انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 8 - ايدىڭ 16 - كۇنى ۇرىمجىدە جۇڭگو كومۋنيستىك پارتياسى ورتالىق كوميتەتىنىڭ شەتەلدەرمەن بايلانىس جاساۋ ءبولىمى ۇيىمداستىرعان جۇڭگوداعى شەتەل ساۋدا - ونەركاسىپ سالاسىنىڭ ۋاكىلدەر ۇيىرمەسىندەگىلەرمەن كەزدەستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ۋاكىلدەر ۇيىرمەسىندەگىلەردىڭ جۇڭگونىڭ شينجياڭىنا كەلىپ تەكسەرۋدە، ساپاردا بولۋعا ءارى 2023 - جىلعى (جۇڭگو) ازيا − ەۆروپا تاۋار ساۋدا كورمەسىنە قاتىناسۋعا كەلگەندىگىن قارسى الدى. ول مىنالاردى ءبىلدىردى: ءتوراعا شي جينپيڭنىڭ، جۇڭگو كوممۋنيستىك پارتياسىنىڭ پارمەندى باسشىلىعىندا، شينجياڭ جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، قوعامنىڭ تىنىشتىعىن، جاراسىمدىلىعىن ساقتاپ، ەكونوميكانىڭ گۇلدەنۋىن، دامۋىن ىلگەرىلەتىپ، ءار ۇلت حالقىنىڭ تىنىش ءومىر، شات - شادىمان تىرشىلىك كەشىرۋىن جەبەپ، رەفورما، دامۋ، ورنىقتىلىق ىستەرىندە تىڭ تابىستارعا قول جەتكىزىپ، كورىكتى شينجياڭ قۇرىلىسى تىڭ ساتىعا كوتەرىلدى. ءبىر مەزگىل ۋاقىتتان بەرى امەريكا سياقتى باتىس ەلدەرىندەگى جۇڭگوعا قارسى كۇشتەر شينجياڭ جونىندەگى وسەك - اياڭداردى ۇزدىكسىز تاراتىپ، ”شينجياڭ ارقىلى جۇڭگونى شاۋجايلاۋ“ قاسكۇنەمدىگىن جۇزەگە اسىرۋعا ۇرىندى. ساۋدا - ونەركاسىپ سالاسىنىڭ ۋاكىلدەرى وسى رەتكى ساپارى ارقىلى، ءسوز جوق، شينجياڭنىڭ شىنايى جاعدايىن اناعۇرلىم ىشكەرىلەي تۇسىنەتىن بولادى، مۇنىڭ قايسىسى شىنايى، قايسىسى جالعان ەكەنىن ءبىر كورىپ - اق بىلەتىن بولادى. شينجياڭ ەجەلدەن كوپ ۇلت شوعىرلى قونىستانعان، كوپ ءدىن قاتار ءومىر سۇرگەن ءوڭىر، وڭىرلىك ورنى وزگەشە، بايلىعى مول، مادەنيەتى كوپ نەگىزدى. ءبىز ”ءبىر بەلدەۋ، ءبىر جولدى“ بىرگە قۇرۋمەن بەلسەنە توعىسىپ، جىبەك جولى ەكونوميكالىق بەلدەۋى وزەكتى رايونىن جەدەل قۇرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋدەمىز، دامۋ ورايى بۇرىن بولماعان دەڭگەيگە جەتتى، سونداي - اق كاسىپورىنشىلاردىڭ اۋىس - كۇيىستى، سەلبەستىكتى تەرەڭدەتۋىنە كەڭ ءورىس ازىرلەدى. كوپشىلىكتىڭ جۇڭگونىڭ شينجياڭىنا ساپارلاي كەلىپ، تەكسەرۋ جۇرگىزۋىن، قارجى قوسىپ، شارۋاشىلىقتى گۇلدەندىرۋىن، سونىمەن بىرگە رولدارىن بەلسەنە ساۋلەلەندىرىپ، ءوزى تۇرعان ەلدىڭ جۇڭگونىڭ شينجياڭىمەن اۋىس - كۇيىستى كەڭەيتۋىن، ءار سالاداعى سەلبەستىكتى تەرەڭدەتۋىن جەبەۋىن شىن ىقىلاسپەن قارسى الامىز. شينجياڭ − اشىق شينجياڭ، ءبىزدىڭ ەسىك اشۋ سەنىمىمىز كامىل. كوپشىلىكتىڭ ۇنەمى كەلىپ، ارالاپ، كورىپ، شىنايى، كوركەم، گۇلدەنگەن شينجياڭدى ءتىپتى دە كوپ ادامعا تانىستىرۋىن ءۇمىت ەتەمىن.
ۋاكىلدەر ۇيىرمەسىنىڭ باستىعى، ليۆان − جۇڭگو اراب سەلبەستىگى جانە دامۋ قوعامىنىڭ ءتوراعاسى قاسىم مىنالاردى ءبىلدىردى: جۇڭگونىڭ شينجياڭى حالىقتى وزەك ەتكەن دامۋ يدەياسىنا تاباندى بولىپ، ۇلتتاردىڭ بىرگە دامۋىن، العا باسۋىن جەبەدى، كەدەيلىكتەن ارىلتۋدان قامال الۋدى بار كۇشپەن جۇزەگە اسىرعان تابىستى تاجىريبەلەرى ۇيرەنۋگە، ۇلگى الۋعا تاتيدى. رولىن بەلسەنە ساۋلەلەندىرىپ، اراب ەلدەرى مەن جۇڭگونىڭ شينجياڭىنىڭ نىسانعا قارجى قوسۋدى كەڭەيتۋىن جەبەپ، اۋىل شارۋاشىلىعى، جاڭا ەنەرگيا، كەن اشۋ سياقتى كاسىپ سالاسى سەلبەستىگىن تەرەڭدەتەدى. كونگو (كينشاسا) − جۇڭگو ساۋدا - ونەركاسىپ قوعامىنىڭ ءتوراعاسى مابلي، ەگيپەت شيكمەت مادەنيەت توبىنىڭ القا باستىعى سايد، رەسەي ىنتىماق بانكەسىنىڭ ورىنباسار باس جوراسى سەرگەي، جۇڭگو ۇكىمەتى دوستىق سيلىعىنىڭ يەگەرى حوۋسامۋ، مالايزيا ”ءبىر بەلدەۋ، ءبىر جول“ كوميتەتىنىڭ الەۋمەتتىك قارىم - قاتىناس باس باقىلاۋشىسى ۋ سايباۋ، جۇڭگو − جاپونيا ساۋدا قوعامىنىڭ باس حاتشىسى سۇڭگاڭ تيەيە لەبىز ءبىلدىردى، ولار جۇڭگو شينجياڭىنىڭ ەكونوميكالىق، قوعامدىق دامۋ جانە حالىق تۇرمىسىن جاقسارتۋ سياقتى سالالاردا قول جەتكىزگەن تابىستارىنا جوعارى باعا بەرىپ، شينجياڭدا كورگەن - بىلگەندەرىنىڭ باتىس ەلدەرىنىڭ ۇگىتىمەن مۇلدە ۇقسامايتىندىعىن، شينجياڭنىڭ ءىس جۇزىندىك جاعدايىن ءتىپتى دە كوپ ادامعا تانىستىراتىندىقتارىن ءارى شينجياڭمەن اۋىس - كۇيىستى، سەلبەستىكتى بەلسەنە جەبەيتىندىكتەرىن ءبىلدىردى. كوپشىلىك جۇڭگونىڭ شينجياڭىمەن اۋىل شارۋاشىلىعى، ساۋدا، بانكە كاسىبى، ساياحات كاسىبى سياقتى سالالارداعى سەلبەستىكتى كۇشەيتۋ، مادەنيەت اۋىس - كۇيىسىن جەبەۋ، جۇڭگو شينجياڭىنىڭ حيكايالارىن ويداعىداي بايانداۋ سياقتىلار جونىندە ۇسىنىس - پىكىر بەردى ءارى 2023 - جىلعى (جۇڭگو) ازيا − ەۆروپا تاۋار ساۋدا كورمەسىنىڭ تولىق تابىستى بولۋىن تىلەدى.
ەلزات احمەتجان، ۋاڭ گاڭ، ليۋ حۇيجۇن، شەتەل ساۋدا - ونەركاسىپ سالاسىنىڭ ۋاكىلدەر ۇيىرمەسىنىڭ مۇشەلەرى، جۇڭگو كوممۋنيستىك پارتياسى ورتالىق كوميتەتى شەتەلدەرمەن بايلانىس جاساۋ بولىمىندەگى قاتىستى جولداستار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار كەزدەسۋگە قاتىناستى.
