىڭ رولىن تولىق ساۋلەلەندىرىپ، گازدى باتىستان شىعىسقا جەتكىزۋ 4 - جەلىسى سياقتى مەملەكەتتىڭ ستراتەگيالىق ينجەنەرياسى قۇرىلىسىن جانە كەلەلى مۇناي - تابيعي گاز قۇبىر تورى نەگىزدىك قۇرىلعىلارىن جوبالاۋدى، ورنالاستىرۋدى بار كۇشپەن ىلگەرىلەتىپ، شينجياڭدا كومىردەن تازا پايدالانۋ، جەلدى، جارىقتى، كومىردى ەلەكترلەندىرىپ كەشەندى پايدالانۋ سياقتى ءتۇيىندى قىزمەتتەردى قولداۋ، قامتاماسىز ەتۋ تەبىنىن ارتتىرىپ، مەملەكەت ەنەرگيا حاۋىپسىزدىگى ستراتەگياسىنا اناعۇرلىم ويداعىداي قىزمەت وتەپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا جانە جاسىل، تومەن كومىر قىشقىل گازدى بولۋعا قاراي تيپ جاڭالاۋىنا قۇبىر تورىنىڭ جاڭا ۇلەسىن قوسادى.
چىن ۋيجۇن، ءيۇسۇپجان مامەت، قادەن كابەن، مەملەكەت قۇبىر تورى توبىنداعى قاتىستى جاۋاپتى جولداستار، اۆتونوميالى رايوننىڭ قاتىستى تاراۋلارىنداعى نەگىزگى جاۋاپتى جولداستار ماجىلىسكە قاتىناستى.
