«2023 - جىلعى اۆتونوميالى رايوننىڭ اۋىل شارۋاشىلىعى عىلىم - تەحنيكاسىن وسىزامانداندىرۋدى الدىمەن جۇرگىزەتىن اۋدانداردىڭ بىرگە قۇرۋ نىسانىن اتقارۋ جوباسى» شىعارىلدى
اۋىل شارۋاشىلىعى عىلىم - تەحنيكاسىنان ۇلگى كورسەتۋ بازاسىن بىرگە قۇرۋعا 10 ميلليون يۋان بولىنەدى
□ انار بۇلت \ شينجياڭ گازەتىنىڭ ءتىلشىسى حى جياڭ
تاياۋدا «2023 - جىلعى اۆتونوميالى رايوننىڭ اۋىل شارۋاشىلىعى عىلىم - تەحنيكاسىن وسىزامانداندىرۋدى الدىمەن جۇرگىزەتىن اۋدانداردىڭ بىرگە قۇرۋ نىسانىن اتقارۋ جوباسى» (تومەندە قىسقارتىلىپ «جوبا» دەلىنەدى) جاريالاندى. رايونىمىز بەلگىلى كاسىپ سالاسى نەگىزى بار، كورنەكتى وڭىرلىك ورىن باسىمدىعىنا يە، بىرگە قۇرۋ نيەتى بولعان اۋدان - قالالاردى وسى قىزمەتتى الدىمەن ورىستەتۋگە تاڭداپ، ءبىر توپ اۋىل شارۋاشىلىعى عىلىم - تەحنيكاسىنان ۇلگى كورسەتۋ، ايگىلەۋ بازاسىن، زەردەلى اۋىل شارۋاشىلىعىنان ۇلگى كورسەتۋ بازاسىن قۇرىپ، بۇكىل رايوننىڭ اۋىل شارۋاشىلىعى عىلىم - تەحنيكاسىن وسىزامانداندىرۋدى ىلگەرىلەتۋ ءۇشىن كوشىرۋگە، جالپىلاستىرۋعا كەلەتىن تاجىريبە ازىرلەيدى.
«جوبادا» ” 8 ءبىر“ بىرگە قۇرۋ مىندەتى ايقىندالدى. مىنالار قامتىلادى: الدىمەن جۇرگىزەتىن اۋدانداردىڭ بىرگە قۇرۋ جوباسىن جاساپ، تىرەك بولاتىن ءبىر ۇلگىگە ىزدەنىس جاساۋ. عىلىم - تەحنيكاداعى ولقىلىقتاردان قامال الۋدى ورىستەتىپ، ءبىر توپ تەحنيكالىق قيىن ماسەلەنى شەشۋ. مامانداردى تۇيىندەردە تۇرىپ قىزمەت وتەۋگە ۇيىمداستىرىپ، ءبىر توپ ايگىلەۋ بازاسىن قۇرۋ. سيفر، ينفورماتسيا ارقىلى جەتەكتەۋگە ىزدەنىس جاساپ، زەردەلى اۋىل شارۋاشىلىعى سىناق اۋماقتارىن قۇرۋ، ت.ب.
باعىتتامالى تەحنيكالىق ورىندار الدىمەن جۇرگىزەتىن اۋدانداردىڭ جەتەكشى كاسىپ سالاسىنىڭ قاجەتى مەن شەشۋشى تەحنيكانىڭ قيىن تۇيىندەرىنە مەڭزەس، الدىمەن جۇرگىزەتىن اۋدانداردىڭ اۋىل شارۋاشىلىق وندىرىسىنە، باسەكەلىك قۋاتىن جوعارىلاتۋىنا تۇساۋ بولاتىن شەشۋشى ورتاقتىققا يە تەحنيكالىق قيىن ماسەلەلەردى شەشۋى كەرەك. الدىمەن جۇرگىزەتىن اۋداندار باعىتتامالى تەحنيكالىق ورىندارعا سۇيەنىپ، وسى زامانعى اۋىل شارۋاشىلىعىندا جاڭالىق اشۋ بازاسىن، زەردەلى اۋىل شارۋاشىلىعى وزەكتى اۋماعىن قۇرىپ، زەردەلى اۋىل شارۋاشىلىعىنىڭ الدىڭعى لەكتەگى تەحنيكاسىنان، جابدىقتارىنان، باسقارۋ ۇلگىسىنەن ۇلگى كورسەتۋى، ايگىلەۋى كەرەك. الدىمەن جۇرگىزەتىن اۋداندار باعىتتامالى تەحنيكالىق ورىندارعا سۇيەنىپ، ءبىر توپ عىلمي زەرتتەۋ مەكتەپتەرىنىڭ بولىمشە، تارماق قۇرىلىمدارىن جەدەل قۇرىپ، جاڭالىق اشۋ ورتالىعى، جەتىستىكتەردى كادەگە جاراتۋ ورتالىعى، ءوندىرۋ، وقىتۋ، زەرتتەۋ بىرلەستىگى جانە كاسىپ سالالارىن جەتىلدىرگىش سياقتى قىزمەت وتەۋ تۇعىرلارىمەن بىرلەسىپ، ماماندار ۇجىمىنىڭ عىلىم - تەحنيكالىق جەتىستىكتەرىن اۋدان اۋماعىنا توپتاپ، تيجارات تۇلعالارىنا باعىتتاپ، ينتەرنەت جەلىسىندە جانە جەلىدەن تىس تەحنيكالىق وتكەرمەلەۋ جانە قىزمەت وتەۋ ورىستەتۋى، سونداي - اق زەرتتەۋ - اشۋ سەلبەستىگى، تەحنيكانى وتكەرمەلەۋ، تەحنيكالىق رۇقسات ەتۋ، قۇندى قارجى ەتىپ قوسۋ، تەحنيكالىق جارناعا قوسۋ، تەحنيكالىق قىزمەت وتەۋ سياقتى كوپتەگەن ويىستىرۋ ادىستەرى ارقىلى وزىق، قولدانبالى تەحنيكالاردىڭ الدىمەن جۇرگىزەتىن اۋدانداردا جاپپاي قامتىلۋ كولەمىن، تياناقتانۋ مولشەرىن جوعارىلاتۋ كەرەك. الدىمەن جۇرگىزەتىن اۋداندار باعىتتامالى تەحنيكالىق ورىنداردىڭ جاڭا تەحنيكانى، جاڭا ۇلگىنى، جاڭا سورتتى، جاڭا ماشينا - اسپاپتاردى جالپىلاستىرۋدى، قولدانۋدى جەدەلدەتۋىنە سۇيەنىپ، ءتۇيىندى تۇردە سۇيەمەلدەيتىن جاڭاشا تيجارات تۇلعالارىن تۇراقتاندىرىپ، ەكولوگيالىق اۋىل شارۋاشىلىعى، تاپسىرىستىق اۋىل شارۋاشىلىعى، تاپقىرلىق اۋىل شارۋاشىلىعى، سالاماتتىق كۇتىنۋ اۋىل شارۋاشىلىعى، تىنىعۋ اۋىل شارۋاشىلىعى جانە اۋىل - قىستاق ەلەكتروندى ساۋداسى سياقتى جاڭادان گۇلدەنگەن كاسىپ كۇيلەرىن دامىتۋعا قولداۋ كورسەتۋى كەرەك.
نىسان قارجىسىنىڭ جالپى جيىنتىعى 10 ميلليون يۋان. ناقتى اتقارۋ جاعىندا «جوبادا» مىنالار ايقىندالدى: بىرگە قۇرۋ جوسپارى، ساپالى تۇلعالىق جەتەكتەۋ، ارناۋلى ۇجىمدىق ىلگەرىلەتۋ، ماماندار ۇجىمىنىڭ بىرلەسىپ تىرەك بولۋى، باعالاۋ، جىگەرلەندىرۋ مەحانيزمى بولۋ كەرەك.
«جوبادا» مىنالار تالاپ ەتىلدى: نازاردى استىق حاۋىپسىزدىگى مەن ماڭىزدى اۋىل شارۋاشىلىق ونىمدەرىمەن ءونىمدى قامداۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ سياقتى ءتۇيىندى مازمۇندارعا شوعىرلاندىرىپ، نازاردى اۋىل - قىستاق ورتاسىن وڭاۋ مەن اۋىل شارۋاشىلىعىنىڭ، اۋىل - قىستاقتىڭ جاسىل ءوندىرىس، تۇرمىس ءتاسىلىن قالىپتاستىرۋدىڭ تەحنيكالىق قاجەتىنە شوعىرلاندىرىپ، اۋىل - قىستاقتا بيولوگيالىق نەگىزدى ەنەرگيانى اشىپ پايدالانۋدى، مال، ءۇي قۇسى كوڭ - قوقىرلارىن بايلىققا اينالدىرىپ پايدالانۋ مولشەرىن، ساباندى جالپىلاي پايدالانۋ مولشەرىن جانە اۋىل شارۋاشىلىعى جارعاقتارىن جيناپ الۋ مولشەرىن ونان ارى جوعارىلاتۋدى ىلگەرىلەتىپ، اۋىل - قىستاق عىلىم - تەحنيكا دارىندىلارىنىڭ سالىستىرماسىن كورنەكتى جوعارىلاتۋ كەرەك.
«جوبادا» مىنالار العا قويىلدى: اۋىل شارۋاشىلىعى عىلىم - تەحنيكاسىن دامىتۋ نىساناسى، دامىتۋ جولى جانە ءتۇيىندى دامىتۋ بەتالىسى، كاسىپ سالاسى دارىندىلار قوسىنىن ۇزاق ۋاقىت باۋلۋ جوسپارى سياقتى مازمۇنداردى ايقىنداپ، الدىمەن جۇرگىزەتىن اۋدانداردىڭ اۋىل شارۋاشىلىعى عىلىم - تەحنيكاسىنداعى ۇلەس قوسۋ مولشەرىن جاپپاي جوعارىلاتۋ كەرەك. ءبىر توپ كولەمدەنگەن، وزەكتى، جەتەكشى كاسىپورىندى ەنگىزىپ، جەتىلدىرىپ، عىلىم - تەحنيكالىق قۇرامى جوعارى، ايگىلەۋ ونىمدىلىگى جاقسى، جەتەكتەۋ قۋاتى كۇشتى ءبىر توپ كاسىپ سالاسى بازاسىن قۇرىپ، ءبىر توپ تۇراقتاپ تۇرا الاتىن، جۇمىسقا جارامدى باسقارۋ كادرلارى قوسىنىن، عىلىم - تەحنيكالىق دارىندىلار قوسىنىن جانە تەحنيكادان حابارلى، تيجاراتقا شەبەر، باسقارۋدى بىلەتىن جوعارى ساپالى شارۋالار قاۋىمىن جەتىلدىرۋ كەرەك.
شاعىن ەسكەرتۋ
اۋىل شارۋاشىلىعى عىلىم - تەحنيكاسىن وسىزامانداندىرۋدى الدىمەن جۇرگىزەتىن اۋدانداردىڭ بىرگە قۇرۋ نىساندارى مىناداي جۇمىس ءبولىستى:
” اۆتونوميالى رايون ءبىر تۇتاس جوسپارلاۋ، ايماق، وبلىس جاۋاپتى بولۋ، اۋدان - قالا تياناقتاندىرۋ، بىرگە قۇرۋ ارقىلى تىرەك بولۋ“ سىندى قىزمەت مەحانيزمىنە تاباندى بولۋ كەرەك.
اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى الدىمەن جۇرگىزەتىن اۋدانداردىڭ بىرگە قۇرۋ قىزمەتىن ءبىر تۇتاس جوسپارلاپ، ۇيىمداستىرىپ، سايكەستىرىپ، جەتەكشىلىك ەتىپ، ءارقايسى جاقتاردىڭ كۇش - قۋاتىن توپتاپ، بىرگە قۇرۋ قىزمەتىن كۇشەيتۋگە جاۋاپتى بولادى.
ايماق، وبلىستاردىڭ اۋىل شارۋاشىلىعى، اۋىل - قىستاق مەكەمەلەرى كۇش - قۋاتتى ءبىر تۇتاس جوسپارلاپ، الدىمەن جۇرگىزەتىن اۋدانداردى قۇرۋدى سايكەستىرۋدى كۇشەيتىپ، اۋىل شارۋاشىلىعى نىساندارىن الدىمەن جۇرگىزەتىن اۋداندارعا بەيىمدەۋگە، قارجىنى الدىمەن جۇرگىزەتىن اۋدانعا قوسۋعا، دارىندىلاردى الدىمەن جۇرگىزەتىن اۋداندارعا توپتاۋعا ۇيلەستىرىپ، قۇرۋدى يگەرۋدىڭ، بىرگە قۇرۋدى جەبەۋدىڭ بىرىككەن كۇشىن قالىپتاستىرادى.
تەحنيكالىق تىرەك ورىندارى ارناۋلى ۇجىم قۇرۋ ارقىلى جاۋاپكەرشىلىكتى تياناقتاندىرىپ، جۇمىس ءبولىسى بويىنشا جاۋاپتى بولىپ، نىسان، دارىندى بايلىعىن بىرىكتىرىپ، تەحنيكالىق كۇشتەردىڭ رولىن ساۋلەلەندىرىپ، بەلگىلەنگەن مەرزىم ىشىندە بىرگە قۇرۋدى الدىمەن جۇرگىزەتىن اۋداندى دامىتۋدى ويداعىداي ىستەيدى.
