انار بۇلت \ شينجياڭ گازەتىنىڭ ءتىلشىسى جاۋ چۇنحۋا 8 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، رايونىمىز الەۋمەتتىك جۇمىستاندىرۋعا ىركىلىسسىز قىزمەت وتەۋدى بەلسەنە ورىستەتىپ، وتباسىندا قيىنشىلىعى بار جوعارى مەكتەپ بىتىرگەن وقۋشىلارعا دالمە - ءدال كومەكتەسىپ - سۇيەمەلدەپ، كوپ ءتۇرلى فورمامەن جوعارى مەكتەپ بىتىرگەن وقۋشىلاردىڭ تەز جۇمىستانۋىن جەبەگەن.
جوعارى مەكتەپ بىتىرگەن وقۋشىلار سياقتى جاستار شوعىرىن جۇمىستاندىرۋ قىزمەتى ورنىقتى جۇمىستاندىرۋدا ايرىقشا ماڭىزدى. بيىل رايونىمىزدا جوعارى مەكتەپ بىتىرگەن وقۋشى 156 مىڭ 700 (بيڭتۋاندى قامتىمايدى) بولىپ، بىلتىرعىدان 31 مىڭ ادام كوبەيدى. اۆتونوميالى رايوندىق پارتكوم مەن ۇكىمەت جوعارى مەكتەپ بىتىرگەن وقۋشىلاردى جۇمىستاندىرۋ قىزمەتىنە وسكەلەڭ ءمان بەرىپ، بۇكىل رايونىمىزداعى ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى جوعارى مەكتەپ بىتىرگەن وقۋشىلاردى جۇمىستاندىرۋعا قىزمەت وتەۋدەن قامال الۋ ارەكەتىن ورىستەتۋدى تۇتقا ەتىپ، ساياساتتىق قولداۋدى، قىزمەت وتەۋ قامتاماسىزدىعىن، قيىنشىلىعى بارلارعا كومەكتەسۋ - سۇيەمەلدەۋدى، ۇقىق - مۇددەسىن قورعاۋدى كۇشەيتىپ، جوعارى مەكتەپ بىتىرگەن وقۋشىلاردىڭ جۇمىستانۋىن، شارۋاشىلىق قۇرۋىن كوپ ارنامەن جەبەدى.
مەكتەپ ءبىتىرۋدىڭ الدىندا باعىتتامالى كاسىپ تاڭداۋعا جەتەكشىلىك ەتۋ قىزمەت وتەۋىن كۇشەيتتى. مەكتەپ بىتىرەتىن وقۋشىلاردىڭ وقۋ ماعلۇماتى، ماماندىعى، تاجىريبەسى، شەبەرلىگى، كاسىپ تاڭداۋ كوڭىل كۇيى سياقتى جاقتارداعى ۇقساماستىعىنا باعىتتاپ، دارالانعان، ەگجەي - تەگجەيلى كاسىپ ىزدەۋ، ۇسىنىس ەتۋ، كاسىپتىك جەتەكشىلىك ەتۋ سياقتى جۇمىستاندىرۋ قىزمەت وتەۋىمەن قامدادى. جەكە مەديا، قىسقا كەسكىن، تىكە تاراتۋ ساباعى سياقتى تاسىلدەردەن جاسامپازدىقپەن پايدالانىپ، مەكتەپ بىتىرەتىن وقۋشىلاردىڭ كاسىپ ورنىن دالمە - ءدال تابۋىنا، كاسىپ جوباسىن جاساۋىنا كومەكتەسىپ، مەجەنى ۇيلەسىمدى رەتتەپ، دۇرىس كاسىپ تاڭداۋ كوزقاراسىن ورناتىپ، مەكتەپ بىتىرگەننەن كەيىن دەر كەزىندە قاداعالاي قىزمەت وتەلدى.
مەكتەپ بىتىرگەننەن كەيىن ءالى جۇمىستانا الماعان وقۋشىلارعا ايرىقشا ءمان بەرىپ، ينتەرنەت جەلىسىندە جانە جەلىدەن تىس كومەك سۇراۋ ارنالارىن ويداعىداي ساۋلەلەندىرىپ، ءالى جۇمىستانباعان وقۋشىلاردىڭ جاي - جاپسارىن ىرىقتىلىقپەن ۇعىسىپ، تىزىمگە الىپ، ”اۋىلعا ءبىر ادام قايتسا، ءبىر ادامدى تىزىمدەۋگە“ شىنايى كەپىلدىك ەتىپ، جۇمىستانۋ ويى بار بولسا دا ءالى جۇمىستانا قويماعان مەكتەپ بىتىرگەن وقۋشىلاردى تۇگەلدەي الەۋمەتتىك جۇمىستاندىرۋ بويىنشا دارىندىلارعا قىزمەت وتەۋ كولەمىنە ەنگىزىپ، جۇمىس ورنى ينفورماتسياسىن دالمە - ءدال تانىستىرىپ، جۇمىستانۋعا باعىتتامالى تۇردە جەتەكشىلىك ەتۋمەن، جۇمىستانۋ پراكتيكاسىمەن جانە شەبەرلىككە باۋلۋمەن قامداپ، ولاردىڭ تەز جۇمىستانۋىنا كومەكتەستى. سونىمەن بىرگە وتباسىندا قيىنشىلىعى بار مەكتەپ بىتىرگەن وقۋشىلاردى دالمە - ءدال كومەكتەسۋ - سۇيەمەلدەۋدى ورىستەتتى.
جۇمىستانۋعا جان - جاقتى جەتەكشىلىك ەتۋ، كومەكتەسۋ - سۇيەمەلدەۋ مەحانيزمىن بەلسەنە ورناتىپ، وتباسىندا قيىنشىلىعى بار، مۇگەدەك سياقتى قيىنشىلىعى بار مەكتەپ بىتىرگەن وقۋشىلاردى تولىق جۇمىستاندىرۋدى جەبەدى. ەڭبەك ىستەۋ قابىلەتى جانە جۇمىستانۋ ويى بار كەدەيلىكتەن ارىلعان وتباسىلارىنداعى، ەڭ تومەنگى تۇرمىسى قامتاماسىزداندىرىلاتىن وتباسىلارىنداعى، بىردە - ءبىر ادامى جۇمىستانباعان وتباسىلارىنداعى جوعارى مەكتەپ بىتىرگەن وقۋشىلارعا، سونداي - اق جوعارى مەكتەپ بىتىرگەن مۇگەدەك وقۋشىلارعا جانە ۇزاق ۋاقىت جۇمىسسىز قالعان جوعارى مەكتەپ بىتىرگەن وقۋشىلارعا ”ءبىر ادامعا ءبىر ارحيۆ“، ”ءبىر ادامعا ءبىر شارا“ بويىنشا دالمە - ءدال قىزمەت وتەپ، ”131“ كومەكتەسۋ - سۇيەمەلدەۋ مەحانيزمىن (ەڭ كەمىندە ءبىر رەت كاسىپتىك جەتەكشىلىك ەتۋ، 3 رەت جۇمىس ورنىن تانىستىرۋ، ءبىر رەت شەبەرلىككە باۋلۋ جانە جۇمىستانۋ بويىنشا پراكتيكا جاساۋ ورايىمەن قامداۋ) تياناقتاندىرىپ، ءبىر رەتتىك كاسىپ ىزدەۋ، شارۋاشىلىق قۇرۋ قوسىمشا قاراجاتى قاتارلىلاردى دەر كەزىندە ناقتىلاندىرىپ، ولاردىڭ جۇمىستانۋىن، شارۋاشىلىق قۇرۋىن ءتۇرلى شارالارمەن جەبەدى.
