8 - ايدىڭ 16 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ۇرىمجىدە شينجياڭدا ساپاردا بولۋعا ءارى 2023 - جىلعى (جۇڭگو) ازيا − ەۆروپا تاۋار ساۋدا كورمەسىنە قاتىناسۋعا كەلگەن قىرعىزستان زۇڭليى ا. جاپاروۆپەن جانە ونىڭ ساپارلاستارىمەن كەزدەستى. سۋرەتتە: جۇڭگو شينجياڭ ۇيعۇر اۆتونوميالى رايوندىق حالىق ۇكىمەتى مەن قىرعىزستاننىڭ قاتىستى تاراۋلارى سەلبەستىك كەلىسىمىنە قول قويىسۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 8 - ايدىڭ 16 - كۇنى ۇرىمجىدە شينجياڭدا ساپاردا بولۋعا ءارى 2023 - جىلعى (جۇڭگو) ازيا − ەۆروپا تاۋار ساۋدا كورمەسىنە قاتىناسۋعا كەلگەن قىرعىزستان زۇڭليى ا . جاپاروۆپەن جانە ونىڭ ساپارلاستارىمەن كەزدەسىپ، جۇڭگو − قىرعىزستان ەكى ەل مەملەكەت باسشىلارى كەلىسكەن ماڭىزدى ورتاق تانىمدى تياناقتاندىرۋدى ارقاۋ ەتىپ، جۇڭگونىڭ شينجياڭى مەن قىرعىزستاننىڭ جەرگىلىكتى ورىندارى اراسىندا ءار سالاداعى اۋىس - كۇيىستى، سەلبەستىكتى تەرەڭدەتۋ جونىندە ىشكەرىلەي پىكىرلەستى، ەكى جاق ءبىرسىپىرا سەلبەستىك كەلىسىمىنە قول قويىستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ا . جاپاروۆتى جانە ونىڭ ساپارلاستارىن قىزۋ قارسى الاتىندىعىن ءبىلدىرىپ، زۇڭلي مىرزا مەن قىرعىزستان جاقتىڭ بيىل 3 - ايدا جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىن قىزۋ مەرەيمەن كۇتىپ العاندىعىنا العىس ايتتى. ما شيڭرۇي مىنالاردى ءبىلدىردى: تۇڭعىش كەزەكتى جۇڭگو − ورتا ازيا باسشىلار ماجىلىسىندە ءتوراعا شي جينپيڭ ورتا ازياداعى 5 ەلدىڭ باسشىلارىمەن كەڭەس وتكىزىپ، ءارقايسى جاق اناعۇرلىم بەرىك جۇڭگو − ورتا ازيا تاعدىرلاس ورتاق تۇلعاسىن قول ۇستاسا قۇرۋ بەكىمىنە كەلىپ، جۇڭگو − ورتا ازيا سەلبەستىگىنىڭ جاڭا جوباسىن بىرگە كەسكىندەدى. جۇڭگو − قىرعىزستان ەكى ەلدىڭ مەملەكەت باسشىلارى جۇڭگو − قىرعىزستان قارىم - قاتىناسىن جاڭا داۋىردەگى جاپپاي ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندىگىن جاريالادى ءارى ءار سالاداعى سەلبەستىكتى كۇشەيتۋ جونىندە ماڭىزدى ورتاق تانىمعا كەلدى، بۇل ءبىزدى ايرىقشا شابىتتاندىردى. شينجياڭنىڭ وڭىرلىك ورىن باسىمدىعى وزگەشە، بايلىق باسىمدىعى كورنەكتى، ساياسات باسىمدىعى ايقىن، دامۋ باسىمدىعى وراسان زور. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭنىڭ ەكونوميكالىق، قوعامدىق دامۋى جانە حالىق تۇرمىسىن جاقسارتۋى بۇرىن بولماعان تابىستارعا قول جەتكىزىپ، سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالىپ، جۇڭگونىڭ ورتا ازيا ەلدەرىمەن جان - جاقتى سەلبەستىگىن تەرەڭدەتۋدە بارىنشا زور رول اتقارادى. سوڭعى جىلدارى جۇڭگو شينجياڭىنىڭ قىرعىزستان جاقتىڭ جەرگىلىكتى ورىندار ارا سەلبەستىگى ۇزدىكسىز تەرەڭدەپ، ناقتىلانىپ، كەڭىستىگى ايرىقشا كەڭەيدى. ءبىز ەلدەرىڭىزدىڭ ءارقايسى جەرلەرىمەن بىرگە ەكى ەلدىڭ مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جان - جاقتى اۋىس - كۇيىستى، سەلبەستىكتى جاپپاي تەرەڭدەتىپ، ءارقايسى تاراۋلاردىڭ، ءارقايسى ساتىداعىلاردىڭ دوستىق بارىس - كەلىسىن كۇشەيتىپ، ەنەرگيا سەلبەستىك مەحانيزمىن ورناتىپ، ەلەكتر قۋاتى، كومىر، قاتىناس، اۋىل شارۋاشىلىعى، ەلەكتروندى ساۋدا، ءوندىرىس قۋاتى جانە جاسىل دامۋ سياقتى سالالارداعى سەلبەستىكتى تەرەڭدەتىپ، كاسىپورىنداردىڭ قوس باعىتتى قارجى قوسۋدى كەڭەيتۋىنە ىنتالاندىرۋدى قالايمىز. شەكارا وتكەلى نەگىزدىك قۇرىلعىلارىن كەمەلدەندىرىپ، كەدەننەن ءوتۋدى قولايلىلاندىرۋدى ىلگەرىلەتىپ، زات تاسىمالى ونىمدىلىگىن جوعارىلاتىپ، جۇڭگو − قىرعىزستان − وزبەكستان تەمىر جول قۇرىلىسى مەن بەدەل شەكارا وتكەلىن اشۋ قىزمەتىن بەلسەنە ىلگەرىلەتەمىز. وقۋ - اعارتۋ، ەمدەۋ، گۋمانيتارلىق ساياحات، مادەني مۇرالاردى قورعاۋ سياقتى سالالارداعى سەلبەستىكتى ورىستەتىپ، دوس قالا سەلبەستىگىن كەڭەيتىپ، ەكى ەل قارىم - قاتىناسىنىڭ دامۋىن جەبەۋ، ەكى جاق حالقىن اناعۇرلىم ويداعىداي يگىلىككە كەنەلدىرۋ ءۇشىن تىڭ ۇلەس قوسامىز.
ا . جاپاروۆ ما شيڭرۇيگە ءتوراعا شي جينپيڭگە ىقىلاستى سالەمىن جەتكىزۋدى ايتتى ءارى 2023 - جىلعى (جۇڭگو) ازيا − ەۆروپا تاۋار ساۋدا كورمەسىنىڭ تولىق تابىستى بولۋىن تىلەدى. ول مىنالاردى ءبىلدىردى: قىرعىزستان مەن جۇڭگونىڭ ساياسي ءوزارا سەنىمدىلىگى ۇزدىكسىز كۇشەيىپ، تاتۋ كورشىلەس دوستىعى ۇزدىكسىز بەكەمدەلىپ، ەكى ەلدىڭ مەملەكەت باسشىلارى ءبىرسىپىرا ماڭىزدى ورتاق تانىمعا كەلدى ءارى ەكى ەل قارىم - قاتىناسىن جاڭا داۋىردەگى جاپپاي ستراتەگيالىق سەرىكتەستىك قارىم - قاتىناسى دەڭگەيىنە كوتەرىپ، ەكى جاق سەلبەستىگىنىڭ دامۋىن اناعۇرلىم ويداعىداي جەبەپ، ەكى ەل حالقىنا اناعۇرلىم كوپ قۇت - ىرىس الا كەلۋدى جاريالادى. قىرعىزستان ”ءبىر بەلدەۋ، ءبىر جول“ باستاماسىن ەڭ ەرتە قولداعان ەلدەردىڭ ءبىرى، باستان - اياق جۇڭگونىڭ شينجياڭىمەن دوستىق سەلبەستىك قارىم - قاتىناستى دامىتۋعا ايرىقشا ءمان بەرىپ كەلەدى. قىرعىزستان جاق جۇڭگو جاقتىڭ شينجياڭ ماسەلەسىندەگى ورىندى تۇرعىسىن باتىل قولدايدى. جۇڭگو قىرعىزستاننىڭ ماڭداي الدى ساۋدا سەرىگى، جۇڭگو − قىرعىزستان سەلبەستىگىنىڭ ماڭىزدى ارناسى بولعان شينجياڭنىڭ قىرعىزستانمەن ەكونوميكا - ساۋدا، دوستىق اۋىس - كۇيىسى كۇن سايىن تەرەڭدەپ، سەلبەستىك ارىنى ۇزدىكسىز جاقساردى. ەكى جاقتىڭ تىلدەسۋدى، بايلانىستى ونان ارى كۇشەيتىپ، دوستىق قارىم - قاتىناستى دامىتۋ جانە ەكونوميكا - ساۋدا سەلبەستىگىن جەبەۋ سياقتىلاردا تىڭ ناتيجەگە قول جەتكىزىپ، جۇڭگو − ورتا ازيا تاعدىرلاس ورتاق تۇلعاسىن قۇرۋعا بىرگە كۇش ۇستەۋىن ءۇمىت ەتەمىن. ا . جاپاروۆ قىرعىزستاننىڭ جۇڭگونىڭ شينجياڭىمەن شەكارا وتكەلى سياقتى نەگىزدىك قۇرىلعى قۇرىلىسى، ەكى جاقتى ساۋدا، ەنەرگيا اشۋ، ەلەكتروندى ساۋدا ىستەرى، جوعارى دارەجەلى وقۋ - اعارتۋ سياقتى سالالارداعى سەلبەستىكتى ونان ارى كۇشەيتۋ جونىندە ناقتى ۇسىنىستار العا قويدى ءارى شينجياڭ كاسىپورىندارىنىڭ قىرعىزستانعا بارىپ قارجى قوسىپ، شارۋاشىلىقتى گۇلدەندىرۋىن قارسى الاتىندىعىن، قىرعىزستان جاقتىڭ قارجى قوسۋشىلاردىڭ مۇددەسىن شىنايى قورعاپ، ەكى جاقتىڭ سەلبەستىگىنە تاماشا شارت - جاعداي جاراتاتىندىعىن ءبىلدىردى.
كەڭەستەن كەيىن ا . جاپاروۆ جانە ما شيڭرۇي قاتارلىلاردىڭ بىرگە كۋا بولۋىندا، ەكى جاق قاتىستى سەلبەستىك ەسكەرتپە حاتىنا جانە كەلىسىمگە قول قويىستى.
قىرعىزستاننىڭ جۇڭگوداعى باس ەلشىسى جانە قاتىستى تاراۋلارىنىڭ، قۇرىلىمدارىنىڭ، كاسىپورىندارىنىڭ جاۋاپتى قىزمەتكەرلەرى، چىن ۋيجۇن، قادەن كابەن، سۇن حۇڭمەي، ءماردان مۇحيت، اۆتونوميالى رايوننىڭ قاتىستى تاراۋلارىنداعى، كاسىپورىندارداعى جانە ورتالىقتىڭ شينجياڭدا تۇراتىن قاتىستى ورىندارىنداعى نەگىزگى جاۋاپتى جولداستار قيمىلعا قاتىناستى.
