شينجياڭدا ءبيدايدى ماشينامەن جيۋداعى ورتاشا شىعىن مولشەرى شامامەن ％65. 0كە تومەندەدى
مەجەمەن 100 مىڭ توننا ءبيداي شىعىنى ازايدى
انار بۇلت \ شينجياڭ گازەتىنىڭ ءتىلشىسى ليۋ ي 8 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، بيىل شينجياڭ جازعى استىقتى ماشينامەن جيۋداعى شىعىندى ازايتۋدى اناعۇرلىم كۇشەيتىپ، بۇكىل رايونداعى ءبيداي جيناۋ بۋىنىندا ماشينامەن جيۋداعى ورتاشا شىعىن مولشەرى ％65. 0 اينالاسىنا تومەندەتتى، بۇل مەملەكەتتىڭ ％2تىك جۇمىس ساپاسى ولشەمىنەن الدەقايدا تومەن بولىپ، مەجەمەن 100 مىڭ توننا ءبيداي شىعىنى ازايعان.
ماشينامەن جيۋ بۋىنىنداعى شىعىندى ازايتۋ − استىق ءونىم مولشەرىن ارتتىرۋداعى ماڭىزدى شارا. بيىل جىل باسىنان بەرى اۆتونوميالى رايون استىقتى ماشينامەن جيۋداعى شىعىندى ازايتۋ قىزمەتىنە ايرىقشا ءمان بەردى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى 10 اۋىل شارۋاشىلىق ماماندارى تەحنيكالىق قىزمەت وتەۋ گرۋپپاسىن جەر - جەردەگى ءوندىرىس ءبىرىنشى شەبىندە ءبيدايدىڭ ءونىم مولشەرىن تەكسەرۋ، ءبيدايدى ماشينامەن جيۋداعى شىعىندى ازايتۋ، اتىزدا داقىلداردى باپتاۋ سياقتى قىزمەت وتەۋ، جەتەكشلىك ەتۋ جۇمىستارىن ورىستەتۋگە جىبەردى. ءبيدايدى ماشينامەن جيۋ ۋاقىتىن ءدال تۇراقتاندىرۋ، اۋىل شارۋاشىلىق ماشينالارىن جۇرگىزۋشىلەردى باۋلۋدى كۇشەيتۋ، اۋىل شارۋاشىلىعى ماشينالارىن تەكسەرۋدى، رەمونتتاۋدى كۇشەيتۋ، ءبيدايدى ماشينامەن جيۋداعى شىعىندى ازايتۋ شەبەرلىگى جارىسىن ورىستەتۋ سياقتى ءبىر قىدىرۋ شارالار ارقىلى اۋىل شارۋاشىلىعى ماشينالارىن جۇرگىزۋشىلەردى ماشينالاسقان جۇمىس ىستەۋ بارىسىندا استىقتى ۇنەمدەپ، شىعىندى ازايتۋ تانىمىن جانە جۇيەلى مەڭگەرۋ، ولشەمدى جۇمىس ىستەۋ قابىلەت دەڭگەيىن ۇزدىكسىز جوعارىلاتۋعا بەلسەنە جەتەكتەپ، جازعى استىقتان مول ءونىم الۋدى، ءتۇيىر ءداندى دە قالدىرماي قامبالاۋدى بار كۇشپەن قامتاماسىز ەتتى.
سونىمەن بىرگە اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى «2023 - جىلعى نەگىزگى استىق داقىلدارىن ماشينامەن جيۋ شىعىنىن باقىلاۋ - ولشەۋ، تەكسەرۋ قىزمەتىن ورىستەتۋ جونىندەگى حابارلاندىرۋدى» باسىپ تاراتىپ، قاتىستى قىزمەت جوبالارىن جاساپ، ءبيدايدىڭ ءبىر ماۋسىمدا ەگىلگەن جەر اۋدانى 500 مىڭ مۋدان اساتىن ياركەن اۋدانى، كۇشار قالاسى، شونجى اۋدانى، موري قازاق اۆتونوميالى اۋدانى سىندى 4 اۋداندا (قالا) ءبيدايدى ماشينامەن جيۋ شىعىنىن باقىلاۋ - ولشەۋدى، تەكسەرۋدى ورىستەتتى ءارى ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، اقسۋ ايماعى، بايىنعولين موڭعۇل اۆتونوميالى وبلىسى، قاشقار ايماعى، قىزىلسۋ قىرعىز اۆتونوميالى وبلىسى سىندى 6 ايماق، وبلىستاعى ءبيدايدىڭ ءبىر ماۋسىمدا ەگىلگەن جەر اۋدانى 100 مىڭ مۋدان اساتىن 24 اۋداندا (قالا) ءبيدايدى ماشينامەن جيۋداعى شىعىندى باقىلاۋ - ولشەۋدى، تەكسەرۋدى ورىستەتۋدى جاپپاي ۇيىمداستىرىپ اتتانىسقا كەلتىرىپ، جەرگىلىكتى حالىق قۇرىلتايى ۋاكىلدەرى، ساياسي كەڭەس مۇشەلەرى نەمەسە اۋىل شارۋاشىلىعى، اۋىل - قىستاق جۇيەسىنەن باسقا اكىمشىلىك، ءىسورىندارىنداعى قىزمەتكەرلەر سياقتى 3 - جاقتى باقىلاۋ - ولشەۋ، تەكسەرۋ قىزمەتىنە قاتىناسۋعا بەلسەنە ۇسىنىس ەتتى. جەر - جەردىڭ تەكسەرۋ، باقىلاۋ - ولشەۋ جاعدايىنا قاراعاندا، بۇكىل رايوندا ءبيدايدى ماشينامەن جيۋداعى شىعىن مولشەرى نەگىزىنەن ％2تەن تومەن مولشەردە تىزگىندەلىپ، ەڭ تومەن شىعىن مولشەرى نەبارى ％2. 0 بولعان.
