شينحۋا اگەنتتىگىنىڭ 8 - ايدىڭ 18 - كۇنى بەيجيڭنەن بەرگەن حابارى. تاياۋدا مەملەكەت ءتوراعاسى شي جينپيڭ وڭتۇستىك افريكا دۋربان جاراتىلىستىق عىلىمدار داشۋەسى كۇڭزى شۋەيۋانىنىڭ وقىتۋشى - وقۋشىلارىنا جاۋاپ حات جازىپ، ولاردى جۇڭگو ءتىلىن جاقسى ۇيرەنىپ، جۇڭگو مەن وڭتۇستىك افريكا ەكى ەلدىڭ دوستىق ىستەرىن جالعاستىرۋعا، دامىتۋعا، جۇڭگو مەن افريكانىڭ دوستىق سەلبەستىگىن جەبەۋگە ۇلەس قوسۋعا شابىتتاندىردى.
شي جينپيڭ بىلاي دەپ اتاپ كورسەتتى: 10 جىلدىڭ الدىندا مەن دۋربان جاراتىلىستىق عىلىمدار داشۋەسى كۇڭزى شۋەيۋانىنىڭ قۇرىلۋىنا كۋا بولعان ەدىم. مەن ەكى جاقتىڭ بىرگە قۇلشىنۋىندا، ەكى ەلدىڭ وقۋ - اعارتۋ، مادەنيەت اۋىس - كۇيىسىندە سۇبەلى تابىستارعا قول جەتكەنىن، وڭتۇستىك افريكاداعى كوپتەگەن جاستاردىڭ جۇڭگو ءتىلىن ۇيرەنۋ ارقىلى جۇڭگونىڭ تاريحىن، مادەنيەتىن ءتۇسىنىپ، كاسىپ تاڭداۋ جولىن كەڭەيتىپ، ءومىر ارمانىن جۇزەگە اسىرعاندىعىن اسا قۋانىشپەن كورىپ وتىرمىن.
شي جينپيڭ بىلاي دەپ باسا دارىپتەدى: جۇڭگو دا، وڭتۇستىك افريكا دا وركەندەپ كەلە جاتقان ماڭىزدى ءىرى ەلدەر، ەكى ەلدىڭ جولداس ءارى باۋىرلاس بولۋداي ەرەكشە دوستىعى بار، ءبىر - ءبىرىنىڭ ءتىل مادەنيەتىن ۇيرەنۋ، ءتۇسىنۋ ەكى ەل حالقىنىڭ ءبىرىن - ءبىرى ءتۇسىنۋىن، ۇرپاقتان - ۇرپاققا دوس بولۋىن ىلگەرىلەتۋگە پايدالى. سىزدەردىڭ جۇڭگو ءتىلىن ۇيرەنۋمەن بىرگە، جۇڭگوعا كوبىرەك بارىپ ارالاپ، كورىپ، جۇڭگونى اناعۇرلىم ىشكەرىلەي تانىپ جانە ءتۇسىنىپ، ۇيرەنگەندەرىڭىزدەن، ويعا تۇيگەندەرىڭىزدەن، كورگەن - بىلگەندەرىڭىزدەن پايدالانىپ، شىنايى، ستەرەولدى، جان - جاقتىلى جۇڭگونى ءتىپتى دە كوپ دوستارعا تانىستىرۋلارىڭىزدى قارسى الامىز، ەكى ەلدىڭ دوستىق ىستەرىنە مۇراگەرلىك ەتۋدىڭ، ونى دامىتۋدىڭ ەلشىسى بولۋعا قۇلشىنىپ، جۇڭگو مەن افريكانىڭ دوستىق سەلبەستىگىن جەبەۋگە، ادامزاتتىڭ تاعدىرلاس ورتاق تۇلعاسىن قۇرۋعا ءوز ۇلەستەرىڭىزدى قوسىڭىزدار.
2013 - جىلى 3 - ايدا ءتوراعا شي جينپيڭ وڭتۇستىك افريكادا ساپاردا بولعان كەزدە، جۇڭگو مەن وڭتۇستىك افريكا ەكى جاقتىڭ دۋربان جاراتىلىستىق عىلىمدار داشۋەسىنىڭ كۇڭزى شۋەيۋانىن بىرگە قۇرۋ كەلىسىمىنە قول قويىسۋىنا كۋا بولدى. قۇرىلعان 10 جىلدان بەرى وڭتۇستىك افريكا دۋربان جاراتىلىستىق عىلىمدار داشۋەسىنىڭ كۇڭزى شۋەيۋانى جيىنى 10 مىڭعا جۋىق وقۋشى تاربيەلەدى. تاياۋدا وسى شۋەيۋانداعى 50 وقىتۋشى - وقۋشى بىرلەسىپ ءتوراعا شي جينپيڭگە حات جازىپ، جۇڭگو ءتىلىن ۇيرەنۋ كەشىرمەلەرىن، تابىستارىن جانە اسەرلەرىن باياندادى، ءتوراعا شي جينپيڭ مەن جۇڭگو ۇكىمەتىنىڭ افريكا جاستارىنىڭ ارمانعا تالپىنۋىنا اناعۇرلىم كوپ وراي ازىرلەگەندىگىنە العىس ايتتى، ءتوراعا شي جينپيڭنىڭ وڭتۇستىك افريكادا تاعى دا ساپاردا بولۋىن ىقىلاسپەن كۇتۋدە.
