− تاۋار ساۋدا كورمەسىنىڭ كەلىسىم جاساسۋ قيمىلى جونىندە شولۋ
انار بۇلت \ شينجياڭ گازەتىنىڭ تىلشىلەرى لي ياڭ، ۋاڭ نا
ەسىك اشۋ وراي الا كەلدى، سەلبەستىك تەڭ يگىلىككە كەنەلۋدى جەبەدى. 8 - ايدىڭ 18 - كۇنى 2023 - جىلعى (جۇڭگو) ازيا − ەۆروپا تاۋار ساۋدا كورمەسى ماڭىزدى ءساتتى قارسى الدى − ساۋداگەر شاقىرىپ قارجى ەنگىزۋدەگى ءتۇيىندى نىساندار جونىندە كەلىسىم جاساسۋ سالتى وتكىزىلدى.
وسى كەزەكتى تاۋار ساۋدا كورمەسى ەل نازارىن اۋدارىپ عانا قويماي، ونان دا ماڭىزدىسى، ”قارجى باۋرادى − 273 كەلىسىم جاساسۋ نىسانى جينالىپ، كەلىسىم جالپى سوماسى 493 ميلليارد 212 ميلليون يۋان بولدى، مۇنىڭ ىشىندە 1 - مەرزىمدىك جوسپارداعى قوسىلاتىن قارجى 147 ميلليارد يۋان بولىپ، كەلىسىم جالپى سوماسى 2021 - جىلعى (جۇڭگو) ازيا − ەۆروپا تاۋار ساۋدا كورمەسىندەگىمەن سالىستىرعاندا 52. 1 ەسە ارتتى.
كوزدىڭ جاۋىن الاتىن ساندار جۇرتتى جەلپىندىردى، نەشە 100 ميلليارد يۋاندىق قارجى قوسۋ دۋماندى قيمىلدارى تاۋار ساۋدا كورمەسىنىڭ شينجياڭنىڭ جوعارى دەڭگەيدە سىرتقا ەسىك اشۋىن ىلگەرىلەتەتىن، ءار جاقپەن ەكونوميكا - ساۋدا سەلبەستىگىن تەرەڭدەتەتىن ماڭىزدى تۇعىر رەتىندەگى كۇشتى باۋراۋ قۋاتىن تولىق ايگىلەدى. سونىمەن بىرگە شينجياڭنىڭ جوعارى ساپالى دامۋىنا پارمەندى قوزعاۋشى قۋات توپتادى.
قارجى قوسۋ ورلەۋى كوتەرىلدى −
شينجياڭنان زور ءۇمىت كۇتتى، سەنىمدەرى نىعايدى
دامۋ − داۋ جۇرمەيتىن شىندىق، قارجى قوسۋ − بۇلجىماس شارت - جاعداي، نىسان − بۇلجىماس تىرەك، مەيلى كاسىپ سالاسىن دامىتۋ، الدە حالىق تۇرمىسىن قامتاماسىز ەتۋ بولسىن، مەيلى قالا قۇرىلىسى، الدە ورتانى جاقسارتۋ بولسىن، بارلىعى دا ءاربىر نىسان قۇرىلىستارىن پارمەندى ىلگەرىلەتۋدەن قول ۇزە المايدى.
وسى رەتكى تاۋار ساۋدا كورمەسىندە كەلىسىم جاساسقان نىسانداردىڭ قارجى قوسۋ كولەمىنىڭ زور، كاسىپ سالاسىنىڭ جەتەكتەۋى كۇشتى، الدىڭعى مەرزىمدىك قىزمەتتەرى تىڭعىلىقتى بولىپ، كەلىسىم جاساسقان ەكى جاقتىڭ سەلبەستىك سەنىمىن تولىق ايگىلەدى“، - دەدى كەلىسىم جاساسۋ سالتىندا اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان.
سەنىم التىننان دا قىمبات. نەشە ءجۇز ميلليارد يۋان قارجى شينجياڭعا اعىلدى، كەلىسىم جاساسقان نىساندار جاڭا ەنەرگيا، جاڭا ماتەريال، ءتۇستى مەتال، كومىر حيميا ونەركاسىبى، توقىماشىلىق، كيىم - كەشەك، جابدىق جاساۋ، ساۋدا - زات اينالىمى، مادەنيەت - ساياحات سياقتى ءتۇرلى سالالاردى قامتىدى. قارجى قوسقان كاسىپورىندار اراسىندا تانىمالى مەملەكەت مەنشىگىندەگى كاسىپورىندار دا، ءارقايسى كاسىپ، سالاداعى حالىقتىق كاسىپورىندار دا بار. ايتا كەتۋگە تاتيتىنى، شينجياڭ سىرتىنداعى كاسىپورىندار 210 نىسان جونىندە كەلىسىم جاساسىپ، كەلىسىم سوماسى 368 ميلليارد 996 ميلليون يۋان بولىپ، ％ 81. 74 سالىستىرمانى يەلەدى. بەيجيڭ، جىجياڭ، گۋاڭدۇڭ، شاندۇڭ سياقتى 26 ولكە، رايون، قالادان كەلگەن كاسىپورىندار شينجياڭعا قارجى قوسۋدى تاڭدادى.
شينجياڭ − جاڭا داۋىردەگى قارجى قوسىپ شارۋاشىلىقتى شالقىتۋداعى ىرىستى جەر، ءبىز بۇعان مىعىم سەنىمدەمىز“، - دەدى مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى پارتكومىنىڭ شۋجيى، باس جورا لي حايچاۋ.
كەلىسىم جاساسۋ سالتىندا بۇل سەرىكتەستىك توقسۇن اۋدانىمەن ”حيشان كەن رايونى جاڭاشا زەردەلى تاسىمال جۇيەسى قۇرىلىسىن جاڭادان سالۋ نىسانى“ جونىندە كەلىسىم جاساستى، 8 ميلليارد يۋان قارجى قوسىپ، زەردەلى اۋە رەليستىك جۇيەسىن، كومىردى ساقتاۋ - تاسۋ، تيەۋ - ءتۇسىرۋ جۇيەسىن جانە تەمىر جول اينالما جەلىسى مەن الاڭ - ۆوگزال جۇيەسىن قۇرۋدى جوسپارلادى. بۇل نىسان حيشان كەن رايونىنىڭ تاسىمال جانە قۋاتتى ارتتىرۋ قاجەتىن قاناعاتتاندىرىپ، كەشەندى تاسىمال ونىمدىلىگىن جوعارىلاتادى، جاسىل كەندى دامىتۋ تالابىنا ۇيلەسەدى.
شينجياڭنىڭ ەنەرگيا بايلىعى مول، شوعىرلى، وڭىرلىك ورىن باسىمدىعى كورنەكتى، مەملەكەتتىڭ ەنەرگيا حاۋىپسىزدىگىن قامتاماسىز ەتۋدە ماڭىزدى ستراتەگيالىق ورىنعا يە. مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى − مەملەكەتتىڭ ”ءۇش بازا، ءبىر ارنا“ ستراتەگياسىندا ەنەرگيامەن قامدايتىن ماڭىزدى كاسىپورىن جانە شينجياڭداعى كومىر ءوندىرىس قۋاتىنىڭ كولەمى ەڭ زور كاسىپورىن، ”كومىر، ەلەكتر، تاسىمال، حيميا ونەركاسىبى“ ءبىر تۇلعالانعان كاسىپ سالاسى ورنالاسىمىن العاشقى قادامدا قالىپتاستىردى. وسى رەتكى كەلىسىم − سەلبەستىك جاساپ، تەڭ يگىلىككە كەنەلۋ جونىنەن قوس باعىتتا اتتانۋ بولىپ تابىلادى.
”وسى ارانىڭ كورنەكتى وڭىرلىك ورىن باسىمدىعى، كومەسكى بازار كەڭىستىگى، تاماشا قارجى قوسۋ ورتاسى سياقتى كوپ جاقتى فاكتورلارىن ۇناتقاندىعىمىز سەبەپتى، ءبىز تۇمشۇق قالاسىندا قارجى قوسۋدى تاڭدادىق“. 8 - ايدىڭ 17 - كۇنى بيڭتۋاندا وتكىزىلگەن ساۋداگەر شاقىرىپ قارجى ەنگىزۋدى تانىستىرۋ ماجىلىسىندە جانە نىساندار جونىندە كەلىسىم جاساسۋ سالتىندا، شينجياڭ حۋاڭجيا ەمدەۋ عىلىم - تەحنيكا شەكتى سەرىكتەستىگىنىڭ باس ديرەكتورى ۋاڭ تىڭفي بىلاي دەدى: سەرىكتەستىك ”مەديتسيناعا قولدانىلاتىن، حالىق تۇرمىسىنا قولدانىلاتىن، ەڭبەككە پايدالانىلاتىن قولعاپ ءوندىرىس جەلىسى نىسانى“ جونىندە كەلىسىم جاساستى، بۇعان جالپى ءبىر ميلليارد 500 ميلليون يۋان قارجى قوسىلادى، بولاشاقتا اناعۇرلىم كوپ ونىمدەردى ورتا ازيا بازارىنا ەكسپورت ەتەتىن بولامىز.
جوعارى ساپالى دامىدى −
نازادى”8 ءىرى كاسىپ سالاسى شوعىرىنا“ شوعىرلاندىردى
جاڭا ەنەرگيا + ەلەكتر اۋىستىرۋ (كەن) كارتاسى جاسىل ەلەكتر قاتىناسىنان ۇلگى كورسەتۋ نىسانى“، ”جىلىنا 150 مىڭ توننا تەريلەن حيميالىق تالشىعىن، 250 مىڭ ۇرشىقتى گاز اعىنى ارقىلى ءجىپ ءيىرۋ جابدىعىن، 500 دانا توقۋ ماشيناسىن ءوندىرۋ قۇرىلىسى نىسانى“، ”جىلىنا 80 مىڭ توننا ليتي توتىعى گيدراتىن ءوندىرۋ جانە ونىڭ سايكەستى ۇنتاقتاۋ - قالقىتۋ سەحى نىسانى“... كەلىسىم جاساسقان نىسان كەستەسىن پاراقتاپ كورسەڭىز، قارجى قوسۋشى جاقتىڭ ”8 ءىرى كاسىپ سالاسى شوعىرىنا“ قاراي اناعۇرلىم شوعىرلانا تۇسكەندىگى وسى رەتكى تاۋار ساۋدا كورمەسىندە كەلىسىم جاساسقان نىسانداردىڭ ءبىر ۇلكەن ەرەكشەلىگى ەكەندىگىن بايقاۋ قيىن ەمەس. شينجياڭنىڭ كاسىپ سالاسى ورنىنا جانە دامۋ قاجەتىنە ۇيلەسەتىن، جالپىلىق باسىمدىعىن تولىق ساۋلەلەندىرەتىن ءبىر توپ نىساندار وسىزاماندانعان كاسىپ سالاسى جۇيەسىن جەدەل قۇرۋدىڭ ماڭىزدى جەتەكشىسىنە اينالدى.
وسىمەن بىرگە جوعارى ساپالى دامۋ − شينجياڭنىڭ ساۋداگەر شاقىرىپ قارجى ەنگىزۋدەگى ”تومەنگى سىزىعى“. كاسىپ سالاسى باسىمدىعىن ”تۇتاستىرىپ“، دامۋ قوزعاۋشى قۋاتىن ”شوعىرلاندىرىپ“، كاسىپ سالاسى قۇرىلىمىنىڭ ورتا، جوعارى دەڭگەيگە قاراي ارشىنداي قادام تاستاۋىن، ارتۋ قوزعاۋشى قۋاتىنىڭ جاڭالىق اشۋعا دەم بەرۋگە قاراي اۋىسۋىن، كاسىپ سالاسى قۇنىنىڭ جوعارى ۇستەمە قۇنعا قاراي كوتەرىلۋىن ىلگەرىلەتىپ، باسىم كاسىپ سالاسىنىڭ تىزبەكتى ۇزارتۋىن، تىزبەكتى تولىقتاۋىن، تىزبەكتى كەڭەيتۋىن، تىزبەكتى كۇشەيتۋىن جەبەۋ − وسى توپتا كەلىسىم جاساسقان نىسانداردىڭ ورتاق ەرەكشەلىگى.
وسى كەزەكتى تاۋار ساۋدا كورمەسىندە قۇمىل ۋاكىلدەر ۇيىرمەسى جالپى 16 نىسان جونىندە كەلىسىم جاساسىپ، كەلىسىم جالپى سوماسى 41 ميلليارد 333 ميلليون يۋان بولدى، ول وسى زامانعى كومىر حيميا ونەركاسىبى، جەل ەلەكترى، فوتوۆولت، ەنەرگيا ساقتاۋ، جابدىق جاساۋ سياقتى سالالاردى قامتىپ، ”ءىرى بولۋ“، ”جاڭا بولۋ“، ”ارنايى بولۋ“ سىندى ەرەكشەلىكتى ايگىلەدى. اراتۇرىك اۋداندىق حالىق ۇكىمەتى حىنان لۇڭچىڭ توبى شەكتى سەرىكتەستىگىمەن جىلىنا 15 ميلليون توننا كومىردى دارەجەگە ايىرىپ، ساپاعا ايىرىپ ساتىلى پايدالانۋ نىسانى جونىندە كەلىسىم جاساستى، بۇعان قوسىلاتىن جالپى قارجى 8 ميلليارد 500 ميلليون يۋانعا جەتەدى. اۆتونوميالى رايوننىڭ ءتۇيىندى نىسانى رەتىندە، بۇل نىسان نىق قاداممەن ىلگەرىلەۋدە.
حىنان لۇڭچىڭ توبى شەكتى سەرىكتەستىگى پارتكومىنىڭ شۋجيى، باس جورا جۋ شۋچىڭ بىلاي دەدى: ”قۇمىلدا مول ماي كومىر بايلىعى بار. ءبىزدىڭ دەربەس، جاسامپازدىقپەن زەرتتەپ اشقان تومەن قاباتتى كومىردى تومەن تەمپەراتۋرادا جىلۋدان ىدىراتۋ تەحنيكامىز ءبىر قىدىرۋ قيىن ماسەلەلەردەن قامال الىپ، شىعىنى از، لاس زاتتاردى شىعارۋى از، وزىندىك قۇنى تومەن، تازا، جوعارى ءونىمدى ەنەرگيا جانە جوعارى ۇستەمە قۇندى حيميالىق بۇيىمدارعا بىردەي يە بولاتىن كومىردى جوعارى ءونىمدى، تازا پايدالانۋ جولىن دامىتتى، دامۋ بولاشاعىمىز ەرەكشە جارقىن.
گۋاڭحۇي ەنەرگيا جارنا شەكتى سەرىكتەستىگى اراتۇرىك اۋداندىق حالىق ۇكىمەتىمەن ”جىلىنا 3 ميلليون توننا كومىر قىشقىل گازىن جيناۋ، قۇبىرمەن جەتكىزۋ جانە ماي شىعارۋدى ءبىر تۇلعالاندىرۋ نىسانى“ جونىندە كەلىسىم جاساستى. كومىر قىشقىل گازىن شىعارۋ كومىر حيميا ونەركاسىبى كاسىپ سالاسىنىڭ ۇزاق ۋاقىت، باياندى دامۋىنا ىقپال كورسەتەتىن ماڭىزدى ءتۇيىن، قيىن ءتۇيىن، كومىر قىشقىل گازىن جيناپ پايدالانۋ مەن پەشەتتەپ ساقتاۋ (CCUS) تەحنيكاسىنىڭ قولدانىلۋى كومىر قىشقىل گازىنا ورتا سيىمدىلىعىن شىعارىپ، كومىر حيميا ونەركاسىبى كاسىپ سالاسىنىڭ تومەن كومىر قىشقىل گازدى بولۋعا قاراي ويىسۋىن ىلگەرىلەتەدى.
وسى كەزەكتى تاۋار ساۋدا كورمەسىندە سانجى حۇيزۋ اۆتونوميالى وبلىسى جالپى 17 نىسان جونىندە كەلىسىم جاساستى، بۇعان جالپى 102 ميلليارد 600 ميلليون يۋان قارجى قوسىلادى. سانجى وبلىستىق پارتكومنىڭ ورىنباسار شۋجيى، وبلىس باستىعى جىڭ مين بىلاي دەدى: سانجى وبلىسى اۆتونوميالى رايوننىڭ ”8 ءىرى كاسىپ سالاسى شوعىرىنا“ تۋرالانىپ، ءتۇيىندى كاسىپ سالاسىن دامىتۋ، حالىق تۇرمىسىن قامتاماسىز ەتۋ جانە جاقسارتۋ، نەگىزدىك قۇرىلعى قۇرىلىسى سياقتى جاقتاردا ءبىر توپ ءتۇيىندى نىسانداردى دالمە - ءدال جوسپارلاپ، تۇلعالاپ، تىزبەكتى ۇزارتۋعا، تىزبەكتى تولىقتاۋعا، تىزبەكتى كەڭەيتۋگە، تىزبەكتى كۇشەيتۋگە كۇش سالىپ، جوعارى ساپالى دامۋعا مىعىم تىرەك ازىرلەدى.
ساپالى قىزمەت وتەدى −
”ەڭ تاماشا سەرىكتەس“ بولدى
كاسىپورىنداردىڭ شينجياڭعا جابال ۇمىتپەن قاراۋى تۇتاس رايونداعى جەر - جەردىڭ ساۋداگەر شاقىرىپ قارجى ەنگىزۋ جاعىندا دالمە - ءدال كۇش سالعاندىعىنىڭ جانە شارۋاشىلىق - ساۋدا ورتاسىن ۇزدىكسىز ساپالىلاندىرعاندىعىنىڭ ارقاسى.
لي شۋاننىڭ قول قويۋ سالتىندا ايتقانىنداي، تۇتاس رايونداعى ءار دارەجەلى ساۋدا ىستەرى، ساۋداگەر شاقىرۋ تاراۋلارى ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، تۇيىندە تۇرىپ ساۋداگەر شاقىرۋ، شاعىن بولىمشە اترەت ساۋداگەر شاقىرۋ، بۇلتتىق ساۋداگەر شاقىرۋ سياقتى قيمىلداردى كەڭ كولەمدە، جوعارى جيىلىكتە ورىستەتتى، تۇتاس رايوننىڭ ساۋداگەر شاقىرىپ قارجى ەنگىزۋ قىزمەت ونىمدىلىگى كورنەكتى بولدى.
تۇرپان قالالىق ساۋدا ىستەرى مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى لي يۇڭشيان بىلاي دەدى: تۇرپان قالاسى ساۋداگەر شاقىرىپ قارجى ەنگىزۋدە ”ءبىرىنشى باسشى“ ينجەنەرياسىن اتقاردى، ءارقايسى رايوننىڭ، اۋداننىڭ پارتيا، ۇكىمەت نەگىزگى باسشىلارى ”باستاماشىلدىقپەن قولباسشىلىق ەتىپ“، باستاماشىلدىقپەن ساۋداگەر شاقىرىپ، ىرىقتىلىقپەن ساۋداگەر شاقىرىپ، دالمە - ءدال ساۋداگەر شاقىرىپ، حۋناننىڭ چاڭشاسىندا ساۋداگەر شاقىرىپ قارجى ەنگىزۋدى تانىستىرۋ ءماجىلىسىن وتكىزدى. 7 - ايدىڭ اياق شەنىندە اشىلعان اۆتونوميالى رايوندىق مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ، فينانس قۇرىلىمدارىنىڭ تۇرپان قالاسى ەكونوميكاسىنىڭ جوعارى ساپالى دامۋىنا كۇش ۇستەۋىن ىلگەرىلەتۋ ءماجىلىسى دە ۇكىمەت پەن كاسىپورىنداردى ءتۇيىلىستىرۋ، كاسىپ سالاسىن ءتۇيىلىستىرۋ، نىسانداردى ءتۇيىلىستىرۋ تۇعىرىن ىشكەرىلەي ورناتتى.
سانجى وبلىسى”’تىزبەكتەگى‘ سانجى، جىبەك جولىمەن توعىسۋ“ ساۋداگەر شاقىرۋ ماركاسىن قۇلشىنا تۇلعالاپ، ساۋدا ىستەرى كەڭەسى، ۇكىمەت پەن ساۋداگەرلەر كەڭەسى، كاسىپورىنشىلاردىڭ بۇكپەسىز كەڭەسى سياقتى كوپ ءتۇرلى فورمالاردى قولدانىپ، اۆتونوميالى رايوننىڭ ”8 ءىرى كاسىپ سالاسى شوعىرىن“ تىعىز ارقاۋ ەتە وتىرىپ، كاسىپ سالاسى تىزبەگى ارقىلى ساۋداگەر شاقىردى. كەزەكتە ”’تىزبەكتەگى‘ سانجى، جىبەك جولىمەن توعىسۋ“ ماركاسى ساۋداگەر شاقىرۋ قيمىلىن جالپى 4 رەت ورىستەتىپ، جيىنى 59 نىسان جونىندە كەلىسىم جاساسىپ، كەلىسكەن سوماسى 111 ميلليارد يۋاننان استى.
”ءبىز ەڭ ساپالى شارۋاشىلىق - ساۋدا ورتاسىن شىن پەيىلمەن تۇلعالاپ، نىسان راسمياتىن ءبىتىرۋ جاسىل ارناسىن اشىپ، نىسانداردىڭ تياناقتانۋ مولشەرىن ’ءبىرىنشى ولشەم‘، كاسىپورىنداردىڭ قاجەتىن ’ءبىرىنشى سيگنال‘ ەتىپ، كاسىپورىنشى دوستاردىڭ ’ەڭ تاماشا سەرىكتەسى‘ بولامىز دەپ سالتاناتتى تۇردە ۋادە بەرەمىز“، - دەدى ىلە قازاق اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي.
ءۇرىمجى قالاسى ميدۇڭ رايونى 4 كاسىپورىنمەن جالپى سوماسى 10 ميلليارد 800 ميلليون يۋان كەلەتىن 4 نىسان جونىندە كەلىسىم جاساستى، ول فوتوۆولت جاڭا ەنەرگياسى، عىلىم - تەحنيكادا جاڭالىق اشۋ باقشاسى، قورا - جاي كاسىبىن اشۋ سياقتىلاردى قامتيدى. شينجياڭ تۇڭفىڭچاڭ قۇرىلىستى دامىتۋ شەكتى سەرىكتەستىگى مەن ميدۇڭ رايونى ”شيڭلۇڭ · عىلىم - تەحنيكادا جاڭالىق اشۋ باقشاسى“ نىسانى جونىندە كەلىسىم جاساستى. بۇل سەرىكتەستىكتىڭ باس ديرەكتورى لي چياڭ: ميدۇڭ رايونىنىڭ تاماشا شارۋاشىلىق - ساۋدا ورتاسى مەنىڭ سەنىمىمدى نىعايتتى، - دەدى.
بيىل جىل باسىنان بەرى ميدۇڭ رايونى تەكسەرىپ بەكىتۋى ەڭ از، ءتارتىبى ەڭ قىسقا، وزىندىك قۇنى ەڭ تومەن، سەنىمدىلىگى ەڭ جاقسى، قىزمەت وتەۋى ەڭ جاقسى ”بەس ەڭ“ نىساناسىن العا قويدى. كاسىپورىنداردىڭ ”كون كورىسىنىڭ قيىنداۋىنا“ نازار اۋدارىپ، كاسىپورىنداردىڭ ”دامۋ قيىنشىلىعىن“ شەشىپ، 143 تيجارات تۇلعاسىنا ءبىر - بىرلەپ تەكسەرۋ جۇرگىزۋ بارىسىندا انىقتالعان 159 قيىنشىلىقتى، تالاپ - تىلەكتى تۇگەلدەي ءتۇيىلىستىردى ءارى شەشۋ شاراسىن ورتاعا قويدى.
ميدۇڭ رايوندىق پارتكومنىڭ ورىنباسار شۋجيى، ۇنەمىلىك ىستەرگە جاۋاپتى ورىنباسار رايون باستىعى لياڭ جىن مىنالاردى ءبىلدىردى: كەلىسىم باستاما عانا، ميدۇڭ رايونى الداعى جەردە قىزمەت وتەۋ قامتاماسىزدىعىن كۇشەيتىپ، راسمياتتاردى ءبىتىرۋدى تەزدەتىپ، نىسانداردىڭ ەرتەرەك تياناقتانۋىن، ەرتەرەك جۇمىس باستاۋىن، ەرتەرەك ونىمدىلىك كورسەتۋىن ىلگەرىلەتەدى.
