تاۋار ساۋدا كورمەسىندە ساۋداگەر شاقىرىپ قارجى ەنگىزۋ بويىنشا ءتۇيىندى نىساندار جونىندە كەلىسىم جاساۋ سالتى وتكىزىلدى
273 كەلىسىم جاساسۋ نىسانى جينالىپ، جالپى سوماسى 493 ميلليارد 212 ميلليون يۋانعا جەتتى
ما شيڭرۇي، ەركىن تۇنياز، جاڭ چۇنلين، حى جۇڭيوۋ قاتىناستى
8 - ايدىڭ 18 - كۇنى 2023 - جىلعى (جۇڭگو) ازيا − ەۆروپا تاۋار ساۋدا كورمەسىندە ساۋداگەر شاقىرىپ قارجى ەنگىزۋ بويىنشا ءتۇيىندى نىساندار جونىندە كەلىسىم جاساۋ سالتى وتكىزىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى زوۋ ي تۇسىرگەن
انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 18 - كۇنى ۇرىمجىدەن حابارلايدى. 8 - ايدىڭ 18 - كۇنى تۇستەن كەيىن 2023 - جىلعى (جۇڭگو) ازيا − ەۆروپا تاۋار ساۋدا كورمەسىندە ساۋداگەر شاقىرىپ قارجى ەنگىزۋ بويىنشا ءتۇيىندى نىساندار جونىندە كەلىسىم جاساۋ سالتى وتكىزىلدى. وسى كەزەكتى تاۋار ساۋدا كورمەسىندە 273 كەلىسىم جاساسۋ نىسانى جينالىپ، كەلىسىم جاسالعان جالپى سوما 493 ميلليارد 212 ميلليون يۋان بولدى، مۇنىڭ ىشىندە ءبىرىنشى مەرزىمدىك جوسپارداعى قوسىلاتىن قارجى 147 ميلليارد يۋان بولىپ، جاڭا ەنەرگيا، جاڭا ماتەريال، ءتۇستى مەتال، كومىر حيميا ونەركاسىبى، توقىماشىلىق، كيىم - كەشەك، جابدىق جاساۋ، ساۋدا، زات اينالىمى، مادەنيەت - ساياحات سياقتى كوپتەگەن سالالاردى قامتىدى. كەلىسىم جاسالعان جالپى سوما 2021 - جىلعى (جۇڭگو) ازيا − ەۆروپا تاۋار ساۋدا كورمەسىندەگىمەن سالىستىرعاندا 52. 1 ەسە ارتتى.
اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ قيمىلعا قاتىناستى.
كەلىسىم جاساۋ سالتىندا بوگۋاڭ ءۇرىمجى ”فوتوۆولتتىق اۆتوماتتاندىرۋدى تەكسەرۋ بازاسى 1GW“ فوتوۆولت نىسانى، جۇڭگو لۇيفا قارجى قوسۋ توبى شەكتى سەرىكتەستىگى ءپىشان اۋدانى 4 ميلليون كيلوۆاتتىق فوتوۆولت نىسانى، شينجياڭ گەولوگيالىق كەن قارجى قوسۋ (توبى) شەكتى جاۋاپكەرشىلىك سەرىكتەستىگى حوتان اۋدانى حوشاۋيۇن قورعاسىن - مىرش كەنى كەن اشۋ ينجەنەرياسى سياقتى 55 نىسان جونىندە سول جەردىڭ وزىندە كەلىسىم جاسالدى.
كەلىسىم جاساۋ سالتى 2023 - جىلعى (جۇڭگو) ازيا - ەۆروپا تاۋار ساۋدا كورمەسىنىڭ ساۋداگەر شاقىرىپ قارجى ەنگىزۋ نىساندارىنا كەلىسىم جاساۋ جاعدايى جونىندەگى مالىمەتتى تىڭدادى. بيىل جىل باسىنان بەرى بۇكىل رايونداعى جەر - جەر، قاتىستى تاراۋلار ورنىقتىلىق بارىسىندا ىلگەرىلەۋ جالپى ارناسىنا تاباندى بولىپ، ساۋداگەر شاقىرىپ قارجى ەنگىزۋ قىزمەت تەبىنىن ۇزدىكسىز ارتتىرىپ، تۇيىندە تۇرىپ ساۋداگەر شاقىرۋ، بولىمشە اترەت بويىنشا ساۋداگەر شاقىرۋ، بۇلتتا ساۋداگەر شاقىرۋ سياقتى قيمىلداردى كەڭ كولەمدە، كوپ رەت ورىستەتىپ، اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىندا بەلسەندى، ىرىقتى تۇردە اناعۇرلىم زور رول اتقارىپ، بۇكىل رايوننىڭ ساۋداگەر شاقىرىپ قارجى ەنگىزۋ قىزمەتىندە ءبىرشاما جاقسى ناتيجەگە قول جەتكىزدى.
سانجى حۇيزۋ اۆتونوميالى وبلىسىنىڭ، ىلە قازاق اۆتونوميالى وبلىسىنىڭ قاتىستى جاۋاپتى جولداستارى كەلىسىم جاساعان ايماق، وبلىس قالالار اتىنان لەبىز ءبىلدىرىپ، كەلىسىم جاسالعان نىسانداردىڭ تياناقتانۋ سالىستىرماسىن شارۋاشىلىق - ساۋدا ورتاسىن تەكسەرۋدىڭ ”ءبىرىنشى ولشەمى“ ەتىپ، كاسىپورىنداردىڭ قاجەتىن ”ءبىرىنشى سيگنال“ ەتىپ، دامۋدى قولداۋدى ”ءبىرىنشى نىسانا“ ەتىپ، ەڭ تاڭداۋلى شارۋاشىلىق - ساۋدا ورتاسىن شىنايى تۇلعالاپ، قالىڭ كاسىپورىنداردىڭ شينجياڭدا قارجى قوسىپ، شارۋاشىلىعىن شالقىتۋىنا تاماشا شارت - جاعداي جاراتاتىندىقتارىن ءبىلدىردى.
مەملەكەتتىك ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگىنىڭ، حىنان لۇڭچىڭ توبى شەكتى سەرىكتەستىگىنىڭ جاۋاپتىلارى كەلىسىم جاساسقان كاسىپورىندار اتىنان لەبىز بىلدىرگەندە بىلاي دەدى: شينجياڭدا ءونىمدى قارجى قوسۋدى بار كۇشپەن كەڭەيتىپ، كەلەلى نىساندار ارقىلى كاسىپ سالاسىنىڭ دامۋىن جەبەپ، شينجياڭنىڭ باسىمدىققا يە بايلىقتارىن كادەگە جاراتۋدى جەبەپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە بەلسەندى ۇلەس قوسامىز.
چىن ۋيجۇن، ءيۇسۇپجان مامەت، قادەن كابەن، سۇن حۇڭمەي، ۋاڭ گاڭ قاتارلىلار قيمىلعا قاتىناستى. ولكەلەردىڭ، اۆتونوميالى رايونداردىڭ، قالالاردىڭ ساۋدا قوعامدارىنىڭ ۋاكىلدەرى، اۆتونوميالى رايوننىڭ قاتىستى ورىندارى مەن تاراۋلارىنىڭ، ءارقايسى ايماق، وبلىس، قالالاردىڭ قاتىستى جاۋاپتى جولداستارى، ت.ب قيمىلعا قاتىناستى.
