اۆتونوميالى رايون باسشىلارى ”1 - تامىز“ قارساڭىندا شينجياڭ اسكەري رايونىنا جانە قارۋلى ساقشى شينجياڭ باس اترەتىنە بارىپ ارالاپ حال سۇرادى
ما شيڭرۇي، ەركىن تۇنياز، ءزۇمىرات وبۇل، نۇرلان ءابىلماجىن، لي يفي، جاڭ چۇنلين، حى جۇڭيوۋ قيمىلعا قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 31 - كۇنى ۇرىمجىدەن حابارلايدى. جۇڭگو حالىق ازاتتىق ارمياسى قۇرىلعاندىعىنىڭ 96 جىلدىعى كەلۋ ساتىندە، 7 - ايدىڭ 31 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ قاتارلى اۆتونوميالى رايون باسشىلارى شينجياڭ اسكەري رايونى جانە قارۋلى ساقشى شينجياڭ باس اترەتى ورگانىنا بارىپ، اسكەري بولىمدەگى وفيتسەر - اسكەرلەرگە ىقىلاستى امانداسىپ، ولاردان حال سۇرادى ءارى اڭگىمە ءماجىلىسىن وتكىزىپ پىكىر اۋىستىردى، شينجياڭدا تۇراتىن حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى وفيتسەر - اسكەرلەرىنە، ارميانىڭ اكىمشىلىك قىزمەتكەرلەرىنە، حالىق جاساقتارى مەن زاپاستاعىلارعا مەرەكەلىك تىلەك ءبىلدىردى ءارى ولاردان ىقىلاستى حال سۇراپ، كوپشىلىكتىڭ بورىشتى ەستە بەرىك ساقتاپ، ادالدىقپەن مىندەت اتقارىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن كورنەكتى ۇلەس قوسقاندىعىنا العىس ايتتى، سونداي - اق قوس قولداۋ بويىنشا بىرگە قۇرۋدى ۇزدىكسىز تەرەڭدەتىپ، شينجياڭ قىزمەتىن بىرگە ويداعىداي ىستەۋ جونىندە كوپشىلىكتىڭ پىكىرىن، ۇسىنىسىن تىڭدادى.
ما شيڭرۇي حال سۇراۋ اڭگىمە ماجىلىسىندە مىنالاردى ءبىلدىردى: شينجياڭدا تۇراتىن اسكەري بولىمدەردەگى وفيتسەر - اسكەرلەر پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ بۇيرىعىنا، قولباسشىلىعىنا باتىل قۇلاق اسىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگياسىن، باعىتىن دايەكتىلەندىرىپ، تياناقتاندىرىپ، ءتۇرلى بورىش، مىندەتتەرىن ادالدىقپەن اتقارىپ، مەملەكەتتىڭ يەلىك ۇقىعىن جانە تەرريتوريا تۇتاستىعىن پارمەندى قورعاپ، شەكارا قورعانىسىنىڭ تىنىشتىعىن جانە حالىقتىڭ باقىتىن قورعادى. شينجياڭنىڭ ستراتەگيالىق ورنى ماڭىزدى، مەملەكەتتىڭ حاۋىپسىزدىگىن قورعاۋ، قوعام ورنىقتىلىعىن ساقتاۋ، جوعارى ساپالى دامۋدى ىلگەرىلەتۋ، شەكارانى گۇلدەندىرىپ، حالىقتى بايىتۋدى ىلگەرىلەتۋ جاۋاپكەرشىلىگى اۋىر، مىندەتى جاپالى. شينجياڭدا تۇراتىن اسكەري بولىمدەردەگى وفيتسەر - اسكەرلەر قاشاندا باس ماقساتتى ەستە بەرىك ساقتاپ، تۇرعان جەردى مەكەنىنە بالاپ، بۇقارانى جاقىندارىنا بالاپ، ورنىقتىلىقتى قورعاۋ، توسىن وقيعالاردى ءبىر جاقتى ەتۋ، قاتەردەن اراشالاۋ، اپاتتان قۇتقارۋ، اۋىل - قىستاقتى گۇلدەندىرۋ، ارميا مەن حالىق بىرگە قۇرۋ سياقتى جاقتاردا اتويلاپ الدا ءجۇرىپ، اۋىر مىندەتتى باتىلدىقپەن ارقالاپ، كورنەكتى ۇلەس قوستى. كەزەكتە شينجياڭ باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى كۇش سالا ويداعىداي ىستەپ، باس شۋجيدىڭ شينجياڭ ءۇشىن كەسكىندەگەن ۇلى جوباسىن كوركەم رەالدىققا اينالدىرۋ ءۇشىن قۇلشىنۋدا. شينجياڭدا تۇراتىن اسكەري بولىمدەردىڭ باس قولباسشىنىڭ تاپسىرماسىن ەستە بەرىك ساقتاپ، پارتياعا ادال بولۋدى امالياتتا ايگىلەپ، باتىلدىقپەن جاۋاپكەرشىلىك، بورىش ارقالاپ، مىعىم قابىلەت جەتىلدىرىپ، تيانشان الابىنداعى تىنىش، بەرەكەلى بولعان، ءار ۇلت حالقى تىنىش ءومىر، شات - شادىمان تىرشىلىك كەشىرگەن تاماشا جاعدايدى اناعۇرلىم بەكەمدەپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ پاراعىن جازۋعا جاڭا دا اناعۇرلىم زور ۇلەس قوسۋىن ءۇمىت ەتەمىن. بيىل يان - انداعى قوس قولداۋ قوزعالىسىنىڭ 80 جىلدىعى. اۆتونوميالى رايونداعى ءار دارەجەلى پارتكوم مەن ۇكىمەت وسىنى وراي ەتىپ، شينجياڭدا تۇراتىن اسكەري بولىمدەردىڭ قۇرىلىسىن، دامۋىن جانە رەفورمانى تەرەڭدەتۋىن اناعۇرلىم قولداپ، جاڭا داۋىردەگى قوس قولداۋ قىزمەتىن ۇزدىكسىز ىلگەرىلەتىپ، اسكەري بولىمدەردەگى وفيتسەر - اسكەرلەردىڭ ءىس جۇزىندىك قيىنشىلىعىن كۇش سالا شەشىپ، الاڭسىز ەتىپ، ارميا مەن ۇكىمەت، ارميا مەن حالىق ىنتىماعىنىڭ تاماشا جاعدايىن ۇزدىكسىز بەكەمدەيدى، دامىتادى.
شينجياڭ اسكەري رايونىنداعى، قارۋلى ساقشى شينجياڭ باس اترەتىندەگى باستى جاۋاپتى جولداستار اۆتونوميالى رايوندىق پارتكوم مەن ۇكىمەتتىڭ شينجياڭدا تۇراتىن اسكەري بولىمدەرگە كوڭىل بولگەندىگىنە جانە قولداۋ كورسەتكەندىگىنە العىس ايتتى، باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ رەفورما، دامۋ، ورنىقتىلىق ىستەرىنىڭ وراسان زور تابىستارعا قول جەتكىزگەندىگىن ايرىقشا جوعارى باعالادى، سونداي - اق اسكەري ءبولىمنىڭ اسكەر جاتتىقتىرىپ، سوعىسقا دايىندالۋداعى، قۇرىلىستاعى، دامۋداعى جاڭا ونىمدىلىكتەرىن تانىستىردى، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا باتىل قۇلاق اسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى مىقتاپ ارقاۋ ەتىپ، شينجياڭدى ورنىقتىرۋ، شينجياڭدى گۇلدەندىرۋ، شەكارانى كۇشەيتىپ، قورعانىستى بەكەمدەۋ جاۋاپكەرشىلىگىن، بورىشىن ادالدىقپەن ادا ەتىپ، شينجياڭنىڭ قوعام ورنىقتىلىعى مەن شەكارا ءوڭىردىڭ تىنىشتىعىن قورعاۋ، ەكونوميكالىق، قوعامدىق دامۋدى ىلگەرىلەتۋ، حالىق تۇرمىسىن قامتاماسىز ەتۋ، جاقسارتۋ سياقتى ءتۇرلى قىزمەتتەردى بەلسەنە قولداپ، جۇڭگو ۇلگىسىندەگى وسىزامانداندىرۋدىڭ جاڭا جورىعىندا كوركەم شينجياڭ قۇرۋعا كۇش - قۋات ارنايتىندىقتارىن ءبىلدىردى.
ياڭ چىڭ، چىن ۋيجۇن، قادەن كابەن، شينجياڭ اسكەري رايونىنداعى جانە قارۋلى ساقشى شينجياڭ باس اترەتىندەگى قاتىستى باسشىلار، وفيتسەر - اسكەرلەردىڭ ۋاكىلدەرى قيمىلعا قاتىناستى.
