حۋنان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى
ما شيڭرۇي، شىن شياۋميڭ، ەركىن تۇنياز، ءزۇمىرات وبۇل، لي يفي، جاڭ چۇنلين، حى جۇڭيوۋ قيمىلعا قاتىناستى
8 - ايدىڭ 15 - كۇنىنەن 17 - كۇنىنە دەيىن حۋنان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى. سۋرەتتە: 8 - ايدىڭ 15 - كۇنى ما شيڭرۇي، شىن شياۋميڭ، ەركىن تۇنياز قاتارلىلار جينفىڭ عىلىم - تەحنيكا دابانچىڭ كاسىپ سالاسى بازاسىندا جابدىق جاساۋ كاسىبىنىڭ دامۋ جاعدايىن تەكسەرۋدە.
□ سۋرەتتى انار بۇلت \ شينجياڭ گازەتىنىڭ ءتىلشىسى لي رۇي تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، جاڭ لەي 8 - ايدىڭ 17 - كۇنى ۇرىمجىدەن حابارلايدى. 8 - ايدىڭ 15 - كۇنىنەن 17 - كۇنىنە دەيىن حۋنان ولكەلىك پارتكومنىڭ شۋجيى شىن شياۋميڭ حۋنان ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ءتۇيىلىستىردى، ەكى ولكە، اۆتونوميالى رايون قىزمەت اڭگىمە ءماجىلىسىن وتكىزىپ، سەلبەستىك حۇجاتتارىنا قول قويىپ، كەلەسى قادامداعى شينجياڭعا باعىتتامالى كومەكتەسۋ قىزمەتىنىڭ تۇيىندەرىن اقىلداسىپ، ەكى جاقتىڭ جان - جاقتى اۋىس - كۇيىسىن، سەلبەستىگىن تەرەڭدەتىپ، ءىس جۇزىندىك ارەكەتتەرى ارقىلى باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قاتىستى قيمىلدارعا قاتىناستى.
8 - ايدىڭ 15 - كۇنى تۇستەن بۇرىن حۋنان ولكەسى . شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ءۇرىمجى قالاسىندا اشىلدى. ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ءار ۇلت كادر - بۇقاراسى اتىنان حۋنان ولكەسىنىڭ شينجياڭ قىزمەتىنە كورسەتكەن زور قولداۋى مەن قالتقىسىز كومەگىنە شىن جۇرەكتەن العىس ايتتى. ول بىلاي دەدى: حۋنان نازاردى شي جينپيڭ جولداستى ۇيتقى ەتكەن پارتيا ورتالىق كوميتەتى جۇكتەگەن ”ءۇش بيىك بەلەس، ءتورت جاڭا بورىش“ ستراتەگيالىق ورنىنا شوعىرلاندىرىپ، ”دامۋدىڭ التى شايقاسىن“ كۇش سالا ويداعىداي جۇرگىزىپ، جۇڭگو ۇلگىسىندەگى وسىزامانداندىرۋدىڭ حۋنان امالياتىنىڭ تىڭ قادام تاستاۋىن ىلگەرىلەتتى. حۋنان شينجياڭعا باعىتتامالى كومەكتەسۋ قىزمەتىن باستان - اياق ماڭىزدى ورىنعا قويىپ، نازاردى كادر - دارىندى، وقۋ - اعارتۋ، ەمدەۋ، ەكونوميكا - ساۋدا سەلبەستىگى، ارالاسۋ، ىشتەسۋ، توعىسۋ سياقتى سالالارعا شوعىرلاندىرىپ، ۇزدىكسىز شينجياڭعا كومەكتەسۋ تەبىنىن ارتتىرىپ، شينجياڭعا كومەكتەسۋ تاسىلىندە جاڭالىق اشىپ، شينجياڭعا كومەكتەسۋ ونىمدىلىگىن جوعارىلاتىپ، شينجياڭنىڭ رەفورماسىنا، دامۋىنا، ورنىقتىلىعىنا ماڭىزدى ۇلەس قوستى. ءبىز باس شۋجيدىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ەكى ولكە - رايوننىڭ ستراتەگيالىق ءتۇيىلىسۋىن، دامۋداعى بىرلەسىپ ارەكەتتەنۋىن ۇزدىكسىز تەرەڭدەتىپ، جوعارى ساپالى دامۋدىڭ جاڭا تابىستارىمەن جۇڭگو ۇلگىسىندەگى وسىزامانداندىرۋ قۇرىلىسىنا اناعۇرلىم زور ۇلەستەردى قوسامىز. ەكى جاقتىڭ وزىندىك دامۋ ستراتەگياسىن ارقاۋ ەتە وتىرىپ، ەنەرگيا بايلىعى، وزىق جاساۋ كاسىبى، اۋىل شارۋاشىلىعى ونىمدەرىن وڭدەۋ، عىلىم - تەحنيكادا جاڭالىق اشۋ، سىرتقا ەسىك اشۋ، مادەنيەت - ساياحات سياقتى سالالارداعى سەلبەستىكتى ۇزىكسىز تەرەڭدەتىپ، جاڭا دامۋ ارناسىنا قول ۇستاسا قىزمەت وتەۋ جانە ونىمەن توعىسۋ بارىسىندا باسىمدىقتارى ارقىلى ءوزارا تولىقتاۋدى، دامۋدى، بىرگە العا باسۋدى جۇزەگە اسىرۋىن ءۇمىت ەتەمىز. ۇلتتار ىنتىماعىن جەبەۋدى ارقاۋ ەتىپ، حۋناننىڭ عىلىم، وقۋ - اعارتۋ جانە قىزىل مادەنيەت بايلىعى باسىمدىعىن ساۋلەلەندىرىپ، ”شينجياڭدى مادەنيەتپەن نارلەندىرۋدى“ ىشكەرىلەي ىلگەرىلەتىپ، ەكى جەردەگى كادرلارمەن بۇقارانىڭ كوپ ساتىداعى، كوپ سالاداعى، كوپ فورماداعى بارىس - كەلىسىن، ىقپالداستىعىن جەبەپ، جۇڭحۋا ۇلتى ورتاق تۇلعا تانىمىن ناقتى، اسەرلى، ءونىمدى تۇردە بەرىك ورناتامىز. حالىقتىڭ قۇت - ىرىسىن ارتتىرۋدى ارقاۋ ەتىپ، شينجياڭعا كومەكتەسۋدەگى قارجى، نىسان، دارىندى سياقتىلاردى نەگىزگى ساتىعا جانە ءتۇيىندى وڭىرلەرگە اناعۇرلىم كوبىرەك بەيىمدەپ، وقۋ - اعارتۋ، ەمدەۋ دارىندىلارىنىڭ ”ۇيىرمە قۇراۋ فورماسىمەن“ شينجياڭعا كومەكتەسۋ تەبىنىن ارتتىرىپ، اۋىل - قىستاقتى گۇلدەندىرۋدى كۇش سالا جەبەپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جاساۋىن، جۇرت تىلەگىن اناعۇرلىم ويداعىداي توعىستىرۋىن ىلگەرىلەتەمىز. شينجياڭ تۇلعالىق جاۋاپكەرشىلىكتى شىنايى تياناقتاندىرىپ، ىرىقتىلىقپەن تىلدەسۋدى، ءتۇيىلىسۋدى كۇشەيتىپ، شينجياڭعا كومەكتەسۋ نىسان قارجىسىنان جانە كادر - دارىندى بايلىعىنان ويداعىداي پايدالانىپ، تاماشا ورتا جاراتۋعا قۇلشىنىپ، شينجياڭعا باعىتتامالى كومەكتەسۋ قىزمەتىنىڭ تەرەڭدەۋىن، ناقتىلانۋىن ىلگەرىلەتەدى.
شىن شياۋميڭ ولكەلىك پارتكوم، ولكەلىك ۇكىمەت اتىنان شينجياڭ ۇيعۇر اۆتونوميالى رايونىنىڭ جانە شينجياڭ ءوندىرىس - قۇرىلىس بيڭتۋانىنىڭ ەكونوميكالىق، قوعامدىق دامۋدا قول جەتكىزگەن كەلەلى تابىستارىن قۇتتىقتايتىندىعىن، شينجياڭداعى ءار ۇلت كادرلارمەن بۇقاراسىنىڭ شەكاراعا تامىر تارتىپ، قاجىرلىلىقپەن كۇرەس جۇرگىزىپ، ايانباي ۇلەس قوساتىن قىمباتتى رۋحىنا قۇرمەت بىلدىرەتىندىگىن ايتتى ءارى اۆتونوميالى رايون مەن بيڭتۋاننىڭ ۇزاق ۋاقىتتان بەرى حۋناننىڭ قىزمەتىنە زور كۇشپەن قولداۋ كورسەتكەندىگىنە جانە حۋناننىڭ شينجياڭعا كومەكتەسۋشى كادر - دارىندىلارىنا كوڭىل بولگەندىگىنە، قامقورلىق جاساعاندىعىنا العىس ايتتى. ول بىلاي دەدى: تاياۋ جىلداردان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايون جانە بيڭتۋان جاڭا داۋىردەگى پارتيانىڭ شينجياڭدى باسقارۋ جالپى جوباسىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ”بەس ۇلكەن ستراتەگيالىق ورىندى“ تياناقتاندىرىپ، جوعارى ساپالى دامۋدى جەدەل ىلگەرىلەتىپ، تيانشان الابىنىڭ بارلىق جەرىندە گۇلدەنىپ - كوركەيگەن تاماشا جاعداي جارىققا شىقتى. حۋنان پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭعا باعىتتامالى كومەكتەسۋدى باستان - اياق كەلەلى ساياسي مىندەت جانە داڭقتى قىزمەت جاۋاپكەرشىلىگى، بورىشى ەتىپ، ورتالىقتىڭ تاپسىرماسىن ەستە بەرىك ساقتاپ، جەرگىلىكتى ورىننىڭ قاجەتىمەن تىعىز بايلانىستىرىپ، حۋناننىڭ كۇشىن اياماي، شينجياڭعا كومەكتەسۋ مىندەتىن تياناقتاندىرۋدى ”ەكىنى تۇراقتاندىرۋدى“ باتىل قورعاۋدىڭ، ”ەكىنى قورعاۋدى“ باتىل ورىنداۋدىڭ ءىس جۇزىندىك ارەكەتى ەتىپ، شينجياڭعا باعىتتامالى كومەكتەسۋ قىزمەتىن بۇكىل ولكەنىڭ ەكونوميكالىق، قوعامدىق دامۋ جالپى جاعدايىنا قويىپ ءبىر تۇتاس جوسپارلاپ جانە ىلگەرىلەتىپ، فاكتور قامتاماسىزدىعىن كۇشەيتىپ، كاسىپ سالاسى ارقىلى شينجياڭعا كومەكتەسۋ ونىمدىلىگىن جوعارىلاتىپ، حالىق تۇرمىسىن قامتاماسىز ەتىپ جانە جاقسارتىپ، ارالاسۋدى، ىشتەسۋدى، توعىسۋدى تەرەڭدەتىپ، كادر - دارىندىلاردى تاڭداپ جىبەرۋدى ويداعىداي ىستەپ، شينجياڭعا كومەكتەسۋ قىزمەتىن قولداۋ تەبىنىن ونان ارى ارتتىرىپ، قىزمەت ولشەمىن ونان ارى جوعارىلاتىپ، قامتۋ سالاسىن ونان ارى كەڭەيتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز ارتتىرادى. باعىتتامالى كومەكتەسۋدى سەلبەستىكتى تەرەڭدەتۋمەن ءوزارا ۇشتاستىرۋعا تاباندى بولىپ، سىرتقا ەسىك اشۋ سەلبەستىگىن ونان ارى تەرەڭدەتىپ، كاسىپ سالاسىن ءتۇيىلىستىرۋ سەلبەستىگىن كۇشەيتىپ، ەنەرگيا اشۋ سەلبەستىگىن كەڭەيتىپ، ۇلتتار ىنتىماعى، العاباسارلىعى سەلبەستىگىن ىلگەرىلەتىپ، اۋىس - كۇيىس، ىستەستىك مەحانيزمىن كەمەلدەندىرىپ، ەكى ولكە - رايوننىڭ اۋىس - كۇيىسىنىڭ، سەلبەستىگىنىڭ جاڭا تاراۋىن قۇلشىنا جازامىز.
اڭگىمە ماجىلىسىندە ەركىن تۇنياز، لي يفي جەكە - جەكە اۆتونوميالى رايون مەن بيڭتۋاننىڭ رەفورما، دامۋ، ورنىقتىلىق جانە باعىتتامالى كومەكتەسۋ قىزمەتىنىڭ جاعدايىن تانىستىردى، حۋنان ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى لي ديانشۇن حۋنان ولكەسىنىڭ ەكونوميكالىق، قوعامدىق دامۋى مەن باعىتتامالى كومەكتەسۋ قىزمەتى جاعدايىن تانىستىردى، ەكى ولكە - رايون قاتىستى سەلبەستىك ەسكەرتپە حاتىنا قول قويىستى.
شينجياڭداعى كەزىندە حۋنان ولكەسىنىڭ پارتيا، ۇكىمەت ۋاكىلدەر ۇيىرمەسى ءۇرىمجى حالىقارالىق قۇرلىقتىق پورت اۋماعىنا، جينفىڭ عىلىم - تەحنيكا جارنا شەكتى سەرىكتەستىگىنە بارىپ، سىرتقا ەسىك اشۋ جانە جابدىق جاساۋ كاسىبىنىڭ دامۋ جاعدايىن تەكسەردى. تۇرپان قالاسىنداعى ءبىر رايون، ەكى اۋداندا ۋاكىلدەر ۇيىرمەسى بويلىق، كاسىپ سالاسى باقشا رايونى جانە جاڭا ماتەريالدار كاسىپورنىندا شينجياڭعا كومەكتەسۋ كاسىپ سالاسى نىساندارىنىڭ اياق الىسىن جانە جۇمىستانۋدى كەڭەيتۋ قىزمەتىن ۇعىستى؛ شيپاحانادا، مەكتەپتە، اۋدان دارەجەلى توعىسپالى مەديا ورتالىعىندا ەمدەۋ، وقۋ - اعارتۋ، اقىل - پاراسات جاعىنان شينجياڭعا كومەكتەسۋ قىزمەتىنە تەكسەرۋ - زەرتتەۋ جۇرگىزدى؛ اۋىل - قىستاق قۇرىلىسىن، اۋىز سۋ ينجەنەرياسىن تەكسەرىپ، ەرەكشە جۇپ قۇراۋ جانە حالىق تۇرمىسىن جاقسارتۋ ونىمدىلىگىن ۇعىسىپ، نەگىزگى ساتىداعى بۇقاراعا امانداستى جانە ولاردان حال سۇرادى؛ مۇراجاي، كارىز جانە ۇلتتار ىنتىماعى، العاباسارلىعى كورمە سارايىندا، ۇلتتار ىنتىماعى، شينجياڭدى مادەنيەتپەن نارلەندىرۋ قىزمەتىن تەكسەردى؛ ناقتى جەردە بيڭتۋان 12 - شىسى 221 - تۋانىندا تەكسەرۋ - زەرتتەۋ جۇرگىزدى. ۋاكىلدەر ۇيىرمەسى تاعى جاس دارىندىلار جاتاقحاناسى مەن شينجياڭعا كومەكتەسۋ الدىڭعى جاق قولباسشىلىق شتابىن ارالادى ءارى شينجياڭعا كومەكتەسۋشى كادر - دارىندىلار اڭگىمە ءماجىلىسىن اشتى.
حۋنان ولكەسىنىڭ باسشىلارى سۇي جۇڭچىڭ، شيە ۋيجياڭ، ۋاڭ يگۋاڭ، ۇلان، چين گوۋىن، شياۋ بايليڭ قيمىلعا قاتىناستى. اۆتونوميالى رايون جانە بيڭتۋان باسشىلارىنان جاڭ جۋ، يۇسۇپجان مامەت، ەلزات احمەتجان، قادەن كابەن، شۋە بين، نۇرىم سىمايلحان، جاڭ ۋىنشىڭ، حا زىڭيوۋ قاتىستى قيمىلدارعا قاتىناستى.
