وقۋ - اعارتۋدا قۋاتتى ەل ستراتەگياسى بويىنشا كەڭەس بەرۋ ءماجىلىسى (شينجياڭ) ۇرىمجىدە وتكىزىلدى
ما شيڭرۇي قاتىناستى، حۋاي جينپىڭ ءسوز سويلەدى، ەركىن تۇنياز ارناۋ ءسوز سويلەدى، لي يفي، جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 2 - كۇنى ۇرىمجىدەن حابارلايدى. 8 - ايدىڭ 1 - كۇنى وقۋ - اعارتۋ مينيسترلىگى ۇرىمجىدە وقۋ - اعارتۋدا قۋاتتى ەل ستراتەگياسى بويىنشا كەڭەس بەرۋ ءماجىلىسىن (شينجياڭ) وتكىزدى، ەل ىشىندەگى وقۋ - اعارتۋ سالاسىنداعى مامان - وقىمىستىلار ءبىر اراعا باس قوسىپ، وقۋ - اعارتۋدا قۋاتتى ەل قۇرۋدى بىرگە اقىلداستى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى. وقۋ - اعارتۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر حۋاي جينپىڭ ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ارناۋ ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ماجىلىسكە قاتىناستى. وقۋ - اعارتۋ مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر سۇن ياۋ ءماجىلىستى باسقاردى.
ماجىلىستە جۇڭگو اۋىل شارۋاشىلىق داشۋەسىنىڭ، جىجياڭ داشۋەسىنىڭ، جۇڭشان داشۋەسىنىڭ، حاربين ونەركاسىپ داشۋەسىنىڭ، بەيجيڭ حيميا - ونەركاسىپ داشۋەسىنىڭ، حۋانان جاراتىلىستىق عىلىمدار داشۋەسىنىڭ، بەيجيڭ داشۋەسىنىڭ، چيڭحۋا داشۋەسىنىڭ، بەيجيڭ شىفان داشۋەسىنىڭ، تيانجين كاسىپتىك داشۋەسىنىڭ قاتىستى جاۋاپتىلارى ىلگەرىندى - كەيىندى ستراتەگيالىق كەڭەس بەرۋ بايانداماسىن جاساپ، جوعارى ساپالى وقۋ - اعارتۋ جۇيەسىن قۇرۋ، جوعارى دەڭگەيلى داشۋەلەردىڭ ستراتەگيالىق رولىن ساۋلەلەندىرۋ، جەتەكشىلىك سيپاتتى تاڭداۋلى جاڭالىق اشۋ دارىندىلارىن جەتىلدىرۋ سياقتى وقۋ - اعارتۋدا قۋاتتى ەل قۇرۋداعى شەشۋشى ماسەلەلەر جونىندە پايىمداۋ جاسادى ءارى شينجياڭ وقۋ - اعارتۋىنىڭ جوعارى ساپالى دامۋىن ىلگەرىلەتۋ جونىندە باعىتتامالى ۇسىنىس بەردى. اۆتونوميالى رايون مەن بيڭتۋاننىڭ قاتىستى تاراۋلارىنداعى، جوعارى مەكتەپتەردەگى، كاسىپورىندارداعى جاۋاپتى جولداستار بايانداما جاساپ، شينجياڭنىڭ جوعارى دارەجەلى وقۋ - اعارتۋ قۇرىلىسىنىڭ دامۋى، وقۋ - اعارتۋ ىستەرىن قولداۋ، قامتاماسىز ەتۋ، وقۋ - اعارتۋ بويىنشا قىزمەت وتەۋ كاسىپ سالاسىنىڭ دامۋى سياقتى احۋالداردى تانىستىردى.
حۋاي جينپىڭ بىلاي دەپ اتاپ كورسەتتى: پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 5 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن وقۋ - اعارتۋدا قۋاتتى رايوندى دامىتۋداعى، وقۋ - اعارتۋدا قۋاتتى ەل قۇرۋداعى جول كارتاسىنا، قۇرىلىس سحەماسىنا اينالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ كەرەك. بىرىنشىدەن، ساياسي دەڭگەيدى جوعارىلاتىپ، ىشكى - سىرتقى ورتا وزگەرىسىنىڭ جوعارى ساپالى وقىتۋدى ويداعىداي جۇرگىزۋدەگى كوكەي تەستى قاجەتىن تولىق تانىپ، وقۋ - اعارتۋداعى قۋاتتى ەل قۇرىلىسى جونىندەگى سەنىمدى، سانالىلىقتى بەكەمدەپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋ قۇرىلىمىن، ورنالاسىمىن ساپالىلاندىرىپ، شۇعىل قاجەت، تاپشى دارىندىلاردى جەدەل باۋلىپ، عىلىم - تەحنيكادا جاڭالىق اشۋدا سەرپىلىس جاساۋدى جەدەل ىلگەرىلەتىپ، وقۋ - اعارتۋدىڭ ستراتەگيالىق، جەتەكشىلىك رولىن ءونىمدى ساۋلەلەندىرۋ كەرەك. ەكىنشىدەن، نازاردى مەملەكەت ستراتەگياسى مەن ءوڭىر قاجەتىنە شوعىرلاندىرىپ، جوعارى دارەجەلى وقۋ - اعارتۋدىڭ جەتەكشىلىك رولىن ءتىپتى دە ويداعىداي ساۋلەلەندىرىپ، نەگىزدىك وقۋ - اعارتۋدىڭ نەگىزگى ءتۇيىن ورنىن بەكەمدەپ، وسى زامانعى كاسىپتىك وقۋ - اعارتۋ جۇيەسىن كەمەلدەندىرىپ، وقۋ - اعارتۋ بويىنشا سىرتپەن اۋىس - كۇيىستى، سەلبەستىكتى كۇشەيتىپ، باتىسقا ەسىك اشاتىن الدىڭعى شەپ تۇلعالاۋدى ارقاۋ ەتىپ، ”سىرتتان ەنگىزۋ“، ”سىرتقا شىعارۋ“ سىندى ەكى كەلەلى جۇمىستى ويداعىداي ىستەپ، وقۋ - اعارتۋدىڭ حالىقارالىق ىقپال قۋاتىن جوعارىلاتۋ كەرەك. ۇشىنشىدەن، ستراتەگيالىق ماڭىزدى ءتۇيىندى يگەرىپ، جوعارى ساپالى وقىتۋشىلار قوسىنى قۇرىلىسىن ۇزدىكسىز كۇشەيتىپ، ەرەن ينجەنەرلەر مەن ەرەن شيپاگەرلەردى باۋلۋ ۇلگىسىندە جاڭالىق اشىپ، فيلوسوفيا، قوعامدىق عىلىم دارىندىلارى مەن حالىقارالىق باسقارۋ دارىندىلارىن باۋلۋ سەرپىنىن ارتتىرىپ، وزەكتى ءپان قۇرىلىسى ورەسىن جوعارىلاتىپ، وقۋ - اعارتۋدى باعالاۋ جۇيەسى رەفورماسىن ۇزدىكسىز ىلگەرىلەتىپ، شينجياڭنىڭ دارىندىلاردى ءوز كۇشىمەن باۋلۋ ساپاسىن جاپپاي جوعارىلاتىپ، وقۋ - اعارتۋ جالپىلىق رەفورماسىن تەرەڭدەتۋ بارىسىندا جاڭا جارىس جولىن اشىپ، جاڭا باسىمدىقتاردى جەتىلدىرىپ، ءىرى بولۋدان قۋاتتى بولۋعا قاراي جۇيەلى قارىشتاۋ مەن ساپالىق وزگەرىستى جۇزەگە اسىرۋ كەرەك.
ەركىن تۇنياز ارناۋ سوزىندە مىنالاردى ءبىلدىردى: وقۋ - اعارتۋ مينيسترلىگىنىڭ شينجياڭدا وقۋ - اعارتۋدا قۋاتتى ەل ستراتەگياسى بويىنشا كەڭەس بەرۋ ءماجىلىسىن اشۋى ءبىزدىڭ وقۋ - اعارتۋدا قۋاتتى ەل قۇرۋعا بولعان تانىمىمىزدى، تۇسىنىگىمىزدى جانە ونى يگەرۋىمىزدى ونان ارى تەرەڭدەتىپ، شينجياڭ وقۋ - اعارتۋ ىستەرىنىڭ دامۋىنا جاڭا كوز ايا اشىپ، تىڭ قوزعاۋشى كۇش ۇستەپ، وقۋ - اعارتۋدا قۋاتتى ەل قۇرىلىسىنا پارمەندى نازاريالىق تىرەك جانە امالياتتىق قولداۋ ازىرلەيتىنى داۋسىز. اۆتونوميالى رايوندىق پارتكوم، ۇكىمەت جانە بيڭتۋان باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، وقۋ - اعارتۋدى باياندى ورنىقتىلىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت رەتىندە قاراۋدان جازباي، شينجياڭنىڭ وقۋ - اعارتۋ ىستەرىنىڭ تىڭ ونىمدىلىككە قول جەتكىزۋىن، جاڭا ساتىعا ءوتۋىن، تىڭ جورىققا قادام تاستاۋىن ىلگەرىلەتەدى. ءبىز وسى رەتكى ستراتەگيالىق كەڭەس بەرۋ ءماجىلىسىن وراي ەتىپ، باس شۋجي شي جينپيڭنىڭ، پارتيا ورتالىق كوميتەتىنىڭ وقۋ - اعارتۋدا قۋاتتى ەل قۇرۋداعى كەلەلى ستراتەگيالىق ورنالاستىرۋىن ىشكەرىلەي دايەكتىلەندىرىپ، تياناقتاندىرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ سىندى ءتۇبىرلى نىسانانى مىقتاپ ارقاۋ ەتىپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، سەنىمدى ونان ارى بەكەمدەپ، ورايدى مىقتى يگەرىپ، يدەيانى ازات ەتىپ، ءورىس اشا جاڭالىق جاراتىپ، شينجياڭ وقۋ - اعارتۋىنىڭ جوعارى ساپالى دامۋدا تىڭ دا اناعۇرلىم زور قادام تاستاۋىن ىلگەرىلەتىپ، وقۋ - اعارتۋدا قۋاتتى رايون قۇرۋدى جەدەلدەتىپ، جاڭا داۋىردەگى وقۋ - اعارتۋدا قۋاتتى ەل قۇرىلىسىنىڭ شينجياڭ تاراۋىن قۇلشىنا جازامىز.
ورتالىق كوميتەت ۇگىت بولىمىندەگى، ورتالىق كوميتەت بىرلىكساپ بولىمىندەگى، مەملەكەتتىك ۇلت ىستەرى كوميتەتىندەگى قاتىستى جولداستار، وقۋ - اعارتۋ مينيسترلىگىنىڭ قاتىستى تاراۋلارىنداعى جاۋاپتى جولداستار، شينجياڭعا كومەكتەسەتىن تاراۋلارعا قاراستى جوعارى مەكتەپتەردەگى، شينجياڭعا كومەكتەسەتىن كاسىپتىك مەكتەپتەردەگى جانە شينجياڭعا كومەكتەسەتىن ولكە - قالالاردىڭ وقۋ - اعارتۋ اكىمشىلىك تاراۋلارىنداعى جاۋاپتى جولداستار ماجىلىسكە قاتىناستى.
قادەن كابەن، شۋە بين، قايسار ابدۇكەرىم، شۇي شيان - ي، لي شۇي، اۆتونوميالى رايوننىڭ ايماق، وبلىس، قالالارىنىڭ جانە بيڭتۋاننىڭ ءارقايسى شىلارىنىڭ، قالالارىنىڭ وقۋ - اعارتۋ اكىمشىلىك تاراۋلارىنداعى جاۋاپتى جولداستار، ءارقايسى ولكە - قالالاردىڭ شينجياڭعا كومەكتەسۋ الدىڭعى جاق قولباسشىلىق شتابىنداعى قاتىستى جاۋاپتى جولداستار، اۆتونوميالى رايوننىڭ جانە بيڭتۋاننىڭ قاتىستى تاراۋلارىنداعى، كومەك قابىلدايتىن جوعارى مەكتەپتەردەگى جاۋاپتى جولداستار ماجىلىسكە قاتىناستى.
