ەكونوميكانىڭ جوعارى ساپالى دامۋىن تىڭعىلىقتى ىلگەرىلەتتى
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىل جىل باسىنان بەرى جۇڭگو ەكونوميكاسىنىڭ ءۇرتىس قالپىنا كەلۋىنە، ورنىقتىلىق بارىسىندا ىلگەرىلەۋىنە جەتەكشىلىك ەتكەندىگى جونىندە شولۋ
شينحۋا اگەنتتىگىنىڭ تىلشىلەرى
2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، جۇڭگو ەكونوميكاسىنىڭ بەتالىسى بۇكىل الەمنىڭ نازارىن اۋداردى.
بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلادى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلادى، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلادى، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، حالىق شارۋاشىلىعىنىڭ ءۇرتىس قالپىنا كەلۋىن، جالپى جاقتان قايتا ورلەپ، جاقسارۋىن ىلگەرىلەتتى، جوعارى ساپالى دامۋ تىڭعىلىقتى ىلگەرىلەتىلىپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي نىق تا بەرىك قادام تاستالدى.
تاماشا باستامانى قۇلشىنا جۇزەگە اسىرۋ −
”جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ كەرەك“
شىلىڭگىر 7 - اي، جۇڭگو دۇنيە جۇزىنە جارتى جىلدىق ەكونوميكالىق جاۋاپناماسىن كورسەتتى −
ىشكى ءوندىرىس جالپى ءونىم قۇنى سايكەس مەزگىلدەگىدەن ％5. 5 ارتتى، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن ％2. 8 ارتتى، تۇراقتى مال - مۇلىككە قوسىلعان قارجى سايكەس مەزگىلدەگىدەن ％8. 3 ارتتى، 3 - كاسىپتىڭ ارتقان قۇنى سايكەس مەزگىلدەگىدەن ％4. 6 ارتتى... كۇردەلى دە قاتاڭ سىرتقى ورتادا ەكونوميكانىڭ، قوعامنىڭ جاپپاي قالپىنا كەلۋىنىڭ ۇدايىلانعان اينالىمىنا ىلەسە، ءبىر قىدىرۋ كورسەتكىشتەر جۇڭگو ەكونوميكاسىنىڭ سەرپىمدىلىگىن ايگىلەدى.
7 - ايدىڭ 21 - كۇنى، جۇڭنانحاي. باس شۋجي شي جينپيڭ پارتيا سىرتىنداعى قايراتكەرلەر اڭگىمە ءماجىلىسىن باسقارىپ اشقاندا بىلاي دەپ اتاپ كورسەتتى: ”ەلىمىز ەكونوميكاسىنىڭ قالپىنا كەلۋ جىلدامدىعى دۇنيە جۇزىندەگى نەگىزگى ەكونوميكالىق تۇلعالار اراسىندا الدىڭعى ورىندى يەلەپ، ۇزاق ۋاقىت جاقسارعان نەگىزگى جاعدايى وزگەرمەدى، دامۋ بولاشاعى نۇرلى“.
حاۋىپ - قاتەر، سىن - سايىسقا ءدوپ كەلگەن سايىن، ستراتەگيالىق سەنىمدى سولعۇرلىم بەكەمدەپ، ”جۇڭگونىڭ باسقارۋى“ ارقىلى ”دۇنيە ءجۇزىنىڭ بىلىقپالىعىنا“ توتەپ بەرۋىمىز كەرەك.
پارتيا 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى جوباسىن جاسادى.
بىلتىر ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ 2023 - جىلعى ەكونوميكالىق قىزمەتتى ويداعىداي ىستەۋ جونىندە بىلاي دەپ باسا دارىپتەدى: ”جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ كەرەك“.
جاڭا باستامانى تياناق ەتىپ، جاڭا ساپارعا جول باستادى.
يدەيالىق جاقتان جەتەكشىلىك ەتۋگە تاباندى بولىپ، جوعارى ساپالى دامۋ سىندى وسى ماڭداي الدى مىندەتتى مىقتاپ يگەردى −
بيىلعى مەملەكەتتىك ەكى ءماجىلىس كەزىندە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، جياڭسۋدى ”جوعارى ساپالى دامۋدا ۇزدىكسىز الدىڭعى لەكتە جۇرۋگە“ شابىتتاندىردى، سونداي - اق جوعارى ساپالى دامۋدى ارقاۋ ەتە وتىرىپ ماڭىزدى ورنالاستىرۋ جاسادى:
جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ − جوعارى ساپالى دامۋدى ىلگەرىلەتۋدە، ءسوز جوق، باسىپ وتەتىن جول؛ جاڭا دامۋ ارناسىن جەدەل قالىپتاستىرۋ − جوعارى ساپالى دامۋدى ىلگەرىلەتۋدىڭ ستراتەگيالىق نەگىزگى ءتۇيىنى؛ اۋىل شارۋاشىلىعىن وسىزامانداندىرۋدى ىلگەرىلەتۋ − جوعارى ساپالى دامۋدى جۇزەگە اسىرۋدىڭ قاجەتتى تالابى؛ حالىقتىڭ باقىتتى، امان - ەسەن بولۋى − جوعارى ساپالى دامۋدى ىلگەرىلەتۋدىڭ ەڭ سوڭعى ماقساتى؛ جوعارى ساپالى دامۋدى ىلگەرىلەتۋدە، ءسوز جوق، پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، پارتيانى بۇلجىماي، جاپپاي قاتاڭ باسقارۋ كەرەك.
”جوعارى ساپالى دامۋ بولماسا، سوتسياليستىك وسىزاماندانۋدان اۋىز اشۋعا بولمايدى“، - دەپ باس شۋجي شي جينپيڭ كەسەتىپ ايتتى.
4 ايدان كەيىن، 7 - ايدىڭ 5 - كۇنىنەن 7 - كۇنىنە دەيىن باس شۋجي شي جينپيڭ جياڭسۋدىڭ سۋجوۋ، نانجيڭ سياقتى جەرلەرىنە بارىپ قىزمەت تەكسەرىپ، جياڭسۋ ”سوتسياليستىك وسىزامانداندىرۋدى الدىمەن جۇزەگە اسىرۋدا الدىڭعى لەكتە ءجۇرىپ، جۇڭگو ۇلگىسىندەگى وسىزامانداندىرۋدىڭ جياڭسۋ جاڭا امالياتىن قۇلشىنا ىلگەرىلەتىپ، ’ەكونوميكاسى قۋاتتى، حالقى باي، ورتاسى كورىكتى، قوعامدىق وركەنيەت دەڭگەيى جوعارى‘ جاڭا جياڭسۋدىڭ وسىزامانداندىرۋ قۇرىلىسىنىڭ جاڭا تاراۋىن جازۋى كەرەك“ دەگەندى ىشكەرىلەي العا قويدى.
باس شۋجيدىڭ ماڭىزدى ءسوزى جياڭسۋدىڭ دامۋىنا ايقىن بەتالىس كورسەتتى ءارى ءار سالا، ءار كاسىپتىڭ جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋىنە جول باستاپ، باعدار بەلگىلەدى.
جوعارى ساپالى دامۋ − پارتيا 20 - قۇرىلتايىنىڭ بايانداماسىندا ورنالاستىرىلعان ”جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى“، جۇڭگو ۇلگىسىندەگى وسىزامانداندىرۋدىڭ ماندىك تالابى ءارى باستاما جىلدا باس شۋجي شي جينپيڭ قايتا - قايتا دارىپتەگەن كىندىك ءسوز.
2 - ايدىڭ 7 - كۇنى پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ بىلاي دەپ باسا دارىپتەدى: ”جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، باستاما جىلداعى قىزمەتتەردى ويداعىداي يگەرۋ كەرەك“، ”جوعارى ساپالى دامۋدى ىلگەرىلەتۋ كەرەك“؛
4 - ايدىڭ 3 - كۇنى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە باس شۋجي بىلاي دەپ باسا دارىپتەدى: ”جوعارى ساپالى دامۋدى ىلگەرىلەتۋدىڭ جاڭا ناتيجەلەرى ارقىلى نەگىزگى تاقىرىپتىق تاربيەنىڭ جەتىستىكتەرىن سىننان وتكىزۋ كەرەك“؛
4 - ايدىڭ 28 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى. ءماجىلىس ”جوعارى ساپالى دامۋدى ىلگەرىلەتۋدە ءالى دە كوپتەگەن قيىنشىلىقتاردى، سىن - سايىستاردى جەڭۋگە تۋرا كەلەتىندىگىن“ اتاپ كورسەتتى، ”جوعارى ساپالى دامۋدى ىلگەرىلەتۋدىڭ پارمەندى قوزعاۋشى كۇشىن قالىپتاستىرۋ كەرەكتىگىن“ باسا دارىپتەدى.
7 - ايدىڭ 24 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى كەزەكتەگى ەكونوميكالىق جاعدايعا تالداۋ جاسادى جانە ونى اقىلداستى، سوڭعى جارتى جىلداعى ەكونوميكالىق قىزمەتتى ورنالاستىردى. ءماجىلىس ”جاڭا بەينە، جاڭا ىسكەرلىك ارقىلى جوعارى ساپالى دامۋدا تىڭ تابىسقا قول جەتكىزۋدى ىلگەرىلەتۋ كەرەكتىگىن“ العا قويدى...
ءبىر قىدىرۋ ماڭىزدى بايىمداۋلار، ماڭىزدى ورنالاستىرۋلار شي جينپيڭنىڭ ەكونوميكا يدەياسىن اناعۇرلىم بايىتىپ جانە دامىتىپ، جۇڭگو ەكونوميكاسى كەمەسىنىڭ جوعارى ساپالى دامۋ بەتالىسىن بويلاي ورنىقتى تۇردە الىسقا جەتۋىنە جەتەكشىلىك ەتتى.
الدا ءجۇرۋ سەنىمىن بەكەمدەپ، جوعارى ساپالى دامۋدى ورتاق جەبەيتىن بىرىككەن كۇش قالىپتاستىردى −
”ەكونوميكالىق قىزمەتتى ويداعىداي ىستەۋ سەنىمىن بەكەمدەۋ كەرەك“.
باس شۋجي شي جينپيڭ بىلتىرعى ورتالىقتىڭ ەكونوميكالىق قىزمەت ماجىلىسىندە وسىلاي دەپ باسا دارىپتەدى، سونداي - اق ”ىشكى سۇرانىستى كۇش سالا كەڭەيتۋ“، ”وسىزاماندانعان كاسىپ سالاسى جۇيەسىن جەدەل قۇرۋ“،”’ەكىدەن تيتتەي دە اۋىتقىماۋدى‘ شىنايى تياناقتاندىرۋ“، ”شەتەل كاپيتالىن اناعۇرلىم زور سەرپىنمەن باۋراۋ جانە ونان پايدالانۋ“، ”ەلەۋلى ەكونوميكا، فينانس حاۋىپ - قاتەرلەرىنەن ءونىمدى ساقتانۋ جانە ولاردى جويۋ“ سياقتى كەلەلى ماسەلەلەر جونىندە جاپپاي ورنالاستىرۋ جاسادى.
شەشۋشى ءسات بولعان سايىن، سەنىمدى سولعۇرلىم بەكەمدەپ، اياق الىستى بىرلىككە كەلتىرىپ العا ىلگەرىلەۋ كەرەك.
7 - ايدىڭ 19 - كۇنى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ حالىقتىق شارۋاشىلىقتىڭ دامۋىن، زورايۋىن جەبەۋ جونىندەگى پىكىرىنىڭ» جاريالانۋى پارتيا ورتالىق كوميتەتىنىڭ حالىق شارۋاشىلىعىنا وسكەلەڭ ءمان بەرگەندىگىن جانە حالىقتىق شارۋاشىلىق قايراتكەرلەرىنە ىقىلاستى قامقورلىق جاساعاندىعىن تولىق ايگىلەدى.
باس شۋجي شي جينپيڭ بىلاي دەپ باسا دارىپتەدى: ”حالىقتىق كاسىپورىندار مەن حالىقتىق كاسىپكەرلەردى پارتيا ورتالىق كوميتەتىنىڭ باعىت - ساياساتتارىن دۇرىس تۇسىنۋگە جەتەكتەپ، سەنىمدى نىعايتىپ، شيراقىلىقپەن شەپكە اتتانىپ، باتىلدىقپەن دامىپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جۇزەگە اسىرۋ كەرەك“.
ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ماكرولىق ساياساتتى رەتتەۋ - مەڭگەرۋ سەرپىنىن ارتتىرىپ، كۇش سالا ىشكى سۇرانىستى كەڭەيتىپ، سەنىمدى سەرپىلتىپ، حاۋىپ - قاتەردەن ساقتانىپ، ەكونوميكالىق اينالىمنىڭ ءۇرتىس جاقسارۋىن، ىشكى قوزعاۋشى كۇشتىڭ ۇزدىكسىز كۇشەيۋىن، قوعامدىق مەجەنىڭ ۇزدىكسىز جاقسارۋىن، حاۋىپ - قاتەرلەر مەن كومەسكى كىناراتتاردى ءۇرتىس جويۋدى ۇزدىكسىز ىلگەرىلەتىپ، ەكونوميكانىڭ ساپا جاعىندا ءونىمدى جوعارىلاۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتۋ كەرەك...
2023 - جىلعى ەكونوميكالىق قىزمەتتەردى ويداعىداي ىستەۋدى ارقاۋ ەتە وتىرىپ، پارتيا ورتالىق كوميتەتى ءبىر قىدىرۋ شەشىم، ورنالاستىرۋ جاسادى، جەر - جەر، تاراۋلار ءونىمدى دايەكتىلەندىرىپ، تياناقتاندىرىپ، جۇڭگو ەكونوميكاسىنىڭ قيىندىقتارعا قارسى ۇمتىلۋىن ىلگەرىلەتىپ، جوعارى ساپالى دامۋدىڭ قۋاتتى بىرىككەن كۇشىن شىن مانىندە قالىپتاستىردى.
ەكىنشى ماۋسىمنان بەرى دۇنيە ءجۇزى بانكە، حالىقارالىق اقشا قورى ۇيىمى سياقتى حالىقارالىق ۇيىمدار مەن قۇرىلىمدار بيىلعى جۇڭگونىڭ ەكونوميكالىق ارتۋ مەجەسىن ىركەس - تىركەس جوعارىلاتۋى جۇڭگونىڭ جوعارى ساپالى دامۋىنا بولعان سەنىمىن ايگىلەدى. حالىقارالىق اقشا قورى ۇيىمىنىڭ مەجەسىنشە، بيىل جۇڭگونىڭ بۇكىل الەمدىك ەكونوميكالىق ارتۋعا قوساتىن ۇلەس مولشەرى ۇشتەن ءبىر اينالاسىنا جەتەدى ەكەن.
”بۇكىل دۇنيە ءجۇزى جۇڭگونىڭ دامۋىنان يگىلىككە كەنەلدى“، دۇنيە جۇزىلىك ەكونوميكالىق تالقى مىنبەرىنىڭ ءتوراعاسى شۋاب: جۇڭگونىڭ ％5 اينالاسىنداعى تۇتاس جىلدىق ەكونوميكالىق ارتۋ نىساناسى ادامدى جىگەرلەندىرەدى، - دەدى.
ەكونوميكانىڭ تيبىن وزگەرتىپ، دارەجەسىن جوعارىلاتۋىن ىلگەرىلەتتى −
”ساپا جاعىندا ۇتىمدى ءوسۋىن جانە سان جاعىندا ۇيلەسىمدى ارتۋىن، ءسوز جوق، اناعۇرلىم ويداعىداي ءبىر تۇتاس جوسپارلاۋ كەرەك“
الدىڭعى جارتى جىلداعى ەكونوميكالىق كورسەتكىشتە ءبىر توپ ساندى مالىمەت جۇرت نازارىن اۋداردى −
ەلەكترو اۆتوكولىگى، ليتيلي باتەريا، كۇن ەنەرگيالى باتەريا سياقتى ”جاڭا ءۇش ءتۇرلى“ ءونىمنىڭ جالپى ەكسپورتى ％6. 61 ارتىپ، جۇڭگو ەكسپورتىنىڭ جالپى تۇلعالىق ارتۋىن 8. 1 پايىز دەمەدى؛ جابدىق جاساۋ كاسىبىنىڭ ۇستەمە قۇنى سايكەس مەزگىلدەگىدەن ％5. 6 ارتىپ، بارلىق كولەمنەن جوعارى ونەركاسىپتىڭ ارتۋىنا ۇلەس مولشەرى ％9. 53كە جەتتى.
ەكونوميكالىق قۇرىلىم ۇزدىكسىز ساپالىلانىپ، دامۋدىڭ ىشكى قوزعاۋشى كۇشى توپتالۋدا، بۇل − ورنىعىپ، جاندانۋدىڭ كۋاسى، سونداي - اق تيبىن وزگەرتىپ، دارەجەسىن جوعارىلاتۋدىڭ ءدۇبىرى.
”ەكونوميكانىڭ ساپا جاعىندا ۇتىمدى ءوسۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتىپ، ەلىمىزدىڭ ەكونوميكالىق ناقتى قۋاتىن، عىلىم - تەحنيكالىق ناقتى قۋاتىن، مەملەكەتتىڭ جالپىلىق قۋاتىن ۇزدىكسىز نىعايتۋىمىز كەرەك“. باس شۋجي شي جينپيڭ مەملەكەتتىك ەكى ءماجىلىس كەزىندە وسىلاي دەپ باسا دارىپتەدى.
بيىل جىل باسىنان بەرى جۇڭگو ەكونوميكاسى ورنىعىپ قالپىنا كەلۋدىڭ جانە كاسىپ سالالارىنىڭ دارەجەسىن جوعارىلاتۋدىڭ شەشۋشى مەزگىلىندە تۇر، ىشكى قوزعاۋشى كۇشى ءالى دە ءالسىز، قاجەتسىنۋ ءالى دە جەتكىلىكسىز، ەكونوميكانىڭ تيبىن وزگەرتۋ تىڭ توسقاۋىلدارعا ءدوپ كەلىپ وتىر، جوعارى ساپالى دامۋدى ىلگەرىلەتۋ كوپتەگەن قيىندىقتاردى، سىن - سايىستاردى جەڭۋى قاجەت.
ەكونوميكا دامۋىنىڭ ساپاسى مەن سانىنىڭ بايلانىسىن ديالەكتيكالىق تۇرعىدان تانىپ، عىلمي جاقتان ءبىر تۇتاس جوسپارلاپ، ساپا ارقىلى جەڭىسكە جەتۋ، سان وزگەرىسىندەگى قوردالانۋ ارقىلى ساپا وزگەرىسىن جۇزەگە اسىرۋعا تاباندى بولۋ كەرەك... شي جينپيڭنىڭ ەكونوميكا يدەياسىنىڭ جەتەكشىلىگىندە، جۇڭگو ەكونوميكاسى تيبىن وزگەرتىپ، دارەجەسىن جوعارىلاتۋدى تىڭعىلىقتى ىلگەرىلەتۋ بارىسىندا باسىمدىققا قول جەتكىزۋدە، ىرىقتىلىققا قول جەتكىزۋدە.
جاڭالىق اشۋ ارقىلى جەتەكشىلىك ەتۋگە تاباندى بولىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ بارىسىندا دامۋدىڭ قوزعاۋشى كۇشىن توپتاۋ كەرەك −
”قيان - كەسكى حالىقارالىق باسەكەدە ءبىز دامۋدىڭ جاڭا سالاسىن، جاڭا جارىس جولىن اشىپ، دامۋدىڭ جاڭا قوزعاۋشى قۋاتىن، جاڭا باسىمدىعىن سومداۋدا، تۇپتەپ كەلگەندە، عىلىم - تەحنيكادا جاڭالىق اشۋعا سۇيەنەمىز“. بيىلعى مەملەكەتتىك ەكى ءماجىلىس كەزىندە باس شۋجي شي جينپيڭ ايقىن تالاپ قويدى.
”ناقتى ەكونوميكاعا ءمان بەرىپ، ءوز كۇشىنە سۇيەنىپ ءومىر ءسۇرۋ جولىمەن ءجۇرىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ كەرەك“، ”جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرىپ، جاڭا دامۋ ارناسىن قۇرۋدا عىلىم - تەحنيكانىڭ قيىن وتكەلدەرىنەن قامال الۋ كەرەك“... جەرگىلىكتى ورىندا قىزمەت تەكسەرۋ بارىسىندا باس شۋجي شي جينپيڭ جاڭالىق اشۋدىڭ كوكەي تەستىلىگى مەن ماڭىزدىلىعىن قايتا - قايتا دارىپتەدى.
ورتالىق عىلىم - تەحنيكا كوميتەتىن ۇيىمداستىرىپ قۇرىپ، عىلىم - تەحنيكا مينيسترلىگىن قايتادان ۇيىمداستىرىپ قۇردى... «پارتيا مەن مەملەكەت قۇرىلىمدارى رەفورماسى جوباسى» باسىپ تاراتىلدى، نازاردى عىلىم - تەحنيكا قىزمەتىن بولجامپازدىقپەن جوسپارلاۋعا، جۇيەلى ورنالاستىرۋعا، جالپى تۇلعالىق ىلگەرىلەتۋگە شوعىرلاندىرىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىردى.
شىنجوۋ − 16 ادام الىپ ۇشاتىن الەم كەمەسى ءساتتى ۇشىرىلدى، ەلىمىزدىڭ تۇڭعىش 10 مىڭ توننا دارەجەسىندەگى فوتوۆولت ارقىلى سۋتەگىن ءوندىرۋ نىسانى قولدانىسقا بەرىلدى، الەمدەگى تۇڭعىش 16 مەگاۆاتتىق تەڭىز ءۇستى جەل - ەلەكتر گەنەراتور اگراگاتتارى جەلىگە قوسىلىپ، ەلەكتر تاراتا باستادى، تۇڭعىش وتاندىق كولەمدى پاروحود سىناق رەتىندە ساپارعا شىعۋدى ورىندادى... بيىل جىل باسىنان بەرى كوپتەگەن سالاداعى جاڭالىق اشۋ جەتىستىكتەرى دۇنيە ءجۇزىنىڭ نازارىن اۋداردى.
ساپاسىن جەدەل جوعارىلاتىپ، ونىمدىلىگىن ارتتىرىپ، وسىزاماندانعان كاسىپ سالاسى جۇيەسىن قۇرۋ بارىسىندا دامۋ نەگىزىن بەكەمدەدى −
شاڭحايدىڭ وزىندە چيپ، جۇمساق بولشەك سياقتىلاردان قۇرالعان ”ۇلكەن مي“ ازىرلەندى؛ باتىسقا قاراي مولشەرمەن 200 كيلومەتر قاشىقتىقتاعى جياڭسۋدىڭ چاڭجوۋىندا قوزعاۋشى كۇش باتەرياسى ازىرلەندى؛ وڭتۇستىككە قاراي 200 نەشە كيلومەتر قاشىقتىقتاعى جىجياڭنىڭ نيڭبوسىندا ءبىر تۇلعالاندىرىلعان تاپتاۋ ماشيناسى ازىرلەندى... چاڭجياڭ اتىراۋىندا جاڭا ەنەرگيالى اۆتوكولىكتى تولىعىمەن جاساۋ زاۆودى 4 ساعاتتىق كولىك جولى ىشىندە قاجەتتى سايكەستى بولەكشەكتەرمەن قامداۋدى شەشىم ەتە الاتىن بولدى.
كاسىپ سالاسى جۇيەسىنىڭ ساپاسى ەكونوميكالىق دامۋدىڭ ساپاسىن بەلگىلەيدى.
5 - ايدىڭ 5 - كۇنى باس شۋجي شي جينپيڭ باسقارىپ اشقان 20 - كەزەكتى ورتالىق كوميتەت قازىنا - ەكونوميكا كوميتەتىنىڭ 1 - ماجىلىسىندە كەمەلدى، وزىق، حاۋىپسىز وسىزاماندانعان كاسىپ سالاسى جۇيەسىن قۇرۋدى باسا دارىپتەدى.
7 - ايدىڭ 24 - كۇنى باس شۋجي شي جينپيڭ باسقارىپ اشقان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى ىشكەرىلەي ورنالاستىردى: ”ستراتەگيالىق سيپاتتى جاڭادان گۇلدەنگەن كاسىپ سالاسىن جەدەل جەتىلدىرىپ، زورايتىپ، اناعۇرلىم كوپ تىرەكتى كاسىپ سالاسىن تۇلعالاۋ كەرەك“، ”سيفرلى ەكونوميكانىڭ وزىق جاساۋ كاسىبىمەن، وسى زامانعى قىزمەت وتەۋ كاسىبىمەن تەرەڭدەي توعىسۋىن ىلگەرىلەتۋ كەرەك“.
نازاردى ءالسىز بۋىندارداعى تىزبەكتى تولىقتاۋعا شوعىرلاندىرىپ، كاسىپ سالاسى نەگىزى بويىنشا قايتا جاساۋ ينجەنەرياسىن ىشكەرىلەي اتقاردى؛ ءداستۇرلى كاسىپ سالالارىنىڭ تيبىن وزگەرتىپ، دارەجەسىن جوعارىلاتۋىن ىلگەرىلەتۋگە تاباندى بولىپ، تەحنيكالىق جاساۋ مەن جابدىقتاردى جاڭالاۋدى زور كۇشپەن ىلگەرىلەتۋ كەرەك... وسىزاماندانعان كاسىپ سالاسى جۇيەسىن جەتەكشى ەتىپ، ورتالىقتان جەرگىلىكتى ورىنعا دەيىنگى ءبىر قىدىرۋ شارالار ەكونوميكانىڭ ساپاسىن جوعارىلاتىپ، ونىمدىلىگىن ارتتىرۋىن جەدەلدەتتى.
الدىڭعى جارتى جىلدا كۇن ەنەرگيالى باتەريانىڭ، ونەركاسىپتىك مەڭگەرۋ كومپيۋتەرىنىڭ جانە جۇيەسىنىڭ ءونىم مولشەرى جەكە - جەكە ％5. 54، ％1. 34 ارتتى. قازىرگە دەيىن جەر - جەردە 8000عا تاياۋ سيفرلانعان سەح جانە زەردەلى زاۆود سالىنىپ، زەردەلى جاساۋدىڭ جاڭا جاعدايى، جاڭا جوباسى، جاڭا ۇلگىسى ۇزدىكسىز جارىققا شىعىپ، سيفر تەحنيكاسىنىڭ قۋات ۇستەۋىنىڭ ونىمدىلىگى كورنەكتى بولدى.
قۇرىلىمدىق رەتتەۋدى ىلگەرىلەتىپ، جاپپاي جاسىل بولۋعا بۇرىلىس جاساۋ بارىسىندا باسەكەلى قۋات پەن ۇلاسپالىلىقتى كۇشەيتتى −
”قازىرگى جانە بۇدان بىلايعى ءبىر مەزگىلدە جاسىل دامۋ − ەلىمىز دامۋىنىڭ كەلەلى ستراتەگياسى بولادى“. 4 - ايدىڭ 4 - كۇنى باس شۋجي شي جينپيڭ استاناداعى مىندەتتى اعاش ەگۋ قيمىلىنا قاتىناسقاندا وسىلاي دەپ باسا دارىپتەگەن ەدى.
2 ايدان استام ۋاقىتتان كەيىن، 6 - ايدىڭ 7 - كۇنى تۇستەن كەيىن ىشكى موڭعۇلدا قىزمەت تەكسەرىپ جۇرگەن باس شۋجي شي جينپيڭ كوكحوت قالاسىنداعى جۇڭحۋان كاسىپ سالاسى باقشاسىنا كەلدى. باقشا اۋماعىنا كوشىپ كەلگەن 16 جارتىلاي وتكىزگىش جانە فوتوۆولت سالاسى كاسىپورىندارى ەل ىشىندەگى، حالىقاراداعى الدىڭعى قاتارعا كىرۋگە ۇمتىلىپ، ءۇش تەرىستىك وڭىرىندەگى جاسىل بولۋعا قاراي تيبىن وزگەرتىپ دامۋدىڭ، جاڭالىق اشۋ جولىمەن ءجۇرۋدىڭ ىقشام كورىنىسىنە اينالدى.
ەكران الدىندا تۇرىپ، باس شۋجي شي جينپيڭ قۇمدى شولدەگى ءىرى نىسانداردى تاپتەشتەي سۇراستىردى، قىزىل سىزىق، كوك سىزىقتار ايقىش - ۇيقىش ارالاسىپ، جاڭا ەنەرگيا دامۋىنىڭ جالىندى تىڭ تىنىسىن سۇلبالادى.
7 - ايدا اشىلعان مەملەكەتتىك ەكولوگيالىق ورتانى قورعاۋ جينالىسىندا باس شۋجي شي جينپيڭ بىلاي دەپ باسا دارىپتەدى: ”جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتۋ كەرەك“.
الدىڭعى جارتى جىلدا بۇكىل ەل بويىنشا جاڭادان ارتقان فوتوۆولتتىق گەنەراتور اگراگاتتارىنىڭ سيىمدىلىعى 78 ميلليون 420 مىڭ كيلوۆات بولىپ، جاڭادان ارتقان ەلەكتر كوزدەرىنىڭ جالپى گەنەراتور اگراگاتتارى سيىمدىلىعىندا يەلەيتىن سالىستىرماسى ％50تەن استى. قازىرگە دەيىن 30 مىڭ ءتۇرلى جاسىل ءونىم جالپىلاستىرىلىپ، 3616 جاسىل زاۆود، 267 جاسىل ونەركاسىپ باقشا رايونى سالىنىپ، زەردەلى جاساۋ بويىنشا ۇلگى كورسەتۋ زاۆودى كومىر قىشقىل گازىنىڭ شىعارىلۋىن ورتا ەسەپپەن ％2. 21 ازايتتى...
تومەن كومىر قىشقىل گازدى بولۋعا قاراي بۇرىلىس جاساۋ ”جاسىل“ بولۋمەن بىرگە العا ىلگەرىلەدى، وڭىردەن، قالا - اۋىلدان كاسىپ سالالارىنا دەيىن نىق قادام تاستالىپ، جاڭا دامۋ ۇستانىمىن دايەكتىلەندىرۋ جاڭا داۋىردەگى ەلىمىزدىڭ دامۋىنداعى، زورايۋىنداعى، ءسوزسىز، باسىپ وتەتىن جول ەكەندىگىن تولىق دالەلدەدى.
باستان - اياق حالىقتىق ىنتا - ىقىلاستان اينىمادى −
”حالىقتىڭ باقىتتى، امان - ەسەن بولۋى جوعارى ساپالى دامۋدى ىلگەرىلەتۋدىڭ ەڭ سوڭعى ماقساتى“
”مەملەكەتتى باسقارۋدىڭ وزگەرمەس زاڭ - قاعيداسى بولادى، ال حالىققا پايدا جەتكىزۋ سونىڭ نەگىزى سانالادى“.
سوڭعى جارتى جىلداعى ەكونوميكالىق قىزمەتكە نازار اۋدارا وتىرىپ، 7 - ايدىڭ 24 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشقاندا، ”حالىق تۇرمىسىن قامتاماسىز ەتۋ تەبىنىن ارتتىرۋ كەرەك“ دەپ ايقىن ورتاعا قويدى.
ەكونوميكالىق اينالىم قانشا كۇردەلى جاعدايعا ءدوپ كەلسە، حالىق تۇرمىسىنىڭ تومەنگى شەگىن سونشا شىنايى بەكەمدەپ، دامۋدىڭ مەيىر جەتكىزۋ نەگىزىن ايشىقتاي ءتۇسۋ كەرەك.
ورتالىقتىڭ بىلتىرعى ەكونوميكالىق قىزمەت ماجىلىسىندە باس شۋجي شي جينپيڭ بيلىعى حالىق تۇرمىسى قاجەتىن قامتاماسىز ەتۋ، حالىق تۇرمىسىنىڭ ىرىس - قۇتىن ارتتىرۋ جونىندە ءبىر قىدىرۋ ماڭىزدى ورنالاستىرۋ جاسادى.
بيىلعى مەملەكەتتىك ەكى ءماجىلىس كەزىندە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: ”حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى، ءسوز جوق، شىعار ءتۇيىن جانە تابان تىرەر تياناق ەتىپ، دامۋ جەتىستىكتەرىن تۇرمىس ساپاسىنا ۇزدىكسىز اينالدىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك“.
4 - ايدىڭ 3 - كۇنى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە باس شۋجي شي جينپيڭ مىنانى ورتاعا قويدى: ”قاشاندا حالىقپەن تىنىستاس، تاعدىرلاس، تىلەكتەس بولىپ، حالىق بۇقاراسىنىڭ شۇعىل، قيىن، الاڭداعان، ءزارۋ ماسەلەلەرىن كۇش سالا شەشۋ كەرەك“.
5 - ايدىڭ 12 - كۇنى باس شۋجي شي جينپيڭ حىبەيدە قىزمەت تەكسەرگەندە جانە بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى: ”تەكسەرۋ - زەرتتەۋ ستيلىن بارىنشا ساۋلەلەندىرىپ، بۇقارانىڭ قاجەتىن ىشكەرىلەي ۇعىسىپ، بۇقارا جاپپاي كوڭىل بولگەن، ءجىتى قاداعالاپ وتىرعان مۇددە ماسەلەسىن شىن مانىندە شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك“.
باس شۋجي شي جينپيڭنىڭ ماڭىزدى نۇسقاۋىنىڭ رۋحىنا ساي، بيىل جىل باسىنان بەرى جەر - جەر، تاراۋلار ورنىقتى ارتۋعا، ولىقىلىقتاردى تولىقتاۋعا، قامتاماسىزدىقتى ارتتىرۋعا كۇش سالىپ، ءبىر قىدىرۋ شىنايى شارالار ارقىلى حالىق تۇرمىسىنا تيىمدىلىك جاساپ، جۇرت جۇرەگىن جىلىتىپ، سەنىمدى كۇشەيتتى.
جۇمىستانۋدى ورنىقتىرۋ ساياساتىن رەتتەپ، ساپالىلاندىرىپ، حالىق تۇرمىسىنداعى ماڭداي الدى ءىرى ءىستى مىقتى يگەردى −
جۇمىستانۋ − حالىق تۇرمىسىنىڭ نەگىزى، جوعارى مەكتەپ بىتىرگەن وقۋشىلار سياقتى ءتۇيىندى قاۋىمنىڭ جۇمىستانۋى ماڭىزدىنىڭ ماڭىزدىسى. بيىلعى قالا - قالاشىقتاردا جۇمىستانۋدى قاجەت ەتەتىن جاڭادان وسكەن ەڭبەككۇش پەن جوعارى مەكتەپ بىتىرگەن وقۋشىلاردىڭ كولەمى بىردەي تاياۋ جىلداردان بەرگى جاڭا دەڭگەيگە جەتتى.
6 - ايدىڭ 8 - كۇنى باس شۋجي شي جينپيڭ ىشكى موڭعۇلدا قىزمەت تەكسەرگەندە بىلاي دەپ باسا دارىپتەدى: ”جۇمىستاندىرۋدى الدىمەن ويلاستىرۋ ساياساتىن جاپپاي تياناقتاندىرىپ، اناعۇرلىم تولىق، اناعۇرلىم جوعارى ساپالى جۇمىستاندىرۋدى ىلگەرىلەتۋدى، جۇزەگە اسىرۋدى كورنەكتى ورىنعا قويىپ، ساياسات جۇيەسىن كەمەلدەندىرىپ، باۋلۋ قىزمەت وتەۋىن كۇشەيتىپ، اۋىرتپالىقتى ازايتاتىن، قىزمەت ورنىن ورنىقتىراتىن، جۇمىستاندىرۋدى كەڭەيتەتىن ساياسات - شارالاردى دالمە - ءدال، ءونىمدى اتقارىپ، كوپ ارنالى يكەمدى جۇمىستانۋدى قولداپ، جوعارى مەكتەپ بىتىرگەن وقۋشىلار، قوسىننان شەگىنگەن اسكەريلەر، شارۋا جۇمىسكەرلەر سياقتى قاۋىمدى جۇمىستاندىرۋدى ءتۇيىندى تۇردە ويداعىداي يگەرۋ كەرەك“.
ورتالىق قازىنا 66 ميللليارد 800 ميلليون يۋان جۇمىستانۋ كومەك قاراجاتىن ورنالاستىرىپ، جەر - جەردىڭ جۇمىستانۋدى، شارۋاشىلىق قۇرۋدى سۇيەمەلدەۋ ساياساتىن تياناقتاندىرۋىن قولدادى؛ جۇمىسسزدىق پەن جۇمىس ۇستىندە جارالانۋدى قامسىزداندىرۋ وتەمىنىڭ مولشەرىن تومەندەتۋ ساياساتى 2024 - جىلدىڭ سوڭىنا دەيىن ۇزارتىلىپ اتقارىلادى، الدىڭعى جارتى جىلدا تەك ادام كۇشى بايلىعى جانە قوعامدىق قامتاماسىزداندىرۋ تاراۋىنىڭ جۇمىستانۋدى ورنىقتىرۋ ساياساتى بويىنشا تاراتقان پايداسى 150 ميلليارد يۋاننان استى؛ جوعارى مەكتەپ بىتىرگەن وقۋشى جاستاردىڭ جۇمىستانۋىنا قىزمەت وتەۋدەن قامال الۋ ارەكەتىن باستادى؛ مەملەكەت مەنشىگىندەگى كاسىپورىنداردىڭ قىزمەتكەر قابىلداۋ كولەمىن كەڭەيتىپ، ورگان، ءىسورىندارىنىڭ قىزمەتكەر قابىلداۋ قارقىنىن تەزدەتتى...
بيىل جىل باسىنان بەرى وڭىرلەر، قاتىستى تاراۋلار ءتۇرلى ءادىس - امال قولدانىپ، ارنانى كەڭەيتىپ، قىزمەت وتەۋدى ساپالىلاندىرىپ، ادام ىستەتۋدى قامتاماسىزداندىرىپ، ورنىقتى جۇمىستاندىردى. الدىڭعى جارتى جىلدا بۇكىل ەل بويىنشا قالا - قالاشىقتاردا جاڭادان 6 ميلليون 780 مىڭ ادام جۇمىستانىپ، سايكەس مەزگىلدەگىدەن 240 مىڭ ادام ارتتى؛ قالا - قالاشىقتاردا تەكسەرىلگەن جۇمىسسىزدىق سالىستىرماسىنىڭ ورتاشا كورسەتكىشى ％3. 5 بولىپ، ءبىرىنشى ماۋسىمداعىدان 2. 0 پايىز تومەندەدى. جۇمىستانۋ جاعدايى جاقسارىپ، جالپى تۇلعالىق ورنىقتىلىقتى ساقتادى.
حالىق تۇرمىسىنداعى ولقىلىقتاردى جەدەل تولىقتاپ، حالىق بۇقاراسىنىڭ شۇعىل، قيىن، الاڭداعان، ءزارۋ ماسەلەلەرىن كۇش سالا شەشتى −
قارتايعاندا كۇتىمدەلۋ − بۇقارا ايرىقشا كوڭىل اۋدارىپ وتىرعان ”وتباسى شارۋاسى“ ءارى باس شۋجي شي جينپيڭنىڭ كوكەيىندەگى ”ءىرى ءىس“.
بيىل كوكتەم مەرەكەسى قارساڭىندا باس شۋجي شي جينپيڭ نەگىزگى ساتىداعى كادرلارمەن جانە بۇقارامەن بەينەبايلانىسقا شىققاندا بىلاي دەپ ورتاعا قويدى: ”اسىرەسە، ەرەكشە قيىنشىلىعى بار، ەڭ تومەنگى تۇرمىسى قامتاماسىز ەتىلەتىن، جاسى ۇلعايعان، قاۋقاردان ايرىلعان قارتتاردى ەڭ تومەنگى شەكتەن تۇسىرمەي قامتاماسىز ەتۋدى كۇشەيتۋ كەرەك“. وسىدان ءبىر ايدان استام ۋاقىتتان كەيىنگى مەملەكەتتىك ەكى ءماجىلىس كەزىندە باس شۋجي شي جينپيڭ: قوعامدىق قامتاماسىزداندىرۋ جۇيەسىن اقاۋسىزداندىرۋ، ”قارتتار مەن بالالارعا“ قىزمەت وتەۋدى كۇشەيتۋ سياقتى قىزمەتتەردى كۇش سالا ويداعىداي ىستەۋ كەرەك، - دەپ تاعى دا باسا دارىپتەدى.
ءبىر - بىرلەگەن ماڭىزدى نۇسقاۋلار جۇرت جۇرەگىن جىلىتىپ، ءبىر - بىرلەگەن ناقتى شارالار قارقىندى ىلگەرىلەتىلدى: بيىل مەملەكەتتىك ۇلگىلى قارتتار بەرەكەلى الەۋمەتتىك اۋماعىنان مىڭى قۇرىلادى؛ 429 قالا ”قارتتار مەن بالالار“ جالپى تۇلعالىق شەشۋ جوباسىن جاساۋ قىزمەتىن ورىنداپ بولدى؛ «مەملەكەتتىك نەگىزدىك قارتتاردى كۇتىمدەۋ بويىنشا قىزمەت وتەۋ تىزىمدىگىندە» قارتتار قيىنشىلىققا جولىققاندا مەملەكەت جاعىنان 16 ءتۇرلى نەگىزدىك قىزمەت وتەۋ نىسانىمەن قامدالاتىندىعى العاش رەت ايقىندالدى...
”حالىق بۇقاراسى ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن ويداعىداي شەشىپ، حالىق تۇرمىسىنا تيىمدىلىك جەتكىزەتىن ىستەردى ناقتى ىستەپ، جۇرت جۇرەگىن جىلىتاتىن ىستەردى ەگجەي - تەگجەيلى ىستەپ، ەل رايىنا جاعاتىن ىستەردى ويداعىداي ىستەپ، وسىزامانداندىرۋ قۇرىلىسىنىڭ جەتىستىكتەرىنەن بۇكىل حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك“. بۇل باس شۋجي شي جينپيڭنىڭ 4 - ايدا گۋاڭدۇڭدا قىزمەت تەكسەرگەن كەزدەگى ىقىلاستى تاپسىرماسى.
الدىڭعى جارتى جىلدا بۇكىل ەل بويىنشا قالا - قالاشىقتاردا 42 مىڭ 600 كونە، ەسكى الەۋمەتتىك اۋماقتى جاڭالاۋ جۇمىسى باستالىپ، 7 ميلليون 420 مىڭ وتباسىنا تيىمدىلىك جەتكىزدى؛ مەملەكەت 333 ءتۇرلى ءدارى - دارمەكتى ۇيىمداستىرىپ شوعىرلى تۇردە ساتىپ الىپ، 500 ميلليارد يۋانداي اۋىرتپالىقتى جەڭىلدەتكەننەن كەيىن، جۇڭي جاسالما دارىلەرىن تۇڭعىش رەت بۇكىل ەلدە شوعىرلى ساتىپ الۋدى باستادى... بار كۇشىن سالۋعا، شاما - شارقىنا قاراي ىستەۋگە تاباندى بولىپ، ناقتى قىزمەت ونىمدىلىگىمەن حالىق تۇرمىسى جاعىنداعى كوكەي تەستى ماسەلەلەرگە دەر كەزىندە جاۋاپ قايتارىپ، حالىق تۇرمىسى جاعىنداعى ولقىلىقتاردى تولىقتادى.
حالىق تۇرمىسى ىرىس - قۇتىن ۇزدىكسىز ارتتىرىپ، حالىقتىڭ تۇرمىس ساپاسىن جوعارىلاتتى −
7 - ايدىڭ 7 - كۇنى كەشتە شاندۇڭنىڭ لين - ي مىڭيىن اۋدانى دوجۋاڭ قالاشىعى دوجۋاڭ قىستاعىنىڭ الاڭىندا اۋىل - قىستاق باسكەتبول جارىسى دۋماندى وتكىزىلىپ جاتتى. تاياۋ جىلداردان بەرى دوجۋاڭ قالاشىعى 90نان استام مادەنيەت، دەنە شىنىقتىرۋ قيمىل الاڭىن، 55 اۋىل - قىستاق مادەنيەت ۇلكەن ساحناسىن سالىپ، قىستاقتاردىڭ بارىندە امبەباپ مادەنيەتتىك قىزمەت وتەۋ ورتالىعىن قۇرىپ، قىستاق تۇرعىندارىنىڭ جۇمىستان سىرتقى تۇرمىسىن بارىنشا بايىتتى.
باس شۋجي شي جينپيڭ 3 - ايدىڭ 15 - كۇنى جۇڭگو كوممۋنيستىك پارتياسى مەن دۇنيە ءجۇزى ساياسي پارتيالارىنىڭ جوعارى جىكتەگىلەر كەڭەسىنە قاتىناسقاندا: ”وسىزامانداندىرۋدىڭ ەڭ سوڭعى نىساناسى − ادامنىڭ ەركىن ءارى جاپپاي دامۋىن جۇزەگە اسىرۋ“، - دەپ اتاپ كورسەتتى.
«ساپالى، ءبىر تۇتاس نەگىزگى الەۋمەتتىك وقۋ - اعارتۋ قىزمەت وتەۋ جۇيەسىن ورناتۋ جونىندەگى پىكىردى» باسىپ تاراتتى؛ ”15 مينۋتتىق مادەنيەت تۇرمىس شەڭبەرىن“ قۇرۋدى جەدەلدەتىپ، حالىقتىڭ تۇرمىس كەڭىستىگىن نارلەندىردى؛ ”قىستاق BA“، ”قىستاق ەرەن دارەجەلى بىرلەسكەن فۋتبول جارىسى“، ”قىستاق ۆولەيبول جارىسى“ سياقتى نەگىزگى ساتى دەنە تاربيە قيمىلدارىن كەڭىنەن حاۋىپسىز ورىستەتۋگە دەم بەرىلدى... حالىقتىڭ تاماشا تۇرمىس تالپىنىسىنا سايكەسە، زاتتىق وركەنيەت پەن رۋحاني وركەنيەت ءوزارا سايكەسكەن گۋمانيتارلىق ەكونوميكا ”ۇنامدى تۋىندىسى“ جەدەل جازىلۋدا.
”جۇڭگو كوممۋنيستىك پارتياسىنىڭ جەكە مۇددەسى بولمايدى، بيلىك جۇرگىزۋ دەگەنىمىز حالىق ءۇشىن قىزمەت وتەۋ، حالىق بۇقاراسىن باقىتقا كەنەلتۋ بولىپ تابىلادى“. باس شۋجي شي جينپيڭ 4 - ايدا گۋاڭدۇڭدا قىزمەت تەكسەرگەندە وسىلاي دەپ تەرەڭ اتاپ كورسەتتى.
دامۋدىڭ جاڭا ءورىسىن اشتى −
”جاڭا دامۋ ارناسىن اشۋعا ونان ارى بەلسەنە توعىستى جانە وعان قىزمەت وتەدى“
بيىك كەڭىستىكتەن چيۇڭجوۋ بۇعازىنىڭ وڭتۇستىك - سولتۇستىك ەكى جاعالاۋىنا كوز جىبەرسەك، گۋاڭدۇڭ جانجياڭداعى شۇيۋىن پورتى مەن حايناننىڭ حايكوۋ شينحاي پورتىنىڭ اراسىن تەڭىز ءبولىپ جاتادى.
بيىل 4 - ايدا باس شۋجي شي جينپيڭ شۇيۋىن پورتىنىڭ ارناۋلى كەمەجايىنا كەلىپ، كەمەنىڭ قاتىناۋ ۋاقىتى، پورتتىڭ قابىلداۋ - جونەلتۋ قۋاتى، حاۋىپسىزدىكتى باسقارۋ جاعدايى سياقتىلاردى ەگجەي - تەگجەيلى ۇعىستى.
پورتتان اتتاناردا باس شۋجي جەرگىلىكتى ورىنداعى جاۋاپتى جولداستارعا بىلاي دەپ تاپسىردى: ”چيۇڭجوۋ بۇعازى − مەملەكەتتىڭ نانحايدى باسقارۋداعى ستراتەگيالىق ارناسى، شۇيۋىن پورتىن گۋاڭدۇڭ − شياڭگاڭ − اۋمىن ۇلكەن شىعاناق رايونى مەن حاينان ەركىن ساۋدا پورتىن تۇتاستىراتىن وسىزاماندانعان سۋ - قۇرلىق قاتىناس - تاسىمال كەشەندى تورابى ەتىپ قۇرىپ شىعۋ كەرەك“.
2020 - جىلى شۇيۋىن پورتىنىڭ جاڭا پورت رايونى ىسكە قوسىلعاننان بەرى گۋاڭدۇڭ مەن چيۇڭجوۋ اراسىنداعى تەڭىز جولىنىڭ تەڭ جارتىسى قىسقارىپ، نەبارى ءبىر ساعاتتا - اق قارسى جاعاعا جەتۋگە بولاتىن بولدى. قازىر ەكى پورتتىڭ ءارقايسىسى قۇرعان كەشەندى قاتىناس تورابى نىسانى ىسكە قوسىلدى نەمەسە قۇرىلىس شەشۋشى كەزەڭىنە ءوتىپ، گۋاڭدۇڭ − شياڭگاڭ − اۋمىن ۇلكەن شىعاناق رايونى مەن حاينان ەركىن ساۋدا پورتىنىڭ ”قوس باعىتتا اتتانىسقا كەلۋىنە“ دەم بەردى.
قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا. جاڭا دامۋ ارناسىن قالىپتاستىرۋ باس شۋجي شي جينپيڭنىڭ ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، جوعارى ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاپ، بولاشاق دامۋدىڭ ىرىقتىلىق ۇقىعىن يگەرۋ ءۇشىن العا قويعان ستراتەگيالىق شاراسى.
جاڭا دامۋ ارناسىن قالىپتاستىرۋدىڭ تەتىگى ەكونوميكالىق اينالىمنىڭ ىركىلىسسىزدىگىن جۇزەگە اسىرۋدا.
بيىل الدىڭعى جارتى جىلدا ەل ىشىندەگى ساياحات كىرىسى (ساياحات جالپى قاراجاتى) 2 تريلليون 300 ميلليارد يۋان بولىپ، وتكەن جىلداعىدان ءبىر تريلليون 120 ميلليارد يۋان كوبەيىپ، ％9. 95 ارتتى؛ بيىل جازعى تاسىمالدا بۇكىل ەل بويىنشا تەمىر جول ارقىلى 7 - ايدىڭ 1 - كۇنىنەن 8 - ايدىڭ 31 - كۇنىنە دەيىن 760 ميلليون جولاۋشى (رەت) جونەلتىلەدى، بۇل 2019 - جىلعى سول تۇستاعىدان ءبىرشاما جوعارى دارەجەدە ارتادى دەپ مەجەلەنىپ وتىر؛ تەمىر جول، سۋ يگىلىگى سياقتى سالالارداعى كەلەلى نىساندار جەدەل ىلگەرىلەتىلىپ، جوعارى تەحنيكالى كاسىپ سالاسىنا قارجى قوسۋ جوعارى ارتۋ كۇيىن ساقتادى...
بيىل جىل باسىنان بەرى ەلىمىز تۇتىنۋدىڭ نەگىزدىك رولى مەن قارجى قوسۋدىڭ شەشۋشى رولىن تولىق ساۋلەلەندىرىپ، ىشكى سۇرانىستىڭ كومەسكى كۇشىن شىعارۋعا كۇش سالدى.
سۇرانىستى قالپىنا كەلتىرۋ جانە كەڭەيتۋ قازىرگى ەكونوميكانىڭ ءۇرتىس قالپىنا كەلىپ، جاقسارۋىنىڭ تەتىگى. 7 - ايدىڭ 24 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى ”ىشكى سۇرانىستى بەلسەنە كەڭەيتۋ“ جونىندە ورنالاستىرۋ جاساپ، ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرۋدى باسا دارىپتەدى.
ءبىر قاتار شارا شىعارۋ ارقىلى وتباسى قاجەتى، اۆتوكولىك، ەلەكتروندىق ونىمدەر سياقتى ءتۇيىندى سالالارداعى تۇتىنۋدى جەبەپ، تۇتىنۋدى قالپىنا كەلتىرۋ جانە كەڭەيتۋ ساياساتىن جەدەل بەلگىلەدى، شىعاردى؛ نازاردى ءتۇيىندى سالالارعا شوعىرلاندىرىپ، قامتاماسىز ەتۋ مەحانيزمىن اقاۋسىزداندىرىپ، تاماشا ورتا ازىرلەپ، شارالار شىعارىپ، حالىقتىق قارجى قوسۋدىڭ بەلسەندىلىگىن جۇمىلدىردى... ءبىر قىدىرۋ ساياساتتار بوگەتتى تۇيىندەردى، توسقاۋىل تۇيىندەردى كوزدەپ، ەكونوميكالىق اينالىمدى ىركىلىسسىزدەندىرىپ، ىشكى سۇرانىستىڭ كومەسكى كۇشىنىڭ جارىققا شىعۋىن جەبەدى.
رەفورمانى ۇزدىكسىز تەرەڭدەتىپ، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋ − جاڭا دامۋ ارناسىن قالىپتاستىرۋدىڭ شەشۋشى بۋىنى.
”پارتيا مەن مەملەكەت قۇرىلىمدارى رەفورماسى جوباسى“ جاريالانىپ، مەملەكەتتىك فينانس باقىلاۋ - باسقارۋ باس مەكەمەسى رەسمي ماڭدايشالىق استى؛ ءبىر تۇتاس بازار مەن ءادىل باسەكەگە كەدەرگى بولاتىن ساياساتتىق شارالاردى شوعىرلى اداقتاپ، بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق - ساۋدا ورتاسىن بەلسەنە قالىپتاستىردى؛ ورتالىق رەفورمانى جاپپاي تەرەڭدەتۋ كوميتەتىنىڭ 2 - رەتكى ءماجىلىسى «اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتىپ، جاڭا دامۋ ارناسىن قالىپتاستىرۋدى جەبەۋ جونىندەگى پىكىردى» قاراپ ماقۇلدادى... ءبىر قىدىرۋ كەلەلى رەفورما شارالارى ىركەس - تىركەس شىعارىلىپ، جوعارى ساپالى دامۋدىڭ باياندى قوزعاۋشى كۇشىن تاسقىنداتتى.
جاڭا دامۋ ارناسى استە تۇيىق ىشكى اينالىم ەمەس، قايتا اشىق ەل ءىشى جانە حالىقارالىق قوس اينالىم.
3 - كەزەكتى تۇتىنۋ بۇيىمدارى كورمەسىندە 3300دەن استام ساپالى تۇتىنۋ ماركاسى ءبىر ارادا توعىسىپ كورمەگە قاتىناستى؛ 133 - كەزەكتى گۋاڭجوۋ جارمەڭكەسىنە 220دان استام مەملەكەت پەن ءوڭىردىڭ ساتىپ الۋشى ساۋداگەرلەرى قاتىناستى؛ 6 - كەزەكتى يمپورت كورمەسىندە توقتامعا قول قويعان، كورمەگە قاتىناسقان دۇنيە جۇزىندەگى 500 ەگەي كاسىپورىن قاتارىنداعى كاسىپورىنداردىڭ جانە كاسىپ سالاسىنداعى باستاماشى كاسىپورىندارىنىڭ سانى بىلتىرعىدان اسىپ كەتتى؛ «وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمى» جوعارى ساپامەن اتقارىلدى...
رەفورما جاساپ، ەسىك اشۋدى جاپپاي تەرەڭدەتىپ، جاڭا دامۋ ارناسىمەن ونان ارى بەلسەنە توعىسىپ جانە وعان قىزمەت وتەگەن جۇڭگونىڭ جاڭا دامۋى، ءسوز جوق، دۇنيە ءجۇزىنىڭ دامۋىنا اناعۇرلىم كوپ جاڭا وراي ازىرلەيدى.
باس شۋجي شي جينپيڭ بيىل 4 - ايدا گۋاڭدۇڭدا قىزمەت تەكسەرگەندە بىلاي دەپ باسا دارىپتەدى: ”جۇڭگونىڭ رەفورما جاساۋ، ەسىك اشۋ ساياساتى ۇزاق ۋاقىت وزگەرمەيدى، باستان - اياق دايەكتى بولادى، جۇڭگو قاقپاسىن ءوزى بەكىتىپ تاستامايدى، ءبىزدىڭ اشىق قاقپامىز ونان ارى ايقارا اشىلادى“.
اناعۇرلىم شەشۋشى ساتتە دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتۋ كەرەك.
”حاۋىپسىزدىك − دامۋدىڭ نەگىزى، ورنىقتىلىق − قۇدىرەتتەنۋدىڭ، گۇلدەنۋدىڭ العى شارتى“. بيىل 3 - ايدا باس شۋجي شي جينپيڭ مەملەكەتتىك ەكى ءماجىلىس كەزىندە دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ جونىندە تالاپ قويدى.
استىق ءوندىرىسى ورنىقتى بولسا الەم تىنىش بولادى. تاياۋدا جاريالانعان ساندى مالىمەتتە كورسەتىلۋىنشە، بيىل جازعى استىقتىڭ جالپى ءونىم مولشەرى 292 ميلليارد 300 ميلليون جىڭعا جەتىپ، تاريحتا 2 - ورىندى يەلەگەن، تاعى دا ءونىم مەزگىلى. جازعى استىقتان مول ءونىم الىنسا، تۇتاس جىل ورنىقتى بولادى.
ەنەرگيا − حالىق شارۋاشىلىعىنىڭ جان تامىرى. الدىڭعى جارتى جىلدا كومىر، مۇناي - تابيعي گاز ءونىم مولشەرى سايكەس مەزگىلدەگىدەن جەكە - جەكە ％4. 4، ％1. 2، ％4. 5 ارتتى، ەنەرگيا ءوندىرىسى ورنىقتى بولىپ ءارى ارتىپ، قامداۋ پارمەندى قامتاماسىز ەتىلدى.
كاسىپ سالاسى تىزبەگىن، قامداۋ تىزبەگىن ورنىقتىرۋ توتەنشە ماڭىزدى. امەريكا سياقتى كەيبىر ەلدەردىڭ ”الشاقتاپ بايلانىستى ءۇزىپ“ قىسىم تۇسىرۋىنە مەڭزەس، ەلىمىز چيپ سياقتى شەشۋشى، وزەكتى تەحنيكالاردان قامال الۋدى جەدەلدەتىپ، ستراتەگيالىق بايلىقپەن قامداۋدى قامتاماسىز ەتۋ قۋاتىن ۇزدىكسىز جوعارىلاتىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگىن جانە حاۋىپسىزدىك دەڭگەيىن كۇشەيتتى.
باس شۋجي شي جينپيڭ بىلاي دەپ باسا دارىپتەدى: ”الداعى ءبىر مەزگىلدە ءبىز ءدوپ كەلەتىن حاۋىپ - قاتەر مەن سىن - سايىستار تەك بارعان سايىن كوبەيىپ، بارعان سايىن قاتايا تۇسەدى“.
تاباندىلىقتى ساقتاپ، سەنىمدى كۇشەيتىپ، زەيىن - زەردەنى شوعىرلاندىرا ءوز ءىسىمىزدى ويداعىداي ىستەۋ − ءبىزدىڭ ءتۇرلى حاۋىپ - قاتەرلەر مەن سىن - سايىستارعا توتەپ بەرۋىمىزدىڭ تەتىگى.
جۇڭگونىڭ ەكونوميكالىق دامۋ كارتاسىن اشساق، جاڭا كەزەكتى ورنالاستىرۋ جاسالۋدا.
شىلىڭگىر جازداعى شيۇڭ - ان جاڭا رايونىندا قاتارلاسا تىزىلگەن مۇنارا كراندار قاربالاس جۇمىس ىستەپ جاتتى: باستالۋ رايونىنداعى ”ءتورت كولدەنەڭ، ون تىك“ نەگىزگى جول تورابى جاپپاي جۇمىس باستاپ، 4 ورتالىق كاسىپورىننىڭ باس شتابى، 4 جوعارى مەكتەپ، 2 شيپاحانا ىركەس - تىركەس ىرگە تەۋىپ قۇرىلىس باستادى...
بيىل 5 - ايدا باس شۋجي شي جينپيڭ شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ جونىندەگى اڭگىمە ماجىلىسىندە ماڭىزدى ءسوز سويلەپ: ”شيۇڭ - ان جاڭا رايونى كەڭ كولەمدە قۇرىلىس جۇرگىزۋ مەن بەيجيڭنىڭ استانالىق ەمەس فۋنكتسيالارىن سەيىلتۋدى مىندەتىنە الۋعا تەڭ ءمان بەرۋ كەزەڭىنە ءوتتى“ دەپ اتاپ كورسەتتى.
بەيجيڭ − تيانجين − حىبەيدىڭ، چاڭجياڭ اتىراۋىنىڭ، گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ جوعارى ساپالى دامۋداعى قوزعاۋشى كۇش قاينارىندىق رولى كۇن سايىن كۇشەيىپ، چاڭجياڭ، حۋاڭحى سىندى ەكى انا وزەن ەكولوگيانى الدىمەن ويلاستىرۋ، جاسىل دامۋ جولىنا ءتۇستى، 21 ەركىن ساۋدا سىناق رايونى شىعىستى، باتىستى، وڭتۇستىكتى، سولتۇستىكتى، ورتانى قامتىدى، حاينان ەركىن ساۋدا پورتى جۇمىس باستادى... كەلەلى ستراتەگيالار، ماڭىزدى جوسپارلار تياناقتانىپ، اۋقىم قالىپتاستىرىپ، ءىرى ەل ەكونوميكاسىنىڭ جوعارى ساپالى دامۋىندا نىق قادام تاستالدى.
باستاما جىلدىڭ جارتىسى ءوتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ ەكونوميكا يدەياسىنىڭ عىلمي جەتەكشىلىگىندە، بۇكىل ەل جوعارىدان تومەنگە دەيىن ءبىر نيەتپەن ىنتىماقتاسىپ، ەرلىكپەن العا باسىپ، جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، ءىس تىندىرىپ، ناتيجە شىعارۋ رۋحىن تاسقىنداتىپ، تياناقتاندىرۋدى مىقتاپ يگەرۋدىڭ تاماشا جاعدايىن قالىپتاستىرىپ، ءسوز جوق، جوعارى ساپالى دامۋدىڭ قۇدىرەتتى بىرىككەن كۇشىن ۇيىستىرىپ، ەكونوميكانىڭ ۇزدىكسىز قالپىنا كەلۋىن، جاقسارۋىن ىلگەرىلەتىپ، تۇتاس جىلدىق دامۋ نىساناسىن قۇلشىنا جۇزەگە اسىرادى.
(تىلشىلەر زوۋ ۋي، حان جيە، جياڭ لين، چىن ۋيۋي، جاڭ شينشين)
(شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى)
