جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ، شينجياڭ ۇيعۇر اۆتونوميالى رايوندىق حالىق ۇكىمەتىنىڭ
”1 - تامىز“ حال سۇراۋ حاتى
شينجياڭدا تۇراتىن حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى اسكەري بولىمدەرى وفيتسەر - اسكەرلەرىنە، حالىق جاساقتارى مەن زاپاستاعىلارعا، بۇكىل رايونداعى قىزىل ارميا ساقا جاۋىنگەرلەرىنە، ارميادان دەمالىسقا، زەينەتكە شىققان كادرلارعا، قۇربانداردىڭ، اسكەريلەردىڭ وتباسىنداعىلارعا، جارالانعان - مۇگەدەك اسكەريلەرگە، كاسىپ اۋىستىرعان، اسكەردەن بوساعان، قوسىننان قايتقان اسكەريلەرگە:
جۇڭگو حالىق ازاتتىق ارمياسى قۇرىلعاندىعىنىڭ 96 جىلدىعى كەلۋ ساتىندە اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتى بۇكىل رايونداعى ءار ۇلت حالقى اتىنان سىزدەردىڭ مەرەكەلەرىڭىزدى قۇتتىقتايدى جانە سىزدەردەن شىن ىقىلاسپەن حال سۇرايدى!
حالىق ارمياسى جۇڭگو كوممۋنيستىك پارتياسىنىڭ پارمەندى باسشىلىعىندا، جوقتان بار بولىپ، السىزدەن كۇشەيىپ، سوعىس ءورتىنىڭ سىنىنان ءوتىپ، بوران - شاشىندى باستان كەشىرىپ، ۇدەرە العا تارتىپ، پارتيا مەن حالىققا كورنەكتى ەڭبەك ءسىڭىردى، تاريح پەن رەالدىق مىنانى تولىق دالەلدەدى: ءبىزدىڭ حالىق ارميامىز − باستان - اياق پارتيا مەن حالىق بۇكىلدەي سەنىم ارتاتىن قاھارمان ارميا، مەملەكەتتىڭ يەلىك ۇقىعىن، حاۋىپسىزدىگىن جانە دامۋىن قورعاۋدىڭ قۇرىش قورعانى، جاڭا داۋىردەگى جۇڭگوشا سوتسياليزم قۇرۋدىڭ ماڭىزدى كۇشى.
ۇزاق ۋاقىتتان بەرى شينجياڭدا تۇراتىن اسكەري بولىمدەر شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن جەتەكشى ەتىپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، ارميانى ساياسي جاقتان قۇرۋدى، ارميانى رەفورما ارقىلى قۇدىرەتتەندىرۋدى، ارميانى عىلىم - تەحنيكا ارقىلى قۇدىرەتتەندىرۋدى، ارميانى دارىندىلار ارقىلى قۇدىرەتتەندىرۋدى، ارميانى زاڭمەن باسقارۋدى جاپپاي تياناقتاندىرىپ، مەملەكەت قورعانىسى جانە ارميانىڭ رەفورما جاساۋداعى ستراتەگيالىق ورايىن مىقتاپ ۇستاپ، سوعىسقا دايىندالىپ، شايقاس جۇرگىزۋگە كۇش توپتاپ، تۋراشىلدىقتان اينىماي جاڭالىق اشۋدى كۇشەيتىپ، قىزمەتتى تياناقتاندىرۋدى مىقتى يگەرىپ، بۇيرىق بەرىلىسىمەن جەتىپ كەلەتىن، كەلە سالا شايقاسا الاتىن، شايقاسسا، ءسوزسىز، جەڭىپ شىعاتىن سايلاۋىت اسكەر، قۋاتتى قوسىن سومداپ، جاڭا داۋىردەگى ارميانى قۇدىرەتتەندىرۋ ىستەرىن ۇزدىكسىز العا ىلگەرىلەتتى. قالىڭ وفيتسەر - اسكەرلەر ”قۇتتى مەكەندە تۇرىپ، سول اۋماقتىڭ ورنىقتىلىعىن ساقتاۋ، سول اۋماقتىڭ تىنىشتىعىن ساقتاۋ، سول اۋماقتىڭ دامۋىن جەبەۋ“ سىندى قىزۋ ىنتامەن شينجياڭنىڭ رەفورما، دامۋ، ورنىقتىلىق ىستەرىنە بەلسەنە ات سالىستى جانە وعان قولداۋ كورسەتتى، اسىرەسە، اۋىل - قىستاقتى گۇلدەندىرۋ، قاتەردەن اراشالاۋ، اپاتتان قۇتقارۋ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ، ورنىقتىلىقتى قورعاۋ، توسىن وقيعالاردى ءبىر جاقتى ەتۋ سياقتى قىزمەتتەردە اۋىر مىندەتتى باتىلدىقپەن ارقالاپ، اتويلاپ الدا ءجۇرىپ، تىڭ كۇش، اتويشىل قوسىن جانە باستاۋشى اسكەر رولدارىن تولىق ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە بەلسەنە ۇلەس قوسىپ، شينجياڭنىڭ بايتاق دالاسىندا ارميا مەن ۇكىمەت كۇش بىرىكتىرۋدىڭ، ارميا مەن حالىق تىلەكتەس بولۋدىڭ، ارميا مەن جەرگىلىكتى ورىننىڭ باعىتتاس بولۋىنىڭ تىڭ تاراۋىن جازدى. بۇكىل رايونداعى قىزىل ارميا ساقا جاۋىنگەرلەرى، ارميادان دەمالىسقا، زەينەتكە شىققان كادرلار، قۇربانداردىڭ، اسكەريلەردىڭ وتباسىنداعىلار، جارالانعان - مۇگەدەك اسكەريلەر جانە كاسىپ اۋىستىرعان، اسكەردەن بوساعان، قوسىننان قايتقان اسكەريلەر باستان - اياق اۋەلگى ماقساتتان اينىماي، قاسيەتىن وزگەرتپەي، تۇرلىشە سالالاردا، تۇرلىشە شەپتەردە، تۇرلىشە قىزمەت ورىندارىندا ۇزدىكسىز ساۋلە شاشىپ، رول اتقارىپ، ەڭبەك ءسىڭىرىپ، ۇلەس قوستى. وسى ارادا سىزدەرگە شىنايى العىس ايتامىز جانە وسكەلەڭ قۇرمەت بىلدىرەمىز!
بيىل يان - انداعى قوس قولداۋ قوزعالىسىنىڭ 80 جىلدىعى، 80 جىلدان بەرى، اسىرەسە، جاڭا داۋىردەگى 10 جىلداعى قوس قولداۋ قىزمەتىنىڭ امالياتى كوپتەگەن قۇندى تاجىريبەلەردى جاراتتى جانە توپتادى. ءبىز تاڭداۋلى ءداستۇردى جالعاستىرىپ، ءداۋىردىڭ دامۋىمەن تىعىز ۇشتاستىرىپ، مەملەكەت قورعانىسى مەن ارميا قۇرىلىسىن تاباندىلىقپەن قولداپ، شينجياڭدا تۇراتىن اسكەري بولىمدەردىڭ سوعىسقا دايىندالۋىنا، سوعىس جۇرگىزۋىنە پارمەندى، ءونىمدى قىزمەت ەتىپ، اسكەري ءبولىمنىڭ سوعىسقا شۇعىل قاجەتتى، مىندەت شۇعىل، وفيتسەر - اسكەرلەر اسىعا كۇتكەن ءىس جۇزىندىك قيىنشىلىقتارىن ىرىقتىلىقپەن شەشىپ، ارميانى قولداۋ، اسكەريلەردىڭ وتباسىنداعىلارعا قامقورلىق جاساۋ قىزمەتىن تىڭعىلىقتى، ويداعىداي ىستەپ، قوسىننان شەگىنگەن اسكەريلەرگە قىزمەت وتەۋدى قامتاماسىزداندىرۋ جۇيەسىن ۇزدىكسىز كەمەلدەندىرىپ، اسكەريلەردىڭ كاسىبىنە قۇرمەت ەتەتىن، قوسىننان شەگىنگەن اسكەريلەرگە قۇرمەت ەتەتىن قويۋ راي قالىپتاستىرىپ، ارميا مەن ۇكىمەتتىڭ، ارميا مەن حالىقتىڭ ىنتىماقتاسا كۇرەس جۇرگىزۋىنىڭ ۇلى كۇشىن توپتاۋ كەرەك.
بيىل ءارى پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن قۇلشىنا جۇزەگە اسىرۋ شينجياڭدا تۇراتىن اسكەري بولىمدەردىڭ زور كۇشپەن قولداۋىنان ايرىلا المايدى. ءبىز نەگىزگى تاقىرىپتىق تاربيەنى ورىستەتۋدى وراي ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ارميا مەن حالىقتىڭ توعىسا دامۋىن جاپپاي ىلگەرىلەتىپ، شينجياڭدا تۇراتىن اسكەري بولىمدەردىڭ بارىنشا قولداۋىندا، بەلسەنە ات سالىسۋىندا ءار ۇلت كادرلارى مەن بۇقاراسىن ىنتىماقتاستىرىپ، باستاپ، ”ءۇش ءسوز جوقتى“ ەستە بەرىك ساقتاپ، بورىش، جاۋاپكەرشىلىك ارقالاۋدى كۇشەيتىپ، نىسانا - مىندەتتەردى كوزدەپ، تۋراشىلدىقتان اينىماۋعا، جاڭالىق اشۋعا، شىندىققا جۇگىنىپ، ناقتى ءىس ىستەۋگە، شىنايى يگەرىپ، ناقتى ىستەۋگە تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى قۇلشىنا قۇرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋىمىز كەرەك!
جولداستاردىڭ مەرەكەلەرىنىڭ مەرەيلى، دەنساۋلىقتارىنىڭ مىقتى، قىزمەتتەرىنىڭ تابىستى، ءۇي ىشىندەگىلەردىڭ باقىتتى بولۋىن تىلەيمىز!
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى
شينجياڭ ۇيعۇر اۆتونوميالى رايوندىق حالىق ۇكىمەتى
2023 - جىلى 7 - ايدىڭ 31 - كۇنى
