7 - ايدىڭ 19 - كۇنى فۋجيان ولكەسى چاڭلى حۋاچياۋ ورتا مەكتەبىنىڭ وقىتۋشىسى شونجى اۋدانىنا كەلىپ وسى مەكتەپتىڭ شينجياڭ تولىق ورتا كلاسى 2019 - جىلدىعى وقۋشىسىنىڭ (وڭنان ەكىنشى) احۋالىن ۇعىستى.
انار بۇلت \ شينجياڭ گازەتىنىڭ حابارى (سۋرەتىن ءتۇسىرىپ، حابارىن جازعان ءتىلشى ساي زىڭلى). ”مەكتەبىمىز ءار جىلى وقىتۋشىلاردى شينجياڭعا بارىپ وتباسىلارىن ارالاپ جاعداي ۇعىسۋعا ورنالاستىرادى“،- دەدى 7 - ايدىڭ 25 - كۇنى فۋجيان ولكەسى چاڭلى حۋاچياۋ ورتا مەكتەبى شينجياڭ ءبولىمىنىڭ وقىتۋشىسى چىن يۇنپىڭ.
7 - ايدىڭ 19 - كۇنى فۋجيان ولكەسى چاڭلى حۋاچياۋ ورتا مەكتەبىنىڭ وقىتۋشىسى شونجى اۋدانىنا كەلىپ وسى مەكتەپتىڭ شينجياڭ تولىق ورتا كلاسى 2019 - جىلدىعى وقۋشىسىنىڭ (وڭنان ەكىنشى) احۋالىن ۇعىستى.
7 - ايدىڭ 18 - كۇنىنەن 25 - كۇنىنە دەيىن فۋجيان ولكەسى چاڭلى حۋاچياۋ ورتا مەكتەبى وقۋ - اعارتۋ توبىنىڭ وتباسىلارىن ارالاپ جاعداي ۇعىسۋ گرۋپپاسى ءۇرىمجى قالاسى، شونجى اۋدانى، جەمسارى اۋداندارىنا كەلىپ وتباسىلارىنىڭ احۋالىن ۇعىسۋ قيمىلىن ورىستەتتى. وقىتۋشىلار وقۋشىلاردىڭ وتباسىلىق جاعدايىن مۇقيات ۇعىسىپ، اتا - انالارعا ءتۇرلى كومەك بەرۋ ساياساتتارىن ۇگىتتەپ، وقۋشىنىڭ مەكتەپتەگى تۇرمىس، ۇيرەنۋ جاعدايىن تانىستىردى. ارادا وتباسىلارىن ارالاپ جاعداي ۇعىسۋ گرۋپپاسى شينجياڭ تولىق ورتا كلاسىنان بىتىرگەن وقۋشىلار مەن مەكتەپتە وقىپ جاتقان وقۋشىلاردى، سونداي - اق اتا - انالاردى ۇسىنىس ەتىپ، شونجى اۋداندىق 3 - باستاۋىش مەكتەپتە ”تيانشاننىڭ قاراعايلارى تامىرلاس، فۋجيان مەن شينجياڭ حالقى جۇرەكتەس“ اتىنداعى چاڭلى حۋاچياۋ ورتا مەكتەبى مەكتەپتەستەرىنىڭ اڭگىمە ءماجىلىسىن وتكىزىپ، انا - انالار مەن وقۋشىلاردان وسى مەكتەپتىڭ وقۋ وقىتۋ، سونداي - اق وقۋ - اعارتۋدى دامىتۋ جاعىندا جاپپاي ۇسىنىس قابىلدادى.
7 - ايدىڭ 19 - كۇنى فۋجيان ولكەسى چاڭلى حۋاچياۋ ورتا مەكتەبىنىڭ وتباسىلارىن ارالاپ جاعداي ۇعىسۋ گرۋپپاسىنداعىلار جەمىس - جيدەك ساتىپ الىپ، وسى مەكتەپتىڭ شينجياڭ تولىق ورتا كلاسىنداعى وقۋشىلارعا امانداسا بارماقشى بولدى.
”چاڭلى حۋاچياۋ ورتا مەكتەبى مەنىڭ داشۋە ارمانىمدى ورىندادى“، -دەدى شونجى اۋدانىندا تۇراتىن شينجياڭ تولىق ورتا كلاسىنان وقۋ تاۋىسقان ەلىس قاپاس. بيىل 19 جاستاعى ەلىس 2022 - جىلى 6 - ايدا چاڭلى حۋاچياۋ ورتا مەكتەبىنەن وقۋ تاۋىسىپ، حاربين ونەركاسىپ داشۋەسىنىڭ قورشاعان ورتا ينجەنەرياسى جانە ورتا عىلىمدارى كاسىبىنە قابىلدانعان.
7 - ايدىڭ 19 - كۇنى فۋجيان ولكەسى چاڭلى حۋاچياۋ ورتا مەكتەبىنىڭ وقىتۋشىسى وسى مەكتەپتىڭ شينجياڭ تولىق ورتا كلاسى 2019 - جىلدىعىنداعى وقۋشىسىمەن (سولدا) سۋرەتكە ءتۇستى.
2010 - جىلدان باستاپ شينجياڭ تولىق ورتا كلاسىن اشقالى، فۋجيان ولكەسى چاڭلى حۋاچياۋ ورتا مەكتەبى بىرتىندەپ ەرەكشە وقۋ جۇرگىزۋ جولىن اشىپ، ىلگەرىندى - كەيىندى 10 كەزەك شينجياڭ تولىق ورتا كلاسىنىڭ وقۋشىلارى وسى مەكتەپتەن وقۋ تاۋىسىپ، كوپتەگەن وقۋشىلار ارمانداعان داشۋەلەرىنە قابىلداندى. ”وسى جىلدارى شينجياڭ كلاسى ۇزدىك ناتيجەگە قول جەتكىزىپ، قوعامنىڭ ءار سالاسىنىڭ القاۋىنا يە بولدى، مەكتەبىمىز دە بيىل 10 - توپتاعى مەملەكەتتىك ۇلتتار ىنتىماعى، العاباسارلىعىنداعى ۇلگى كورسەتۋ رايونى، ۇلگى كورسەتۋ ورنى بولدى“،- دەدى فۋجيان ولكەسى چاڭلى حۋاچياۋ ورتا مەكتەبى وقۋ - اعارتۋ توبىنىڭ باس مەكتەپ باستىعى چىن بييۇن.
