شينجياڭنىڭ ەرەكشە ونىمدەرى ”ءبىر بەلدەۋ، ءبىر جول“ جەلى بويىنداعى قالالارعا جەتكىزىلدى
انار بۇلت \ شينجياڭ گازەتىنىڭ تىلشىلەرى ءرايدا، ليۋ دۇڭلاي
ۋاڭ ۋىنحۇيمەن ءبىر رەتكى كەزدەيسوق ورايدا تانىستىق.
8 - ايدىڭ 15 - كۇنى ”سامعاۋ جولى − ’ءبىر بەلدەۋ، ءبىر جول‘ جەلى بويى جالپىلىق مەديالارىنىڭ كولەمدى حابارلاۋ قيمىلى“ شاعىن بولىمشە اترەتى حىنان ولكەسىنىڭ جىڭجوۋ قالاسىنا كەلدى. ءبىر كۇندىك تىلشىلىكتى اياقتاتىپ، كەشقۇرىم اسحانا ىزدەپ جۇرگەنىمىزدە، ويلاماعان جەردەن جول بويىنداعى ”شينجياڭ“ دەگەن جازۋ جازىلعان دۇكەندى كوزىمىز شالدى. شاعىن بولىمشە اترەت مۇشەلەرى قۋانا دۇكەنگە كىردىك.
جۇگەرى، ۇن، اشتى بۇرىش قويمالجىڭى، قاۋىن، قاربىز، شىلان، جاڭعاق، ايران، قارا ورىك شىرىنى، نايپي، ماقسارى مايى، قازى، سۋىق سۋ بالىعى... كوزدىڭ جاۋىن الاتىن شينجياڭنىڭ اۋىل شارۋاشىلىق قوسىمشا ونىمدەرىن كورگەن تىلشىلەر: ”زات ءتۇرى شينجياڭداعى ءىشىنارا ەرەن بازارلاردان دا تولىق ەكەن“، - دەپ تاڭ قالا ءسۇيسىندى.
”مەنىڭ دۇكەنىمدەگى كەيبىر ونىمدەردى شينجياڭنىڭ جەرگىلىكتى ورىننان ساتىپ الا المايسىڭ“! - دەدى زاتتارىن ىڭعايلاپ جاتقان ۋاڭ ۋىنحۇي بىزگە قاراپ ماساتتانا.
ءبىزدىڭ شينجياڭنان كەلگەنىمىزدى بىلگەننەن كەيىن، شينجياڭ تولى اۋدانىنان جىڭجوۋعا كەلىپ بازار اشقان ”80 - جىلداردىڭ تۇلەگى“ بولعان بۇل جىگىت قاتتى تەبىرەندى. ”كەلىڭىزدەر، وتىرىڭىزدار، اڭگىمەلەسەيىك. تاياۋدا دۇكەنىمىزگە كوپ زات كىرگىزىلدى، ءبىراز ءىشى بىلىعىپ تۇر، كوپشىلىك سوگە كورمەڭىزدەر“. شىنىمەن قوناعۋار شينجياڭدىق ەكەن، ۋاڭ ۋىنحۇي تىلشىگە ءوزىنىڭ اڭگىمەسىن بايانداپ بەردى.
ۋاڭ ۋىنحۇي − حىنان كۇنمانسى ساۋدا شەكتى سەرىكتەستىگىنىڭ باس ديرەكتورى. 2016 - جىلى جالعىز ءوزى حىنانعا كەلىپ، بازار اشادى، قازىرگى تاڭدا، سەرىكتەستىكتىڭ حىنان ولكەسىندە 80 نەشە شينجياڭ اۋىل شارۋاشىلىق قوسىمشا ونىمدەرى وداقتاس دۇكەنى بار.
”مەن ىلگەرى شينجياڭ شييۇيچۇن ءسۇت شارۋاشىلىعى تارباعاتاي اۋماعىنىڭ ۋاكىلەتتى ساۋداگەرى بولاتىنمىن، ءبىر كۇنى باسشى مەنى شاقىرىپ سويلەسىپ، مەنىڭ حىنانعا بارىپ بازار اشۋىمدى ءۇمىت ەتتى. باستابىندا ءبىراز نارازى بولدىم“، - دەدى ۋاڭ ۋىنحۇي، بىرنەشە رەت ءناسيحاتتاعاننان كەيىن، ول بارىپ سىناپ كورۋ تالعامىن جاسايدى، الايدا ءبىر اي تۇرعاننان كەيىن شينجياڭعا جاسىرىن قايتىپ كەلەدى. ”ناعىز شينجياڭ لاڭمانىن جەگىم كەلدى، شىداي المادىم“، - دەدى ۋاڭ ۋىنحۇي.
ساعىنعان لاڭمانىمدى جەگەننەن كەيىن، موينىندا ارقالاعان مىندەتى بار ۋاڭ ۋىنحۇي شينجياڭ ونىمدەرىن الىپ جىڭجوۋعا تاعى قايتىپ كەلەدى.
”العاشىندا بازاردى اشۋ ءبىراز قيىنداۋ بولدى. سول كەزدە شينجياڭ مەن حىنان اراسىنداعى قۇرلىق جولى زات اينالىم تاسىمالى قازىرگىدەي قولايلى ەمەس بولاتىن، ءسۇت ونىمدەرى ساپاسىنا كەپىلدىك ەتۋ ءۇشىن، اۋە تاسىمالى قولدانىلدى. تاسىمال وزىندىك قۇنى جوعارى بولعاندىقتان، حىناننىڭ جەرگىلىكتى ورنىنداعى ءسۇت ونىمدەرىمەن بولعان باسەكەدە ىرىقسىز كۇيدە قالدىق“، - دەدى ۋاڭ ۋىنحۇي.
الايدا ساپاسى مىقتى، ونىڭ ۇستىنە ۋاڭ ۋىنحۇي قاجىماي - تالماي جالپىلاستىرعاندىقتان، شينجياڭنىڭ ءسۇت ونىمدەرى بىرتىندەپ حىنان تۇتىنۋشىلارى جاعىنان مويىندالدى. 2018 - جىلى ۋاڭ ۋىنحۇيدىڭ جىڭجوۋداعى تۇڭعىش شينجياڭ ەرەكشە ونىمدەر دۇكەنى اشىلدى. ”سول كەزدە شييۇيچۇن ءسۇت ونىمدەرىن ساتاتىنمىن، ءبىراق ءتۇرى جالاڭ، ۇزاق بولاشاقتىق، ورنىقتى دامۋ ءۇشىن مول ءونىم ءتۇرى قاجەت بولدى“، - دەدى ۋاڭ ۋىنحۇي.
”ءبىر بەلدەۋ، ءبىر جولدى“ بىرگە قۇرۋ باستاماسىنىڭ العا قويىلۋىنا ىلەسە، جەلى بويىنداعى قالالاردىڭ دامۋى تەزدەپ، سايكەستى قۇرىلعىلار بىرتىندەپ كەمەلدەندى. ”اسىرەسە، زات اينالىمى تاسىمال ونىمدىلىگىنىڭ ۇزدىكسىز جوعارىلاۋى بىزگە تاماشا دامۋ كەڭىستىگىن ازىرلەدى“، - دەدى ۋاڭ ۋىنحۇي، بۇرىن جالاڭ ءسۇت ونىمدەرىن عانا ساتۋدان قازىرگە دەيىن شينجياڭنىڭ 400دەن استام ەرەكشە ءونىمىن ساتۋعا دەيىن ونىڭ زات ساتۋ جولى بارعان سايىن كەڭەيدى.
اڭگىمەلەسكەن كەزدە ۋاڭ ۋىنحۇي توقتاۋسىز تەلەفون قابىلدادى. ”رەنجىمەڭىزدەر، ءبارى تاپسىرىس. ءبىز تاپسىرىس ءتۇزىمى بويىنشا ساتۋ ۇلگىسىن قولدانىپ، حىنان ولكەسىندە 80نەن استام وداقتاس دۇكەن قۇردىق. سونىمەن بىرگە جەر - جەردىڭ ءسۇت پۋنكتى، الەۋمەتتىك اۋماق قولايلى دۇكەنى سياقتى ساتۋ جولدارى ارقىلى حىنان تۇتىنۋشىلارىنىڭ شينجياڭنىڭ ءتۇرلى ساپالى اۋىل شارۋاشىلىق قوسىمشا ونىمدەرىنەن دەر كەزىندە ءدام تاتۋىنا مۇمكىندىك جاسادىق“، - دەدى ۋاڭ ۋىنحۇي.
”7 جىل وتە شىقتى، تاعى دا شينجياڭنىڭ لاڭمانىن جەۋ ءۇشىن قايتاسىز با“؟
”جوق، حىناندا قازىر ناعىز شينجياڭ اسحاناسى وتە كوپ“.
ۋاڭ ۋىنحۇي تىلشىگە بىلاي دەدى: حىناندا بازار اشقان 7 جىلدان استام ۋاقىتتا ونىڭ ساۋداسى بارعان سايىن كەڭەيىپ، ءوزى سياقتى بازار اشۋعا كەلگەن شينجياڭدىقتار دا بارعان سايىن كوبەيدى. ”شينجياڭ مەن حىناننىڭ ارالىعى 3000 كيلومەتر بولعانىمەن، ’ءبىر بەلدەۋ، ءبىر جول‘ قۇرىلىسىنىڭ ۇزدىكسىز تەرەڭدەۋىنە ىلەسە، ەكى جەردىڭ ۋاقىت، كەڭىستىك جاعىنداعى ارالىعى بىرتىندەپ جاقىنداي ءتۇستى. شينجياڭنىڭ جەر - جەرىندەگى ۇكىمەتتەر حىنانعا كەلىپ ساۋداگەر شاقىرىپ قارجى ەنگىزدى، حىناندىقتاردىڭ كوبى شينجياڭعا كەلىپ قارجى قوسىپ، شارۋاشىلىقتى گۇلدەندىرىپ، شينجياڭدى ەكىنشى مەكەنىنە بالادى. ال ءبىز سياقتى حىنانعا كەلىپ قارجى قوسىپ، شارۋاشىلىعىن گۇلدەندىرەتىن شينجياڭدىقتار دا بارعان سايىن كوبەيدى“.
”ءسىزدىڭ ارمانىڭىز نە“؟
”شينجياڭنىڭ ەرەكشە ونىمدەرىن ’ءبىر بەلدەۋ، ءبىر جول‘ جەلى بويىنداعى ءتىپتى دە كوپ قالاعا جەتكىزۋ“.
