انار بۇلت / شينجياڭ گازەتىنىڭ حابارى (ءتىلشى جاڭ شياۋمي، ەرىكتى ءتىلشى حاۋ يۇي حابارلايدى). حىجيڭ اۋدانى كۇنەس كورىنىس ءوڭىرى گۇلدەنگەن تاۋ گۇلى كورىنىسى مەن بەيزاتتىق مادەنيەت مۇرالارى ۇلتتىق سالت - سانا مادەنيەتىن، كۇتىنۋ جاراتىلىستىق بايلىعىن ۇشتاستىرىپ، ”تاۋ گۇلى+“ جەلىلەس قيمىلدارىن العا قويىپ، گۇل تاماشالاۋ نەگىزىندەگى مادەنيەت - ساياحاتتىڭ جاڭا ۇلگىسىن قالىپتاستىرىپ، جازعى گۇل تاماشالاۋ قيمىلىنا تاماشا مۇمكىندىك جاراتتى.
ساياحاتشىلار گۇل تەڭىزىندە سۋرەتكە ٴتۇسىپ، ەستەلىك قالدىردى. سۋرەتتى بايىندالاي تۇسىرگەن
ٴتىلشىنىڭ 7 ـ ايدىڭ 26 ـ كۇنى كۇنەس كورىنىس ءوڭىرىن باسقارۋ كوميتەتىنەن ۇعىسۋىنشا، جەرگىلىكتى ورىنداعى تاۋ گۇلدەرى نەگىزىنەن بانچانگوۋ كورىنىس تۇيىنىنە، 10 مىڭ مۋلىق قىشى ارشيانگوۋعا شوعىرلانعان ەكەن، قازىر بارلىعى گۇل اشۋ مەزگىلىندە ەكەن. ”كۇنەس مەملەكەتتىك ورمان باقشاسىنىڭ تانىمالدىلىعىنىڭ جوعارىلاۋىنا بايلانىستى، مايتاۋ − كۇشار تاس جولىمەن كۇنەس قالاشىعىنا كەلەتىن ساياحاتشىلاردىڭ سانى كۇن سايىن كوبەيدى. ٴبىز اناعۇرلىم كوپ مادەنيەت ـ ساياحات ونىمدەرىن شىعارىپ، كوپشىلىكتى جولشىباي وتە شىقپاي، وسىندا ەرۋلەپ قالۋعا باۋرايمىز“،- دەدى كۇنەس قالاشىعى پارتكومىنىڭ مۇشەسى زاسۇر ابىلەز تانىستىرىپ.
گۇل تەڭىزى جاعاسىنداعى قيانكەسكى بالۋان جارىسى. سۋرەتتى بايىندالاي تۇسىرگەن
”گۇل تاماشالاۋ + كۇتىنۋ“ — ٴبىر ۇلكەن ەرەكشەلىك، جەرگىلىكتى ورىن ارشيان اراسانى مەن بانچانگوۋ سايى، 10 مىڭ مۋلىق قىشى بازاسى سياقتى ابزال جاراتىلىستىق بايلىقتاردى بىرىكتىرىپ، كوپشىلىكتى ىستىقتان ساقتانۋ، شومىلۋ، سەيىلدەۋگە باۋرادى؛ ”گۇل تاماشالاۋ + بەيزاتتىق مادەنيەت مۇرالار“ تاعى ٴبىر ۇلكەن كورىنىس، ساياحاتشىلار گۇل تاماشالاۋمەن بىرگە، جەرگىلىكتى بەيزاتتىق مادەنيەت مۇرالار ويىن - ساۋىق ۇيىرمەلەرى دايىنداعان ۇزىن سارىن، كومەي، ساۋىردىن ٴبيى سياقتى بەيزاتتىق مادەنيەت تۇرلەرى كونسەرتىن جانە بالۋان، ات بايگەسى، ساداق اتۋ سياقتى ۇلتتىق سالت - سانا قيمىلدارىن تاماشالاۋعا بولادى.
بەيزاتتىق مادەنيەت مۇرالارى قيمىلى ساياحاتشىلاردى باۋرادى. سۋرەتتى بايىندالاي تۇسىرگەن
حىجيڭ اۋدانى كۇنەس كورىنىس ءوڭىرى بيىل شينجياڭداعى 35 ساياحات سەرىكتەستىگىمەن سەلبەستىك كەلىسىمىنە قول قويىپ، ساياحاتشىلاردى تاۋ گۇلىن تاماشالاۋعا ۇيىمداستىردى. حىجيڭ اۋدانى بانچانگوۋ ساياحاتتى اشۋ ـ باسقارۋ شەكتى سەرىكتەستىگىنىڭ ورىنباسار باس ديرەكتورى شانچيميك بىلاي دەدى: ”قازىر شينجياڭعا كەلەتىن ساياحاتشىلاردىڭ سانى كۇن سايىن كوبەيۋدە، ساياحاتشىلاردىڭ ساياحاتتاۋ - ايالداۋ ۋاقىتى دا ۇزاردى، وسى گۇل ماۋسىمىندا %80 كە جۋىق ساياحاتشى تۇگەلدەي 1 دە 3 كۇن قونۋدى تاڭدايدى، تاعى دا كوپتەگەن ساياحاتشىلار ٴبىر اپتادان ارتىق قونۋدى تاڭدايدى“.
