شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى
حابارسىز كەتكەندەردى، قامالىپ قالعانداردى بار كۇشپەن ىزدەستىرىپ - قۇتقارىپ، ءولىم - ءجىتىمدى مۇمكىندىكتىڭ بارىنشا ازايتىپ، تاسقىننان ساقتانۋ ءتۇيىندى ورىندارىن ءجىتى قاداعالاپ، تاسقىننان ساقتانۋ شارالارىن ناقتى، ەگجەي - تەگجەيلى تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن بار كۇشپەن قامتاماسىز ەتۋدى تالاپ ەتتى
لي چياڭ بەكىتۋ جاسادى
شينحۋا اگەنتتىگىنىڭ 8 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى.
شي جينپيڭ بىلاي دەپ اتاپ كورسەتتى: تاياۋدا ”دوكسۇري“ اتتى تايفىڭ داۋىلىنىڭ ىقپالىنان سولتۇستىك جۇڭگو، حۋاڭحى - حۋايحى الاپتارىندا سۇراپىل نوسەر جاۋىپ، تاسقىن جانە گەولوگيالىق اپاتتىڭ تۋىلۋىنا مۇرىندىق بولدى، بەيجيڭ، حىبەي سياقتى جەرلەردە اۋىر ءولىم - ءجىتىم تۋىلدى.
شي جينپيڭ مىنالاردى تالاپ ەتتى: جەر - جەر حابارسىز كەتكەندەردى، قامالىپ قالعان ادامداردى بار كۇشپەن ىزدەستىرىپ، قۇتقارىپ، جارالانعانداردى قۇتقارۋ - ەمدەۋ جانە قازا بولعانداردىڭ وتباسىنداعىلاردى جۇباتۋ قىزمەتىن ويداعىداي ىستەپ، ءولىم - ءجىتىمدى مۇمكىندىكتىڭ بارىنشا ازايتۋى كەرەك. اپاتقا ۇشىراعان بۇقارانى لايىقتى ورنالاستىرىپ، قاتىناس، حابارلاسۋ، ەلەكتر سياقتى زيانعا ۇشىراعان نەگىزدىك قۇرىلعىلاردى جەدەل جوندەپ، قالپىنا كەلتىرىپ، قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋ كەرەك.
شي جينپيڭ بىلاي دەپ باسا دارىپتەدى: ءدال قازىر تاسقىننان ساقتانۋ قاۋىرت مەزگىلىنىڭ شەشۋشى كەزەڭى، وڭىرلەر جانە قاتىستى تاراۋلار، ءسوز جوق، وسكەلەڭ ءمان بەرىپ، جاۋاپكەرشىلىكتى ناقتىلاندىرىپ، باقىلاۋ - ولشەۋدى، الدىن الا مالىمەت بەرۋدى، ساقتاندىرۋدى كۇشەيتىپ، شارلاۋ - تەكسەرۋ، كۇزەتۋدى كۇشەيتىپ، تاسقىننان ساقتانۋ ءتۇيىندى ورىندارىن ءجىتى قاداعالاپ، تاسقىننان ساقتانۋ شارالارىن ناقتى، ەگجەي - تەگجەيلى تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن بار كۇشپەن قامتاماسىز ەتۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جاساپ، مىنالاردى تالاپ ەتتى: باس شۋجيدىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق شتابى، شۇعىل جاعدايعا توتەپ بەرۋدى باسقارۋ مينيسترلىگى، سۋ يگىلىگى مينيسترلىگى سياقتى ورىنداردىڭ اپاتقا ۇشىراعان وڭىرلەردەگى حابارسىز كەتكەندەردى، قامالىپ قالعان ادامداردى ىزدەستىرىپ - قۇتقارۋىنا بار كۇشپەن جەتەكشىلىك ەتىپ جانە كومەكتەسىپ، ءولىم - ءجىتىمدى بارىنشا ازايتىپ، سونداي - اق اپاتقا ۇشىراعان بۇقارانى لايىقتى ورنالاستىرىپ، قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋ كەرەك. قاتىستى جاقتار قاداعالاۋدى، ساقتاندىرۋدى جانە شارلاۋ - تەكسەرۋدى، كۇزەتۋدى اناعۇرلىم كۇشەيتىپ، تاسقىننان ساقتانۋدىڭ، تايفىڭ داۋىلىنان ساقتانۋدىڭ شارالارىن ناقتى، ەگجەي - تەگجەيلى تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.
