چۇڭچيڭ حالىقارالىق زات اينالىمى تورابى باقشا رايونى:
چۇڭچيڭ − شينجياڭ − ەۆروپا پويەزى وسى ارادان شينجياڭ شەكارا وتكەلىنە اتتانادى
انار بۇلت \ شينجياڭ گازەتىنىڭ تىلشىلەرى چىن چياڭۋي، لۋ فىڭباۋ
8 - ايدىڭ 11 - كۇنى تاڭ ءسارى، چۇڭچيڭ حالىقارالىق زات اينالىمى تورابى باقشا رايونىنا كىرمەي جاتىپ، جولداعى كونتەينەر جۇك اۆتوكولىكتەرى كوبەيە ءتۇستى. ءبىز وتىرعان كولىكتىڭ جۇرگىزۋشىسى وسى كونتەينەر جۇك اۆتوكولىكتەرىنىڭ ءبارى چۇڭچيڭ حالىقارالىق زات اينالىمى تورابى باقشا رايونىنا باراتىندىعىن ايتتى.
چۇڭچيڭ حالىقارالىق زات اينالىمى تورابى باقشا رايونىنىڭ جوبالانعان جەر اۋدانى 5. 35 شارشى كيلومەتر، كەڭەيتىپ سالىناتىن جەر اۋدانى 5. 40 شارشى كيلومەتر، چۇڭچيڭدەگى ”شارتاراپقا تاراعان“ ارنا جۇلگەسىنىڭ ورتالىعى، جۇڭگو − ەۆروپا كەزەكشى پويەزدەرىنىڭ، باتىس بولىكتەگى قۇرلىق - تەڭىز جاڭا ارناسىنىڭ ىرگەسى قالانعان جەر جانە باستالعان بەكەتى، سونداي - اق چۇڭچيڭ تەمىر جول شەكارا وتكەلى، چۇڭچيڭ تەمىر جول قورعامالى باجى زات اينالىمى ورتالىعى تۇرعان جەر، قۇرلىقتىق پورت ۇلگىسىندەگى مەملەكەتتىك زات اينالىمى تورابى، مەملەكەتتىڭ تىرەكتى سۋىق تىزبەكتى زات اينالىمى بازاسى.
وسى ايتۋلى اتاقتاردى تىلشىلەر چۇڭچيڭ حالىقارالىق زات اينالىمى تورابى باقشا رايونىنداعى ءنول جەر بەلگىسى الاڭىنداعى الىپ ”0“ ءمۇسىنىن كورگەندە، ءتىپتى دە شىنايى سەزىنگەندەي بولدى. بۇل مۇسىندە جۇڭگو − ەۆروپا كەزەكشى پويەزدەرىنىڭ (چۇڭچيڭ − شينجياڭ − ەۆروپا)، باتىس بولىك قۇرلىق - تەڭىز جاڭا ارناسىنىڭ تانىستىرۋى جانە جول كارتاسى بار.
بۇلاردىڭ قاتارىندا ءۇرىمجى، الاتاۋ ساعاسى، قورعاس سياقتى وزىمىزگە تانىس شينجياڭ قالالارىنىڭ اتى تۇگەل بار، ولار جۇڭگو − ەۆروپا كەزەكشى پويەزى (چۇڭچيڭ − شينجياڭ − ەۆروپا) ارقىلى بىرنەشە مىڭ كيلومەتر شالعايداعى چۇڭچيڭمەن تۇتاسقان. ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعان 10 جىلدان بەرى ”جۇڭگو جاساعان“ اناعۇرلىم كوپ ءونىم وسى ارادان اتتانىپ، شينجياڭ شەكارا وتكەلىن باسىپ ءوتىپ، مەملەكەت قاقپاسىنان شىقتى.
چۇڭچيڭ حالىقارالىق زات اينالىمى تورابى باقشا رايونىندا، كەلىپ - كەتىپ جاتقان كونتەينەر جۇك اۆتوكولىكتەرى تارتىپپەن قاتارعا تۇرىپ چۇڭچيڭ تەمىر جول شەكارا وتكەلى، تۋانجيە قىستاعى كونتەينەر ورتالىعى ۆوگزالى سياقتى جەرلەردەگى كەدەن قاراۋىلىنا تارتىپپەن كىرۋدە، جولدا جۇرگىنشىلەر كوپ بولماعانىمەن، بارلىق جەردەن گۇلدەنگەن بەينە مەن مۇندالايدى.
الۋان ءتۇستى كونتينەر تاۋ توبە بولىپ ءۇيىلىپ تۇر، رەليستى كران ۇزدىكسىز كوتەرىلىپ تۇسۋدە، تاسىمالداۋشى جۇك اۆتوكولىكتەرى قايشالىسۋدا، پويەزدەردىڭ گۋدوك ءۇنى ەستىلەدى، وسىلار چۇڭچيڭ حالىقارالىق زات اينالىمى تورابى باقشا رايونىنىڭ دۇنيەنى تۇتاستىرعان سۋرەتىن قالىپتاستىردى.
”2014 - جىلى وسى اراعا العاش كەلىپ قىزمەتكە ورنالاسقان كەزىمدە، توڭىرەكتىڭ ءبارى شاعىن تاۋلى قىستاق بولاتىن، دامىپ بۇگىنگىدەي دارەجەگە جەتەتىندىگىن ويلاۋعا دا باتىلىمىز بارماعان“. چۇڭچيڭ حالىقارالىق زات اينالىمى تورابى باقشا رايونى قۇرىلىسى شەكتى جاۋاپكەرشىلىك سەرىكتەستىگى پارتكومىنىڭ ورىنباسار شۋجيى، باقىلاۋ القاسىنىڭ ءتوراعاسى لو شۋچۋان بىلاي دەدى: سول كەزدە وسى ارادا اشىلعان جول تىم كوپ ەمەس ەدى، شەكارا وتكەلى دە از بولاتىن، قازىر دامىپ شىعىس، باتىس، وڭتۇستىك، سولتۇستىك 4 باعىتتاعى اشىق ارناعا، زات اينالىمى، ساۋدا جانە فينانس سىندى 3 ۇلكەن كاسىپ سالاسى شوعىرى بار زات اينالىمى تورابى باقشا رايونىنا اينالدى. 2022 - جىلى باقشا رايونىنداعى تەمىر جول شەكارا وتكەلىندە كەدەننەن وتكەن زاتتىڭ قۇنى 80 ميلليارد يۋان بولىپ، بۇكىل ەلدەگى ىشكى قۇرلىق تەمىر جول شەكارا وتكەلدەرىنىڭ ىشىندە الدىڭعى ورىندى يەلەدى.
وسى ناتيجەلەردى تىلگە العاندا، باقشا رايونىنداعى تۋانجيە قىستاعى ۆوگزالىن ايتپاي كەتۋگە بولمايدى. 2011 - جىلى ەلىمىزدەگى چۇڭچيڭنەن گەرمانيانىڭ دۋيسبۋرگىنە باراتىن ءبىرىنشى حالىقارالىق كەزەكشى پويەز وسى ارادان جولعا شىقتى. قازىر تۋانجيە قىستاعى ۆوگزالى كەزىندەگى شاعىن ايالداما ەمەس، دامىپ يەلەگەن جەر اۋدانى 2023 مۋ كەلەتىن، 12 قابىلداۋ - جونەلتۋ جەلىسى، 16 جۇك جەلىسى بار، جۇك تاسىمال جۇمىسى 110 مەملەكەت پەن رايوندى شارپىعان ماڭىزدى ۆوگزالعا اينالدى.
تۋانجيە قىستاعى ۆوگزالىنا كىرگەنىڭىزدە، كوك ءتۇستى جۇڭگو − ەۆروپا كەزەكشى پويەزى كونتينەرىن نەگىزگى تۇلعا ەتكەن ءمۇسىندى كورە الاسىز، ”ءبىر بەلدەۋ، ءبىر جول“ دەگەن جازۋ ايرىقشا كوز تارتادى. ”وسى جىلدارى ۆوگزالىمىزدىڭ كونتينەر جونەلتۋ - تاسىمالداۋ مولشەرى ۇزدىكسىز ارتىپ، تاسىمال كىرىسىمىز دە ورنىقتى ارتۋ ارىنىن بايقاتتى“، - دەدى جۇڭگو تەمىر جول چىڭدۋ مەكەمەسى توبى شەكتى سەرىكتەستىگى شيڭلۇڭچاڭ ۆوگزالى تۋانجيە قىستاعى ۆوگزالىنىڭ ورىنباسار باستىعى ۋاڭ يچي.
2022 - جىلى 3100 دەن استام جۇڭگو − ەۆروپا كەزەكشى پويەزى (چۇڭچيڭ − شينجياڭ − ەۆروپا) قاتىناپ، 2013 - جىلداعىدان 70 ەسەگە جۋىق ارتتى، جۇك جونەلتۋ مولشەرى 157 ەسە جوعارىلاپ، قاتىناۋ ساپاسى بارىنشا ءوستى.
قازىر چۇڭچيڭدە كۇن كۇيىپ تۇر، ىستىق جالىن بەتتى شارپيدى، كۇن نۇرى تەرىڭىزدى كۇيدىرىپ جىبەرگەندەي بولادى. تۋانجيە قىستاعى ۆوگزالىندا كۇنگە كۇيىپ توتىعىپ كەتكەن حۋاڭ ۋي كاسىپتەستەرىمەن بىرگە ي - ۋدان كەلگەن جۇكتەردى تاسۋدا.
ونىڭ ۆوگزالدا جۇك تيەپ - ءتۇسىرۋشى بولعانىنا 4 جىلعا تايادى. ”ءبىر بەلدەۋ، ءبىر جول“ قۇرىلىسى اكەلگەن وزگەرىستەرگە ايالداعاندا، حۋاڭ ۋي كۇلىپ تۇرىپ: ”مەن پالەندەي ۇلكەن قيسىندى تۇسىنە بەرمەيمىن، تەك وسى جىلدارى تاسيتىن جۇكتەردىڭ بارعان سايىن كوبەيگەندىگىن، كىرىسىمنىڭ بارعان سايىن جوعارىلاعاندىعىن عانا بىلەمىن“، - دەدى.
”وتكەلدىڭ زات اينالىمىن جەتەكتەۋىن، زات اينالىمىنىڭ ەكونوميكا - ساۋدانى جەتەكتەۋىن، ەكونوميكا - ساۋدانىڭ كاسىپ سالالارىن جەتەكتەۋىن“ ارقاۋ ەتكەن چۇڭچيڭ حالىقارالىق زات اينالىمى تورابى باقشا رايونى كاسىپ سالاسى مەن قالانى توعىستىرۋ قۇرىلىسىنا كۇش سالىپ، توراپ باسىمدىعىن كاسىپ سالاسى باسىمدىعىنا اينالدىرۋدا كورنەكتى ونىمدىلىككە قول جەتكىزدى. قازىر دۇنيە جۇزىندەگى 500 ەگەي كاسىپورىننىڭ 18ىن، ەل ىشىندەگى 500 ەگەي كاسىپورىننىڭ 8ىن، جارناسى بازارعا شىعارىلعان 17 سەرىكتەستىكتى ەنگىزىپ، وسىندا ورنالاسقان كاسىپورىننىڭ جالپى سانىن 5400دەن اسىردى. 2022 - جىلى تۇتاس جىلدا باقشا رايونىنا ورنالاسقان كاسىپورىنداردىڭ شارۋاشىلىق كىرىسىنىڭ جالپى سوماسى 125 ميلليارد يۋان شاماسىندا، تۇتاس سالىق كىرىسى 6 ميلليارد يۋان شاماسىندا بولدى.
لو شۋچۋان بىلاي دەدى: بولاشاقتا باقشا رايونى ارنا، شەكارا وتكەلى، كاسىپ سالاسى قۇرىلىسىن اناعۇرلىم جەدەلدەتىپ، چۇڭچيڭنىڭ حالىقارالىق تۇتىنۋ ورتالىعى قالاسىن قۇرۋ قاجەتىن قاناعاتتاندىرادى. شينجياڭمەن ارنا، كاسىپ سالاسى سياقتى جاقتارداعى سەلبەستىكتى ۇزدىكسىز تەرەڭدەتىپ، ”ءبىر بەلدەۋ، ءبىر جول“ قۇرىلىسىن بىرگە ىلگەرىلەتۋدى ءۇمىت ەتەمىز.
