اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى
باس شۋجي شي جينپيڭنىڭ تاسقىننان ساقتانۋ، اپاتتان قۇتقارۋ قىزمەتى جونىندەگى ماڭىزدى نۇسقاۋىنىڭ رۋحىن جەتكىزدى، ۇيرەندى، دايەكتىلەندىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 8 - ايدىڭ 2 - كۇنى كەڭەيتىلگەن ءماجىلىس اشىپ، باس شۋجي شي جينپيڭنىڭ تاسقىننان ساقتانۋ، اپاتتان قۇتقارۋ قىزمەتى جونىندەگى ماڭىزدى نۇسقاۋىنىڭ رۋحىن جەتكىزىپ، ۇيرەنىپ، دايەكتىلەندىرىپ، تۇتاس رايوننىڭ تاسقىننان ساقتانۋ جانە ءوندىرىس حاۋىپسىزدىگى سياقتى قىزمەتتەرىن ويداعىداي ىستەپ، ءار ۇلت حالقىنىڭ ءومىرى مەن مال - مۇلكى حاۋىپسىزدىگىنە بۇلجىماي شىنايى كەپىلدىك ەتۋدى اقىلداسىپ ورنالاستىردى، اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: تاسقىننان ساقتانۋ قاۋىرت مەزگىلىنىڭ شەشۋشى كەزەڭىندە باس شۋجي شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەرىپ، اپاتتان ساقتانۋ قىزمەتىن ويداعىداي ىستەۋ، پارتكوم مەن ۇكىمەتتىڭ نەگىزگى تۇلعالىق جاۋاپكەرشىلىگىن تياناقتاندىرۋ، ءار دارەجەلى باسشى كادرلاردىڭ رولىن ساۋلەلەندىرۋ سياقتى قىزمەتتەر جونىندە ايقىن تالاپ قويىپ، ءبىزدىڭ تاسقىننان ساقتانۋ، اپاتتان قۇتقارۋ قىزمەتىن ويداعىداي ىستەۋىمىزگە عىلمي جەتەكشىلىك ازىرلەدى. قازىر شينجياڭ الدەقاشان جالپى بەتتىك تاسقىن مەزگىلىنە ءوتتى، نوسەر، سەل، قار ەرۋ سيپاتتى تاسقىن، سەل باسۋ سىندى گەولوگيالىق اپاتتاردىڭ تۋىلۋ قاتەرى ۇلعايۋدا، سونىمەن بىرگە قۋاڭشىلىق جانە ءوندىرىس حاۋىپسىزدىگى سياقتى جاقتارداعى حاۋىپ - قاتەرلەرگە، كومەسكى كىناراتتارعا دا نەمقۇرايدى قاراۋعا بولمايدى. جەر - جەر، تاراۋلار يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ”ءاردايىم قام جەپ تۇراتىن“ جاۋاپكەرشىلىك ارقالاۋمەن تاسقىننان ساقتانۋ، قۋاڭشىلىققا قارسى اتتانۋ، ءوندىرىس حاۋىپسىزدىگى جاعدايىن ىشكەرىلەي اقىلداسىپ، تۇجىرىم جاساپ، ءتۇرلى شارالاردى ەگجەي - تەگجەيلى تياناقتاندىرىپ، حالىق بۇقاراسىنىڭ ءومىرى مەن مال - مۇلىكى حاۋىپسزدىگىن بار كۇشپەن ويداعىداي قورعاۋى كەرەك.
ءماجىلىس مىنالاردى باسا دارىپتەدى: باقىلاۋ - ولشەۋدى، الدىن الا مالىمدەۋدى، الدىن الا ساقتاندىرۋدى كۇشەيتىپ، ەرتە باستان قامدانۋعا تاباندى بولىپ، كليمات جانە جاۋىن جاعدايىنا، سۋ رايى وزگەرىسىنە قاداعالاي نازار اۋدارىپ، اپاتتىڭ حاۋىپ - قاتەرىنە مۇقيات تالداۋ جاساپ، اقىلداسىپ، تۇجىرىم جاساپ، ءتۇيىندى ورىندارعا، اپات وڭاي تۋىلاتىن وڭىرلەرگە، كومەسكى كىنارات تۇيىندەرىنە باقىلاۋ - ولشەۋدى كۇشەيتىپ، دەر كەزىندە اپاتتان ساقتانۋ جانە حاۋىپسىزدىك ەسكەرتۋىن جاريالاپ، اپاتتان، حاۋىپ - قاتەردەن ءونىمدى ساقتانۋ جانە وعان توتەپ بەرۋ كەرەك. كومەسكى كىناراتتاردى ءبىر - بىرلەپ تەكسەرۋدى ناقتىلاندىرىپ، ەگجەي - تەگجەيلىلەندىرىپ، تومەنگى شەك ويىن بەرىك ورناتىپ، تاراۋلاردىڭ سەلبەستىگىن، بيڭتۋان مەن جەرگىلىكتى ورىننىڭ بىرلەسىپ ارەكەتتەنۋىن كۇشەيتىپ، تۇتاس شينجياڭنىڭ جەر - جەرىندەگى توسپا، سۋ قويماسى، سەل اعىزاتىن وزەن ارناسى، قۇرىلىس جۇرگىزىپ جاتقان ينجەنەريا، كەن، كورىنىس وڭىرلەرى سياقتى ءتۇيىندى ورىنداردىڭ كومەسكى كىناراتتارىن ءبىر - بىرلەپ تەكسەرۋدى، رەتتەۋ - تۇزەتۋدى ورىستەتىپ، شارلاپ تەكسەرۋدى، كۇزەتۋدى كۇشەيتىپ، دەر كەزىندە ءۇن قوسۋعا، جىلدام ءبىر جاقتى ەتۋگە شىنايى كەپىلدىك ەتۋ كەرەك. شۇعىل جاعدايعا توتەپ بەرۋ باسقارۋىن شىنايى كۇشەيتىپ، تۇتقيىل تۋىلعان اپاتقا توتەپ بەرۋدىڭ يدەيالىق دايىندىعىن جانە ارەكەت دايىندىعىن جاقسى ىستەپ، شۇعىل جاعدايعا توتەپ بەرۋ بويىنشا ساقتىق جوباسىن كەمەلدەندىرىپ، ءار دارەجەلى تاسقىننان ساقتانۋ، اپاتتان قۇتقارۋ جانە شۇعىل جاعدايعا توتەپ بەرۋ، قۇتقارۋ - كومەكتەسۋ كۇشى قۇرىلىسىن كۇشەيتىپ، تاسقىننان ساقتانۋ بويىنشا شۇعىل جاعدايعا توتەپ بەرۋ زاتتىق ماتەريالدارىن جەتكىلىكتى، تولىق دايىنداپ، حاۋىپ - قاتەر تۋىلعاندا شىعارۋعا، ىستەتە الۋعا كەپىلدىك ەتۋ كەرەك. تاسقىننان ساقتانۋدى، قۋاڭشىلىققا قارسى اتتانۋدى ءبىر تۇتاس جوسپارلاپ، ويداعىداي ىستەپ، جۇيەلى ويلاۋدى بەرىك ورناتىپ، ءتۇيىندى سۋ يگىلىگى ينجەنەريالارىن عىلمي ورنالاستىرۋدى كۇشەيتىپ، قالا، اۋىل تۇرعىندارىنىڭ پايدالاناتىن سۋىنا، اۋىل شارۋاشىلىعىنداعى سۋارۋعا جۇمسالاتىن سۋعا جانە ەكولوگياعا پايدالانىلاتىن سۋعا شىنايى كەپىلدىك ەتۋ؛ ءوندىرىس حاۋىپسىزدىگى جاۋاپكەرشىلىگىن مىقتاپ يگەرىپ، ۇلكەن، ەرەكشە ۇلكەن شىرعالاڭداردىڭ تۋىلۋىن باتىل تەجەپ، ءتۇيىندى سالالارداعى ەلەۋلى حاۋىپ - قاتەرلەردەن ءونىمدى ساقتانىپ جانە ونى جويىپ، حاۋىپسىزدىك قالتقىسىن بەرىك ورناتۋ كەرەك.
ءماجىلىس مىنالاردى باسا دارىپتەدى: ءار دارەجەلى پارتكومدار مەن ۇكىمەتتەر، اسىرەسە، نەگىزگى جاۋاپتى جولداستار تۇلعالىق جاۋاپكەرشىلىكتى جان - جاقتى تياناقتاندىرۋى، ءار دارەجەلى باسشى كادرلار بەيعامدىققا سالىنۋ يدەياسى مەن باق سىناۋ پسيحيكاسىن باتىل جەڭىپ، ءبىرىنشى شەپكە ىشكەرىلەي بارىپ، العا ءوتىپ قولباسشىلىق ىستەۋى كەرەك. ءار دارەجەلى تاسقىننان ساقتانۋ قولباسشىلىق شتاپتارى باستاماشىلدىق ەتىپ جالپى جاقتان يگەرۋ جانە ءبىر تۇتاس جوسپارلاۋ، سايكەستىرۋ رولىن ساۋلەلەندىرىپ، قولباسشىلىق ىستەۋدىڭ، ورنالاستىرۋدىڭ ىركىلىسسىزدىگىنە، جوعارى ءونىمدى بولۋىنا شىنايى كەپىلدىك ەتۋى كەرەك. جەر - جەر، تاراۋلار ”ءبىر تۇتاس جۇيە“ يدەياسىن بەرىك ورناتىپ، اركىم ءوز مىندەتىن وتەپ، تىعىز سايكەسىپ، ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ادا ەتىپ، كەزەكشىلىكتى، كۇزەتتى كۇشەيتىپ، ءتۇرلى شارالاردى قاتايتىپ، پارتيا ورتالىق كوميتەتىنىڭ شەشىمدەرىن، ورنالاستىرۋىن قاز - قالپىندا شىنايى تياناقتاندىرۋى كەرەك.
