شينحۋا اگەنتتىگىنىڭ 8 - ايدىڭ 2 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «باسشى كادرلار بىلۋگە ءتيىستى پارتيا ىشىندەگى زاڭدىق ەرەجەلەر جانە مەملەكەت زاڭى ءتىزىمى ءتۇزىمىن ورناتۋ جونىندەگى پىكىردى» باسىپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان، ورىنداردان ءىس جۇزىندىكپەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار تالاپ ەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، باسشى كادرلار سىندى وسى ”شەشۋشى ازشىلىقتى“ يگەرىپ، زاڭمەن باسقارۋ كوزقاراسىن كۇشەيتۋدى، زاڭمەن باسقارۋ جاعىنداعى ويلاۋ قابىلەتىن جوعارىلاتۋدى، پارتيا ەرەجەسىنە، مەملەكەت زاڭىنا بويسۇنۋدى نىسانا ەتىپ، باسشى كادرلار بىلۋگە ءتيىستى پارتيا ىشىندەگى زاڭدىق ەرەجەلەر جانە مەملەكەت زاڭى ءتىزىمى ءتۇزىمىن ورناتىپ، اقاۋسىزداندىرىپ، باسشى كادرلاردىڭ ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنۋىن، ”ەكىنى قورعاۋدى“ ورىنداۋىن ىلگەرىلەتۋ؛ پارتيا ۋستاۆى تانىمىن بەرىك ورناتىپ، پارتيا ىشىندەگى زاڭدىق ەرەجەلەردى اناعۇرلىم سانالى تۇردە ۇيرەنىپ، پارتيا ۋستاۆى، پارتيا ەرەجەسى، پارتيا ءتارتىبى ارقىلى ءوزىنىڭ ءسوز - ارەكەتىن تەجەۋ؛ نەگىزگى زاڭدى، زاڭداردى بارىنەن جوعارى قويۋ، زاڭ الدىندا بارلىق ادامنىڭ تەرەزەسى تەڭ بولۋ، ۇقىقتى زاڭ بويىنشا بەلگىلەۋ، ۇقىقتى زاڭ بويىنشا جۇرگىزۋ سياقتى زاڭمەن باسقارۋ نەگىزگى كوزقاراسىن بەرىك ورناتىپ، زاڭمەن باسقارۋ اياسىندا ماسەلەگە وي جۇگىرتۋدى، شەشىم جاساۋدى، ءىس ءبىتىرۋدى ورىنداۋ كەرەك.
«پىكىردە» مىناداي قىزمەت شارالارى ايقىندالدى:
ءبىرىنشى، باسشى كادرلار بىلۋگە ءتيىستى پارتيا ىشىندەگى زاڭدىق ەرەجەلەر جانە مەملەكەت زاڭى ءتىزىمىن دارەجەگە، تۇرگە ايىرىپ جاساۋ؛
ەكىنشى، باسشى كادرلار بىلۋگە ءتيىستى پارتيا ىشىندەگى زاڭدىق ەرەجەلەردى جانە مەملەكەت زاڭىن ۇيرەنۋدى كادرلاردى تاربيەلەۋ جۇيەسىنە ەنگىزۋ.
ءۇشىنشى، باسشى كادرلاردى زاڭدى ۇيرەنۋگە، زاڭدى قولدانۋعا شابىتتاندىرۋ مەحانيزمىن ورناتۋ، اقاۋسىزداندىرۋ.
