شينحۋا اگەنتتىگىنىڭ 8 - ايدىڭ 13 - كۇنى بەيجيڭنەن بەرگەن حابارى. مەملەكەتتىك كەڭەس تاياۋدا «شەتەل ساۋداگەرلەرىنىڭ قارجى قوسۋ ورتاسىن اناعۇرلىم ساپالىلاندىرىپ، شەتەل ساۋداگەرلەرىن قارجى قوسۋعا باۋراۋ تەبىنىن ارتتىرۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتىپ، ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن قالىپتاستىرىپ، ەلىمىزدىڭ اسا ءىرى كولەمدى بازار باسىمدىعىن تولىق ساۋلەلەندىرىپ، شەتەل ساۋداگەرلەرى قارجىسىن اناعۇرلىم زور تەبىنمەن، اناعۇرلىم ءونىمدى تۇردە باۋراپ جانە پايدالانىپ، جوعارى دەڭگەيدە سىرتقا ەسىك اشۋدى ىلگەرىلەتۋگە، جاپپاي سوتسياليستىك وسىزاماندانعان مەملەكەت قۇرۋعا ۇلەس قوسۋدى تالاپ ەتتى.
«پىكىر» 6 جاقتاعى 24 تارماقتى ساياسات - شارانى العا قويدى. ءبىرىنشى، شەتەل قارجىسىنان پايدالانۋ ساپاسىن جوعارىلاتۋ. ءتۇيىندى سالالاردا شەتەل قارجىسىن ەنگىزۋ تەبىنىن ارتتىرۋ، قىزمەت وتەۋ كاسىبىندەگى ەسىك اشۋدى كەڭەيتۋ جالپىلىق سىناق ءتۇيىنىنىڭ ۇلگى كورسەتۋ، جەتەكشىلىك ەتۋ، دەم بەرۋ رولىن ساۋلەلەندىرۋ، شەتەل قارجىسىن باۋراۋ ارناسىن كەڭەيتۋ، شەتەل ساۋداگەرلەرى قارجى قوسقان كاسىپورىنداردىڭ بىرتىندەي ويىسۋىن قولداۋ، شەتەل قارجىلاندىرعان نىسان قۇرىلىستارىن ىلگەرىلەتۋ مەحانيزمىن كەمەلدەندىرۋ كەرەك. ەكىنشى، شەتەل ساۋداگەرلەرى قارجى قوسقان كاسىپورىنداردىڭ حالىقتىق مامىلەسىن قامتاماسىز ەتۋ. ۇكىمەتتىك ساتىپ الۋ قيمىلدارىنا زاڭ بويىنشا ات سالىسۋىن قامتاماسىز ەتۋ، ولشەم بەلگىلەۋ قىزمەتىنە زاڭ بويىنشا، تەڭ تۇرعىدا ات سالىسۋىنا قولداۋ كورسەتۋ، قولداۋ ساياساتىنان تەڭ تۇرعىدا يگىلىكتەنۋىنە شىنايى كەپىلدىك ەتۋ كەرەك. ءۇشىنشى، شەتەل ساۋداگەرلەرىنىڭ قارجى قوسۋىن قورعاۋدى ءۇرتىس كۇشەيتۋ. شەتەل ساۋداگەرلەرىنىڭ ۇقىق - مۇددەسىن قورعاۋ مەحانيزمىن اقاۋسىزداندىرۋ، ءبىلىم مەنشىك ۇقىعىن اكىمشىلىك جاقتان قورعاۋدى كۇشەيتىپ، ءبىلىم مەنشىك ۇقىعى بويىنشا اكىمشىلىك زاڭ اتقارۋ تەبىنىن ارتتىرۋ، شەتەلگە ساياتىن ەكونوميكا - ساۋدا ساياساتىن، زاڭدىق ەرەجەلەردى جاساۋدى ارناعا ءتۇسىرۋ كەرەك. ءتورتىنشى، قارجى قوسۋ جۇمىسىنا قولايلىلىق جاساۋ دەڭگەيىن جوعارىلاتۋ. شەتەل ساۋداگەرلەرى قارجى قوسقان كاسىپورىندارداعى شەتەل ازاماتتىعىنداعى قىزمەتكەرلەردىڭ ايالداۋ، قونىستانۋ ساياساتىن ساپالىلاندىرۋ، قولايلىلانعان ساندى مالىمەتتەردىڭ شەكارا اتتاپ جىلجۋ حاۋىپسىزدىگىن باسقارۋ مەحانيزمى جونىندە ىزدەنىس جاساۋ، شەتەل ساۋداگەرلەرى قارجى قوسقان كاسىپورىندارعا ساياتىن زاڭ اتقارۋ تەكسەرۋىن ءبىر تۇتاس جوسپارلاپ ساپالىلاندىرۋ، شەتەل ساۋداگەرلەرى قارجى قوسقان كاسىپورىنداردىڭ قىزمەت وتەۋ قامتاماسىزدىعىن كەمەلدەندىرۋ كەرەك. بەسىنشى، قازىنا - سالىقتى قولداۋ تەبىنىن ارتتىرۋ. شەتەل ساۋداگەرلەرىنىڭ قارجى قوسۋىن كۇشەيتۋ ارقىلى قارجى قامتاماسىزدىعىن جەبەۋ، شەتەل ساۋداگەرلەرى قارجى قوسقان كاسىپورىنداردى شەكارا ىشىندە تاعى دا قارجى قوسۋعا شابىتتاندىرۋ، شەتەل ساۋداگەرلەرى قارجى قوسقان كاسىپورىندارعا قاتىستى سالىق جاعىنان جەڭىلدىك جاساۋ ساياساتىن تياناقتاندىرۋ، شەتەل ساۋداگەرلەرى قارجى قوسقان كاسىپورىنداردىڭ مەملەكەت دامۋعا شابىت بەرەتىن سالالارعا قارجى قوسۋىن قولداۋ كەرەك. التىنشى، شەتەل ساۋداگەرلەرىنىڭ قارجى قوسۋىن جەبەۋ ءتاسىلىن كەمەلدەندىرۋ. قارجى ەنگىزۋ قىزمەت مەحانيزمىن اقاۋسىزداندىرۋ، شەتەلدە قارجى قوسۋدى جەبەۋ قىزمەتىنە قولايلىلىق جاساۋ، شەتەل ساۋداگەرلەرىنىڭ قارجى قوسۋىن جەبەۋ ارناسىن كەڭەيتۋ، شەتەل ساۋداگەرلەرىنىڭ قارجى قوسۋىن جەبەۋ جونىندەگى باعالاۋدى ساپالىلاندىرۋ كەرەك.
«پىكىردە» مىنالار تالاپ ەتىلدى: جەر - جەر، تاراۋلار جانە قاتىستى ورىندار شەتەل ساۋداگەرلەرىنىڭ قارجى قوسۋ ورتاسىن اناعۇرلىم ساپالىلاندىرۋ، شەتەل ساۋداگەرلەرىن قارجى قوسۋعا باۋراۋ تەبىنىن ارتتىرۋ قىزمەتىن شىن مانىندە ويداعىداي ىستەۋ كەرەك. ءارقايسى ءوڭىردى جەرگىلىكتى جاعدايعا قاراي سايكەستى شارا شىعارۋعا شابىتتاندىرىپ، ساياساتتى سايكەستىرۋ اسەرىن كۇشەيتۋ كەرەك. ساۋدا ىستەرى مينيسترلىگى قاتىستى تاراۋلارمەن جانە ورىندارمەن بىرگە جەتەكشىلىك ەتۋدى، سايكەستىرۋدى كۇشەيتىپ، ساياساتتى ۇگىتتەپ - تانىستىرىپ، ساياسات - شارالاردى دەر كەزىندە تياناقتاندىرىپ، شەتەلدىك قارجى قوسۋشىلارعا اناعۇرلىم ساپالى قارجى قوسۋ ورتاسىن ازىرلەپ، شەتەل ساۋداگەرلەرىنىڭ قارجى قوسۋ سەنىمىن ءونىمدى سەرپىلتۋ كەرەك.
