ما شيڭرۇي، ەركىن تۇنياز لياڭ جىنيىڭمەن جانە شياڭگاڭ ەكونوميكا - ساۋدا، مادەنيەت تەكسەرۋ - زەرتتەۋ ۇيىرمەسىمەن قىزمەت كەڭەسىن وتكىزدى
ءزۇمىرات وبۇل، نۇرلان ءابىلماجىن، حى جۇڭيوۋ قيمىلعا قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 2 - كۇنى ۇرىمجىدەن حابارلايدى. 8 - ايدىڭ 2 - كۇنى تۇستەن كەيىن اۆتونوميالى رايوندىق پارتكومنىڭ شۋجي ما شيڭرۇي، اۆتونوميالى رايوننىڭ ءتوراعاسى ەركىن تۇنياز ۇرىمجىدە مەملەكەتتىك ساياسي كەڭەستىڭ ورىنباسار ءتوراعاسى لياڭ جىنيىڭمەن جانە ول باستاعان شياڭگاڭ ەكونوميكا - ساۋدا، مادەنيەت تەكسەرۋ - زەرتتەۋ ۇيىرمەسىمەن قىزمەت كەڭەسىن وتكىزىپ، شينجياڭ مەن شياڭگاڭنىڭ ەكونوميكا - ساۋدا، مادەنيەت سەلبەستىگىن ونان ارى تەرەڭدەتۋ، ءوزارا تيىمدىلىك جاساپ، تەڭ يگىلىككە كەنەلۋدى، دامۋدى جەبەۋ جونىندە ىشكەرىلەي پىكىر اۋىستىردى، ەكى جاقتىڭ قاتىستى كاسىپورىندارى سەلبەستىك كەلىسىمىنە قول قويدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ كەڭەسكە قاتىناستى.
شياڭگاڭ ەكونوميكا - ساۋدا، مادەنيەت تەكسەرۋ - زەرتتەۋ ۇيىرمەسى جاقىندا شينجياڭعا كەلىپ، ىلگەرىندى - كەيىندى ءۇرىمجى قالاسىنا، ىلە قازاق اۆتونوميالى وبلىسىنا، بۇراتالا موڭعۇل اۆتونوميالى وبلىسىنا، تۇرپان قالاسىنا، بايىنعولين موڭعۇل اۆتونوميالى وبلىسىنا، اقسۋ ايماعىنا، قاشقار ايماعىنا بارىپ، شينجياڭنىڭ ءجۇزىم كاسىبى سالاسىنىڭ، شەكارا وتكەل قۇرىلىسى جۇمىس اينالىمىنىڭ، شەكارا ساۋدا - ساتتىق سەلبەستىگىنىڭ، مادەنيەت - ساياحاتتىڭ، ەرەكشە جەمىس ورمان شارۋاشىلىعىنىڭ، ت. ب دامۋ جاعدايىنا باسى - قاسىندا تەكسەرۋ جۇرگىزدى، سونداي - اق جەر - جەردە ەكونوميكا - ساۋدا كەڭەسى اۋىس - كۇيىس قيمىلىن وتكىزدى.
كەڭەستە ما شيڭرۇي اۆتونوميالى رايوندىق پارتكوم جانە ۇكىمەت اتىنان لياڭ جىنيىڭنىڭ شينجياڭعا تاعى دا ساپارلاي كەلگەندىگىن ءارى شياڭگاڭ ەكونوميكا - ساۋدا، مادەنيەت تەكسەرۋ - زەرتتەۋ ۇيىرمەسىن باستاپ اۋىس - كۇيىس جاساسىپ، سەلبەستىك ورىستەتكەندىگىن قارسى الاتىندىعىن ءبىلدىردى، ولاردىڭ شينجياڭ قىزمەتىن بارىنشا قولداعاندىقتارىنا العىس ايتتى. ول بىلاي دەدى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىن الادى. باس شۋجي شي جينپيڭنىڭ، پارتيا ورتالىق كوميتەتىنىڭ ەرەكشە قامقورلىعى مەن پارمەندى باسشىلىعىندا، بۇكىل ەلدەگى جەر - جەردىڭ، ءارقايسى جاقتاردىڭ كوڭىل بولۋىندە، قولداۋىندا، ءبىز قۋاتتى ەل قۇرىلىسىنداعى، ۇلتتىڭ گۇلدەنۋىندەگى ستراتەگيالىق ورىندى بەكەمدەپ، جوعارى ساپالى دامۋدى جەدەل ىلگەرىلەتىپ، وسىزامانداندىرۋ قۇرىلىسىن تىڭعىلىقتى ىلگەرىلەتۋدەمىز. شينجياڭنىڭ بايلىعى مول، وڭىرلىك ورنى وزگەشە، مادەنيەتى شۇعىلالى، قازىر تيانشان الابىندا قوعام جاراسىمدى دا ورنىقتى، ەكونوميكا جاندى دا جالىندى، ءار ۇلت حالقى تىنىش ءومىر، شات - شادىمان تىرشىلىك كەشىرۋدە، جوعارى ساپالى دامۋدىڭ تەبىندەۋ ارتىقشىلىعى ۇزدىكسىز كورنەكتىلەنۋدە، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ءتىپتى ۇلكەن ىسكەرلىك كورسەتۋدى جۇزەگە اسىرۋدىڭ نەگىزى دە، شارت - جاعدايى دا بار، بۇعان سەنىمىمىز كامىل. شياڭگاڭ دۇنيە جۇزىنە ايگىلى حالىقارالىق فينانس، ساۋدا، تەڭىز تاسىمالى ورتالىعى، كاسىپورىنشىلاردىڭ، ەكونوميكا - ساۋدا، مادەنيەت سالاسىنداعى مامانداردىڭ جانە شياڭگاڭداعى ءار سالا قايراتكەرلەرىنىڭ شينجياڭنىڭ دامۋىنا بۇرىنعىداي كوڭىل ءبولىپ، قولداۋ كورسەتىپ، شينجياڭنىڭ شياڭگاڭ سىندى تۇعىردان ويداعىداي پايدالانۋىنا، ءوز باسىمدىعىن ساۋلەلەندىرۋىنە، حالىقارالىق ساۋدانىڭ ۇلكەن ساحناسىمەن ءتىپتى دە ويداعىداي توعىسۋىنا دەم بەرۋىن، شينجياڭ مەن شياڭگاڭ ەكى جەردىڭ جان - جاقتىلى اۋىس - كۇيىس سەلبەستىگىن جەبەپ، وسىزاماندانعان زات اينالىمى جۇيەسى قۇرىلىسى، باسىمدىققا يە كاسىپ سالالارىنىڭ دامىپ زورايۋى، ەرەكشە ونىمدەردى كورمەلەۋ جانە ساتۋ، مادەنيەت - ساياحات كاسىبىنىڭ دامۋى سياقتى جاقتاردا ءتىپتى دە زور قولداۋ كورسەتىپ، ناقتى سەلبەستىكتى تەرەڭدەتىپ، كورىكتى شينجياڭدى بەلسەندىلىكپەن ۇگىتتەپ، جالپىلاستىرىپ، ءتىپتى دە قوماقتى سەلبەستىك جەتىستىكتەرىمەن شينجياڭنىڭ جوعارى ساپالى دامۋىنا ءتىپتى دە كوپ ومىرشەڭدىك كۇش قوسۋىن، مەملەكەتتىڭ دامۋ كەلەلى جاعدايىنا ءتىپتى دە كوپ ۇلەس قوسۋىن ءۇمىت ەتەمىن.
لياڭ جىنيىڭ وسى جولعى ساپارىنىڭ ماقساتى جانە شينجياڭنىڭ، شياڭگاڭنىڭ ەكونوميكا - ساۋدا، مادەنيەت اۋىس - كۇيىسىن كۇشەيتۋ جونىندەگى ويىن تانىستىرىپ، ەكى جاقتىڭ وسى جولعى قيمىل ارقىلى ءتىپتى دە كوپ بايلانىس ورناتىپ، ءتىپتى دە كوپ سەلبەستىك ورىستەتۋىن ءۇمىت ەتتى، شينجياڭ مەن شياڭگاڭ ەكى جەردىڭ ءار سالاداعى سەلبەستىكتى تەرەڭدەتۋىن بەلسەنە جەبەپ، سەلبەستىك بارىسىندا ءدوپ كەلگەن ماسەلەلەردى سايكەستى شەشىپ، ەكى جەردىڭ ءوزارا تيىمدىلىك جەتكىزىپ تەڭ يگىلىككە كەنەلۋدە ءتىپتى دە كوپ جەتىستىكتەرگە قول جەتكىزۋىن ىلگەرىلەتەتىندىگىن ءبىلدىردى. شياڭگاڭ ازىق - تۇلىك كوميتەتى، ولشەم جانە ساراپتاۋ ورتالىعى، توقىماشىلىق كاسىبى بىرلەستىگى، شۇيرى توبى، جۇڭحۋا زاۆود - ساۋداگەر بىرلەستىگى، ۇلكەن شىعاناق رايونى حالىقارالىق زات اينالىمى قامداۋ تىزبەگى كاسىپتىك بىرلەستىگى، وسىزاماندانۋدى جەبەۋ كاسىپتىك قايراتكەرلەر قوعامى، ساياحات كووپەراتيۆتەرى قوجايىندارى قوعامى، ”ءبىر بەلدەۋ، ءبىر جول“ حالىقارالىق سەلبەستىگىنىڭ شياڭگاڭ ورتالىعى سياقتى قۇرىلىمدار مەن كاسىپورىنداردىڭ ۋاكىلدەرى ءوز سوزدەرىندە مىنانى ءبىلدىردى: شينجياڭنىڭ وڭىرلىك ورىن باسىمدىعى انىق، ەرەكشە ونىمدەرىنىڭ باسىمدىعى كورنەكتى، مادەنيەت - ساياحاتىنىڭ ەرەكشەلىگى ايقىن، اتى - زاتىنا ساي جاقسى جەر، شينجياڭ مەن شياڭگاڭ ەكى جەردىڭ قوس باعىتتاعى اۋىس - كۇيىسى مەن تەرەڭ سەلبەستىگىنىڭ اياسى كەڭ. ءوز سالالارىمىزدىڭ باسىمدىعىن بەلسەنە ساۋلەلەندىرىپ، ماقتا جانە توقىماشىلىق كاسىبى، ساپالى اۋىل شارۋاشىلىعى ونىمدەرىن كورمەلەۋ جانە ساتۋ، جاساۋ كاسىبى، مادەنيەت - ساياحات سياقتى سالالاردا شينجياڭمەن سەلبەستىكتى تەرەڭدەتىپ، شينجياڭنىڭ شياڭگاڭنىڭ بايلىعىنان جانە تۇعىرىنان ويداعىداي پايدالانۋىنا كومەكتەسىپ، ەرەكشە ونىمدەردى ساتۋ ارناسىن ۇزدىكسىز كەڭەيتىپ، جۇڭگو شينجياڭىنىڭ حيكاياسىن ويداعىداي بايانداپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرەمىز.
اڭگىمە ماجىلىسىندە ۇلكەن شىعاناق رايونى حالىقارالىق زات اينالىمى قامداۋ تىزبەگى كاسىپتىك بىرلەستىگى، شياڭگاڭ ساياحات كووپەراتيۆتەرى قوجايىندارى قوعامى شينجياڭ ساۋدا - زات اينالىمى توبىمەن، جەمىس - جيدەك كاسىبى توبىمەن، ەگىن، مال شارۋاشىلىعىنا قارجى قوسۋ توبىمەن، مادەنيەت - ساياحاتقا قارجى قوسۋ توبىمەن ستراتەگيالىق سەلبەستىك جۇلگەلىك كەلىسىمىنە قول قويدى.
ەلزات احمەتجان، قادەن كابەن، سۇن حۇڭمەي، اسەنجان احمەت، اۆتونوميالى رايوننىڭ قاتىستى تاراۋلارىنداعى، رايونعا قاراستى قاتىستى مەملەكەت مەنشىگىندەگى كاسىپورىندارداعى جاۋاپتى جولداستار اڭگىمە ماجىلىسىنە قاتىناستى.
