− اۆتونوميالى رايوندىق 14 - كەزەكتى سپورت جارىسىنىڭ اشىلۋ سالتىنان ەستەلىك
□انار بۇلت \ شينجياڭ گازەتىنىڭ ءتىلشىسى تاڭ كاندۇڭ
8 - ايدىڭ 8 - كۇنى ارتيستەر اۆتونوميالى رايوندىق 14 - كەزەكتى سپورت جارىسىنىڭ باستالۋ سالتىندا ادەبيەت - كوركەمونەر كونسەرتىن قويۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى حان لياڭ تۇسىرگەن
ىمىرت ءۇيىرىلىپ، كورلا قالاسى بايىن دەنە تاربيە الاڭىندا شىراقتار جارقىراپ، الۋان نۇرعا مالىندى.
8 - ايدىڭ 8 - كۇنى كەش، اۆتونوميالى رايوندىق 14 - كەزەكتى سپورت جارىسىنىڭ اشىلۋ سالتى وسى ارادا ءوتتى. بۇكىل رايونىمىزداعى 14 ايماق، وبلىس، قالادان جانە شينجياڭ ءوندىرىس - قۇرىلىس بيڭتۋانى شىحىزى قالاسىنان كەلگەن سپورتشىلار، جاتتىقتىرۋشىلار تيانشان الابىنان وسى اراعا باس قوسىپ، كۇرەس جاساۋ جانە باسىپ وزۋدىڭ، ارمان قۋۋ جانە ارمانىن ىسكە اسىرۋدىڭ ءبىر - بىرلەگەن حيكاياسىن بىرگە جازدى.
شىلىڭگىر شىلدە اياقتاپ، كۇز باسى كىرگەن شاق. كۇن سالقىن تارتىپ، كەشقۇرىم بۇلتتار مەن تاۋ شوقىلارى ءتىپتى دە كوز تارتىپ، اتىزداردان مول ءونىم لەبى ەسىپ، داقىلدار پىسا باستادى. مول ءونىم ساتىندە شينجياڭ دەنە تاربيە اتىمەن شار - تاراپتاعى دوس - جارانداردى باس قوسىپ بايىنعولين موڭعۇل اۆتونوميالى وبلىسىندا سالتاناتتى جينالىستى بىرگە بولىسۋگە شاقىردى.
ساعات 22 مولشەرىندە قۇرمەت قاراۋىل جاساعى بەس جۇلدىزدى قىزىل تۋدى قورعاپ نىق قاداممەن دەنە تاربيە الاڭىنا كىردى. جارىس تۋى شارشى توبى ءجۇرىپ وتكەننەن كەيىن 15 ۋاكىلدەر ۇيىرمەسى رەتىمەن الاڭعا كىردى، تولاسسىز الاقايلاعان ۇندەر، شاپالاق ءۇنى دەنە تاربيە الاڭىندا شارىقتادى.
سپورتشىلار الاڭعا كىرگەننەن كەيىن قاتار تۇزەپ ”ءبىر نيەتپەن ىنتىماقتاسايىق“ ماعىناسىنداعى ورنەكتى قۇرادى، بۇل ”جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەۋ“ ءمانىن بىلدىرەدى.
وسى كەزەكتى سپورت جارىسىندا باسەكەلىك دەنە تاربيە بويىنشا 20 ۇلكەن ءتۇر، 687 كىشى ءتۇر ورنالاستىرىلدى، بۇكىل شينجياڭنان 9000عا تاياۋ سپورت ساڭلاعى قاتىناسادى. بۇل بۇكىل شينجياڭداعى ەڭ جوعارى دەڭگەيدەگى باسەكەلىك دەنە تاربيە سالتاناتتى جينالىسى، دەنە تاربيە زاپاس كۇشتەرىن تاڭدايتىن، دايىندايتىن ءبىر رەتكى ”جارىس مايدانىنداعى قوسىندى كوزدەن كەشىرۋ“ سانالادى.
ىلە - شالا بەتاشار «تيانشانعا شابىت»، ءبىرىنشى تاراۋى «جىبەك جولىنداعى تيانشان»، ەكىنشى تاراۋى «تيانشاندى مادەنيەتپەن نارلەندىرۋ»، ءۇشىنشى تاراۋى «جالىندى تيانشان»، سوڭعى تاراۋى «ەكپىندەي ىلگەرىلەگەن تيانشان» سىندى 5 تاراۋدان قۇرالعان كولەمدى ءان - ءبي قويىلىمى «تيانشان ۋادەسى» ورىندالدى.
«تيانشان ۋادەسى» ”جۇڭحۋا ۇلتى ورتاق تۇلعا تانىمىن بەرىك ورناتۋدى“ نەگىزگى جەلى ەتىپ، شينجياڭنىڭ وڭىرلىك ەرەكشە مادەنيەتىمەن توعىستىرا وتىرىپ، ءساندى تابيعات كورىنىستەرىن، شۇعىلالى تاريحي مادەنيەتىن، قويۋ جەرگىلىكتى سالت - سانانى ارقاۋ ەتىپ، تۇتاس تاراۋ بويىنشا ساباقتاستىردى.
ساحنا كوركەمدىگىن جوبالاۋدا ”جىبەك جولى“، ”التىن مەدال“، ”لەنتا“، ”تيانشان“، ”كونچى وزەنى“ سياقتىلاردى كورىنىستىك جاسامپازدىقتىڭ ەلەمەنتتەرى ەتىپ، ”جىبەك جولىنداعى تاۋ - وزەن، كورىكتى بايىنعولين وبلىسىنىڭ“ ءمانىن بەينەلەپ، سپورت ساڭلاقتارىنىڭ قاجىرلىلىقپەن تالپىنىپ، العان بەتىنەن قايتپايتىن سپورت رۋحىن ايگىلەپ، ”جۇڭحۋا ۇلتى بەرەكەلى شاڭىراعىندا جۇڭگو ارمانىن ءبىر نيەتپەن ىسكە اسىرۋ“ تەرەڭ ماعىناسىن جەتكىزدى.
باستالۋ سالتىنىڭ كوركەمونەرلىك بەينەلەۋىندە جەر بەتىنە كەسكىن ءتۇسىرۋ مەن قىرىنان عيمارات تۇلعاسىنا كەسكىن ءتۇسىرۋ بىرلەستىرىلىپ، كوپ ولشەمدى ستەرەولدى شومۋ سيفر كەڭىستىگى جاسالدى. جەر بەتىندەگى كوزىلدىرىكسىز كورىنەتىن 3D كورىنىسىمەن تولىق بىرلەستىرىپ، ارتيستەردىڭ ارەكەتتەرىمەن تىعىز سايكەستىرىپ، ادام سۋرەت ىشىندە جۇرەتىن، ادام سۋرەت ىشىنەن شىعاتىن اسەردى جۇزەگە اسىردى.
بەتاشار «تيانشانعا شابىتتا» تيانشان باۋرايىندا، كونچى وزەنىنىڭ جاعاسىندا بارابان - مۋزيكا اۋەنى قاتار جاڭعىردى. كۇمبىرلەگەن بارابان ريتىمىنە ىلەسە، شينجياڭنىڭ ءارقايسى ايماقتارىنىڭ، وبلىستارىنىڭ، قالالارىنىڭ ايگىلى كورىنىس تۇيىندەرىنىڭ ايبىندى كورىنىسى ۇلكەن ەكراننان كورىنىپ، بايتاق تا كورىكتى شينجياڭ كوز الدىعا كەلدى. ارتيستەر ورتالىق ساحنادا ساحنانىڭ ءار قىرىنان پايدالانىپ جەلبىرەپ تۇرعان ءتۇستى لەنتالاردى بەينەلەپ، كورەرمەندى اسەم بايىنعولين وبلىسىنا باستاپ كىردى.
1 - تاراۋ «جىبەك جولىنداعى تيانشاندا» كەرۋەن قوڭىراۋى ءۇنى ىشىندە، جاڭ چيان قولىنا ەلشىلىك اسا تاياعىن الىپ، كەرۋەندى باستاپ چاڭ - اننان جولعا شىعىپ باتىس وڭىرگە جول الادى. جاڭا ەرادان بۇرىنعى 60 - جىلى باتىس حان پاتشالىعى باتىس ءوڭىر باسقاقتىعىن قۇرادى ءارى جىبەك جولىنىڭ وڭتۇستىك، سولتۇستىك ەكى جولىن قورعايدى. باتىس ءوڭىر باسقاقتىعىنىڭ قۇرىلۋى شينجياڭنىڭ رەسمي جۇڭگو كارتاسىنا كىرگەندىگىنىڭ بەلگىسى. بايىنعولين وبلىسىندا كروران مادەنيەتى، شىعىسقا ورالۋ مادەنيەتى اسكەري تىڭ يگەرۋ مادەنيەتىمەن، مالان مادەنيەتىمەن، مۇناي مادەنيەتىمەن ءوزارا توعىسقان، ۇلتتار تاتۋ ءتاتتى بىرگە ءوتىپ، تار جول، تايعاق كەشۋدى بىرگە وتكەرىپ، ىنتىماقتاسا كۇرەس جاساعان.
2 - تاراۋ «تيانشاندى مادەنيەتپەن نارلەندىرۋدە» ”مالان گۇل اشتى 21...“ دەگەن بالالار جىرى مۋزيكاسىنا ىلەسە، ساحنا ورتاسىنداعى المۇرت گۇلى ءپىشىنىن قۇراعان قاتاردىڭ وزگەرۋىنە ىلەسىپ، ءبىر توپ عىلمي زەرتتەۋ قىزمەتكەرلەرى كورىنىپ، ءمۇسىن قابىرعاسى بولىپ قۇرالدى. مالان گۇل اشقان جەر رەسپۋبليكانىڭ مارتەبەسى مەن داڭقىن ارقالاپ وتىر؛ ولار ءۇن - ءتۇنسىز ىستەپ جاستىق جىرىن جازۋدا؛ جىر ەتەرلىك شۇعىلالى تاريحي داستاندار مالان سىندى وسى توپىراققا ويىپ جازىلدى.
3 - تاراۋ «جالىندى تيانشاندا» اسەرلى بەينەمەن اسقاق سەزىمگە جانە جىلدامدىققا تولى دەنە تاربيە ويىندارى ارقىلى بايىنعولين وبلىسىنىڭ قاۋلاعان ومىرشەڭدىك كۇشى مەن قارىشتاپ دامۋى بەينەلەنىپ، شينجياڭداعى ءار ۇلت حالقىنىڭ ءورشىل رۋحاني بەت - بەينەسى ايگىلەندى. سپورت ساڭلاقتارى توپتىق گيمناستيكا ويىنى ارقىلى ءبىر - بىرلەگەن ”جۇڭگو - ەۆروپا كەزەكشى پويەزى“ بولىپ قۇرالىپ، دۇنيە جۇزىنە سەلبەستىك جاساپ تەڭ يگىلىككە كەنەلۋدىڭ، ءوزارا تيىمدىلىك جاساپ، ءوزارا پايدا جەتكىزۋدىڭ سيگنالىن توقتاۋسىز تاراتتى.
سوڭعى تاراۋ «ەكپىندەي ىلگەرىلگەن تيانشاندا» قۇت بەلگىسى ”شياڭلي باۋباۋ“ مايدانعا شىعىپ، كورەرمەنمەن ىقپالداسىپ، شاتتىققا شومدى. قۇت بەلگىسى ”جۋاڭ جۋاڭ“، ”مەي مەي“ ەل ءىشى - سىرتىنا ايگىلى ”كورلا المۇرتىنان“ شابىت الىپ جاسالعان ءتۇپ تۇلعا بولىپ، ”جىبەك جولىنداعى تاۋ - وزەن، كورىكتى بايىنعولين وبلىسى“ نەگىزگى تاقىرىبىن ايگىلەپ، سپورت ساڭلاقتارىنىڭ اتبال دەنەلى، قاجىماس ەكەندىگىن كورسەتىپ، ءار ۇلت پەرزەنتتەرىنىڭ ءۇمىت ارقالاعاندىعىن، تابىسقا كەنەلگەندىگىن بەينەلەپ، جاڭا داۋىردە ەكپىندەي ىلگەرىلەپ، جاڭا جورىققا اتتانىپ، جاراسىمدى مەكەندى بىرگە قۇرىپ، تاماشا تۇرمىستان ورتاق ءلاززاتتانعاندىعىن ءبىلدىردى.
دەنە تاربيە گۇلدەنگەن زاماندى ايگىلەپ، جارىس ادەمى تاراۋ جازدى. اۆتونوميالى رايوندىق 14 - كەزەكتى سپورت جارىسىنان جول العان شينجياڭنىڭ سپورت ساڭلاقتارى حاڭجوۋ ازيا سپورت جارىسى، پاريج وليمپيادا سپورت جارىسى، ميلان قىسقى وليمپيادا سپورت جارىسى سياقتى كەلەلى دە ماڭىزدى حالىقارالىق جارىستاردىڭ ”جۇلدىزدار الەمى“ جاڭا نىساناسىن بەلگىلەدى. اسىرەسە، حاڭجوۋ ازيا سپورت جارىسىندا زور سەرپىلىس جاساۋعا، تاماشا ناتيجەگە قول جەتكىزۋگە قۇلشىنۋ كەرەك.
