تاياۋدا ”جيلين − التاي“ ءنومىرلى جيليننىڭ شينجياڭعا باعىتتامالى كومەكتەسۋ ساياحات ارناۋلى پويەزى (تومەندە قىسقارتىلىپ ”جيلين − التاي“ ءنومىرلى شينجياڭعا باعىتتامالى كومەكتەسۋ ارناۋلى پويەزى دەلىنەدى) چاڭچۇن ۆوگزالىنان جولعا شىقتى، 700 نەشە ساياحاتشى 17 كۇنگە جالعاسقان شينجياڭدى ىشكەرىلەي ارالاۋ ساياحاتىن باستاپ، بيىلعى شينجياڭعا باعىتتامالى كومەكتەسۋ ارناۋلى پويەزىنىڭ ساياحاتشىلاردى جونەلتۋىنىڭ شىمىلدىعىن اشىپ، جيلين ولكەسىنىڭ ساياحات ارقىلى شينجياڭعا كومەكتەسۋ قىزمەتىنە تاعى دا سۇبەلى ۇلەس قوستى.
ساياحاتشىلار چاڭچۇننەن اتتاناردا توپتىق سۋرەتكە ءتۇسىپ ەستەلىك قالدىردى. سۋرەتتى جيلين گازەتى بەرگەن
2018 ـ جىلى ”جيلين − التاي“ ءنومىرلى شينجياڭعا باعىتتامالى كومەكتەسۋ ارناۋلى پويەزى تۇڭعىش قاتىناپ، تاماشا ونىمدىلىككە قول جەتكىزىپ، التاي ايماعى ساياحات كاسىبىنىڭ دامۋىن جەبەپ، ەكى جەردىڭ بارىس ـ كەلىسىن، اۋىس ـ كۇيىسىن كۇشەيتتى.
جيلين ولكەسىنەن شينجياڭعا كومەككە كەلگەن كادر، التاي ايماقتىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى جاڭ بو بىلاي دەپ تانىستىردى: جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى ساياحات قىزمەتىنە قانىق 2 كادر مەن 3 كاسىپتىك ـ تەحنيكالىق دارىندىنى سارالاپ شىعىپ، جيلين ولكەسىنىڭ شينجياڭعا كومەكتەسۋ ساياحات گرۋپپاسىن قۇرىپ، التاي ايماعى ساياحات بازارىنىڭ بولاشاق دامۋ قاجەتىنە مەڭزەس، دارىندى تاربيەلەۋ، ۇگىتتەۋ، تانىستىرۋ سياقتى جاقتاردا جاپپاي كومەك ورىستەتىپ، التاي ايماعى ساياحات كاسىبىنىڭ جوعارى ساپالى دامۋىن ىلگەرىلەتتى. قازىرگە دەيىن، ”جيلين − التاي“ ءنومىرلى شينجياڭعا باعىتتامالى كومەكتەسۋ ارناۋلى پويەزى مەن جالداما ۇشاعى شينجياڭعا 20 مىڭنان استام ساياحاتشى جەتكىزدى.
”جيلين − التاي“ ءنومىرلى شينجياڭعا باعىتتامالى كومەكتەسۋ ارناۋلى پويەزى نەگىزىنەن جيلين ولكەسىنەن كەلگەن ساياحاتشىلارعا باعىتتالعان، تۇتاس جىلدا 3 تە 5 رەت قاتىناۋ جوسپارلانعان، قازىر 8-،9- ايلارعا باعىتتالعان تىزىمدەلۋ قىزمەتى جۇرگىزىلۋدە. 17 كۇندىك ساپاردا ساياحاتشىلار وڭتۇستىك، سولتۇستىك شينجياڭنىڭ اسەم كورىنىسىن مۇمكىندىگىنشە تاماشالاي الادى.
جاڭ بو مىنانى ءبىلدىردى: بيىل شينجياڭعا باعىتتامالى كومەكتەسۋ ارناۋلى پويەزى كورىنىس ٴوڭىرىن تاڭداۋ جاعىندا، ينتەرنەتتە ساياحاتشىلاردىڭ قارسى الۋىنا يە بولعان تاڭداۋلى كورىنىس وڭىرلەرىن الدىمەن تاڭداۋ قاتارىنا ەنگىزەدى. سونىمەن بىرگە، ۋاقىت جەتكىلىكتى بولعان جاعدايدا، ساياحاتشىلار ەرىكتى بولۋ پرينسيبىمەن ۇشتاستىرىپ، ٴوتىمدى كورىنىس تۇيىندەرى جەلىسىن كوبەيتىپ، ساياحاتشىلاردىڭ ساياحاتقا شىعۋ قاجەتىن ونان ارى قاناعاتتاندىرادى. (جيلين گازەتىنىڭ ٴتىلشىسى شۇي مۋچي، پراكتيكانت باي يۇيچىڭ)
