انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 8 - ايدىڭ 19 - كۇنى ۇرىمجىدە پاكيستان جوسپار - دامۋ مينيسترلىگىنىڭ بۇرىنعى مينيسترى يكبالمەن جانە ونىڭ ساپارلاستارىمەن كەزدەستى.
ما شيڭرۇي اۆتونوميالى رايوندىق پارتكوم جانە ۇكىمەت اتىنان يكبال جانە ونىڭ ساپارلاستارىنىڭ شينجياڭعا كەلىپ 2023 - جىلعى (جۇڭگو) ازيا − ەۆروپا تاۋار ساۋدا كورمەسىنە قاتىناسقاندىعىن قارسى الدى ءارى پاكيستان جاقتىڭ جۇڭگونىڭ شينجياڭ ماسەلەسىندەگى ورىندى تۇرعىسىن باستان - اياق باتىل قولداپ كەلگەندىگىنە العىس ايتتى. ول بىلاي دەدى: پاكيستان جۇڭگونىڭ اينىماس دوسى. ءتوراعا شي جينپيڭ جۇڭگو − پاكيستان قارىم - قاتىناسىن دامىتۋعا ايرىقشا ءمان بەرەدى، جۇڭگو − پاكيستان ەكونوميكالىق ءدالىزى قۇرىلىسىنا ايرىقشا كوڭىل بولەدى، تاياۋدا جۇڭگو − پاكيستان ەكونوميكالىق ءدالىزى اشىلعاندىعىنىڭ 10 جىلدىعىن قۇتتىقتاۋ قيمىلىنا ارنايى قۇتتىقتاۋ حاتىن جولداپ، ءبىزدىڭ پاكيستانمەن ءار سالاداعى جوعارى دەڭگەيلى سەلبەستىكتى ونان ارى تەرەڭدەتۋىمىزگە قۋاتتى كۇش ۇستەدى. شينجياڭ − جىبەك جولى ەكونوميكالىق بەلدەۋى وزەكتى رايونى، جۇڭگو − پاكيستان ەكونوميكالىق ءدالىزىنىڭ باستالعان جەرى، جۇڭگو − پاكيستان قارىم - قاتىناسىن دامىتۋدا، ەكى جاقتى سەلبەستىكتى تەرەڭدەتۋدە، وڭىرلىك ەكونوميكالىق دامۋدى جەبەۋدە ماڭىزدى رول اتقارىپ وتىر، ءبىز جان - جاقتى سىرتقا ەسىك اشۋدى جەدەل ىلگەرىلەتۋدەمىز، ”ءبىر بەلدەۋ، ءبىر جول“ جەلى بويىنداعى ەلدەرمەن بولعان سەلبەستىك وراسان زور ورايعا ءدوپ كەلدى. تاياۋ جىلدان بەرى، شينجياڭ پاكيستاننىڭ جەرگىلىكتى ورنىمەن اۋىس - كۇيىستى، سەلبەستىكتى ۇزدىكسىز تەرەڭدەتىپ، ماڭىزدى جەتىستىكتەرگە قول جەتكىزدى. ءبىز ەكى ەلدىڭ مەملەكەت باسشىلارىنىڭ كەلىسكەن ماڭىزدى ورتاق تانىمدارىن مۇقيات تياناقتاندىرىپ، پاكيستان جاقپەن دامۋ ستراتەگياسىن دالمە - ءدال ءتۇيىلىستىرۋدى ىشكەرىلەي كۇشەيتىپ، شەكارالىق تۇرعىندار بازارىن بەلسەندىلىكپەن دامىتىپ، ساۋدا اينالىمى سەلبەستىك دەڭگەيىن جوعارىلاتىپ، ەكى جاق كاسىپورىندارىنىڭ اۋىس - كۇيىسىن جيىلەتىپ، ەنەرگيا سالاسى جانە گۋمانيتارلىق، وقۋ - اعارتۋ، ەمدەۋ سياقتىلاردا ءوزارا پايدا جەتكىزۋ سەلبەستىگىن كۇشەيتىپ، نازاردى تەمىر جول سياقتى نەگىزدىك قۇرىلعىلارعا شوعىرلاندىرىپ، وتكەلدى ۇلاستىرۋ دەڭگەيىن جوعارىلاتىپ، ەكى جاق سەلبەستىگىنىڭ اناعۇرلىم كەڭ كولەمگە، اناعۇرلىم كەڭ سالاعا، اناعۇرلىم تەرەڭ قاتپارلى ساتىعا قاراي قادام تاستاۋىن ۇزدىكسىز ىلگەرىلەتىپ، جۇڭگو − پاكيستان ەكونوميكالىق ءدالىزى قۇرىلىسىنىڭ اناعۇرلىم كوپ ناقتى سيپاتتى جەتىستىكتەرگە قول جەتكىزىپ، ەكى ەل قارىم - قاتىناسىن تەرەڭدەتۋگە، ءداستۇرلى دوستىقتى نىعايتۋعا ءتىپتى دە كوپ ومىرشەڭدىك كۇش ۇستەۋدى قالايمىز.
يكبال مەن پاكيستان كەڭەس پالاتاسى مۇشەلەرىنىڭ ۋاكىلدەرى سوزدەرىندە بىلاي دەدى: ءتوراعا شي جينپيڭ ورتاعا قويعان ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ دامۋ امالياتى دۇنيە ءجۇزى بولاشاعىنىڭ تەتىگى قاقتىعىستا ەمەس، قايتا ىستەستىكتە ەكەندىگىن ايقىندادى. پاكيستان الەمدىك حاۋىپسىزدىك باستاماسىن، الەمدىك دامۋ باستاماسىن، الەمدىك وركەنيەت باستاماسىن قولدايدى. وتكەن 10 جىلدا جۇڭگو − پاكيستان ەكونوميكالىق ءدالىزى سىندى وسى ستراتەگيالىق ينجەنەريا قۇرىلىسىندا قول جەتىپ، پاكيستاننىڭ ەكونوميكالىق، قوعامدىق دامۋىنا وراسان زور ۇلەس قوستى. شينجياڭ جۇڭگو − پاكيستان ەكونوميكالىق ءدالىزى قۇرىلىسىندا وزگەشە رول اتقارادى، پاكيستاننىڭ جۇڭگوعا كىرەتىن قاقپاسى. ەكى جاقتىڭ بىرلەسكەن قىزمەت مەحانيزمىن ونان ارى قۇرىپ، كەمەلدەندىرىپ، قولايلى شارت - جاعدايدى بەلسەندىلىكپەن جاراتىپ، شەكارالىق تۇرعىندار بازارى، ساۋدا بارىس - كەلىسى، ەگىن، مال شارۋاشىلىق تەحنيكاسى، جوعارى دارەجەلى وقۋ - اعارتۋ، قاتىناس - تاسىمالدى ۇلاستىرۋ، تۇتاستىرۋ سياقتى سالالاردى توڭىرەكتەي وتىرىپ اۋىس - كۇيىستى، سەلبەستىكتى تەرەڭدەتىپ، سەلبەستىك نيەتىن اناعۇرلىم كوپ ناقتى جەتىستىككە شىنايى اينالدىرۋدى ۇسىنىس ەتەمىز.
چىن ۋيجۇن، قايسار ابدۇكەرىم، پاكيستاننىڭ جۇڭگو − پاكيستان ەكونوميكالىق ءدالىزى ىستەرىنە قاتىستى مامان - وقىمىستىلارى، جۇڭگودا تۇراتىن ەلشىحانا قىزمەتكەرلەرى كەزدەسۋگە قاتىناستى.
