جارمەڭكەگە قاتىناساتىن ءىرى كاسىپورىنداردىڭ، ايگىلى كاسىپورىنداردىڭ سانى بۇرىنعى ءار كەزەكتەگىدەن كوپ بولدى
انار بۇلت \ شينجياڭ گازەتىنىڭ ءتىلشىسى گاۋ فىڭ 8 - ايدىڭ 12 - كۇنى ۇرىمجىدەن حابارلايدى. 8 - ايدىڭ 12 - كۇنى وتكىزىلگەن 2023 - جىلعى (جۇڭگو) ازيا − ەۆروپا تاۋار ساۋدا جارمەڭكەسى اقپار جاريالاۋ ماجىلىسىنەن ۇعىسۋىمىزشا، ”جىبەك جولى رۋحىن ساۋلەلەندىرىپ، ازيا − ەۆروپا سەلبەستىگىن تەرەڭدەتۋدى“ نەگىزگى تاقىرىپ ەتكەن 2023 - جىلعى (جۇڭگو) ازيا − ەۆروپا تاۋار ساۋدا جارمەڭكەسى 8 - ايدىڭ 17 - كۇنىنەن 21 - كۇنىنە دەيىن ۇرىمجىدە وتكىزىلەدى، قازاقستان، قىرعىزستان سياقتى 40 مەملەكەت جانە رايون، 7 حالىقارالىق ۇيىم جارمەڭكەگە قاتىناسادى، سول كەزدە، اشىلۋ سالتى جانە تيانشان تالقى مىنبەرى، جىبەك جولى ساۋدا - ونەركاسىپتى دامىتۋ بۇكپەسىز اڭگىمە ءماجىلىسى، ورتا ازيا زاڭدىق قىزمەت وتەۋ تالقى مىنبەرى، ورتا ازيا ءوڭىرى ەكونوميكالىق سەلبەستىك اقىلماندار قويماسىن دامىتۋ تالقى مىنبەرى جانە 33 مايدان ساۋدا، قارجى قوسۋدى جەبەۋ قيمىلى وتكىزىلەدى ەكەن.
2023 -جىلعى (جۇڭگو) ازيا − ەۆروپا تاۋار ساۋدا جارمەڭكەسىن ۇيىمداستىرۋ كوميسسياسىنىڭ ۇنەمىلىك ىستەرگە جاۋاپتى ورىنباسار باس حاتشىسى، شينجياڭ حالىقارالىق جارمەڭكە ىستەرى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى جۋ حىشياڭ بىلاي دەپ تانىستىردى: وسى كەزەكتى تاۋار جارمەڭكەسىندەگى كورمە كولەمى 70 مىڭ شارشى مەتر بولىپ، بۇرىنعى ءار كەزەكتى تاۋار جارمەڭكەلەرىنىڭ ىشىندەگى كولەمى ەڭ ۇلكەن ءبىر كەزەگى، قازىر ساۋداگەر شاقىرۋ، كورمەگە ۇيىمداستىرۋ قىزمەتى بۇكىلدەي اياقتادى. كورمەگە قاتىناسقان كاسىپورىن جيىنى 1300دەن استى، مۇندا دۇنيە جۇزىندەگى 500 ەگەي كاسىپورىننان 25ى، جۇڭگوداعى 500 ەگەي كاسىپورىننان جەتەۋى، كاسىپ سالاسىنداعى باستاماشى كاسىپورىننان 117سى كورمەگە، جارمەڭكەگە قاتىناسادى، كورمەگە، جارمەڭكەگە قاتىناسقان ءىرى كاسىپورىندار، تانىمالى كاسىپورىندار سانى بۇرىنعى ءار كەزەكتەگىدەن دە كوپ بولدى. بۇكىل سارايداعى ەرەكشە جابدىقتالعان كورمە ورنىنىڭ سالىستىرماسى ％62كە جەتىپ، بۇرىنعى كەزەكتەردەگى تاۋار جارمەڭكەسىندەگىلەردەن جوعارى بولدى.
وسى كەزەكتى تاۋار جارمەڭكەسى تۇڭعىش رەت قارجى قوسۋ سەلبەستىك كورمە اۋماعىن قۇردى، بەيجيڭ، شانشي سياقتى 6 ولكە، رايون، قالا، بيڭتۋان جانە اۆتونوميالى رايونداعى 14 ايماق، وبلىس، قالا كاسىپ سالاسىنىڭ دامۋ جەتىستىكتەرىن جانە ساۋداگەر شاقىرىپ، قارجى ەنگىزۋ ساياساتىن، سونداي - اق باسىمدىعىن شوعىرلى تۇردە ۇگىتتەيدى، تانىستىرادى.
ساۋدانى، قارجى قوسۋدى جەبەۋ قيمىلى وسى كەزەكتى تاۋار جارمەڭكەسىندەگى نەگىزگى ءتۇيىن ەتىلىپ، ءتۇرلى تانىستىرۋ، كورمەگە قويۋ، كاسىپ سالاسىن ۇشتاستىرۋ، قامداۋ مەن قاجەتسىنۋدى ءتۇيىلىستىرۋ سياقتى ەل ءىشى - سىرتى قيمىلىنان 33 رەت وتكىزىلەدى، بۇل ءار كەزەكتى تاۋار جارمەڭكەسىنىڭ ىشىندەگى سانى ەڭ كوبى. شينجياڭنىڭ توقىماشىلىق، كيىم - كەشەك كاسىپ سالاسىنىڭ دامۋىن جەبەۋ ءۇشىن، تاۋار جارمەڭكەسى توقىماشىلىق، كيىم - كەشەك كاسىپ سالاسى كورمە اۋماعىن، مەملەكەتتىك ماقتا كاسىپ سالاسى ارناۋلى اۋماعىن قۇرىپ، بۇكىل ەلدەگى توقىماشىلىق، كيىم - كەشەك كاسىپورىندارىن، ساتىپ الۋشى ساۋداگەرلەردى توقىماشىلىق، كيىم - كەشەك جيناۋ - ساتۋ ارناۋلى قيمىلىنا قاتىناسۋعا ۇيىمداستىرادى، سونىمەن بىرگە شينجياڭنىڭ توقىماشىلىق، كيىم - كەشەك كاسىبىن جوعارى ساپالى دامىتۋ جينالىسى وتكىزىلەدى. تاۋار جارمەڭكەسى جۇلگەسىندەگى ازيا − ەۆروپا كيىم - كەشەك اپتالىعى قيمىلى ايگىلى كيىم - كەشەك جوبالاۋشىلارىنىڭ تۋىندىلارىن بىرلەسىپ جاريالاۋ، ايگىلى ماركالى كيىم - كەشەكتەردى ارناۋلى جاريالاۋ جينالىسى، جوعارى مەكتەپ وقۋشىلارى سانگەرلەر جارىسى سياقتىلاردى وتكىزەدى.
وسى كەزەكتى تاۋار جارمەڭكەسىمەن ءبىر ۋاقىتتا ”جالپى حالىق تاۋار جارمەڭكەسىندە باس قوسىپ، جاڭا تۇرمىستان يگىلىكتەنۋ“ نەگىزگى تاقىرىبىنداعى تيانشان حالىقارالىق تۇتىنۋ مەرەكەسى وتكىزىلەدى، ”ساحنا قيمىلىن“، ”كورمە تۇعىرى قيمىلىن“ جانە بۇكىل قالا بويىنشا بىرلەسىپ ارەكەتتەنۋ قيمىلىنان 50 نەشە رەت وتكىزۋدى ورنالاستىرىپ، ءبىر قىدىرۋ تۇتىنۋدى جەبەۋ قيمىلدارىن ورىستەتىپ، كوپ تۇيىندە تەگىس اتتانىسقا كەلەتىن، جالپى حالىق ات سالىساتىن دۋماندى كورىنىس قالىپتاستىرادى.
