− پارتيا ورتالىق كوميتەتىنىڭ، مەملەكەتتىك كەڭەستىڭ تاڭداۋلى مامان، دارىندىلاردىڭ ۋاكىلدەرىن بەيدايحىعا دەمالۋعا ۇسىنىس ەتكەندىگى جونىندە ەستەلىك
□ شينحۋا اگەنتتىگىنىڭ ءتىلشىسى ديڭ شياۋشي
ايدىندى بوحاي شىعاناعى، جەل كوتەرىلىپ، تولقىن تۋلادى. شىلىڭگىر جازداعى بەيدايحىنىڭ جاعاسىندا كوك شالعىن جايقالىپ تۇر.
8 - ايدىڭ 1 - كۇنىنەن 7 - كۇنىنە دەيىن پارتيا ورتالىق كوميتەتىنىڭ، مەملەكەتتىك كەڭەستىڭ ۇسىنىسىنا ساي، 57 مامان بەيدايحىعا دەمالۋعا كەلدى. ولار ەل ىشىندەگى عىلىم - تەحنيكانىڭ الدىڭعى قاتارلى سالالارىنداعى تاڭداۋلى دارىندىلاردىڭ ۋاكىلدەرى، جاساندى زەردە، تىرشىلىك - سالاماتتىق، عارىش عىلىم - تەحنيكاسى سياقتى كوپتەگەن سالالاردا شەشۋشى، وزەكتى تەحنيكادان قامال الۋعا جاۋاپتى بولعاندار، مەملەكەتتىڭ تىرەگى، حالىقتىڭ ماقتانىشى، ۇلتتىڭ داڭقى.
قاجىرلىلىقپەن جاڭالىق اشىپ، باتىلدىقپەن الدا ءجۇرىپ، ەرلىكپەن شىڭعا شىقتى. ايباتتى تولقىن ءۇنى پارتيا مەن مەملەكەتتىڭ دارىندىلارعا دەگەن شىنايى قامقورلىعىن جەتكىزىپ، مامانداردىڭ مەملەكەت قۇرىلىسىنا، ۇلتتىڭ گۇلدەنۋىنە قاراي ەرلىكپەن العا ىلگەرىلەگەن نىق قادامىنا كۋا بولدى.
دارقان كوڭىل −
”پارتيا مەن مەملەكەتتىڭ بىزگە دەگەن قالتقىسىز قامقورلىعى وسى تەڭىز سەكىلدى تەرەڭ سۇيىسپەنشىلىككە تولى، كىسىنى تەبىرەنتەدى“
كوك تەڭىز تولقىپ، اق بۇيرا تولقىندار كوككە شاپشيدى. مايدا قۇمنىڭ ۇستىندە ماماندار ۇشتەن - تورتتەن توپتاسىپ، ەركىن سەرۋەن قۇرۋدا.
”قىزىل شاقىرۋ حاتىن تاپسىرىپ العان ساتتە، مەن اسا باقىت سەزىندىم، بۇل ءبىز اۋىل شارۋاشىلىعى قىزمەتكەرلەرىنىڭ ورتاق داڭقى“، - دەدى يۇننان ولكەلىك اۋىل شارۋاشىلىعى عىلىم اكادەمياسىنىڭ باس مامانى، اعا زەرتتەۋشى پان شيڭميڭ. قاراپايىم كيىنگەن، ءوڭى توتىققان، شەكارا ءوڭىر اۋىل شارۋاشىلىعى ءوندىرىسىنىڭ ءبىرىنشى شەبىندە ۇزاق ۋاقىت قۇلشىنا كۇرەس جاساعان وسى عىلمي زەرتتەۋ قىزمەتكەرىنىڭ جۇگەرى تۇقىمىن گەنەتيكالىق جولمەن جەتىلدىرۋ سالاسىنداعى تابىسى كەسەك.
مامانداردى بەيدايحىعا دەمالۋعا ۇسىنىس ەتۋ − پارتيا مەن مەملەكەتتىڭ دارىندىلار قىزمەتىندەگى ماڭىزدى ءبىر ءتۇزىم سيپاتتى ورنالاستىرۋى. 1998 - جىلدان بەرى پارتيا ورتالىق كوميتەتى، مەملەكەتتىك كەڭەس ىلگەرىندى - كەيىندى 22 توپتا 1300دەن استام ماماندى جازعى دەمالىس قيمىلىنا قاتىناسۋعا ۇسىنىس ەتىپ كەلەدى.
”كەمەلدى، مۇقيات ورنالاستىرۋ، قالتقىسىز قامقورلىق پارتيا ورتالىق كوميتەتىنىڭ دارىندىلارعا دەگەن سي - قۇرمەتىن جانە دارىندىلار قىزمەتىنە ايرىقشا ءمان بەرەتىندىگىن ايگىلەيدى“. جۇڭگو جىلجىمالى حابارلاسۋ توبى شەكتى سەرىكتەستىگىنىڭ ورىنباسار باس ينجەنەرى، توپ دارەجەسىندەگى باس عالىم ۋاڭ شياۋيۇن بىلاي دەپ قارادى: تاياۋ جىلداردان بەرى ەلىمىزدىڭ حابارلاسۋ ىستەرىنىڭ تەز قارقىنمەن دامىپ، دۇنيەنىڭ الدىڭعى لەگىندە ءجۇرۋى دارىندىلاردىڭ دامۋ ورتاسىنىڭ ۇزدىكسىز ساپالىلانعاندىعىنىڭ ارقاسى.
ەڭبەككە قۇرمەت ەتتى، بىلىمگە قۇرمەت ەتتى، دارىندىلاردى قۇرمەتتەدى، جاڭالىق اشۋعا قۇرمەت ەتتى.
پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلتتىڭ گۇلدەنۋىنىڭ ستراتەگيالىق بيىگىنەن، جاڭا داۋىردە دارىندىلار ارقىلى مەملەكەتتى قۇدىرەتتەندىرۋ ستراتەگياسىن ىشكەرىلەي اتقارۋ كەلەلى ورنالاستىرۋىن جاساپ، دارىندىلار قىزمەتى جاڭا تاريحي باستاماعا كوتەرىلدى.
2021 - جىلى 9 - ايدا ورتالىقتىڭ دارىندىلار قىزمەتى ءماجىلىسى اشىلدى. باس شۋجي شي جينپيڭ دۇنيە جۇزىندەگى ماڭىزدى دارىندىلار ورتالىعى مەن جاڭالىق اشۋ بيىگىن جەدەل قۇرۋدى ورتاعا قويىپ، جاڭا داۋىردەگى دارىندىلار قىزمەتىنىڭ كارتيناسىن سالىپ بەردى.
”ءبىر قىدىرۋ جاڭا ۇستانىم، جاڭا ستراتەگيا، جاڭا شارا پارتيا ورتالىق كوميتەتىنىڭ دارىندىلاردى دامۋعا تىرەك بولاتىن ءبىرىنشى بايلىق ەتۋ جونىندەگى تەرەڭ تولعانىسىن تولىق ايگىلەدى“، - دەدى حۋاجۇڭ عىلىم - تەحنيكا داشۋەسىنىڭ باستىعى، جۇڭگو ينجەنەريالىق عىلىمدار اكادەمياسىنىڭ اكادەميگى يوۋ جىڭ.
8 - ايدىڭ 3 - كۇنى، بەيدايحى گوحاي قوناق ءۇيى.
باس شۋجي شي جينپيڭنىڭ تاپسىرۋىمەن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي جازعى دەمالىسقا كەلگەن ماماندارعا امانداستى، ولاردان حال سۇرادى. ول بىلاي دەپ باسا دارىپتەدى: مامانداردىڭ ”مەملەكەتتىڭ ءىرى ءىسىن“ كوكەيدە ساقتاپ، ”ءتورتتى بەتكە الۋعا“ تاباندى بولىپ، ءداۋىر جۇكتەگەن بورىشتى، جاۋاپكەرشىلىكتى ىرىقتىلىقپەن ارقالاپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە جانە جۇڭگو ۇلگىسىندەگى وسىزامانداندىرۋ قۇرىلىسىنا جاڭا دا اناعۇرلىم زور ۇلەس قوسۋىن، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تاعى دا جاڭا ەسە قوسۋىن ءۇمىت ەتەمىن.
ماماندار ەڭ الدىمەن ءتۇرلى فورمالار ارقىلى پارتيا ورتالىق كوميتەتىنىڭ دارىندىلارعا دەگەن ىقىلاستى قامقورلىعىن ماڭايىنداعى قىزمەتتەستەرىنە جانە كاسىپتەستەرىنە جەتكىزىپ، ءتىپتى دە كوپ نەگىزگى ساتى عىلىم - تەحنيكا قىزمەتكەرلەرىنە پارتيا مەن مەملەكەتتىڭ دارىندىلارعا دەگەن قۇرمەتى مەن ءۇمىتىن سەزىندىرىپ، بارلىق ادام دارىندى بولۋدى ارماندايتىن، بارلىق ادام دارىندى بولۋعا قۇلشىناتىن، بارلىق ادام دارىندى بولا الاتىن، بارلىق ادام ءوز دارىنىن ايگىلەي الاتىن تاماشا جاعدايدىڭ قالىپتاسۋىن جەبەدى.
بيىلعى دەمالىس قيمىلىنىڭ نەگىزگى تاقىرىبى − ”جوعارى دەڭگەيدەگى عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە بەل بۋىپ، جۇڭگو ۇلگىسىندەگى وسىزامانداندىرۋدىڭ ۇلى امالياتىنا ات سالىسۋ“.
موزى، ”شىنۋي · تايحۋ جىگۋاڭ“ اسقىن كومپيۋتەرى، ”جەر قىرتىسى ءبىرىنشى ءنومىرلى“ 10 مىڭ مەترلىك بۇرعىلاۋ ماشيناسى... قوناق ءۇي زالىنداعى كورمە سورەسىندەگى سۋرەتى مەن ءسوزى قاتار بەرىلگەن ”عىلىم - تەحنيكا تابىستارى قابىرعاسىن قىسقاشا تانىستىرۋ“ قولدانباسىندا جاڭا داۋىردەگى تىڭ سەرپىلىستىك مانگە يە كەلەلى عىلىم - تەحنيكا جەتىستىكتەرى كورسەتىلگەن. ماماندار ءبىر بەت - ءبىر بەتتەن زەر سالا وقىپ، كوپ اسەرگە يە بولدى.
”پارتيا ورتالىق كوميتەتىنىڭ دارىندىلاردى قاستەرلەۋى، دارىندىلاردى قۇرمەتتەۋى ءبىز عىلىم - تەحنيكا قىزمەتكەرلەرىن باتىلدىقپەن جاۋاپكەرشىلىك ارقالاپ، وتاندى ءسۇيىپ، ۇلەس قوسىپ، عىلىم - تەحنيكانىڭ كەڭدىگى مەن تەرەڭدىگىن قۇلشىنا ارتتىرۋعا شابىتتاندىرادى“، - دەدى جياڭشي ولكەلىك ەلەكترون توبى شەكتى سەرىكتەستىگىنىڭ القا باستىعى ۋ رۇي. قازىرگى تاڭدا ول ۇجىم باستاپ، جوعارى تەمپەراتۋرادا اسقىن وتكىزۋ تەحنيكاسىنان قامال الىپ، جاڭا ەنەرگيا كاسىپ سالاسىندا جاڭا دامۋدى جۇزەگە اسىرۋعا دەم بەرۋدە.
جاڭالىق اشۋدىڭ، جاسامپازدىقتىڭ التىن داۋىرىندە پارتيا مەن مەملەكەتتىڭ سەنىمى مەن ماڭىزدى تاپىسىرماسىن ارقالاعان ماماندار وسى جولعى دەمالىستى ومىرلەرىندەگى ”تالپىنىس بەكەتى“ دەپ ەسەپتەپ، جاڭا جورىقتا ەكپىندەي ىلگەرىلەۋگە زەيىن - زەردە، كۇش - قۋات ۇيىستىردى.
ءبىلىمنىڭ شەگى جوق −
”ءبىلىم ۇشان - تەڭىز، اقيقات جونىندەگى ىزدەنىس ماڭگى توقتامايدى“
ەلەۋلى ەڭبەك ءسىڭىرۋ ءۇشىن، ەرەكشە دارىندىلارعا ارقاۋ سۇيەۋ كەرەك.
بيىل دەمالۋعا كەلگەن مامانداردىڭ اراسىندا، ءبىر ”ەرەكشە“ شوعىردىڭ تۇلعاسى ايرىقشا جارقىرايدى − ولار ”رەسپۋبليكا وردەنىنىڭ“ يەگەرى جۇڭ نانشان جانە ”حالىق قاھارمانى“ مەملەكەتتىك داڭق اتاعىنىڭ يەگەرلەرى جاڭ بولي، جاڭ ديڭيۇي، چىن ۋي.
اق حالاتتان ساۋىت كيىپ، شەكسىز سۇيسىپەنشىلىك ارنادى. ولار مەديتسينا سالاسىنداعى كوش باستاۋشىلار، عىلىم رۋحىنىڭ امالياتتا ايگىلەۋشىلەرى.
”مەديتسينا قىزمەتكەرى ءمورال جاعىنان، ماماندىق جاعىنان بىردەي جەتىلۋ قاجەت، ياعني، ءومىر بويى ءوزىن ارناۋى، ءومىر بويى ۇيرەنۋى كەرەك“. جاسى 70تەن اسسا دا ءالى دە جوعارى كۇشەمەلىلىكپەن قىزمەت ىستەپ كەلە جاتقان جۇڭگو ينجەنەريالىق عىلىمدار اكادەمياسىنىڭ اكادەميگى، جۇڭي شيپاگەرلىگىنىڭ عۇلاماسى جاڭ بولي بىلاي دەپ قارادى: وزگەلەردىڭ ارتىقشىلىعىن وزىمىزگە پايدالانا ءبىلۋىمىز، باتىلدىقپەن امالياتتا ايگىلەپ، قورىتىندى جاساۋعا، دەڭگەيىمىزدى جوعارىلاتۋعا، دارەجەمىزدى كوتەرۋگە شەبەر بولۋىمىز كەرەك.
جاڭ بولي جۇڭي شيپاگەرلىگىن، جۇڭي دارىگەرلىگىن ۇيرەنۋ جولىن ”اسقاق جىگەر“ دەگەن سوزگە جيناقتادى: ”ءبىر جاعىنان، ۇزبەي جارىققا شىعىپ جاتقان جاڭا ۇستانىم، جاڭا تەحنيكادان ءنار الىپ، ەندى ءبىر جاعىنان، ’ەكى ۇشتاستىرۋعا‘ تاباندى بولىپ، جۇڭحۋانىڭ قۇندى ءداستۇرلى مادەنيەتىنە تامىر تارتىپ، جۇڭي شيپاگەرلىگى بويىنشا وي جۇگىرتۋدى جەتىلدىرىپ، مادەنيەت سەنىمىن تەرەڭ تامىر جايدىرۋ كەرەك“.
اۋىس - كۇيىس جاساۋ ماجىلىسىندە، ماماندار وزدەرىنىڭ ءتول كەشىرمەلەرىمەن ۇشتاستىرىپ، اسەرلەرىن ايتىپ، تاجىريبەلەرىن اڭگىمەلەدى، دۇرىس تۇسىنىك - ۇعىمدار تالماۋ جەردى ءداپ باسىپ تاپتى.
”ءبىز ’القىمنان قىستى‘ دەيمىز، كوبىندە ’القىمدايتىنى‘ نەگىزدىك تەحنيكا مەن تەحنولوگيا. جاقسى تەحنيكانى يگەرۋ قاشاندا ۇزاق ۋاقىت قوردالانۋدى قاجەت ەتەدى، سالعان جەردەن جەڭىسكە جەتە سالۋعا كەلمەيدى، ۇزاق ۋاقىتتىق جاڭالانۋ ءۇردىسىن باسىپ وتكەندە عانا، تىڭ سەرپىلىستى ىسكە اسىرۋعا بولادى“. جۇڭگو ينفورماتسيا، حابار - بايلانىس زەرتتەۋ مەكەمەسىنىڭ باستىعى يۇي شياۋحۇي مىنانى ءبىلدىردى: عىلمي زەرتتەۋ قىزمەتكەرلەرى باستان - اياق ۇيرەنۋ ىنتاسىن ساقتاۋى، نىق قاداممەن نەگىزدىك بۇعاۋدى تالقانداپ، ەسكەرۋسىز قالعاندا قايسارلىق پەن قاجىرلىلىق تانىتىپ، ”كوپ جىلدىق قۇلشىنىستان“ جالىقپاۋ كەرەك.
باسقا مامانداردىڭ ءسوزىن تىڭداعاننان كەيىن، جۇڭگو عىلىم اكادەمياسى تاياۋ زامان فيزيكاسىن زەرتتەۋ ورنى پارتكومىنىڭ شۋجيى، ورىنباسار باستىعى، جۇڭگو عىلىم اكادەمياسىنىڭ اكادەميگى جاۋ حۇڭۋي قولىنا قالامىن الىپ شاپشاڭ ەستەلىككە الىپ، جاقسى كوزقاراستاردى ءبىر - بىرلەپ داپتەرىنە قوندىرىپ وتىردى. ونىڭ پىكىرىنشە، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ ءۇشىن، كوز ايا كەڭ بولۋ، حالىقارالىق باسەكەگە ىرىقتىلىقپەن سايكەسۋ، عۇمىر بويى ۇيرەنۋگە قۇلىقتى بەساسپاپ دارىندى بولۋ كەرەك.
تابىس قاجىرلى ەڭبەكتەن كەلەدى، قاجىرلى ادام تارشىلىق كورمەيدى.
”باستان - اياق تىنباي تالپىنۋ كوڭىل كۇيىن، كۇرەس جۇرگىزۋ رۋحىن ساقتاۋ كەرەك“. تولىق كۋرس تاۋىسقاننان بەرى، شىحىزى داشۋەسى ماشينا ەلەكتر ينجەنەريا شۋەيۋانىنىڭ اعا زەرتتەۋشىسى، اۋىل شارۋاشىلىعى، اۋىل - قىستاق مينيسترلىگى باتىس سولتۇستىك اۋىل شارۋاشىلىعى جابدىقتارى ءتۇيىندى تاجىريبەحاناسىنىڭ ورىنباسار مەڭگەرۋشىسى ۋىن حاۋجۇن اۋىل شارۋاشىلىعى ماشينا ونىمدەرىن زەرتتەۋ - اشۋ جانە تەحنيكا جالپىلاستىرۋ قىزمەتىمەن اينالىسىپ كەلەدى. ”ءبىر ءىستى تاڭداپ، سونىمەن ءومىر بويى اينالىسۋ كەرەك، ءوز باسىم وسى ءىستى شىن مانىندە جاقىس ىستەي السام، ءومىرىم تەككە كەتپەيدى“، - دەدى جانارى وتتاي جانعان ۋىن حاۋجۇن شىن پەيىلىمەن.
زەيىن سالماعانداردىڭ دۇرىس پەن بۇرىستى پارىقتايتىن پاراساتى بولمايدى؛ قاجىرلىلىقپەن ىستەگەنمەن بار زەيىنىن سالماسا، كورنەكتى ناتيجە جاراتا المايدى.
تەڭىز جاعاسىندا، اۋلادا، شاي بولمەسىندە، داستارقان باسىندا قىزۋ تالقى بارىسىندا اقىل - پاراساتتىڭ ۇشقىنى لاۋلاپ، رۋحاني ۇلى كۇش تاسقىندادى.
شالقار تەڭىزگە تىكە تارتتى −
”جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءبىز، ءسوز جوق، ۇلى ىستەر تىندىرا الامىز“
شانحايگۋان قامالى، اسپان استىنداعى ءبىرىنشى قامال.
قامالعا شىعىپ، كوك تەڭىز بەن الىس كوكجيەككە كوز جىبەردى. مامانداردىڭ كوڭىلدەرى تولقىپ، قايراتتارى تاسقىندادى.
”پارتيانىڭ 20 - قۇرىلتايى وقۋ - اعارتۋ، عىلىم - تەحنيكا، دارىندى سياقتىلار جونىندە ءبىر قىدىرۋ كەلەلى ورنالاستىرۋلار جاساپ، بىزگە جاڭا باعدار بەلگىلەدى. ءبىز جۇيە كوزقاراسىنا تاباندى بولىپ، ماسەلەنى بايقاۋ جانە ماسەلەنى شەشۋ قابىلەتىمىزدى ۇزدىكسىز جوعارىلاتىپ، ديسسەرتاتسيانى وتانىمىزدىڭ بايتاق دالاسىندا جازىپ، عىلىم - تەحنيكا جەتىستىكتەرىن سوتسياليستىك وسىزامانداندىرۋدى جۇزەگە اسىرۋ ۇلى ىسىندە قولدانۋىمىز كەرەك“، - دەدى بەيجيڭ داشۋەسىنىڭ ۇنەمىلىك ىستەرگە جاۋاپتى ورىنباسار مەكتەپ باستىعى، جۇڭگو ينجەنەريالىق عىلىمدار اكادەمياسىنىڭ اكادەميگى چياۋ جيە.
دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋ، ەكونوميكانىڭ نەگىزگى شايقاس مايدانىن بەتكە الۋ، مەملەكەتتىڭ ماڭىزدى قاجەتىن بەتكە الۋ، حالىقتىڭ ءومىر سالاماتتىعىن بەتكە الۋ كەرەك − بۇل باس شۋجي شي جينپيڭنىڭ قالىڭ عالىمدارعا جانە عىلىم - تەحنيكا قىزمەتكەرلەرىنە قويعان ايقىن تالابى ءارى مامانداردىڭ نەشە كۇننەن بەرى ىشكەرىلەي تالقىلاعان تاقىرىبى.
”ءجۇز جىلدا بولماعان ۇلكەن وزگەرىس الدىندا، الدىمەن نازاردى مەملەكەتتىڭ كەلەلى ستىراتەگيالىق قاجەتىنە شوعىرلاندىرىپ، حالىقارادا الدا جۇرەتىن ءتول جاسامپاز قىزمەتتى قۇلشىنا جۇرگىزىپ، مەملەكەت ءۇشىن قىزمەت وتەۋ كەرەك“. جۇڭگو عىلىم اكادەمياسى اۆتوماتتاندىرۋدى زەرتتەۋ ورنى كوپ ۇلگىدەگى جاساندى زەردە جۇيەسى مەملەكەتتىك ءتۇيىندى تاجىريبەحاناسىنىڭ مەڭگەرۋشىسى، جۇڭگو عىلىم اكادەمياسىنىڭ اكادەميگى چياۋ حۇڭ مىنانى ءبىلدىردى: قامالدى تالقانداپ، الدىڭعى لەكتەگى زەرتتەۋدى، عىلىم - تەحنيكادا قامال الۋدى، قولدانۋ - تياناقتانۋدى ءونىمدى توعىستىرىپ، جۇڭگو ۇلگىسىندەگى وسىزامانداندىرۋدى ءتىپتى دە جاقسى ىلگەرىلەتۋ كەرەك.
مەملەكەتتىك تاجىريبەحانا، مەملەكەتتىك عىلمي زەرتتەۋ قۇرىلىمى، جوعارى دەڭگەيدەگى زەرتتەۋ سيپاتىنداعى داشۋە، عىلىم - تەحنيكادا كوشباسشى كاسىپورىندار − مەملەكەتتىڭ ستراتەگيالىق عىلىم - تەحنيكا كۇشتەرىنىڭ ماڭىزدى قۇرامداس بولىگى. شىجياجۋاڭ تەمىر جول داشۋەسى مەملەكەتتىك ءتۇيىندى تاجىريبەحاناسىنىڭ مەڭگەرۋشىسى ياڭ شاۋپۋ بىلاي دەپ قارادى: تاڭداۋلى عىلىم - تەحنيكا كوشباسشى دارىندىلارىن جانە جاڭالىق اشۋ توپتارىن جەتىلدىرىپ، مەملەكەتتىك كوماندانىڭ رولىن ونان ارى ساۋلەلەندىرىپ، ءوندىرىستى، وقىتۋدى، زەرتتەۋدى سايكەستىرە قامال الىپ، مەملەكەتتىڭ جاڭالىق اشۋ جۇيەسىنىڭ تۇلعالىق ونىمدىلىگىن جوعارىلاتۋ كەرەك.
ءتۇزىلىس ىركىلىسسىز، مەحانيزم يكەمدى بولسا، دارىندىلار توپتالىپ، ىستەر ىلگەرى باسادى. ءبىرتالاي ماماندار قازىر دارىندىلاردىڭ ”قالپاق“ سانى ازايىپ، قۇنى ارتىپ بارا جاتقاندىعىن، ”ديسسەرتاتسياعا قاراۋ، كاسىپتىك اتاققا قاراۋ، وقۋ تاريحىنا قاراۋ، سيلىققا قاراۋ“ سىندى ”تورتكە قاراۋ“ جايتىن تالقانداۋ كوزقاراسىنىڭ جۇرت جۇرەگىنەن تەرەڭ ورىن الا باستاعاندىعىن تىلگە تيەك ەتتى. ”ناقتى ونىمدىلىككە، ناقتى ناتيجەگە ءتىپتى دە باسا ءمان بەرىپ، دارىندىلاردى باۋلۋدى قولداۋ مەحانيزمىن ونان ارى كەمەلدەندىرىپ، دارىندىلاردى جاڭالىق اشۋ ارقىلى دامۋعا دەم بەرۋدىڭ جالىندى كۇشىن جەتىلدىرەتىن قاينار بۇلاق ەتىپ شىن مانىندە باۋلۋ كەرەك“، - دەدى ىشكى موڭعۇل داشۋەسىنىڭ باستىعى ۋ ليمين.
دارقان، اشىق پەيىلمەن الىس - جاقىندى باۋراعاندا، اقىل - پاراسات، زەيىن - زەردەنى تولىق تاسقىنداتۋعا بولادى؛ جاپپاي اتويلاپ العا ىلگەرىلەپ باسەكەلەسكەندە، سان الۋان دارىندىلار توپتالادى.
وسى ساتتە، تولقىن اتقان كوگىلدىر تەڭىزدە ماماندار ەمىن - ەركىن ءجۇزىپ، كوڭىلدەرى شالقىدى.
ۇلتتىڭ گۇلدەنۋىنىڭ شۇعىلالى جاعاسىن بەتكە العان، اساۋ تولقىندا قاسقايا تۇرعان ەرجۇرەك، العاباسار جاڭا ءداۋىر ادامدارى تولقىن جارىپ ۇدەرە العا تارتۋدا.
(شينحۋا اگەنتتىگىنىڭ 8 - ايدىڭ 8 - كۇنى بەيدايحىدان بەرگەن حابارى)
