جوعارى مەكتەپ وقۋشىلارىنىڭ ەرىكتى قىزمەت وتەۋى باتىس بولىك جوسپارىنىڭ شينجياڭ ارناۋلى ءتۇرىنىڭ اتتاندىرۋ سالتى وتكىزىلدى

　　جوعارى مەكتەپ وقۋشىلارىنىڭ ەرىكتى قىزمەت وتەۋى باتىس بولىك جوسپارىنىڭ شينجياڭ ارناۋلى ءتۇرىنىڭ اتتاندىرۋ سالتى وتكىزىلدى

　　ما شيڭرۇي، ادۇڭ قاتىناستى، ەركىن تۇنياز ارناۋ ءسوز سويلەدى، ءزۇمىرات وبۇل، نۇرلان ءابىلماجىن، لي يفي قاتىناستى، حى جۇڭيوۋ باسقاردى

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 15 - كۇنى ۇرىمجىدەن حابارلايدى. 8 - ايدىڭ 15 - كۇنى اۆتونوميالى رايون ۇرىمجىدە 2023 -، 2024 - جىلعى جوعارى مەكتەپ وقۋشىلارىنىڭ ەرىكتى قىزمەت وتەۋى باتىس بولىك جوسپارىنىڭ شينجياڭداعى ارناۋلى اتتاندىرۋ سالتىن وتكىزىپ، قالىڭ باتىس بولىك جوسپارى ەرىكتىلەرىن يدەيالىق سەنىمدى بەكەمدەپ، ەرەن قابىلەتتى سومداپ، نەگىزگى ساتىعا تامىر تارتىپ، شەكارا وڭىرگە قىزمەت وتەپ، ەڭبەك ءسىڭىرىپ، ۇلەس قوسۋعا جىگەرلەندىردى. اۆتونوميالى رايوندىق پارتكومنىڭ شۋجيى ما شيڭرۇي، كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى ادۇڭ قيمىلعا قاتىناستى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ارناۋ ءسوز سويلەدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قيمىلعا قاتىناستى. اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قيمىلدى باسقاردى.

　　بيىل جوعارى مەكتەپ وقۋشىلارىنىڭ ەرىكتى قىزمەت وتەۋى باتىس بولىك جوسپارى اتقارىلعاندىعىنىڭ 20 جىلدىعى. 20 جىلدان بەرى 44 مىڭنان استام باتىس بولىك جوسپارى ەرىكتىلەرى ىلگەرىندى - كەيىندى شينجياڭعا كەلىپ، رەفورما، دامۋ، ورنىقتىلىق سالالارىنا ات سالىسىپ، 10 مىڭنان استام ادام شينجياڭدا قالىپ، ەكونوميكالىق، قوعامدىق دامۋدىڭ الدىڭعى شەبىندە كۇرەس جاساپ، جاستىق ورالىنداعى ءىس - ارەكەتتەرىمەن ”پارتيا الاڭسىز بولسىن، قۇدىرەتتى مەملەكەت قۇرۋدا مەن بارمىن“ دەيتىن ايبىندى سەرتتەرىن امالياتتا ايگىلەدى. 2023 -، 2024 - جىلدىق شينجياڭ باتىس بولىك جوسپارى ەرىكتىلەرىنىڭ كولەمى 10 مىڭ ادامنان اسادى، بۇكىل ەلدەگى 30 ولكە، رايون، قالادان كەلگەن ولار تيانشان الابىنىڭ جەر - جەرىنە اتتانىپ قىزمەت ورىستەتەدى.

　　ەركىن تۇنياز ارناۋ سوزىندە اۆتونوميالى رايوندىق پارتكوم، ۇكىمەت جانە بۇكىل رايونداعى ءار ۇلت كادر - بۇقاراسى اتىنان باتىس بولىك جوسپارى ەرىكتىلەرىن قىزۋ قارسى الاتىندىعىن ءبىلدىردى. ول بىلاي دەپ اتاپ كورسەتتى: قازىر اۆتونوميالى رايوندىق پارتكوم بۇكىل رايونداعى ءار ۇلت كادرلارىن، بۇقاراسىن ىنتىماقتاستىرىپ، باستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭ دامۋىنىڭ ستراتەگيالىق ورنىن كوزدەپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جاپپاي ىلگەرىلەتۋدە. قالىڭ باتىس بولىك جوسپارى ەرىكتىلەرىنىڭ شينجياڭنىڭ دامۋىمەن ۇندەستىك تاۋىپ، ءبىر باعىتتا ىلگەرىلەپ، قابىلەتتەرىن ايگىلەيتىن ساحنا توتەنشە كەڭ، ارماندى جۇزەگە اسىرۋىنىڭ بولاشاعى شەكسىز نۇرلى. كوپشىلىكتىڭ باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ەرىكتىلەر رۋحىن بەلسەنە امالياتتا ايگىلەپ، ۇلى مۇرات ورناتىپ، وتباسى - وتان سۇيىسپەنشىلىگىن نىعايتىپ، ۋاقىتپەن جارىسىپ، ەسىل ساتتەردى زايا جىبەرمەي، مۇراتتى، باتىلدىقپەن جاۋاپكەرشىلىك ارقالايتىن، جاپا تارتۋدان تايىنبايتىن، كۇرەس جاساۋعا پەيىل جاڭا ءداۋىردىڭ جاقسى جاستارى بولۋعا قۇلشىنىپ، عىلىم - تەحنيكادا جاڭالىق اشۋ، اۋىل - قىستاقتى گۇلدەندىرۋ، جاسىل دامۋ، قوعامدىق قىزمەت وتەۋ، وتاندى قورعاپ، شەكارانى كۇزەتۋ سياقتى قىزمەت بارىسىندا اتويشى بولىپ، باتىلدىقپەن جالىندى قوسىن بولىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋعا جاستىق كۇشتەرىن قوسۋىن ءۇمىت ەتەمىز.

　　اتتاندىرۋ سالتىندا شينجياڭداعى جانە كوممۋنيستىك جاستار وداعى ورتالىق كوميتەتىندەگى باسشىلار بىرگە شينجياڭدا قالعان باتىس بولىك جوسپارى ەرىكتىلەرى ۋاكىلدەرىنە 20 جىلدىق ەستەلىك زناگىن تاراتتى. ادۇڭ 2023 -، 2024 - جىلعى باتىس بولىك جوسپارى ەرىكتىلەرى ۋاكىلدەرىنە تۋ ۇسىندى.

　　”مەن ءوز ەركىممەن داڭقتى جاس ەرىكتى بولدىم، بار كۇشىمدى سالىپ، ەڭبەكاقىمەن ەسەپتەسپەي، باسقالارعا كومەكتەسىپ، قوعامعا قىزمەت وتەپ، ەرىكتىلەر رۋحىن امالياتتا ايگىلەپ، وزىق مادەنيەتتى اسقاقتاتىپ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن جۇزەگە اسىرۋعا كۇش قوسامىن“! اتتاندىرۋ سالتىنا قاتىناسقان ەرىكتىلەر ۋاكىلدەرى سەرت بەردى.

　　كوممۋنيستىك جاستار وداعى ورتالىق كوميتەتى شۋجيچۋىنداعى، جاس ەرىكتىلەر ارەكەتىنە جەتەكشىلىك ەتۋ ورتالىعىنداعى قاتىستى جولداستار، جاڭ جۋ، قادەن كابەن، شۋە بين، قايسار ابدۇكەرىم، جاڭ ۋىنشىڭ قيمىلعا قاتىناستى.