جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى
تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتتەرىن اقىلداستى، ورنالاستىردى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 8 - ايدىڭ 17 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 8 - ايدىڭ 17 - كۇنى ءماجىلىس اشىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتتەرىن اقىلداستى، ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
ءماجىلىس مىنالاردى اتاپ كورسەتتى: ”7 - ايدىڭ سوڭى، 8 - ايدىڭ باسى“ − تاسقىننان ساقتاناتىن شەشۋشى مەزگىل، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتكومدار مەن ۇكىمەتتەر ۇيىمدىق باسشىلىقتى كۇشەيتىپ، جاۋاپكەرشىلىكتى قاتاڭ تياناقتاندىردى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى، ءارقايسى قاتىستى تاراۋلار مەن ورىندار مىندەتىن وتەپ، جاۋاپكەرشىلىگىن ادا ەتىپ، تىزە قوسا سەلبەسىپ، مەملەكەتتىك ۋنيۆەرسال ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قوسىنى اتويلاپ الدا ءجۇرىپ، ازاتتىق ارميا، قارۋلى ساقشى بولىمدەرى شۇعىل كومەككە اتتانىپ، ورتالىق كاسىپورىندارى مەن قوعامدىق كۇشتەر ماڭىزدى مىندەتتى باتىل ارقالاپ، قالىڭ حالىق بۇقاراسى قيىن - قىستاۋ شاقتاردى بىرگە وتكىزىپ، تاسقىننان ساقتانۋدىڭ، اپاتتان قۇتقارۋدىڭ، مەكەندى قورعاۋدىڭ بەرىك قورعانىس شەبىن بىرگە قۇرىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ كۇرەسىندە كەلەلى كەزەڭدىك جەتىستىككە قول جەتكىزدى.
ءماجىلىس مىنالاردى باسا دارىپتەدى: كەزەكتە ەلىمىز ءالى دە باستى تاسقىن مەزگىلىندە تۇر، بۇكىل ەلدىڭ كوپتەگەن جەرلەرىندە نوسەر، تاسقىن، تايفىڭ داۋىلى سياقتى اپاتتار ءالى دە ءجيى تۋىلۋدا، ءىشىنارا الاپتاردا تاسقىن اپاتىنىڭ حاۋىپ - قاتەرى ءالى دە ورىن تەۋىپ وتىر، حۋابەيدىڭ، دۇڭبەيدىڭ ءىشىنارا تاۋلى وڭىرلەرىندە توپىراق قۇرامىنداعى سۋ مولشەرى قانىعۋ دارەجەسىنە جەتتى، سەل، گەولوگيالىق اپات حاۋىپ - قاتەرى جوعارى، ءالى تيتتەي دە بوساڭسۋعا بولمايدى. ءىشىنارا وڭىرلەردە قۋاڭشىلىق جايتى بايقالۋدا جانە ۇلعايۋدا، بۇعان دا نەمقۇرايدى قاراۋعا كەلمەيدى. ءارقايسى قاتىستى وڭىرلەر، تاراۋلار جانە ورىندار تاسقىننان ساقتانۋ، اپاتتان قۇتقارۋ سىندى وسى ارقاۋدى قاي - قاشان دا مىقتاپ شيراتىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن باستان - اياق ءبىرىنشى ورىنعا قويىپ، ”قاي - قاشان دا قام جەيتىن“ جاۋاپكەرشىلىك سەزىممەن تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتتەرىن باستان - اياق تىڭعىلىقتى، ويداعىداي ىستەۋى كەرەك.
ءماجىلىس مىنالاردى اتاپ كورسەتتى: دالمە ءدال الدىن الا ساقتاندىرىپ، سايكەسىپ، اۋا رايىنان الدىن الا ساقتاندىرۋ مەن اپاتتان الدىن الا مالىمەت بەرۋ بويىنشا بىرلەسىپ ارەكەتتەنۋدى اناعۇرلىم كۇشەيتىپ، اپات الدىنداعى الدىن الا ساقتاندىرۋدى كورنەكتىلەندىرىپ، تۇيىننەن - تۇيىنگە دەيىن دالمە - ءدال الدىن الا مالىمەت بەرۋ مەن ۇزدىكسىز جاڭالاۋدى ويداعىداي ىستەپ، الدىن الا ساقتاندىرۋدىڭ باعىتتامالىلىعىن ءتىپتى دە كۇشەيتىپ، نەگىزگى ساتىداعى تاسقىننان ساقتانۋ جاۋاپتى ادامىنا تىكە جەتەتىن اپات الدىنداعى الدىن الا ساقتاندىرۋعا ”سايكەسۋ“ مەحانيزمىن تياناقتاندىرىپ، الدىن الا ساقتاندىرۋ مەن شۇعىل اڭىس قايتارۋ بويىنشا بىرلەسىپ ارەكەتتەنۋدى كۇشەيتىپ، شۇعىل جاعدايعا توتەپ بەرۋ دايىندىق ارەكەتى شاراسىن تياناقتاندىرىپ، قىزمەت ىرىقتىلىق ۇقىعىن يگەرۋ كەرەك. ساقتانۋ ءتۇيىنىن كورنەكتىلەندىرۋ كەرەك، الاپتىق جويقىن تاسقىندى قاشاندا تاسقىننان ساقتانۋ قىزمەتىندە ەڭ ماڭىزدى ورىنعا قويىپ، داريا، وزەن الابىندا تاسقىننان ساقتانۋدى ورنالاستىرۋ قىزمەتىن ويداعىداي جوسپارلاپ، ويداعىداي تياناقتاندىرىپ، جوبا، قوسىن، زاتتىق ماتەريال جانە تاسقىن سۋىن بوگەۋ وڭىرلەرىن ىسكە قوسۋ دايىندىعىن جالپى بەتتىك جاقسى ىستەپ، ۇلكەن داريا، ۇلكەن وزەندەردىڭ تاسقىننان حاۋىپسىز ءوتۋىن قامتاماسىز ەتۋ؛ ورتاشا، شاعىن وزەن اعارلارىنىڭ تاسقىنى، ورتاشا، شاعىن سۋ قويمالارىنىڭ تاسقىننان ءوتۋى، سەل جانە گەولوگيالىق اپات، قالا مەن اۋىلداردى سۋ باسۋ سياقتى ءالسىز بۋىندارعا قاتىستى تاسقىننان ساقتانۋ، حاۋىپسىزدىكتى قامتاماسىز ەتۋ شارالارىن ەگجەي - تەگجەيلى تياناقتاندىرىپ،ءتۇرلى حاۋىپ - قاتەرلەردى، كومەسكى كىناراتتاردى اپاتقا اينالۋدان بۇرىن جويۋ؛ تاسقىننان ساقتانۋ مەن قۋاڭشىلىققا قارسى اتتانۋ قىزمەتىن ءبىر تۇتاس جوسپارلاپ ويداعىداي يگەرىپ، قۋاڭشىلىق پەن سۋ باسۋدىڭ قاباتتاسا تۋىلۋىنان، قۋاڭشىلىق پەن سۋ باسۋدىڭ شۇعىل اۋىسۋىنان قاتاڭ ساقتانۋ كەرەك. باتىل تۇردە كوشىرىپ، قاتەردەن ساقتانىپ، ”ون ساقتانۋدىڭ توعىزى بوس حارەكەت بولسا دا، الدىن الۋدا استە بەيعامدىق ىستەمەي“، شەشۋشى ساتتە قاتەرلى وڭىردەگى بۇقارانى باتىل تۇردە شەگىندىرىپ، كوشىرىپ، ادامداردى كوشىرىپ قاتەردەن ساقتانۋ جوباسىن اناعۇرلىم اشالاپ، كوشىرۋگە تيىستىلەرىن تۇگەلدەي كوشىرۋگە، كوشىرۋگە تيىستىلەرىن ەرتەرەك كوشىرۋگە شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: بار كۇشپەن قاتەردەن اراشالاپ، قۇتقارىپ - كومەكتەسىپ، مەملەكەتتىڭ ۋنيۆەرسال ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قوسىنى، ازاتتىق ارميا مەن قارۋلى ساقشى بولىمدەرى، ورتالىق كاسىپورىندارى مەن قوعامدىق كۇشتەر سياقتى ءتۇرلى قۇتقارۋ - كومەكتەسۋ كۇشتەرىن ءبىر تۇتاس جوسپارلاپ ورنالاستىرىپ، جوعارى ءونىمدى قۇتقارۋ - كومەكتەسۋگە، عىلمي قۇتقارۋ - كومەكتەسۋگە شىنايى كەپىلدىك ەتىپ، بار كۇشپەن توسپانى بەكەمدەپ، قاتەردى جويىپ، بار كۇشپەن قامالىپ قالعانداردى شۇعىل قۇتقارىپ، بار كۇشپەن حابارسىز كەتكەندەردى ىزدەستىرىپ - قۇتقارىپ، ءولىم - ءجىتىمدى ەڭ جوعارى شەكتە ازايتۋ؛ ءالسىز توسپا بولىكتەرىن، شەشۋشى توسپا قورعانىسىن كۇنى بۇرىن بەكەمدەپ، بيىكتەتىپ، ارناۋلى كۇشتەردى ورنالاستىرىپ، توقتاۋسىز شارلاپ - قورعاپ، ارالاپ - تەكسەرىپ، كەۋەكتەنۋ، جىرىلۋ سياقتى ەلەۋلى قاتەر جايتىن دەر كەزىندە ءبىر جاقتى ەتىپ، تاسقىننان حاۋىپسىز ءوتۋ تومەنگى شەگىن باتىل ساقتاۋ كەرەك. بۇقارانى لايىقتى ورنالاستىرۋ كەرەك، بۇل رەتكى اپاتتا اپاتقا ۇشىراۋ اۋماعى كەڭ، ىسكە قوسىلعان تاسقىن بوگەۋ وڭىرلەرى كوپ، كوشىرىپ ورنالاستىرىلعان بۇقارا كوپ، اپاتقا ۇشىراعان بۇقارانىڭ نەگىزگى تۇرمىسىن مۇمكىندىكتىڭ بارىنشا ويداعىداي قامتاماسىز ەتىپ، ورتانى زارارسىزداندىرۋ مەن تازالىق، ىندەتتەن ساقتانۋ قىزمەتىن ويداعىداي ىستەپ، بازاردىڭ قامداۋدى قامتاماسىز ەتۋىن، باعانى ورنىقتىرۋدى كۇشەيتىپ، اپات تۋىلعان وڭىرلەردىڭ قالىپتى ءوندىرىس - تۇرمىس ءتارتىبىن تەز ارادا قالپىنا كەلتىرۋ كەرەك.
ءماجىلىس مىنالاردى اتاپ كورسەتتى: اپاتتان قۇتقارۋ قارجىسىنان ويداعىداي پايدالانىپ، قالپىنا كەلتىرۋدى، قايتا قۇرۋدى تەزدەتىپ، قاتىناس، حابارلاسۋ، ەلەكتر سياقتى بۇلىنگەن نەگىزدىك قۇرىلعىلاردى ۋاقىتتى مىقتى يگەرىپ شۇعىل جوندەپ، اپاتتا ويراندالعان ەگىنجايلار مەن اۋىل شارۋاشىلىق قۇرىلعىلارىن ۋاقىتتى مىقتى يگەرىپ قالپىنا كەلتىرىپ، اۋىل شارۋاشىلىق ءوندىرىس قۇرال - جابدىقتارىمەن قامداۋدى قامتاماسىز ەتۋ تەبىنىن ارتتىرىپ، شارۋالارعا باعىتتالعان اۋىل شارۋاشىلىق تەحنيكاسى جەتەكشىلىگىن كۇشەيتىپ، شارۋالاردى بەلسەنە تولىقتاپ ەگۋگە، وڭاۋعا ۇيىمداستىرىپ، اۋىل شارۋاشىلىعىندا اپاتتان ساقتانۋ، اپات شىعىنىن ازايتۋ قىزمەتىن ويداعىداي ىستەپ، اۋىل شارۋاشىلىعى شىعىنىن ەڭ جوعارى شەكتە ازايتىپ، مەملەكەتتىڭ استىق حاۋىپسىزدىگىن قامتاماسىز ەتۋ كەرەك. مەكتەپ، شيپاحانا، قارتتاردى كۇتىمدەۋ ورنى سياقتى الەۋمەتتىك قۇرىلعىلاردى قالپىنا كەلتىرۋدى، قايتا قۇرۋدى جەدەل ىلگەرىلەتىپ، اپاتقا ۇشىراعان وقۋشىلاردىڭ بارلىعىنىڭ ۋاعىندا ساباق باستاۋىنا، مەكتەپكە ورالۋىنا كەپىلدىك ەتۋ كەرەك. اپاتتا ويراندالعان ۇيلەردى جوندەۋدى، قايتا سالۋدى جىلدام باستاپ، اپاتقا ۇشىراعان بۇقارانىڭ قىس تۇسۋدەن بۇرىن ۇيلەرىنە قايتا الۋىنا نەمەسە جاڭا قونىسقا كوشىپ كىرۋىنە، قىستان حاۋىپسىز، جىلى وتۋىنە شىنايى كەپىلدىك ەتۋ كەرەك. فينانس قۇرىلىمدارى قاتىستى تارتىپتەردى ساپالىلاندىرىپ، قاراپايىمداستىرىپ، اپاتقا ۇشىراعان وڭىرلەرگە سەنىمدى امانات - قارىز اقشا جاعىنان قولداۋ كورسەتۋدى جانە قامسىزداندىرۋ تولەمىن بەرۋدى كۇشەيتۋ، سونىمەن بىرگە حاۋىپ - قاتەرلەردى، كومەسكى كىناراتتاردى ءبىر - بىرلەپ تەكسەرۋدى ءۇرتىس ويداعىداي ىستەپ، اپاتقا ۇشىراعان بۇقارا مەن تيجارات تۇلعالارىنىڭ قيىن وتكەلدەن وتۋىنە قۇلشىنا كومەكتەسۋ كەرەك.
ءماجىلىس مىنالاردى باسا دارىپتەدى: مۇقياتتىلىقپەن ءبىر - بىرلەپ تەكسەرىپ، قورىتىندىلاپ، ۋاقىتتى مىقتى ۇستاپ ولقىلىقتاردى تولىقتاپ، ءالسىز تۇستاردى كۇشەيتىپ، ەلىمىزدىڭ اپاتتان ساقتانۋ، اپات شىعىنىن ازايتۋ، اپاتتان قۇتقارۋ قابىلەتىن اناعۇرلىم جوعارىلاتۋ كەرەك. ءار دارەجەلى شۇعىل جاعدايعا توتەپ بەرۋ قولباسشىلىق شتابى جۇيەسىن اناعۇرلىم كۇشەيتىپ قۇرىپ، ورنالاستىرۋ، قولباسشىلىق ەتۋ، كەڭەسۋ، تۇجىرىمداۋ، كاسىپتىك قامتاماسىزدىق سياقتى قۇرىلعى جابدىقتارى مەن جۇيەسىن كەمەلدەندىرىپ، جوعارى مەن تومەندى تۇتاستىرۋعا، ءبىر تۇلعالاندىرىپ توتەپ بەرۋگە شىنايى كەپىلدىك ەتۋ كەرەك. مەملەكەتتىڭ وڭىرلىك شۇعىل جاعدايعا توتەپ بەرۋ، قۇتقارۋ - كومەكتەسۋ ورتالىعىنىڭ قابىلەت قۇرىلىسىن كۇشەيتىپ، شۇعىل، قيىن، قاتەرلى، ماڭىزدى مىندەت اتقارۋدى تياناق ەتىپ، وڭىرلىك سيپاتتى ەلەۋلى جاراتىلىستىق اپاتتاردان قۇتقارۋ - كومەكتەسۋ قاجەتىن كورنەكتىلەندىرىپ، وڭىرلىك قۇتقارۋ - كومەكتەسۋ ناقتى شايقاستىق قابىلەتىن تەز ارادا قالىپتاستىرۋ كەرەك. نەگىزگى ساتىنىڭ اپاتتان ساقتانۋ، قاتەردەن ساقتانۋ قابىلەتىن كۇش سالا جوعارىلاتىپ، نەگىزگى ساتىنىڭ شۇعىل جاعدايعا توتەپ بەرۋدى باسقارۋ ۇيىمدىق جۇيەسىن كەمەلدەندىرىپ، نەگىزگى ساتىنىڭ ۋنيۆەرسال شۇعىل جاعدايعا توتەپ بەرۋ، قۇتقارۋ - كومەكتەسۋ قوسىنى قۇرىلىسىن كۇشەيتىپ جانە ارناعا ءتۇسىرىپ، اپاتتان ساقتانۋداعى ءتۇيىندى وڭىرلەر مەن حاۋىپ - قاتەرى جوعارى اۋىل - قالاشىقتارعا، قىستاق - گرۋپپالارعا قاجەتتى جابدىقتاردى تاراتىپ بەرىپ، نەگىزگى ساتىنىڭ ءوزىن قۇتقارۋ، ءوزارا قۇتقارۋ قابىلەتىن جوعارىلاتۋ كەرەك. الاپتاردىڭ، اسىرەسە، سولتۇستىك وڭىرلەردەگى نەگىزگى داريا، وزەن الاپتارىنىڭ تاسقىننان ساقتانۋ ينجەنەريا جۇيەسىن جەدەل كەمەلدەندىرىپ، تاسقىن بوگەۋ وڭىرلەرىنىڭ حاۋىپسىزدىك قۇرىلىسى مەن اينالىمىن باسقارۋدى كۇشەيتىپ، ساقتانۋ قابىلەتىن تۇتاس تۇلعالىق جاقتان جوعارىلاتۋ كەرەك. قالالاردىڭ تاسقىننان ساقتانۋ، ىركىلگەن سۋدى ىعىستىرۋ قابىلەتى مەن قۇرىلىسىن كۇشەيتىپ، قالالاردىڭ سۋ ىعىستىرۋ قۇبىر تورى سياقتى نەگىزدىك قۇرىلعىلارىنىڭ اينالىم قابىلەتىن جاڭالاپ، دارەجەسىن جوعارىلاتىپ وزەن ارنالارىندا تاسقىن سۋىن ىعىستىرۋ ينجەنەرياسىمەن ءونىمدى ۇشتاستىرىپ، قالالاردىڭ نەگىزگى سۋ ىعىستىرۋ جولدارىن ىركىلىسسىزدەندىرۋدى قامتاماسىز ەتۋ كەرەك.
ءماجىلىس مىنالاردى تالاپ ەتتى: ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، تۇلعالىق جاۋاپكەرشىلىكتەرىن اناعۇرلىم تياناقتاندىرۋى كەرەك، ءار دارەجەلى باسشى كادرلار، اسىرەسە، نەگىزگى باسشى كادرلار الدا ءجۇرىپ قولباسشىلىق ەتۋى كەرەك، ءارقايسى قاتىستى وڭىرلەر، تاراۋلار جانە ورىندار ءوز مىندەتتەرىن وتەۋى كەرەك، ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قوسىنى، ازاتتىق ارميا مەن قارۋلى ساقشى بولىمدەرى باتىلدىقپەن العا ىلگەرىلەۋى كەرەك، نەگىزگى ساتى پارتيا ۇيىمدارى مەن قالىڭ پارتيا مۇشەلەرى، كادرلار جاۋىنگەر قورعاندىق رولى مەن اۆانگارد، ۇلگىلىك رولىن تولىق ساۋلەلەندىرىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋدىڭ ءبىرىنشى شەبىندە اۋىر مىندەت ارقالاپ، اۆانگارد بولىپ، اتويلاپ العا شىعىپ، حالىق بۇقاراسىنا تىعىز سۇيەنىپ، پارتيانىڭ ساياسي ابزالدىلىعىن، ۇيىمدىق ابزالدىلىعىن، بۇقارامەن ەتەنە بايلانىس جاساۋ ابزالدىلىعىن تاسقىننان ساقتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋدىڭ قۋاتتى ساياسي ابزالدىلىعىنا اينالدىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتۋى كەرەك.
ءماجىلىس باسقا دا ىستەردى اقىلداستى.
