سايرام كولى كورىنىس ءوڭىرىنىڭ تۇزدە تۇنەۋ قىزمەت وتەۋىن ۋاقىتشا توقتاتۋ جونىندەگى حابارلاندىرۋى
قۇرمەتتى ساياحاتشى دوستار:
كەلەسى جىلعى ٴشوپتىڭ قايتا ءوسۋىن جاقسارتۋ، جايلىمدى قورعاۋ جانە عىلمي جوبالاۋ، ۇيلەسىمدى پايدالانۋ ونىمدىلىگىنە جەتۋ ٴۇشىن، سايرام كولى كورىنىس ءوڭىرى 2023 ـ جىلى 8 - ايدىڭ 15 - كۇنىنەن باستاپ ٴشوپ شابۋ قىزمەتىن جاپپاي ورىستەتىپ، كۇندىز ـ ٴتۇنى ٴۇرتىس جۇمىس جۇرگىزەدى. سونىمەن بىرگە، كورىنىس ٴوڭىرىنىڭ اۋا تەمپەراتۋراسى بىرتىندەپ تومەندەپ، اۋا رايى سۋىتىپ، ناشار اۋا رايىنىڭ جارىققا شىعۋ ىقتيمالدىعى جوعارىلادى، كەي كەزدەرى جابايى حايۋاناتتاردىڭ تۇندە جورتۋ احۋالى كورىلگەندىكتەن بۇل ارادا تۇزدە تۇنەۋ شارت - جاعدايى جار بەرمەيدى. قالىڭ ساياحاتشى دوستاردىڭ باس اماندىعى مەن مال ـ مۇلىك حاۋىپسىزدىگىنە كەپىلدىك ەتۋ ٴۇشىن، سايرام كولى كورىنىس ءوڭىرى 2023 ـ جىلى 8 - ايدىڭ 15 - كۇنى ساعات 10نان باستاپ تۇزدە تۇنەۋ اۋماعى قىزمەت وتەۋى مەن تۇزدە تۇنەۋگە الدىن الا كەلىسۋ ارناسىن جاپتى، ناقتى اشىلۋ ۋاقىتى ناقتىلى جاعدايعا قاراي ايىرىم ۇقتىرىلادى. قالىڭ ساياحاتشى دوستارعا كورىنىس وڭىرىندە تۇنەمەۋگە، سونداي ـ اق ساياحات سەيىل - سەرۋەن جوسپارىن الدىن الا رەتتەۋگە كەڭەس بەرەمىز. وسى سەبەپتى سىزدەرگە قولايسىزدىق تۋىلعانىنا شىنايى كەشىرىم سۇرايمىز، سىزدەردىڭ تۇسىنۋلەرىڭىزدى جانە قولداۋلارىڭىزدى ٴۇمىت ەتەمىز.
سونىمەن بىرگە، قالىڭ ساياحاتشى دوستاردىڭ كورىنىس ٴوڭىردى ساياحاتتاۋ جەلىسى بويىنشا ساياحاتتاپ، كوركەم تابيعات كورىنىسى مەن گۋمانيتارلىق تاريحتى كورۋمەن بىرگە، ورمان، جايلىم، سازدىق، قىساڭ، قارلى تاۋ، مۇزدىق سياقتى جاراتىلىستىق بايلىقتار ٴبىر تۇلعالانعان وسى كەڭىستىكتەگى كولگە جاقسى مامىلە جاساۋىن ٴۇمىت ەتەمىز. سايرام كولى كورىنىس ٴوڭىرىنىڭ ورتا تازالىعى مەن الەۋمەتتىك ٴتارتىبى ءسىز بەن ءبىزدىڭ ورتاق قورعاۋىمىز بەن بويسۇنۋىمىزدى قاجەت ەتەدى، كەز كەلگەن جەرگە تۇكىرمەڭىز، قوقىر ـ قوقسىقتى بەتالدى تاستاماڭىز، سايرام كولىنىڭ وڭاي ـ وسپاق قولعا كەلمەگەن تاماشا ەكولوگيالىق ورتاسىن ٴومىرىمىزدى قورعاعانداي قورعايىق.
شينجياڭ بۇراتالا وبلىسى سايرام كولى ايگىلى كورىنىس ءوڭىرىن باسقارۋ كوميتەتى
2023 - جىلى 8 - ايدىڭ 7 - كۇنى
