بيڭتۋان 8 - كەزەكتى پارتكومىنىڭ بەسىنشى جالپى ءماجىلىسى اشىلدى
ما شيڭرۇي ماجىلىسكە قاتىناستى ءارى ءسوز سويلەدى، ۋاڭ گوشىڭ قاتىناستى، لي يفي بايانداما جاسادى ءارى ءسوز سويلەدى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 2 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى كوميتەتىنىڭ بەسىنشى جالپى ءماجىلىسى 8 - ايدىڭ 2 - كۇنى اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى ءارى ءسوز سويلەدى.
نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ ماجىلىسكە قاتىناستى. بيڭتۋان پارتكومىنىڭ شۋجيى، جىڭۋيى لي يفي بيڭتۋان پارتكومى تۇراقتى كوميتەتى اتىنان جالپى ماجىلىسكە قىزمەتتەن بايانداما جاسادى ءارى ءسوز سويلەدى. بيڭتۋان پارتكومىنىڭ ورىنباسار شۋجيى، سىليڭيۋانى شۋە بين بيڭتۋاننىڭ ەكونوميكالىق قىزمەتى جونىندە ناقتى ورنالاستىرۋ جاسادى.
ءماجىلىس «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى كوميتەتى بەسىنشى جالپى ءماجىلىسىنىڭ قارارىن» داۋىسقا سالىپ ماقۇلدادى.
ما شيڭرۇي سوزىندە بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ جانە بيڭتۋان قىزمەتىنە بارىنشا ءمان بەردى، باس شۋجي شي جينپيڭ ءوزى جوسپارلاپ، ورنالاستىرۋ جاساپ، جاعدايدى باعامداپ، باعدار بەلگىلەپ، جوبا كەسكىندەپ، جول باستاپ، ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ بەرىپ، بەكىتۋ جاساپ، ءبىزدىڭ قىزمەتتەردى اناعۇرلىم ويداعىداي ورىستەتۋىمىزگە العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى. ساياسي دەڭگەيدى ونان ارى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن ىشكەرىلەي ءتۇسىنىپ، ”ەكىنى قورعاۋدى“ بۇلجىماي ورىنداپ، قاشاندا ”ەكى كەلەلى جاعدايدى“ كوكەيدەن شىعارماي، ”مەملەكەتتىڭ زور ءىسىن“ ەستە بەرىك ساقتاپ، نەگىزگى تاقىرىپتىق تاربيە ورىستەتۋمەن ۇشتاستىرىپ، باس شۋجيدىڭ، پارتيا ورتالىق كوميتەتىنىڭ شينجياڭ قىزمەتى جانە بيڭتۋان قىزمەتى جونىندەگى شەشىمدەرىن، ورنالاستىرۋلارىن ونان ارى تەرەڭ ءتۇسىنىپ، ءدال يگەرىپ، اناعۇرلىم بەكەم يدەيالىق سانالىلىق، ساياسي سانالىلىق، ارەكەت سانالىلىعى ارقىلى دايەكتىلەندىرۋدى، تياناقتاندىرۋدى ويداعىداي مىقتى يگەرىپ، بيڭتۋاننىڭ جوعارى ساپالى دامۋىنىڭ ۇزدىكسىز تىڭ ناتيجەلەرگە قول جەتكىزۋىن، جۇڭگو ۇلگىسىندەگى وسىزامانداندىرۋدىڭ بيڭتۋان امالياتىنىڭ تىڭ ساتىعا كوتەرىلۋىن قۇلشىنا ىلگەرىلەتىپ، كورىكتى شينجياڭ قۇرۋعا، ءار ۇلت حالقىن باقىتقا كەنەلتۋگە اناعۇرلىم زور ۇلەس قوسۋ كەرەك.
ما شيڭرۇي بىلاي دەپ باسا دارىپتەدى: اۆتونوميالى رايون مەن بيڭتۋاننىڭ ءار دارەجەلى، ءارقايسى تاراۋلارى باس شۋجي شي جينپيڭنىڭ شينجياڭدى جانە بيڭتۋاندى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجيدىڭ، پارتيا ورتالىق كوميتەتىنىڭ بيڭتۋان جونىندەگى ورىن تۇراقتاندىرۋىن، تالابىن ونان ارى تەرەڭ ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتى يگەرىپ، بيڭتۋاننىڭ ءتۇزىلىس، كاسىپ سالاسى، بايلىق، ساياسات سياقتى باسىمدىقتارىن ونان ارى ساۋلەلەندىرىپ، دامۋ وي جەلىسىنە بۇرىلىس جاساپ، دامۋ تاسىلىندە جاڭالىق اشىپ، جىبەك جولى ەكونوميكالىق بەلدەۋى وزەكتى رايونى قۇرىلىسىمەن جاپپاي توعىسىپ، شينجياڭنىڭ ”8 ءىرى كاسىپ سالاسى شوعىرى“ قۇرىلىسىنا ىشكەرىلەي ات سالىسىپ، كاسىپورىنداردى زورايتۋ، الۋەتتەندىرۋ جاعىنا اناعۇرلىم زور كۇش سالىپ، ەرەكشە، باسىمدىققا يە كاسىپ سالالارىن جەتىلدىرىپ، زورايتىپ، 1 -، 2 -، 3 - كاسىپتەردىڭ توعىسپالى دامۋىن ىلگەرىلەتىپ، تۇتاس كاسىپ سالاسى تىزبەگىنىڭ دەڭگەيىن جوعارىلاتۋ كەرەك. ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن بەرىك ورناتىپ، بيڭتۋان مەن جەرگىلىكتى ورىننىڭ قۇرىلعىلاردى بىرگە قۇرۋىن، بايلىقتان بىرگە يگىلىكتەنۋىن، تەرەڭدەي كىرىگۋىن، باسىمدىقتارمەن ءبىرىن - ءبىرى تولىقتاۋىن ىلگەرىلەتىپ، بيڭتۋان مەن جەرگىلىكتى ورىننىڭ كوپ ساتىلى ارالاسۋ، ىشتەسۋ، توعىسۋ تۇعىرىن، دانەكەرىن قۇرىپ، بيڭتۋان مەن جەرگىلىكتى ورىنداعى ءار ۇلت كادر - بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتىلى كىرىگۋىن ىلگەرىلەتىپ، جاڭا داۋىردەگى بيڭتۋاننىڭ ورنىقتىلىقتى قورعاپ، شەكارانى كۇزەتۋدەگى تىڭ باسىمدىعىن قۇلشىنا قالىپتاستىرىپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ تياناقتانۋىن، ونىمدىلىك كورسەتۋىن ىلگەرىلەتۋ كەرەك.
لي يفي بايانداماسىندا ءبىر جىلدان بەرگى بيڭتۋان پارتكومى تۇراقتى كوميتەتىنىڭ قىزمەتتەرىن قورىتىندىلادى. ول بىلاي دەپ اتاپ كورسەتتى: بيڭتۋان قىزمەتىندە ناتيجەلەرگە قول جەتكىزۋ، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاعاندىعىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ىشكەرىلەي امالياتتا ايگىلەنۋىنىڭ ارقاسى، بۇعان بيڭتۋانداعى قالىڭ كادرلاردىڭ، جۇمىسشى - قىزمەتكەرلەردىڭ، بۇقارانىڭ بىرگە قۇلشىنۋى مەن ايانباي كۇرەس جاساۋى سىڭىرىلگەن. ءبىز ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ شينجياڭدى جانە بيڭتۋاندى كوزدەن كەشىرگەندىگىنىڭ ءبىر جىلدىعىن تىڭ كۇرەس باستاماسى ەتىپ، جاڭا داۋىردەگى بيڭتۋاننىڭ قىزمەت جاۋاپكەرشىلىگىن، بورىشىن مىقتى يگەرىپ، جۇڭگو ۇلگىسىندەگى وسىزامانداندىرۋدىڭ بيڭتۋان امالياتىن تىڭعىلىقتى ىلگەرىلەتۋىمىز كەرەك. شينجياڭنىڭ ”8 ءىرى كاسىپ سالاسى شوعىرى“ قۇرىلىسىمەن بەلسەنە توعىسىپ، ەرەكشە، باسىمدىققا يە كاسىپ سالاسى مەن ستراتەگيالىق جاڭادان گۇلدەنگەن كاسىپ سالاسىن زور كۇشپەن دامىتىپ، ەرەكشە كاسىپ سالاسى جۇيەسىن قۇرىپ، بيڭتۋاننىڭ جاڭاشا قالا - قالاشىقتاندىرۋ قۇرىلىسى مەن اۋىل - قىستاقتى گۇلدەندىرۋ اياق الىسىن جەدەلدەتىپ، بيڭتۋاننىڭ عىلىم، وقۋ - اعارتۋ، مادەنيەت، دەنساۋلىق ساقتاۋ ىستەرى دامۋىنىڭ ورەسىن كوتەرىپ، وسىزاماندانعان نەگىزدىك قۇرىلعىلار تورى جۇيەسىن قۇرىپ، ىشكە، سىرتقا ەسىك اشۋ دەڭگەيىن كوتەرىپ، شينجياڭعا كومەكتەسۋ بايلىقتارىن، كۇشتەرىن ساپالىلاندىرىپ، بىرىكتىرىپ، بيڭتۋان مەن جەرگىلىكتى ورىننىڭ تەرەڭدەي كىرىگۋىن، تەرەڭدەي توعىسۋىن ىلگەرىلەتىپ، پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ىسىندە بيڭتۋاننىڭ شىت جاڭا تاراۋىن جازۋ كەرەك.
بيڭتۋان پارتكومىنىڭ تۇراقتى مۇشەلەرى ليۋ جيانميڭ، لي جىنگو، ءمۇتالىپ ءماتتوحتى، ليۋ شينجيان، جاڭ ۋىنشىڭ، جياڭ شينجۇن، حا زىڭيوۋ، لي يۇڭحۇڭ، لي شۇي، جۋ شۋەبيڭ ماجىلىسكە قاتىناستى.
