انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 8 - ايدىڭ 16 - كۇنى ۇرىمجىدە شينجياڭدا ساپاردا بولۋعا ءارى 2023 - جىلعى (جۇڭگو) ازيا − ەۆروپا تاۋار ساۋدا كورمەسىنە قاتىناسۋعا كەلگەن قازاقستاننىڭ ورىنباسار زۇڭليى، قوسىمشا ساۋدا جانە ءبىر تۇلعالاندىرۋ مينيسترلىگىنىڭ مينيسترى جۇمانعارينمەن جانە ونىڭ ساپارلاستارىمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتىستى قيمىلدارعا قاتىناستى.
ما شيڭرۇي اۆتونوميالى رايوندىق پارتكوم جانە ۇكىمەت اتىنان جۇمانعاريندى جانە ونىڭ ساپارلاستارىن قىزۋ قارسى الاتىندىعىن ءبىلدىرىپ، ورىنباسار زۇڭلي مىرزانىڭ جانە قازاقستان جاقتىڭ بيىل 3 - ايدا جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىن ىستىق ىقىلاسپەن قارسى العاندىعىنا العىس ايتتى. ول مىنانى ءبىلدىردى: ءتوراعا شي جينپيڭنىڭ جانە ەلدەرىڭىز زۇڭتۇڭىنىڭ ستراتەگيالىق جەتەكشىلىگىندە جۇڭگو − قازاقستان قارىم - قاتىناسىنىڭ مازمۇنى ۇزدىكسىز بايىپ، دەڭگەيى ءۇرتىس جوعارىلاپ، جەتىستىگى اناعۇرلىم سۇبەلى بولدى. تۇڭعىش كەزەكتى جۇڭگو − ورتا ازيا باسشىلار ءماجىلىسى جۇڭگو مەن ورتا ازيا سەلبەستىگىنىڭ جاڭا داۋىرگە قادام تاستاۋىن ىلگەرىلەتتى، اسىرەسە، ەكى ەلدىڭ مەملەكەت باسشىلارى ەكى جاقتىڭ كوپ سالاداعى سەلبەستىگى جونىندە جان - جاقتىلى ورتاق تانىمعا كەلىپ، ەكى ەل قارىم - قاتىناسىنىڭ ونان ارى جوعارىلاۋىن ىلگەرىلەتىپ، ءبىزدى بارىنشا جەلپىندىردى. شينجياڭ − جۇڭگونىڭ باتىسقا ەسىك اشۋداعى ماڭىزدى قاقپاسى، جىبەك جولى ەكونوميكالىق بەلدەۋى وزەكتى رايونى، ءبىز وڭىرلىك ورىن، ساياسات، بايلىق سياقتى باسىمدىقتاردى تولىق ساۋلەلەندىرىپ، تەرەڭ قاتپارلى، كەڭ سالالى، جان - جاقتىلى سىرتقا ەسىك اشۋدى ۇزدىكسىز كەڭەيتىپ، ازيا − ەۆروپا التىن ارناسىن جانە باتىسقا ەسىك اشۋداعى قاقپانى بەلسەنە تۇلعالايمىز. جۇڭگو − قازاقستان سەلبەستىگىنىڭ اتويشىسى رەتىندە، شينجياڭ مەن قازاقستاننىڭ جەرگىلىكتى ورىندارى اراسىنداعى سەلبەستىك ۇزدىكسىز تەرەڭدەپ، جەتىستىكتەرى كۇن سايىن كورنەكتىلەنە ءتۇستى. ءبىز ەكى ەل مەملەكەت باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، ەلدەرىڭىزدىڭ جەرگىلىكتى ورىندارىمەن اراداعى سان - سالالى سەلبەستىكتى جان - جاقتىلى كۇشەيتىپ، ءارقايسى تاراۋلاردىڭ، ءارقايسى ساتىداعىلاردىڭ اۋىس - كۇيىسىن جيىلەتىپ، ەكونوميكا - ساۋدا سەلبەستىك دەڭگەيىن جوعارىلاتىپ، ”جىبەك جولى ەلەكتروندى ساۋداسى“ قۇرىلىسىن بىرگە ىلگەرىلەتىپ، ەنەرگيا، ەگىن، مال شارۋاشىلىعى سەلبەستىگىن تەرەڭدەتىپ، نەگىزدىك قۇرىلعىلاردىڭ ۇلاسۋ - تۇتاسۋ دەڭگەيىن كوتەرىپ، مادەنيەت - ساياحات، دەنساۋلىق ساقتاۋ، دوس قالالاردىڭ، ت. ب اۋىس - كۇيىسىن نىعايتىپ، جۇڭگو − قازاقستان تاعدىرلاس ورتاق تۇلعاسىن قۇرۋعا تىڭ ۇلەس قوسۋدى قالايمىز.
جۇمانعارين مىنانى ءبىلدىردى: قازاقستان مەن جۇڭگونىڭ سەلبەسۋ، دامۋ كۇيى ۇزدىكسىز جاقساردى، اسىرەسە، قازاقستان جاق پەن جۇڭگونىڭ شينجياڭىنىڭ ەكونوميكا - ساۋداسىنىڭ دامۋى ارىنداي ىلگەرىلەدى، ەكى جاق سەلبەستىگىنىڭ كەلەشەگى كەڭ. مىناداي ۇسىنىس بەرەمىز: ەكى جاقتىڭ وڭىرلەر ارا سەلبەستىك تۇعىرىنان ونان ارى ويداعىداي پايدالانىپ، اۋىس - كۇيىس، سەلبەستىك قيمىلدارىن ۇدايىلاندىرا ورىستەتىپ، ساۋدا بارىس - كەلىسىن ۇزدىكسىز تەرەڭدەتىپ، ەكى جەردىڭ جۇرت تىلەگىنىڭ توعىسۋىن جەبەۋ كەرەك. قورعاس، الاتاۋ ساعاسى سياقتى ءتۇيىندى شەكارا وتكەلدەرىن ارقاۋ ەتىپ، زات اينالىم نەگىزدىك قۇرىلعىلارى قۇرىلىسىن ونان ارى كۇشەيتىپ، اشىق دامۋ قابىلەتىن ۇزدىكسىز جوعارىلاتىپ، ەلەكتروندى ساۋدا سالاسىنداعى سەلبەستىكتى كۇشەيتۋ كەرەك. وسى زامانعى اۋىل شارۋاشىلىعى سەلبەستىگى ورەسىن جوعارىلاتىپ، قازاقستان جاقتىڭ استىق، ماي ماتەريالدارى، ەت تۇرلەرى سياقتىلارىنىڭ جۇڭگو بازارىنا كىرۋىن ۇزدىكسىز ىلگەرىلەتۋ كەرەك. ەنەرگيا سالاسىنداعى سەلبەستىكتى ۇزدىكسىز كەڭەيتىپ، گۋمانيتارلىق اۋىس - كۇيىس جانە مادەنيەت - ساياحات سەلبەستىگىن تەرەڭدەتىپ، ەكى جاق سەلبەستىگىنىڭ اناعۇرلىم جوعارى دەڭگەيگە كوتەرىلۋىن بىرگە ىلگەرىلەتۋ كەرەك.
قازاقستاننىڭ جۇڭگودا تۇراتىن باس ەلشىسى جانە قاتىستى تاراۋلارىنىڭ، قۇرىلىمدارىنىڭ، كاسىپورىندارىنىڭ جاۋاپتىلارى، چىن ۋيجۇن، قادەن كابەن، قايسار ابدىكەرىم، اۆتونوميالى رايوننىڭ قاتىستى تاراۋلارىنداعى، كاسىپورىندارىنداعى جانە ورتالىقتىڭ شينجياڭدا تۇراتىن قاتىستى ورىندارىنداعى نەگىزگى جاۋاپتى جولداستار كەزدەسۋگە قاتىناستى.
