بار زەيىن - زەردەمەن ”ەمتيحانعا دايىندالدى“، ءبىرىنشى شەپكە بارىپ ”ماسەلەنى شەشتى“
− ”پۋجياڭ تاجىريبەسىنىڭ“ شيفرىن اشۋ
شينحۋا اگەنتتىگىنىڭ تىلشىلەرى
بۇل بۇلجىمايتىن اماليات −
2003 - جىلى 9 - ايدىڭ 18 - كۇنى، سول كەزدە جىجياڭ ولكەلىك پارتكومنىڭ شۋجيى مىندەتىن وتەگەن شي جينپيڭ جولداس ءوزى دارىپتەپ ءارى باستاماشىلدىقپەن جينحۋا قالاسىنىڭ پۋجياڭ اۋدانىنا بارىپ، تومەننىڭ حال - جاعدايىن ۇعىسىپ، بۇقارانى قابىلداپ ”بۇقارانىڭ جوعارىعا ارىز - ارمان ايتۋىن باسشىلاردىڭ تومەننىڭ حال - جاعدايىن ۇعىسۋىنا وزگەرتىپ، نەگىزگى ساتىعا ىشكەرىلەي بارىپ، بۇقارامەن بايلانىس جاساپ، تومەنگە ناقتاپ ءتۇسىپ، ەل رايىن شىنايى ۇعىسىپ، شىن ىقىلاسپەن جۇمىس ءبىتىرۋدى“ نەگىزگى مازمۇن ەتكەن ”پۋجياڭ تاجىريبەسىن“ قالىپتاستىرۋدى ىلگەرىلەتتى.
20 جىلدان بەرى جىجياڭداعى ءار دارەجەلى پارتيالى باسشى كادرلار مىندەتتى بىرىنەن كەيىن ءبىرى جالعاستىرىپ، ”پۋجياڭ تاجىريبەسىن“ ءۇرتىس بايىتىپ، دامىتىپ، تومەننىڭ حال - جاعدايىن ۇعىسۋ، ارىز قابىلداۋ قىزمەتىنىڭ بەتالىسىنا تاباندى بولىپ، ءونىمدى تۇردە حالىق ءۇشىن ناقتى ءىس ءبىتىردى، قيىن ماسەلەلەردى شەشتى.
بۇل ۋاقىت وتكەن سايىن جاڭارۋدان تۋعان وي −
ءبىر قىدىرۋ جەرگىلىكتى اماليات پەن تاجىريبە − شي جينپيڭ جاڭا ءداۋىر جۇڭگوشا سوتسياليزم يدەياسىن تۋىنداتقان، دامىتقان قاينار بۇلاق.
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنىپ، دايەكتىلەندىرىپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، بۇكىل پارتيادا ”پۋجياڭ تاجىريبەسىن“ بار كۇشپەن امالياتتا ايگىلەۋ كادرلار مەن بۇقارانىڭ قاتىناسىن جيىلەتۋگە، قىزمەت ستيلىندە بۇرىلىس جاساۋعا، نەگىزگى ساتىنى باسقارۋدى كۇشەيتۋگە پايدالى، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە پارمەندى تىرەك جانە مىعىم قامتاماسىزدىق ازىرلەدى.
”باسشىلار تومەنگە كوپ تۇسسە، بۇقارانىڭ جوعارىعا بارۋى ازايادى“
جاپپاي ارىز قابىلداۋ بارىسىندا ”پۋجياڭ تاجىريبەسى“ قالىپتاستى
قالىڭ اعاش پەن اسەم گۇلدەر ءوزارا جاراسىم تاۋىپ، جياڭناننىڭ تۇرعىن ۇيلەرى رەتتى ورنالاسىپ، تۇنىق سۋ، جاسىل تاۋ ەرەكشە كوز تارتادى... پۋجياڭ اۋدانىن ەندەي وتەتىن بۇرىنعى 20 - ولكە تاس جولى ءتۇستى لەنتاداي تارتىلىپ، اسقار تاۋ مەن الىپ جوتالار اراسىندا كولبەپ جاتىر.
20 جىلدىڭ الدىندا ۇزاق جىلدار بويى جوندەلمەگەن بۇل جول ويلى - شۇڭقىرلى، قاتىناۋعا ىڭعايسىز بولىپ، تاۋلى وڭىردەگى كاسىپورىندار مەن شارۋالاردىڭ ءوندىرىس، تۇرمىسىنا كوپتەگەن قولايسىزدىق تۋدىرعان ەدى.
حاڭپيڭ قالاشىعى حاڭپيڭ قىستاعىنىڭ تۇرعىنى جياڭ شيڭجيان سول كەزدە اۋداندىق ساياسي كەڭەستىڭ مۇشەسى بولىپ، ءۇرتىس 10 نەشە جىل ساياسي كەڭەس ماجىلىسىندە كەڭەيتىپ، جاڭالاۋ ۇسىنىسىن قويىپ كەلگەن - دى. شي جينپيڭ جولداس پۋجياڭعا كەلىپ، ارىز ايتا كەلگەن بۇقارانى قابىلداعاندا جياڭ شيڭجيان قاتارلى 3 ۋاكىل سول جەردىڭ وزىندە وسى ماسەلەنى ورتاعا قويادى.
شي جينپيڭ جولداس دەن قويا تىڭداپ بولىپ، بىرگە ارىز قابىلداپ وتىرعان ولكەلىك قاتىناس مەڭگەرمەسى باستىعىنىڭ پىكىرىن العاننان كەيىن، تاباندا: بۇل تاۋلى وڭىردەگى بۇقارانىڭ دوڭگەلەك داۋلەت جولى، تەك سالىپ قانا قويماي، جاقسى سالۋ كەرەك، - دەپ ۇيعارىم جاسايدى.
3 ايدان كەيىن قۇرىلىس جۇمىسى باستالىپ، 2005 - جىلى 10 - ايدا تۇتاس جەلى تۇتاسادى. كوپ وتپەي شي جينپيڭ جولداس 97 قىستاق تۇرعىندار كوميتەتىنىڭ ءمورى باسىلعان، تاس جول بويىنداعى 200 مىڭنان استام قىستاق تۇرعىنىنىڭ كوڭىلىنە ۋاكىلدىك ەتەتىن العىس حات تاپسىرىپ الادى.
قازىرگى تاڭدا، بۇل جول دوڭگەلەك داۋلەت جولىنان بىرگە بايۋ جولىنا اينالدى.
2018 - جىل، حاڭپيڭ قالاشىعى ۋجياڭ قىستاعىنىڭ قىستاق تۇرعىنى شۋە يۇڭ گۋاڭدۇڭنان قىستاققا ورالىپ، اۋىلداستاردى باستاپ كولەمى 800 مۋدان اساتىن گۇل ەگىمشىلىگى بازاسىن قۇردى. مۋدان، شۇعىنىق، لالاگۇل سياقتى الۋان ءتۇرلى گۇلدەر وسى داڭعىل ولكە جولىمەن بۇكىل ەلدىڭ جەر - جەرىندە ساتىلدى، بازانىڭ جىلدىق ساتۋ سوماسى 20 ميلليون يۋاننان استى.
وزگەشە جاپپاي ارىز قابىلداۋ ءبىر توپ بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشىپ عانا قويماي، پارتيانىڭ بۇقارالىق قىزمەتىنە جەتەكشىلىك ەتۋگە پايدالاناتىن ”پۋجياڭ تاجىريبەسىن“ دە قالىپتاستىردى.
قايشىلىقتان تايساقتاماۋ، ماسەلەنى جاسىرماۋ − ”پۋجياڭ تاجىريبەسىنىڭ“ نەگىزگى پرينسيبى −
پۋجياڭ جىجياڭ ولكەسىنىڭ ورتا بولىگىندەگى تاۋلى وڭىرگە ورنالاسقان، رەفورما جاساپ، ەسىك اشقاننان كەيىن اۋىل - قالاشىق كاسىپورىندارى، جەكە، جەكەلەر باسقارۋىنداعى شارۋاشىلىق قارىشتاپ دامىدى. وسى عاسىردىڭ باسىندا جەردەن پايدالانۋ، كوشىرىپ ورنالاستىرۋ، كاسىپورىنداردىڭ قۇرىلىمىن جاڭالاۋ بارىسىندا ءىشىنارا تەرەڭ قاتپارلى قايشىلىقتار مەن ماسەلەلەر بىرتىندەپ جارىققا شىعىپ، ارىز - ارمان مولشەرى ۇزدىكسىز ارتتى.
”سول كەزدەردە ۇنەمى قىزمەتكەرلەر مەكەمەگە ءالى بارماي جاتىپ، كەڭسەنىڭ الدىندا ارىز ايتا كەلگەن بۇقارا جينالىپ قالۋشى ەدى. ۋاقىت ۇزارا كەلە كەيبىر كادرلار اۋەلى الىستان تايساقتاپ تۇرعىسى كەلەتىن“، - دەدى سول كەزدە اۋداندىق ارىز - ارمان مەكەمەسىنىڭ باستىعى بولعان جاڭ گوچياڭ وتكەندى ەسكە الىپ.
2003 - جىلى 8 - ايدا شي جينپيڭ جولداس پۋجياڭعا بارىپ بۇقارانىڭ ارىزىن قابىلداۋدى ۇيعارادى. جەرگىلىكتى ورىننىڭ ارىز - ارمان جاعدايىنىڭ قاتاڭ دا كۇردەلى ەكەندىگىن ەسكەرگەن كەيبىرەۋلەر باسقا اۋداندى تاڭداۋ ۇسىنىسىن بەرەدى. الايدا شي جينپيڭ جولداس كەسەتىپ بىلاي دەيدى: ”قايشىلىق، ماسەلە قايدا كوپ بولسا، باسشى كادرلار سول جەرگە بارۋى كەرەك، پۋجياڭعا بارىپ تومەننىڭ حال - جاعدايىن ۇعىسۋ وزگەرمەيدى“.
ارىز - ارمان − الدىعا كەلگەن بۇقارالىق قىزمەت، حالىق جاعدايىن ۇعىنۋدىڭ، بۇقارامەن بايلانىس جاساۋدىڭ ماڭىزدى ارناسى.
شي جينپيڭ جولداس بىلاي دەپ اتاپ كورسەتتى: ”بۇقارادان قورىقپاۋ كەرەك، بۇقارانىڭ بارلىعى ءجون - جوسىقتى بىلەدى. باسشى كادرلار تومەننىڭ حال - جاعدايىن ۇعىسۋدا قايشىلىق كوپ جەرلەرگە بارىپ، قايشىلىق ”اپانىنا“ كىرۋ كەرەك، سوندا عانا حالىقتىڭ سەنىمىنە يە بولا الادى“.
سوڭىندا پۋجياڭ بۇقارانىڭ اڭىسى كۇشتى، ماسەلە كورنەكتى، ۋاكىلدىك سيپاتقا يە 16 قيىن ارىز - ارمان ىشىنەن 9ىن تاڭداپ، وسى رەتكى ولكەلىك پارتكوم شۋجيىنىڭ جۇمىس باسىندا قابىلدايتىن ارىز - ارمانى ەتتى.
ماسەلە − ءداۋىردىڭ ءۇنى. پارتيا 18 - قۇرىلتايىنان بەرى باس شۋجي شي جينپيڭ ماسەلەنى باعدار ەتۋگە تاباندى بولۋدى باستان - اياق دارىپتەپ، بۇقارالىق قىزمەتتىڭ كۇش سالۋ ءتۇيىنىن ەڭ كورنەكتى قايشىلىق پەن ماسەلەلەرگە قويىپ، قايشىلىقتى شەشۋدى، قيىن ماسەلەلەردى شەشۋدى جاعداي اشۋدىڭ قامال الۋ ءتۇيىنى ەتتى.
اشىق، جاريا بولۋ، ارنانى ىركىلىسسىزدەندىرۋ ”پۋجياڭ تاجىريبەسىنىڭ“ ماڭىزدى ءادىسى −
2003 - جىلى 9 - ايدىڭ 8 - كۇنى «پۋجياڭ گازەتىنىڭ» 1 - بەتىندە كورنەكتى حابارلاندىرۋ جاريالانىپ، ولكەلىك پارتكوم نەگىزگى باسشىلارىنىڭ جانە ولكە دارەجەلى قاتىستى تاراۋلارداعى جاۋاپتى جولداستاردىڭ پۋجياڭعا بارىپ، تومەننىڭ حال - جاعدايىن ۇعىسىپ، بۇقارانى قابىلدايتىندىعى ۇقتىرىلدى. ءبىر اپتادان كەيىن گازەتتىڭ وسى ورنىنا تاعى حابارلاندىرۋ جاريالانىپ، قابىلداۋ ۋاقىتى، ورنى، ءتاسىلى سياقتى ينفورماتسيالار بەرىلدى.
”ۋيۆەسكا اسىپ، حابارلاندىرۋ شىعارىپ، بارشا جۇرتتىڭ تەگىس حاباردار بولۋىن ورىنداپ، قابىلداۋ اياسىن كەڭەيتۋ كەرەك“. بۇل ءىستى بارلىق بۇقارانىڭ بىلۋىنە مۇمكىندىك جاساۋ − شي جينپيڭ جولداستىڭ قويعان تالابى.
حابارلاندىرۋ شىعارىلعاننان كەيىن الىس - جاقىنداعى بۇقارا پۋجياڭ اۋدانى قالاشىعىنا باردى، تىزىمدەۋ ورنى 3 كۇن ىشىندە 400دەن استام ارىز - ارمان ىستەرىن تىزىمگە الدى.
9 - ايدىڭ 18 - كۇنى قابىلداۋ ورنى الاڭ كولەمى ءبىرشاما ۇلكەن بۇرىنعى پۋجياڭ ورتا مەكتەبىنىڭ اۋلاسىنا ورنالاستىرىلدى. تۇستەن بۇرىنعى ساعات 8دەن اسقاننان تۇستەن كەيىنگى ساعات 5كە دەيىن ولكە، قالا، اۋدان سىندى 3 دارەجەلى 100دەن استام باسشى كادر جەكە - جەكە 14 قابىلداۋ كەڭسەسىندە 436 توپتا 667 ادام (رەت) قابىلداپ، 91 ماسەلەنى سول جەردىڭ وزىندە شەشتى.
سول كۇنى جاۋ جۇڭفۋ قاتارلى 5 ادام شي جينپيڭ جولداسقا كوشىرىپ ورنالاستىرۋ ۇيلەرىنىڭ جوبا قۇرىلىسى ماسەلەسىن اڭىس ەتتى، قابىلداۋ ءبىر ساعاتتان استام ۋاقىتقا جالعاسىپ، ەڭ سوڭىندا قاناعاتتانارلىقتاي جاۋاپقا يە بولدى. ”شي جينپيڭ شۋجي ءبىزدىڭ تالاپ - تىلەگىمىزگە وسىنشاما ىجداعاتتى، سابىرلى تۇردە جاۋاپ بەرەدى، حالىقتى قامنان ارىلتىپ، قيىنشىلىعىن شەشۋدە وسىنشاما جىلدام قيمىلدايدى دەپ ويلاماپپىز“، - دەدى جاۋ جۇڭفۋ.
ەرەكشە قابىلداۋ ءتاسىلى نەگىزگى ساتى قىزمەتى جونىندە ماجبۇرلەۋ مەحانيزمىن دە قالىپتاستىرىپ، ۇلگى كورسەتۋ، جەتەكشىلىك ەتۋ جانە باقىلاۋ، جەبەۋ رولىن اتقاردى.
2020 - جىلى كوكتەمدە باس شۋجي شي جينپيڭ جىجياڭدا قىزمەت تەكسەرگەندە ەسكە الىپ بىلاي دەدى: ”مەن بارۋدان بۇرىن ولاردىڭ قالا، اۋداندارى، ءسوز جوق، ءبىر توپ ارىز - ارمان ماسەلەلەرىن شەشەتىن بولادى، مىنە بۇل الدىن الا حابارلاندىرۋدى تالاپ ەتۋدىڭ ءتۇيىنى“.
سول كەزدەگى پۋجياڭ اۋداندىق پارتكومنىڭ شۋجيى ۋ سايشيڭ بىلاي دەپ تانىستىردى: سول رەتكى ولكەلىك پارتكوم شۋجيىنىڭ تومەننىڭ حال - جاعدايىن ۇعىسۋىن وراي ەتىپ، اۋدان بۇرىنعى جىلداردا جينالىپ قالعان ارىز - ارمانداردى ءبىر - بىرلەپ تەكسەرىپ، جىلدار بويى قوردالانىپ قالعان ءبىر توپ ءىستى شەشىپ، ءتۇرلى قىزمەتتەردى پارمەندى ىلگەرىلەتتى.
بۇقارانىڭ جوعارىعا ارىز - ارمان ايتۋىن باسشىلاردىڭ تومەننىڭ حال - جاعدايىن ۇعىسۋىنا وزگەرتۋ ”پۋجياڭ تاجىريبەسىنىڭ“ امالياتتىق بويسۇنۋ ولشەمى −
شي جينپيڭ جولداس تۇرعان 1 - قابىلداۋ كەڭسەسىندە 3 قاتار پارتا بىرىكتىرىلىپ ۋاقىتشا ءبىر ۇستەل بەتىنە وزگەرتىلدى، شي جينپيڭ جولداس پەن قاتىستى باسشىلار ءبىر جاعىندا وتىردى، قارسىداعى ورىندار ارىزدانا كەلگەن بۇقاراعا قالدىرىلىپ، ەكى جاق بەتپە - بەت وتىردى، ارالىعى ءبىر مەترگە دە جەتپەيدى.
تۇستەن بۇرىنعى ۋاقىتتا شي جينپيڭ جولداس 7 توپتا ارىزدانا كەلگەن 20عا تارتا ادامدى قابىلدادى. تۇستە قاراپايىم تاماقتانىپ العاننان كەيىن، شي جينپيڭ جولداس قابىلداۋ كەڭسەسىنە تاعى كەلىپ، تۇستەن كەيىنگى ساعات 2گە دەيىن توقتاماي ارىز قابىلدادى.
فۋجياننىڭ نيڭدى قالاسىندا قىزمەت ىستەگەن كەزىندە - اق، شي جينپيڭ جولداس ايماق، اۋدان، اۋىل - قالاشىق سىندى ءۇش دارەجەلى باسشىلاردىڭ تومەننىڭ حال - جاعدايىن ۇعىسۋ ءتۇزىمىن ورناتا باستاپ، بۇقارانىڭ قاباعات قارسى الۋىنا بولەنگەن. شي جينپيڭ جولداس قايتا - قايتا بىلاي دەپ باسا دارىپتەدى: ارىز - ارمان قىزمەتىن تىڭعىلىقتى ىستەۋ ءۇشىن، ءسوز جوق، ءتۇيىندى تومەنگە قاراي ويىستىرۋ كەرەك، باسشى كادرلار تومەنگە كوپ تۇسسە، بۇقارانىڭ جوعارىعا بارۋى ازايادى.
وسى رەتكى ارىز قابىلداۋ اياقتاعاننان كەيىن شي جينپيڭ جولداس بىلاي دەدى: ”باسشى كادرلاردىڭ تومەننىڭ حال - جاعدايىن ۇعىسۋى كوبەيسە، بارۋى جيىلەسە، كوپتەگەن قايشىلىقتار قاينارىنان شەشىلەدى، بۇقارانىڭ قيىنشىلىعى ءوز - وزىنەن شەشىلەدى“.
بۇل قىزمەت تاسىلىندەگى وزگەرىس، ونان دا ماڭىزدىسى، قىزمەت ۇستانىمىنداعى وزگەرىس.
2020 - جىلى 3 - ايدىڭ 30 - كۇنى باس شۋجي شي جينپيڭ جىجياڭدا قىزمەت تەكسەرگەندە، انجي اۋداندىق قوعامدىق قايشىلىقتاردى، داۋ - شاردى تەكسەرىپ ءبىر جاقتى ەتۋ، شەشۋ ورتالىعىندا بۇقارانىڭ قايشىلىعىن، داۋ - شارىن ءبىر جەردىڭ وزىندە قابىلداۋ، ءبىر قاتارىن تەكسەرىپ ءبىر جاقتى ەتۋ، جالپى تىزبەك بويىنشا شەشۋ ۇلگىسىنىڭ جۇرگىزىلۋ جاعدايىن ۇعىستى.
باس شۋجي شي جينپيڭ بىلاي دەپ باسا دارىپتەدى: نەگىزگى ساتى − قوعام جاراسىمدىلىعىنىڭ، ورنىقتىلىعىنىڭ نەگىزى. قوعامدىق قايشىلىقتاردان، داۋ - شاردان كوپ نەگىزدە ساقتانۋ، تەكسەرىپ ءبىر جاقتى ەتۋ، شەشۋ امبەباپ مەحانيزمىن كەمەلدەندىرىپ، پارتيا مۇشەلەرىنىڭ، كادرلاردىڭ تومەننىڭ حال - جاعدايىن ۇعىسۋى مەن بۇقارانىڭ جوعارىعا ارىزدانۋىن ۇشتاستىرىپ، بۇقارانىڭ قايشىلىعى مەن داۋ - شارىن تەكسەرىپ ءبىر جاقتى ەتۋ، شەشۋ قىزمەتىن ارناعا ءتۇسىرىپ، بۇقارا ماسەلەگە جولىققاندا ”ءجونىن ايتىپ بەرەتىن“ جەر بولۋىنا مۇمكىندىك جاساپ، قايشىلىقتاردى شىن مانىندە وركەن كۇيىندە شەشۋ، نەگىزگى ساتىدا شەشۋ كەرەك.
”ءبىر دارەجە ءبىر دارەجەنى باستاپ مىقتى ۇستاپ، جىلدان - جىلعا جالعاستىرىپ ىستەۋ“
ءۇرتىس 20 جىل ”پۋجياڭ تاجىريبەسىن“ امالياتتا ايگىلەدى
مەرزىمدى ۋاقىتتا تومەننىڭ حال - جاعدايىن ۇعىسۋ، بۇقارانىڭ ارىز - ارمانىن قابىلداۋ − جىجياڭداعى ءار دارەجەلى باسشى كادرلاردىڭ وزگەرمەيتىن قىزمەت ورنالاستىرۋى.
2003 - جىلى پۋجياڭدا تومەننىڭ حال - جاعدايىن ۇعىسقاننان كەيىن شي جينپيڭ جولداس بىلاي دەپ اتاپ كورسەتتى: باسشىلاردىڭ تومەننىڭ حال - جاعدايىن ۇعىسۋ، بۇقارانى قابىلداۋ قىزمەتى ۇنەمى نەگىزگى ساتىعا بارىپ، ۇزاق ۋاقىت تاباندى بولۋىمەن باعالى، ءسوز جوق، اقاۋسىز ءتۇزىم ارقىلى قامتاماسىز ەتۋ كەرەك.
− تۇزىمدەنۋدى جۇزەگە اسىرىپ، ”پۋجياڭ تاجىريبەسىن“ تاباندىلىقپەن امالياتتا ايگىلەدى.
2004 - جىلى 9 - اي لين - ان؛ 2005 - جىلى 8 - اي دىچيڭ؛ 2006 - جىلى 8 - اي چۇيجياڭ. جىجياڭدا قىزمەت ىستەگەن كەزىندە شي جينپيڭ جولداس ءار جىلى ءبىر اۋداندى (قالا، رايون) تاڭداپ ۇجىم باستاپ تومەننىڭ حال - جاعدايىن ۇعىسۋعا تاباندى بولدى.
20 جىلدان بەرى جىجياڭنىڭ ولكە، قالا، اۋدان ءۇش دارەجەلى باسشىلارى مەن تاراۋلاردىڭ جاۋاپتىلارىنان جالپى 150 مىڭ ادام (رەت) تومەننىڭ حال - جاعدايىن ۇعىسىپ، جالپى 200 مىڭنان استام توپتا 700 مىڭنان استام ادامدى (رەت) قابىلدادى.
شي جينپيڭ جولداس بىلاي دەپ باسا دارىپتەدى: ءونىمدى ءتاسىلدى ءساتتى تاجىريبە رەتىندە قورىتىندىلاپ، امالياتتىق جەتىستىكتەردى جۇيەلى ءتۇزىم ەتىپ تۇراقتاندىرىپ، ءبىر دارەجە ءبىر دارەجەنى باستاپ مىقتى ۇستاپ، جىلدان - جىلعا جالعاستىرىپ ىستەۋ كەرەك.
2017 - جىلى «جىجياڭ ولكەسىنىڭ ارىز - ارمان قىزمەتى جاۋاپكەرشىلىك ءتۇزىمىن اتقارۋ ەرەجەسى» جاريالانىپ، ءار دارەجەلى باسشى كادرلار مەرزىمدى ۋاقىتتا بۇقارانىڭ ارىز - ارمانىن قابىلداۋى ءتيىس، ولكە دارەجەلى باسشى كادرلار ءار جارتى جىلدا كەمىندە ءبىر رەت تومەننىڭ حال - جاعدايىن ۇعىسۋ قيمىلىن ورىستەتۋ، قالا دارەجەلى باسشى كادرلار ءار ماۋسىمدا كەمىندە ءبىر رەت بۇقارانىڭ ارىز - ارمانىن قابىلداۋعا قاتىناسۋ، اۋدان (قالا، رايون) دارەجەلى باسشى كادرلار ءار ايدا كەمىندە ءبىر رەت تۇراقتى ورىندا بۇقارانىڭ ارىز - ارمانىن قابىلداۋدى ورنالاستىرۋى كەرەك دەپ بەلگىلەندى.
تۇزىمدەنۋدىڭ ناتيجەسىندە ”پۋجياڭ تاجىريبەسى“ ارناعا ءتۇسىرىلدى، ولشەمدەندى، ۇدايىلاندى.
جىجياڭدا ولكەلىك پارتكومداعى، ولكەلىك ۇكىمەتتەگى نەگىزگى جاۋاپتى جولداستار ءار جىلى 11 قالانىڭ قالالىق پارتكوم شۋجيلەرىمەن، قالا باستىعىمەن ارىز - ارمان قىزمەتى جاۋاپكەرشىلىك حاتىنا قول قويىسىپ، قالا، اۋدان، اۋىل، قىستاق ءتورت دارەجەنى جانە قاتىستى فۋنكتسيالىق تاراۋلاردى باستاپ ساتى بويىنشا جاۋاپكەرشىلىك حاتىنا قول قويىپ، جاۋاپكەرشىلىك جۇيەسىن تۇلعالادى.
جىجياڭدا ولكە دارەجەلى باسشىلار باستاماشىلدىقپەن تومەننىڭ حال - جاعدايىن ۇعىسۋ، قالا دارەجەلى باسشىلار مەرزىمدى ۋاقىتتا بۇقارانىڭ ارىز - ارمانىن قابىلداۋ، اۋدان دارەجەلى باسشىلار كەزەكشىلىكتە تۇرىپ بۇقارانىڭ ارىز - ارمانىن قابىلداۋ، اۋىل دارەجەلى باسشىلار كەز كەلگەن ۋاقىتتا بۇقارانىڭ ارىز - ارمانىن قابىلداۋ، قىستاق دارەجەلى كادرلار بۇقارانىڭ ۇيىنە بارىپ ارالاۋ سىندى ”بەس دارەجەلى جاپپاي ارىز - ارمان قابىلداۋ“ قۇرىلىمى الدەقاشان قۇرىلدى.
− جۇيەلىلەنۋدى ىلگەرىلەتىپ، ”پۋجياڭ تاجىريبەسىن“ امالياتتا ايگىلەۋدى تەرەڭدەتتى.
پۋجياڭ اۋدانى يانتوۋ قالاشىعىنىڭ ۋشي قىستاعى مەن جىڭجاي قالاشىعىنىڭ شۋانلۋ قىستاعى ىرگەلەس كورشى ەكى قىستاق. 2020 - جىلى ۋشي قىستاعى قۇرعان شاعىل تاس الاڭى شۋانلۋ قىستاعىنىڭ ءبىر بولىك جەرىن يەلەگەندىكتەن، اۋىل - قالاشىقتى اتتاعان داۋ - شار تۋىلىپ، ەكى جاقتىڭ قايشىلىعى ۇزدىكسىز شيەلەنىسەدى.
وسىدان كەيىن جينحۋا قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، پۋجياڭ اۋداندىق پارتكومنىڭ شۋجيى قاتارلى ەكى دارەجەلى باسشىلار 3 رەت بۇقارانىڭ ارىز - ارمانىن قابىلداپ، ۋشي قىستاعىنىڭ شۋانلۋ قىستاعىنا بەرەتىن تولەم جوباسىن تۇراقتاندىرادى.
شۋانلۋ قىستاعى پارتيا ياچەيكاسىنىڭ شۋجيى جىڭ گوفاڭ بىلاي دەدى: ”تولەم قاراجاتتى العانىمەن، ەكى قىستاقتىڭ تۇرعىندارى مويىنسال بولمادى. وسى كەزدە قىستاق كادرلارى رولدارىن ساۋلەلەندىرىپ، يدەيالىق قىزمەت ىستەۋ ارقىلى اقىرى كوپشىلىكتىڭ كوڭىلىندەگى تۇيىنشەكتى شەشتى“.
”قىرعي قاباق قىستاقتاردىڭ“ قايتادان ”تۋىسقان قىستاققا“ اينالۋى ”پۋجياڭ تاجىريبەسى“ مەن ”فىڭچياۋ تاجىريبەسىنىڭ“ بىرگە نەگىزگى ساتىنى باسقارۋدا جاڭالىق اشۋىنىڭ جەمىسى.
”فىڭچياۋ تاجىريبەسى“ دە جىجياڭنان باستالىپ، وتكەن عاسىردىڭ 60 - جىلدارىندا قالىپتاسقان، باستى ەرەكشەلىگى − ”ۇساق ىستەردى قىستاقتان شىعارماي ءبىتىرۋ، ۇلكەن ىستەردى قالاشىقتان شىعارماي ءبىتىرۋ، قايشىلىقتى جوعارىعا ارىزدانباۋ“.
جىجياڭنىڭ امالياتتان وتكىزۋ جاعدايىنان قاراعاندا، ”فىڭچياۋ تاجىربيەسى“ باسىم كوپ ”ۇساق قايشىلىقتاردى“ شەشەدى، ال ”پۋجياڭ تاجىريبەسى“ قالعان ”ۇلكەن ماسەلەلەردى“ ءبىر جاقتى ەتەدى. جىجياڭ ولكەلىك ارىز - ارمان مەكەمەسىنىڭ ورىنباسار مەكەمە باستىعى شيا ۋىنشيڭ بىلاي دەدى: ”بۇل بەلگىلى دارەجەدە نەگىزگى ساتىنىڭ قايشىلىعىن، داۋ - شارىن ءبىر - بىرلەپ تەكسەرىپ ءبىر جاقتى ەتۋدىڭ تۇيىق جۇيەسىن قالىپتاستىردى“.
20 جىلدىق تاباندىلىقپەن دامۋ ارقىلى ”پۋجياڭ تاجىريبەسى“ ەندىگارى ارىز - ارمان قىزمەتىمەن عانا شەكتەلىپ قالماي، قوعامدىق باسقارۋ جۇيەسىنىڭ ىشكى ءمانىن جانە سىرتقا قاراي ۇلعايۋىن ۇزدىكسىز كەڭەيتە ءتۇستى.
جىجياڭ ولكەلىك شي جينپيڭ جاڭا ءداۋىر جۇڭگوشا سوتسياليزم يدەياسىن زەرتتەۋ ورتالىعىنىڭ زەرتتەۋشىسى يۇي جيانشيڭ بىلاي دەپ قارادى: جوعارىدان تومەنگە دەيىنگى ”پۋجياڭ تاجىريبەسى“ جانە تومەننەن جوعارىعا دەيىنگى ”فىڭچياۋ تاجىريبەسىن“ قاتار اتقارۋ قاينارىنان جونگە سالۋدىڭ جاڭا ۇلگىسى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدىڭ نەگىزگى ساتىداعى تابىستى ىزدەنىسى.
− سيفرلاندىرۋدى، زەردەلىلەندىرۋدى جەبەپ، ”پۋجياڭ تاجىريبەسىن“ امالياتتا ايگىلەۋدى داۋىرمەن بىرگە ىلگەرىلەتتى.
بيىل 5 - ايدىڭ 4 - كۇنى تاڭەرتەڭ ساعات 6دان 43 مينۋت وتكەندە پۋجياڭ اۋداندىق ارىز - ارمان مەكەمەسىنىڭ قىزمەتكەرلەرىنىڭ ۋيشيندە ”حالىق جاعدايى ىقىلاستى ەسكەرتپەسى“ شاعىن باعدارلاماسى مىناداي ءبىر ينفورماتسيانى تاپىسىرىپ الادى: حاڭفۋ بەيمىنداعى جاياۋلار جولىندا ۇزاق ۋاقىتتان بەرى ەرەجەگە قايشى كولىك توقتاتۋ ءىسى كوپ رەت اڭىس ەتىلگەنىمەن، قوجالىق ىستەرى ەشقانداي ءىس جۇزىندىك ارەكەت قولدانا المادى.
11دەن 2 مينۋت وتكەندە ينفورماتسيا پۋياڭ ءمالىسىنىڭ ءبىر جاقتى ەتۋىنە تاپسىرىلادى. ءمالى پارتيا، ۇكىمەت كەڭسەسىنىڭ ورىنباسار مەڭگەرۋشىسى جين چينيۇي شاعىن اۋماقتاعى ءۇي يەلەرىن، قوجالىق ىستەرى قىزمەتكەرلەرىن جانە قاتىناس - تاسىمال باسقارۋ تاراۋلارىن جيىپ اقىلداسىپ، ماسەلەنى شەشۋدىڭ ءادىسىن تابادى.
وسى سيفرلى قولدانبا اۋدان، اۋىل، قىستاق ءۇش دارەجەلى قاراۋىل شەبىن قالىپتاستىرىپ، قوعام جاعدايىن، حالىق رايىن بايقاۋ قۋاتىن، ءبىر جاقتى ەتۋ قۋاتىن كۇشەيتىپ، بۇقاراعا اناعۇرلىم جوعارى ءونىمدى، دالمە - ءدال قىزمەت وتەپ، ”پۋجياڭ تاجىريبەسىن“ امالياتتا ايگىلەۋدىڭ جاڭا فورماسى جارىققا شىقتى.
سيفرلانۋ، زەردەلىلەنۋ داۋىرىندە كاسىپورىننىڭ جانە بۇقارانىڭ ءىس بىتىرۋىنە قولايلىلىق تۋدىراتىن ”ەڭ كوپ بولعاندا ءبىر رەت بارۋ“ رەفورماسىن تەرەڭدەتۋدەن قايشىلىقتى، داۋ - شاردى شەشۋدىڭ ”كوپ بولعاندا ءبىر رەت بارۋ“ رەفورماسىن قاراستىرۋعا دەيىن جىجياڭ الدىڭعى لەكتە كەلەدى.
تاياۋدا حاڭجوۋ قالاسىنىڭ تۇرعىندارى جىجياڭ ولكەسىنىڭ ”بۇقارانىڭ ءىسىن تىندىرامىن“ تۇعىرىندا مەترو 2 - ءنومىرلى جەلىسىنىڭ بايياڭ بەكەتى سالىنعالى 6 جىل بولعانىمەن، ءبىر كىرىپ - شىعۋ اۋزىنىڭ الىگە دەيىن اشىلماي، جولاۋشىلاردىڭ ءجۇرىس - تۇرىسىنا ىقپال جاساعاندىعىن اڭىس ەتەدى.
ارىز - ارمان حاتى دەرەۋ حاڭجوۋ قالاسىنىڭ يۇيحاڭ رايونىنا تاپسىرىلادى، رايوندىق پارتكوم شۋجيى ليۋ يىڭ حالىقتىڭ ارىز - ارمانىن بىرلەسىپ قابىلداۋ ورتالىعىندا قالا تۇرعىندارىنىڭ ءبىر ءبولىم ۋاكىلدەرىن قابىلداپ، كوپشىلىككە جەر الۋ ءىسىنىڭ راسىمدەلىپ جاتقانىن، اشۋ قىزمەتى ءتارتىپتى ىلگەرىلەتىلىپ، سوڭعى ءبىتىرۋ جاعدايىن تۇعىردان ىزىنە ءتۇسىپ كورۋگە بولاتىنىن ايتتى.
يۇيحاڭ رايوندىق ارىز - ارمان مەكەمەسىنىڭ ورىنباسار باستىعى جاۋ كاي بىلاي دەدى: ”بارلىق جاعدايدا بىردەي وسى تۇعىردىڭ ءاربىر باعدارلاماسىنىڭ ىلگەرىلەتىلۋ تۇيىنىندە تۇگەلدەي بەلگى قالادى، ارىز - ارماندى ءبىر جاقتى ەتۋ ونىمدىلىگى جاپپاي جوعارىلادى“.
قازىر زەردەلىلەنگەن تۇعىر ارىز - ارمانعا قاتىستى سالادا كەڭىنەن قولدانىلۋدا.
جىجياڭنىڭ ءۇش دارەجەلى سوت مەكەمەسى اشقان ”ارىز - ارماندى زەردەلى ءبىتىرۋ، زەردەلى باسقارۋدى ءوتىنىش ەتۋ تۇعىرىندا“ ءتىلشى بارلىق بۇقارا اڭىس ەتكەن ارىز - ارماننىڭ سكانەرلەنىپ قامباعا جولدانىپ، ارىز - ارماندى ءبىر جاقتى ەتۋ، ءبىر جاقتى ەتۋگە تاپسىرۋ، ءادىليالىق قۇتقارۋ - كومەكتەسۋ، ناتيجەسىن اڭىس ەتۋ، ءبىتىرىپ ەستەلىككە الۋ، باقىلاۋ - باسقارۋ جالپى بارىسىن سيفرلاندىرۋ جۇزەگە اسقاندىعىن كوردى.
جىجياڭ ولكەلىك جوعارى حالىق سوتى مەكەمەسىنىڭ ۇنەمىلىك ىستەرگە جاۋاپتى ورىنباسار باستىعى جاڭ حۇڭۋي بىلاي دەپ تانىستىردى: تۇعىر ارقىلى سوت مەكەمەسىنىڭ تەرگەۋدى باقىلاۋ تاراۋى دەلولارعا ۇكىم شىعارۋ جاعدايىن ءونىمدى تۇردە سارالاپ، تۇرلەرگە ءبولىپ دالمە - ءدال ءبىر جاقتى ەتىپ، كۇماندى دەلولارداعى قاتەلىكتەردى، كەمشىلىكتەردى ارىز - ارمان باعدارلاماسى ارقىلى بايقاي الادى ءارى باقىلاۋ جۇمىسىن باستاي الادى.
جاڭ حۇڭۋي بىلاي دەدى: ”بولاشاقتا ۇلكەن ساندى مالىمەت، جاساندى زەردە سياقتى تەحنيكالاردى قولدانىپ، ارىز - ارمانداردى سيفرلى سوتتىڭ زەردەلى ۇلكەن ميىنا جالعاپ، دالمە - ءدال ءبىر جاقتى ەتۋ قابىلەتىن ونان ارى جوعارىلاتامىز“.
”ماركسيزمدىك ەرەن قابىلەتتى شىن مانىندە جەتە يگەرۋ“
”پۋجياڭ تاجىريبەسى“ تاڭداۋلى ءداستۇرىن بارىنشا ساۋلەلەندىردى
بيىل 4 - ايدان باستاپ بۇكىل پارتيا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن جوعارىدان تومەنگە دەيىن ەكى توپقا ءبولىپ ورىستەتتى.
باس شۋجي شي جينپيڭ نەگىزگى تاقىرىپتىق تاربيە قىزمەتى ماجىلىسىندە بىلاي دەپ اتاپ كورسەتتى: جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، وسى يدەيانىڭ نەگىزگى كوزقاراسىن، عىلمي جۇيەسىن جاپپاي، جۇيەلى يگەرىپ، وسى يدەيانىڭ دۇنيەگە كوزقاراسىن، ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ودان ويداعىداي پايدالانىپ، پارتيانىڭ جاسامپاز نازارياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتىپ، ماركسيزمدىك ەرەن قابىلەتتى شىن مانىندە جەتە يگەرىپ، جاڭا ءداۋىر جۇڭگوشا سوتسياليزم يدەياسىمەن سانالى تۇردە ءتۇرلى قىزمەتتەرگە جەتەكشىلىك ەتۋ كەرەك.“
”پۋجياڭ تاجىريبەسى“ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جاندى ايگىلەپ، كوممۋنيستەردىڭ ساياسي قاسيەتىن ايگىلەپ، وسى رەتكى نەگىزگى تاقىرىپتىق تاربيەنىڭ نىسانا - تالاپتارىمەن بارىنشا قابىسقان، ”پۋجياڭ تاجىريبەسى“ تاڭداۋلى ءداستۇرىن كۇش سالا ساۋلەلەندىرۋ نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتۋدە ماڭىزدى مانگە يە.
”پۋجياڭ تاجىريبەسى“ تاڭداۋلى ءداستۇرىن كۇش سالا ساۋلەلەندىرۋدە نەگىزگى ساتىعا، ءبىرىنشى شەپكە ىشكەرىلەي بارىپ، بارىنشا تەكسەرۋ - زەرتتەۋ جۇرگىزۋ كەرەك.
2003 - جىلى پۋجياڭدا تومەننىڭ حال - جاعدايىن ۇعىسقاننان كەيىن شي جينپيڭ جولداس بىلاي دەدى: ”باسشىلاردىڭ تومەننىڭ حال - جاعدايىن ۇعىسۋى كوبەيسە، ارىز - ارمان قىزمەتى جانە نەگىزگى ساتىنىڭ باسقا قىزمەتتەرى، بۇقارانىڭ ارمانى، ويى، تىلەگى جونىندە اناعۇرلىم كوبىرەك تۇسىنىككە يە بولۋعا بولادى.“
قازىر بۇكىل پارتيا تەكسەرۋ - زەرتتەۋدى بارىنشا جۇرگىزۋدە، باسشى كادرلاردىڭ تومەننىڭ حال - جاعدايىن ۇعىسۋى ماڭىزدى تۇتقا.
جىجياڭدا قىزمەت ىستەگەن كەزىندە شي جينپيڭ جولداس تومەننىڭ حال - جاعدايىن ۇعىسقاندا بىلاي دەپ تالاي رەت باسا دارىپتەدى: ولكە باسشىلارىنىڭ تومەننىڭ حال - جاعدايىن ۇعىسۋ قيمىلىن ورىستەتۋ، سونىمەن بىرگە ءار دارەجەلى باسشىلاردى تومەننىڭ حال - جاعدايىن ۇعىسۋعا جەتەكتەۋ − ولكە باسشىلارىنىڭ ويىن كورسەتۋى ەمەس، تاباندى بولۋ بارىسىندا ۇزدىكسىز كەمەلدەندىرىپ، جالعانىن تاستاپ، شىنىن ساقتاپ، پايدالىسىن دامىتىپ، زياندىسىن جويىپ، تومەننىڭ حال - جاعدايىن ۇعىسۋ تاجىريبەلەرىن قورىتىندىلاپ، مولايتىپ، ونىڭ اناعۇرلىم ويداعىداي دامۋىنا مۇمكىندىك جاساۋ كەرەك.
جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس باسىپ تاراتقان «ارىز - ارمان قىزمەتى ەرەجەسى» 2022 - جىلى 5 - ايدىڭ 1 - كۇنىنەن باستاپ اتقارىلدى، وندا ارىز - ارمان قىزمەتى پارتيا مەن ۇكىمەتتىڭ حالىق جاعدايىن ۇعىسۋداعى، حالىق پاراساتىن شوعىرلاندىرۋداعى، حالىق مۇددەسىن قورعاۋداعى، حالىق تىلەگىن ۇيىستىرۋداعى ماڭىزدى قىزمەت دەپ ايقىن العا قويىلدى.
ءبىر جىلدان استام ۋاقىتتان بەرى وڭىرلەر، تاراۋلار باسشى كادرلاردىڭ ارىز - ارماندى قابىلداۋ، تومەننىڭ حال - جاعدايىن ۇعىسۋ ءتۇزىمىن تياناقتاندىردى، ولكە دارەجەلى پارتكومدارداعى، ۇكىمەتتەردەگى نەگىزگى جاۋاپتى جولداستار باستاماشىلدىقپەن ارىز - ارمان قابىلدادى، مۇنىڭ ىشىندە ولكە دارەجەلى باسشىلار 4100 رەتتەن استام ارىز - ارمان قابىلداعان، تومەننىڭ حال - جاعدايىن ۇعىسقان، بۇل شەشۋ قيىن، كۇردەلى 3200دەن استام ارىز - ارمان ماسەلەسىن شەشۋدى قامتىپ، ءار دارەجەلى باسشى كادرلاردىڭ ارىز - ارمان قىزمەتى جاۋاپكەرشىلىگىن مۇقيات اتقارۋىنا ءونىمدى جەتەكشىلىك ەتتى.
”پۋجياڭ تاجىريبەسى“ تاڭداۋلى ءداستۇرىن بارىنشا ساۋلەلەندىرۋدە حالىقتان اقىل - كەڭەس الىپ، حالىقتىڭ قاجەتىنە قۇلاق اسىپ، نەگىزگى ماقساتتى امالياتتا ايگىلەپ، حالىقتى باقىتقا كەنەلتۋ كەرەك.
حالىق سارايىنان اتىز باسىنا دەيىن، توڭكەرىستىك بايىرعى رايونداردان رەفورما جاساپ، ەسىك اشۋدىڭ الدىڭعى شەبىنە دەيىن، الەۋمەتتىك اۋماق كوشەلەرىنەن ”3 ءتۇرلى قاتىناس قۇرالىن اۋىستىرعاندا“ عانا جەتۋگە بولاتىن چۇڭچيڭ تاۋلى قىستاعىنا دەيىن... مەيلى قاي جەردە بولسىن، حالىق تۇرمىسى باستان - اياق باس شۋجي شي جينپيڭنىڭ قام جەيتىن ەڭ ۇلكەن ءىسى بولىپ كەلەدى.
ادامعا جاناسىمدى كادۋەلگى كەڭەستەر، جۇرت جۇرەگىن جىلىتاتىن سالەمدەسۋلەر، ىقىلاستى دا مەيىرلى كۇلكى ەسكەن ءجۇز باس شۋجي شي جينپيڭنىڭ حالىققا دەگەن تەرەڭ سۇيىسپەنشىلىگىنە كۋا بولدى.
2015 - جىلى 1 - ايدا باس شۋجي شي جينپيڭ اۋداندىق پارتكومنىڭ شۋجيلەرىمەن اڭگىمەلەسكەندە، ءوزىنىڭ نەگىزگى ساتىدا قىزمەت ىستەگەن كەزدەگى كەشىرمەلەرىن تىلگە تيەك ەتتى: ”مەن جىڭديڭدەگى كەزىمدە ۇنەمى ۆەلوسيپەدپەن اۋىل - قىستاقتى ارالايتىنمىن، حۋتو وزەنىنىڭ سولتۇستىك جاعالاۋىنان حۋتو وزەنىنىڭ وڭتۇستىگىندەگى گۇڭشىعا باراتىنمىن، ءار جولى حۋتو وزەنىنىڭ قايراڭىنا جەتكەندە ۆەلوسيپەدتى كوتەرىپ جۇرۋگە تۋرا كەلەدى. جاپالىراق بولعانىمەن، شىنىندا جاعدايدى يگەرىپ، نەگىزگى ساتى كادرلارىمەن جانە بۇقارامەن ەتەنە جاقىنداسىپ، سۇيىسپەنشىلىگىم كۇشەيدى“.
باسشى كادرلاردىڭ تومەننىڭ حال - جاعدايىن ۇعىسۋى بۇقارالىق قىزمەت ىستەۋدىڭ تاماشا ورايى ءارى بۇقارالىق قىزمەت قابىلەتىن جوعارىلاتۋدىڭ مىندەتتى ساباعى.
”ءار جولى بۇقارامەن بەتپە - بەت جۇزدەسكەن سايىن، جۇرەگىمىز ەتەنە جاقىنداسقانداي سەزىنەمىن“. جىجياڭ ولكەسىنىڭ زەينەتكە شىققان كادرى شۇي جيانحۋا كوپتەگەن اۋدان، قالالاردىڭ اكىمى، اۋداندىق پارتكومنىڭ شۋجيى بولعان. ول بىلاي دەپ قارادى: بۇقارامەن ءبىر ورىندىقتا وتىرىپ، ءبىر ۇستەلدە قورالانا، دەن قويا اڭگىمەلەسىپ، تەرەڭ تالداۋ جاساعاندا عانا، ماسەلەنىڭ ءتۇيىنىن ءداپ باسىپ تاۋىپ، شىنايى تۇردە دالمە - ءدال شارا قولدانۋعا بولادى.
20 جىلدان بەرى جىجياڭ ولكەسى ”پۋجياڭ تاجىريبەسىنە“ قاتىستى تۇزىمدىك ورنالاستىرۋلاردى ۇزدىكسىز كەمەلدەندىرىپ، ءار دارەجەلى باسشى كادرلاردىڭ تومەننىڭ حال - جاعدايىن ۇعىسۋ، ارىز - ارمان قابىلداۋ قىزمەتىنە جۇمىس باعدارناماسىن ازىرلەدى.
جىجياڭ ولكەلىك پارتكوم قوعامدىق قۇرىلىس كوميتەتىنىڭ ارناۋلى مىندەتتەگى ورىنباسار مەڭگەرۋشىسى سۇن جىجۇن اۋداندىق پارتكومنىڭ شۋجيى بولعان كەزىندە ”پۋجياڭ تاجىريبەسى“ بويىنشا تومەننىڭ حال - جاعدايىن ۇعىسۋ بارىسىندا گازەتتە، سايتتا الدىن الا حابارلاپ، بۇقارانى بەتپە - بەت قابىلداپ، جالپى بارىستى جابىق باسقارىپ وتىردى. ”مەيلى قانداي قىزمەت ورنىندا بولسىن، مۇنداي بۇقارالىق قىزمەت ءادىسى جەتەكشىلىك مانگە يە“، - دەدى سۇن جىجۇن.
”پۋجياڭ تاجىريبەسى“ تاڭداۋلى ءداستۇرىن كۇش سالا ساۋلەلەندىرۋدە نازاردى ماسەلەگە شوعىرلاندىرىپ، ناقتى ىستەپ، جاۋاپكەرشىلىك ارقالاپ، قاداعالاۋدى، رەتتەۋ - تۇزەتۋدى ويداعىداي يگەرۋ كەرەك.
شي جينپيڭ جولداس پۋجياڭدا تومەننىڭ حال - جاعدايىن ۇعىسقاننان كەيىن بىلاي دەدى: باسشى كادرلاردىڭ تومەننىڭ حال - جاعدايىن ۇعىسۋىنىڭ تەتىگى بۇقارا ءۇشىن ماسەلەنى شەشۋ، قايشىلىقتى شەشۋ. ەگەر ءار رەت تومەننىڭ حال - جاعدايىن ۇعىسۋعا بارعان سايىن، ەشقانداي ءىس جۇزىندىك ماسەلە شەشىلمەسە، تەك فورماشىلدىققا سالىنىپ، كوز بوياۋشىلىق ىستەلسە، كەرىسىنشە ءتىپتى دە زور كەرى ىقپال تۋدىرادى“.
تومەننىڭ حال - جاعدايىن ۇعىسۋ، بۇقارانى قابىلداۋ باسشى كادرلاردىڭ قابىلەتى مەن ورەسىن سىنايتىن ۇلكەن ەمتيحان الاڭى، ارىز ايتا كەلگەن بۇقارا − ەمتيحان الۋشى، ارىز - ارمان دەلوسى − ەمتيحان سۇراۋى، بۇقارانىڭ رازى بولۋى − مۇنىڭ جاۋابى.
”پۋجياڭ تاجىريبەسىنىڭ“ قىزمەت ءادىسى بويىنشا، باسشى كادرلار تومەننىڭ حال - جاعدايىن ۇعىسۋدان بۇرىن، قاراستى جەرلەردە قىستاقتارعا بارىپ، وتباسىلاردى ارالاپ تەكسەرۋ - زەرتتەۋ جۇرگىزىپ، بۇقارانىڭ ءبىر مەزگىلدەگى پارتيا مەن ۇكىمەت قىزمەتى جونىندەگى ءبىرشاما شوعىرلى پىكىرىن انىقتاۋ كەرەك؛ ارىز - ارمان قابىلداعاندا، بۇقارا اڭىس ەتكەن ماسەلەلەردى تۇرگە ءبولىپ تالداۋ جاساپ، زەرتتەۋ جۇرگىزىپ، دالمە - ءدال ءبىر جاقتى ەتۋ پىكىرىن بەرەدى؛ ارىز - ارمان قابىلداعاننان كەيىن، نىشاندىق، نىسايلىق ماسەلەلەر جونىندە بىتىرۋگە تاپسىرۋ قۋزاۋ تەبىنىن ارتتىرادى.
ماسەلەنى رەتتەۋ - تۇزەتۋ دە نەگىزگى تاقىرىپتىق تاربيەنىڭ تۇتاس بارىسىنا سىڭىرىلگەن.
جىجياڭ ولكەلىك پارتكومنىڭ نەگىزگى تاقىرىپتىق تاربيە كەڭسەسىندەگى قاتىستى جاۋاپتى جولداس مىنالاردى ءبىلدىردى: ءبىر جاعىنان ۇيرەنىپ، ءبىر جاعىنان تەكسەرىپ، ءبىر جاعىنان تۇزەتۋگە تاباندى بولىپ، نازاردى تەكسەرۋ - زەرتتەۋدە بايقالعان ماسەلەلەرگە، بۇقارانىڭ اڭىسى كۇشتى بولعان ماسەلەلەرگە شوعىرلاندىرىپ، اسىرەسە، بۇقارا رازى بولماعان جەرلەردەن ماسەلەنى بايقاۋعا، ءتۇيىندى ءداپ باسىپ تابۋعا باسا ءمان بەرىپ، شىنداپ كىرىسىپ، قيىندىقتان تايسالماي، رەتتەۋ - تۇزەتۋدى ويداعىداي يگەرىپ، حالىق بۇقاراسىنا نەگىزگى تاقىرىپتىق تاربيەنىڭ ءىس جۇزىندىك ونىمدىلىگىن شىنايى سەزىندىرۋ كەرەك.
جىجياڭ ولكەلىك پارتكومنىڭ شۋجيى ي ليانحۇڭ بىلاي دەدى: جىجياڭداعى ءار دارەجەلى كادرلار ”پۋجياڭ تاجىريبەسىن“ ويداعىداي جالعاستىرىپ، ويداعىداي ساۋلەلەندىرىپ، ويداعىداي امالياتتا ايگىلەپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، نەگىزگى ساتىنى باسقارۋدى اناعۇرلىم كۇشەيتۋ جانە وندا جاڭالىق اشۋ كەرەك. ستيلدە بۇرىلىس جاساۋدى ىلگەرىلەتىپ، بۇكىل ولكەدەگى پارتيا مۇشەلەرىنىڭ، كادرلاردىڭ ءىس تىندىرىپ، ناتيجە شىعارۋ ىنتاسىن ۇزدىكسىز تاسقىنداتىپ، جاۋاپكەرشىلىك ارقالاعىسى كەلۋدى، باتىل جاۋاپكەرشىلىك ارقالاۋدى، جاۋاپكەرشىلىك ارقالاۋعا شەبەر بولۋدى سالتقا اينالدىرىپ، ستيلى پاك، سالتى دۇرىس ساياسي ەكولوگيانى بەكەمدەپ، دامىتىپ، ”پۋجياڭ تاجىريبەسىنىڭ“ داۋىرلىك قۇنىن ۇزدىكسىز ايگىلەۋ كەرەك.
وتكەندە سۇبەلى تابىستارعا قول جەتكىزدىك، الدا تاعى دا تىڭ بەلەسكە قاراي تالپىنا بەرۋىمىز كەرەك.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا وسى رەتكى نەگىزگى تاقىرىپتىق تاربيەنى وراي ەتىپ، پارتيانىڭ جاسامپاز نازارياسىمەن قارۋلانۋدى كۇشەيتىپ، بۇكىل پارتيانىڭ ماركسيزمدىك دەڭگەيىن ۇزدىكسىز جوعارىلاتىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتىپ، جاڭا جورىقتا ۇدەرە العا تارتۋعا زەيىن - زەردەنى، كۇش - قۋاتتى شوعىرلاندىرىپ، اسقاق جىگەرمەن قايراتتانا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋدە.
(تىلشىلەر ۋ حۋانچيڭ، جاۋ چاۋ، يۋان جىنيۇي، شاڭ ييىڭ، چۋ حاڭ، ۋ شۋايشۋاي)
(شينحۋا اگەنتتىگىنىڭ 8 - ايدىڭ 19 - كۇنى حاڭجوۋدان بەرگەن حابارى)
