كوممۋنيستىك جاستار وداعى شينجياڭ ۇيعۇر اۆتونوميالى رايوندىق 14 - قۇرىلتايى اشىلدى
ما شيڭرۇي، ادۇڭ ءسوز سويلەدى، ەركىن تۇنياز، ءزۇمىرات وبۇل، نۇرلان ءابىلماجىن، لي يفي، حى جۇڭيوۋ قاتىناستى
8 - ايدىڭ 15 - كۇنى جۇڭگو كوممۋنيستىك جاستار وداعى شينجياڭ ۇيعۇر اۆتونوميالى رايوندىق 14 - قۇرىلتايى شينجياڭ حالىق سارايىندا اشىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 15 - كۇنى ۇرىمجىدەن حابارلايدى. جۇڭگو كوممۋنيستىك جاستار وداعىنىڭ شينجياڭ ۇيعۇر اۆتونوميالى رايوندىق 14 - قۇرىلتايى 8 - ايدىڭ 15 - كۇنى تۇستەن بۇرىن شينجياڭ حالىق سارايىندا اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى ادۇڭ اشىلۋ ماجىلىسىنە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار اشىلۋ ماجىلىسىنە قاتىناستى.
ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس جانە بيڭتۋان اتىنان قۇرىلتايدىڭ اشىلعاندىعىن قىزۋ قۇتتىقتادى، كوممۋنيستىك جاستار وداعى ورتالىق كوميتەتىنىڭ شينجياڭنىڭ دامۋىنا، اسىرەسە، جاستار مەن ورەندەر قىزمەتىنە كوڭىل بولگەندىگىنە، قولداۋ كورسەتكەندىگىنە شىن جۇرەكتەن العىس ايتتى، تۇتاس رايونداعى قالىڭ وداق مۇشەلەرى مەن جاستارعا جانە جاستار مەن ورەندەر ءىسى قىزمەتكەرلەرىنە شىنايى سالەم جولدادى. ول بىلاي دەپ اتاپ كورسەتتى: مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جاڭا جورىعىندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ قالىڭ جاستاردى قامتىعان تۇتاس شينجياڭداعى ءار ۇلت بۇقاراسىنىڭ ورتاق قۇلشىنىسىن قاجەت ەتەدى. قالىڭ جاستاردىڭ تاريحي ورايدى يگەرىپ، ءداۋىر بورىشىن ارقالاپ، جاڭا جورىقتىڭ كەڭ ساحناسىندا دارىنىن تولىق ايگىلەۋلەرىن، ءومىردىڭ تارتىمدى تاراۋىن جازۋلارىن ءۇمىت ەتەمىن. سەنىمى بەرىك جاستار اۆانگاردى بولۋعا ۇمتىلىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداۋعا تاباندى بولىپ، ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ كەرەك. كەلەلى مىندەت ارقالايتىن جاستار اۆانگاردى بولۋعا قۇلشىنىپ، جەكە مۇراتىن پارتيا مەن مەملەكەت ىستەرىنە سانالى تۇردە توعىستىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، شينجياڭنىڭ دامۋداعى ستراتەگيالىق ورنىن كوزدەپ، شينجياڭعا تامىر تارتۋ، شينجياڭعا ءوزىن ارناۋ، شينجياڭعا ۇلەس قوسۋ كەرەك. ءىستى باسىنان اياعىنا دەيىن ءساتتى جۇرگىزىپ، تابىستى اياقتاتاتىن جاستار اۆانگاردى بولۋعا قۇلشىنىپ، بۇقاراعا قىزمەت وتەۋدىڭ ءبىرىنشى شەبىنە، ەكونوميكالىق، قوعامدىق دامۋدىڭ نەگىزگى شايقاس مايدانىنا، عىلىم - تەحنيكادا قامال الۋدىڭ الدىڭعى شەبىنە ىرىقتىلىقپەن بارىپ، شىڭدالىپ، قابىلەت - دارىندى ارتتىرىپ، ىستەر دامۋىنىڭ جاڭا ءورىسىن ۇزدىكسىز اشۋ كەرەك. ىنتىماقتاسا كۇرەس جاسايتىن جاستار اۆانگاردى بولۋعا قۇلشىنىپ، كۇرەس جاساۋدى جاستىق ورالدىڭ ەڭ ايشىقتى بوياۋى ەتىپ، باستان - اياق ماڭگى بويكۇيەزدىككە سالىنبايتىن رۋحاني بەينەمەن، العان بەتىنەن قايتپايتىن كۇرەس جاساۋ كۇيىمەن، قاجىمايتىن قايسارلىق، جانسەبىلدىكپەن كورىكتى شينجياڭ قۇرۋدىڭ جالىندى امالياتىندا ۇلەس قوسىپ، كاسىپتى كوركەيتۋ كەرەك. تۇتاس رايونداعى ءار دارەجەلى وداق ۇيىمدارى وزىندىك قۇرىلىستى جاپپاي كۇشەيتىپ، قالىڭ جاستارعا ساياسي جاقتان جەتەكشىلىك ەتۋدى ءۇرتىس كۇشەيتۋ كەرەك. ءار دارەجەلى پارتيا ۇيىمدارى كوممۋنيستىك جاستار وداعى قىزمەتىنە بولعان باسشىلىقتى جانە قولداۋدى كۇشەيتىپ، پارتيانىڭ باسشىلىعىندا ءارقايسى تاراۋلار جاستاردىڭ دامۋ ىستەرىن تەگىس يگەرىپ، بىرگە باسقاراتىن قىزمەت ارناسىن ورناتىپ، كەمەلدەندىرىپ، شينجياڭنىڭ كوممۋنيستىك جاستار وداعى قىزمەتىنىڭ جاڭا جاعدايىن اشۋ كەرەك.
ادۇڭ كوممۋنيستىك جاستار وداعى ورتالىق كوميتەتى اتىنان، قۇرىلتايدىڭ اشىلعاندىعىن قىزۋ قۇتتىقتادى ءارى شينجياڭ كوممۋنيستىك جاستار وداعىنىڭ 5 جىلدان بەرى قول جەتكىزگەن تىڭ ىلگەرىلەۋشىلىكتەرىن، تىڭ ناتيجەلەرىن تولىق تۇراقتاندىردى، شينجياڭداعى ءار دارەجەلى وداق ۇيىمدارىنىڭ اۆتونوميالى رايوندىق پارتكومنىڭ باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ كوممۋنيستىك جاستار وداعى ورتالىق كوميتەتىنىڭ جاڭا كەزەكتى باسشىلىق القاسىنداعىلارمەن توپتىق اڭگىمەلەسكەندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، ”ەكىنى تۇراقتاندىرۋدى“ ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاعىنان شىنايى مويىنداۋدى اناعۇرلىم تەرەڭدەتىپ، ”ەكىنى قورعاۋدى“ ورىنداۋدىڭ ىشكى سانالىلىعىن ۇزدىكسىز كۇشەيتىپ، ءار ۇلت وداق مۇشەلەرى مەن جاستارىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى جولىندا ىنتىماقتاسا كۇرەس جاساۋعا، باتىلدىقپەن جاۋاپكەرشىلىك ارقالاۋعا جۇمىلدىرىپ، جەتەكتەپ، جاڭا داۋىردەگى كوممۋنيستىك جاستار وداعى مەن جاستار قىزمەتىنىڭ تاماشا جاستىق جىرىن قۇلشىنا جازۋىن ءۇمىت ەتتى. ول بىلاي دەپ اتاپ كورسەتتى: شينجياڭ كوممۋنيستىك جاستار وداعى ”ساياسي مەكتەپ“ يقۋاتى ورنىن تياناق ەتىپ، قالىڭ وداق مۇشەلەرى مەن جاستارعا باعىتتالعان نەگىزگى تاقىرىپتىق تاربيەنى ويداعىداي يگەرىپ، ءار ۇلت وداق مۇشەلەرى مەن جاستارىنا ساياسي جاقتان جەتەكشىلىك ەتۋدى شىنايى كۇشەيتىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتۋ كەرەك. ”اۆانگارد كۇشتىك“ قىزمەت جاۋاپكەرشىلىگىن، بورىشىن ارقالاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ءار ۇلت وداق مۇشەلەرى مەن جاستارىن جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا بەلسەنە ات سالىسۋعا ۇيىمداستىرۋ كەرەك. ”كوپىرلىك، دانەكەرلىك“ ماڭىزدى رولىن ساۋلەلەندىرىپ، باتىس بولىك جوسپارى سياقتى قىزمەت نىساندارىن ويداعىداي ۇيىمداستىرىپ، اتقارىپ، شينجياڭداعى ءار ۇلت جاستارى مەن ورەندەرىنىڭ اقاۋسىز ەسەيىپ - ەرجەتۋىنە، جان - جاقتىلى دامۋىنا ىقىلاسپەن قىزمەت وتەۋ كەرەك. ”وزات ۇيىم“ قۇرىلىسى نىساناسىن كوزدەپ، ءار دارەجەلى وداق ۇيىمدارىنىڭ جان - جاقتىلى، جوعارى ولشەمدى شىڭدالۋىن ءۇرتىس ىلگەرىلەتىپ، ناقتى كاسىپتىك ناتيجە ارقىلى پارتيانىڭ سەنىمىنە يە بولۋ، قوعامنىڭ قۇرمەتىنە يە بولۋ، جاستاردىڭ القاۋىنا يە بولۋ كەرەك.
پيونەرلەر وتريادىنىڭ ۋاكىلى قۇرىلتايعا ارناۋ ءسوز سويلەدى. اۆتونوميالى رايوندىق باس جۇمىسشى ۇيىمىنداعى نەگىزگى جاۋاپتى جولداس اۆتونوميالى رايونداعى حالىقتىق ۇيىمدار اتىنان قۇتتىقتاۋ ءسوزىن سويلەدى.
قۇرىلتاي كوممۋنيستىك جاستار وداعى شينجياڭ ۇيعۇر اۆتونوميالى رايوندىق 13 - كەزەكتى كوميتەتىنىڭ قىزمەت بايانداماسىن تىڭدادى.
جاڭ جۋ، قادەن كابەن، شۋە بين، قايسار ابدىكەرىم، جاڭ ۋىنشىڭ، كوممۋنيستىك جاستار وداعى ورتالىق كوميتەتىنىڭ قاتىستى تاراۋلارىنداعى جولداستار، كوممۋنيستىك جاستار وداعى اۆتونوميالى رايوندىق 14 - قۇرىلتايىنىڭ ۋاكىلدەرى، باتىس بولىك جوسپارى ەرىكتىلەرىنىڭ ۋاكىلدەرى، ءبىر ءبولىم نەگىزگى ساتى وداق كادرلارى قاتارلىلار قۇرىلتايدىڭ اشىلۋ ماجىلىسىنە قاتىناستى.
