انار بۇلت \ شينجياڭ گازەتىنىڭ ءتىلشىسى ليۋ دۇڭلاي 8 - ايدىڭ 7 - كۇنى ليانيۇنگاڭنان حابارلايدى. 8 - ايدىڭ 7 - كۇنى تۇستەن بۇرىن ساعات 9دان 30 مينۋت، ليانيۇنگاڭ قالاسى جۇڭگو − قازاقستان زات اينالىمى سەلبەستىك بازاسى سيفرلانعان ورنالاستىرۋ ورتالىعىنداعى ۇلكەن ەكراننان قاربالاس جۇمىس جۇرگىزىپ جاتقان پورتتى انىق كورۋگە بولادى. ۇلكەن ەكران الدىندا شينجياڭ مەن ليانيۇنگاڭ قالاسىنداعى ەكى جاق سيلى قوناقتارىنىڭ بىرگە كۋا بولۋىندا شينجياڭ گازەتى مەكەمەسىنىڭ (توبى) ”سامعاۋ جولى − ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى حابارلاۋ قيمىلى“ العاشقى بەكەتتە باستالدى.
بيىل ”ءبىر بەلدەۋ، ءبىر جول“ باستاماسى العا قويىلعاندىعىنىڭ 10 جىلدىعى. شينجياڭ گازەتى مەكەمەسى (توبى) ”سامعاۋ جولى − ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى حابارلاۋ قيمىلىن“ جوبالاپ، جۇڭگو − ەۆروپا كەزەكشى پويەزى جەلىسىن وزەك ەتىپ، جۇڭگونىڭ شىعىس بولىك تەڭىز جاعالاۋىنداعى ماڭىزدى قالالاردان باتىستى بەتكە الا جولعا شىعىپ، شىت جاڭا كوز ايامەن جەلى بويىنداعى ەلدەر مەن وڭىرلەردىڭ ”ءبىر بەلدەۋ، ءبىر جول“ قۇرىلىسىندا قول جەتكىزگەن تابىستارى مەن تاجىريبەلەرىن جالپىلىق مەديالاردا ساپارلاي ءجۇرۋ ءتاسىلى ارقىلى حابارلايدى.
وسى رەتكى جالپىلىق مەديالار حابارلاۋ قيمىلىنداعى ءبىرىنشى شاعىن بولىمشە اترەت جىبەك جولى ەكونوميكالىق بەلدەۋى مەن تەڭىزدەگى جىبەك جولىنىڭ ماڭىزدى ءتۇيىلىسۋ ءتۇيىنى − ليانيۇنگاڭ قالاسىن باستاما ەتىپ، جىڭجوۋ، شي - ان سياقتى ماڭىزدى ءتۇيىن قالالارىندا تىلشىلىك ىستەيدى؛ ەكىنشى شاعىن بولىمشە اترەت جىجياڭنىڭ ي - ۋىنان اتتانىپ، چۇڭچيڭ سياقتى جەرلەرگە بارىپ تىلشىلىك ىستەيدى. سوڭىنان جالپىلىق مەديالار حابارلاۋ ۇيىرمەسى شينجياڭ ارقىلى ورتا ازيانى ەندەي ءوتىپ، ەۆروپاعا تىكە بارىپ، ۇساق ىستەردەن حابار كوزدەرىن قاراستىرىپ، حيكايا فورماسىندا بەينەلەۋ تاسىلىمەن نازاردى ”ءبىر بەلدەۋ، ءبىر جول“ باستاماسى العا قويىلعان 10 جىلدان بەرى جەلى بويىنداعى وڭىرلەردىڭ ورايدى يگەرىپ، ساياساتتاردى ۇلاستىرۋ، قۇرىلعىلاردى تۇتاستىرۋ، ساۋدانى ىركىلىسسىزدەندىرۋ، قارجىنى اينالىمعا سالۋ، حالىق تىلەگىن توعىستىرۋ جاقتارىنداعى سۇبەلى تابىستارعا شوعىرلاندىرادى.
قۇرىش كەرۋەندەر قاتار - قاتار كوش تۇزەپ، پويەزدەر جۇيتكىدى. ليانيۇنگاڭ قالاسى − جاڭا ازيا - ەۆروپا قۇرلىق كوپىرىنىڭ باستالعان جەرى، قورعاس قالاسىمەن ءبىر - بىرىنە الىستان كوز تاستايدى. مەملەكەت بويىنشا العاشقى توپتا سىرتقا ەسىك اشقان قالا، جاڭا ازيا − ەۆروپا قۇرلىق كوپىرىنىڭ شىعىستاعى باستالعان جەرى، ”ءبىر بەلدەۋ، ءبىر جولدىڭ“ ءتۇيىلىسۋ تۇيىنىندەگى كۇشتى تىرەكتى قالا رەتىندە، ليانيۇنگاڭ قالاسى وسى رەتكى جالپىلىق مەديالار حابارلاۋىنىڭ العاشقى بەكەتىنىڭ داۋ جۇرمەس تالعامى.
”ءبىر قۇرلىق كوپىرى شينجياڭ مەن جياڭسۋدى، قورعاس پەن ليانيۇنگاڭدى تۇتاستىردى. ەجەلدەن بەرى، ەكى جاق ەسىك اشۋ، ەكونوميكالىق ساۋدا، زات اينالىمى، مادەنيەت، دارىندى سياقتى ەكونوميكالىق، قوعامدىق دامۋدىڭ ءارقايسى سالاسىندا قويۋ بايلانىستى ساقتاپ كەلەدى“، - دەدى ليانيۇنگاڭ قالالىق پارتكوم ۇگىت ءبولىمىنىڭ ورىنباسار باستىعى ليۋ شا، - 2017 - جىلى باس شۋجي شي جينپيڭ ”ليانيۇنگاڭ − قورعاس تۇتاستىرعان جاڭا ازيا − ەۆروپا قۇرلىق، تەڭىز بىرلەسىپ تاسىمالداۋ ارناسىن ’ءبىر بەلدەۋ، ءبىر جول‘ سەلبەستىگى باستاماسىنىڭ ولشەمى جانە ۇلگى كورسەتۋ نىسانى ەتىپ تۇلعالاۋ“ ماڭىزدى نۇسقاۋىن بەرىپ، ەكى جەردىڭ قويۋ قاتىناسىن اناعۇرلىم كورنەكتىلەندىردى.
العاشقى بەكەتتەگى تىلشىلىك كەزىندە، شينجياڭ گازەتى شينحۋا گازەتىمەن پارتيا مەديالارىنىڭ بىرلەسىپ قيمىلداۋىن جۇزەگە اسىرادى. ”تولىق سەلبەستىك جاساسۋ ارقىلى ەكى جاقتىڭ ’ءبىر بەلدەۋ، ءبىر جولدى‘ حابارلاۋدى جوعارى ساپامەن ويداعىداي ورىنداۋىن ىلگەرىلەتەمىز“، - دەدى شينحۋا گازەتى ليانيۇنگاڭ بولىمشە مەكەمەسىنىڭ باستىعى چىڭ چاڭچۇن.
